استفتاءات

جلد اول، حصہ اول*

آیت اللہ علی خامنہ ای *اصل کتاب کی جلد اول کے دو حصص کر دئے گئے ہیں

کتاب اجتہاد و تقلید

(ا)
س۱۔ تقلید کا واجب ہونا خود تقلیدی مسئلہ ہے یا اجتہادی ؟

ج۔ اجتہادی اور عقلی مسئلہ ہے۔

س۲۔آپ کے نزدیک احتیاط پر عمل کرنا بہتر ہے یا تقلید پر؟

ج۔ چونکہ احتیاط پر اس وقت عمل ہوسکتا ہے جب اس کے موارد و مواقع کو جانتا ہو اور احتیاط کے طریقوں سے واقف ہو اور ان دونوں کو بہت ہی کم لوگ جانتے ہیں اس کے علاوہ احتیاط پر عمل کرنے میں عام طور پر بہت زیادہ وقت صرف ہوتا ہے، اس بنا پر جامع الشرائط مجتہد کی تقلید بہتر ہے۔

س۳۔ احکام میں احتیاط کا دائرہ اور اس کے حدود فقہا کے فتووں میں کیا ہیں ؟ اور کیا سابق علماء کے فتووں کو بھی اس میں شامل کرنا واجب ہے؟

ج۔ وجود موارد میں احتیاط سے مراد ان تمام فقہی احتمالات کی رعایت کرنا ہے جن کے واجب ہونے کا احتمال پایا جاتا ہو۔

س۴۔ چند ہفتوں کے بعد میری بیٹی بالغ ہونے والی ہے اور اس وقت اس پر اپنے لئے مرجع تقلید کا انتخاب واجب ہو جائے گا اور چونکہ یہ امر اس کے لئے مشکل ہے لہذا اس سلسلہ میں ہماری ذمہ داری کیا ہے؟

ج۔ اگر وہ اس سلسلے میں اپنے شرعی وظیفہ کی جانب متوجہ نہ ہو تو اس سلسلے میں اس کی ہدایت و رہنمائی آپ کی ذمہ داری ہے۔

س5۔ مشہور ہے کہ موضوع کی تشخیص مکلف کا کام ہے اور حکم کی تشخیص مجتہد کے ذمہ ہے۔ پس جن موضوعات کی تشخیص مرجع خود کرتا ہے۔ ان کے بارے میں آپ کا کیا نظریہ ہے؟

کیا ا س تشخیص کے مطابق عمل کرنا واجب ہے کیونکہ ہم مرجع تقلید کو ایسے بہت سے موارد میں بھی دخیل پاتے ہیں ؟

ج۔ جی ہاں ! موضوع کو مشخص کرنا مکلف کا کام ہے لہذا اپنے مجتہد کی تشخیص کا اتباع مکلف پر واجب نہیں ہے، مگر یہ کہ وہ اس تشخیص سے مطمئن ہو یا موضوع کا تعلق استنباطی موضوعات سے ہو۔

س6۔ روزمرہ کے شرعی مسائل ، جن سے مکلف کا سابقہ پڑتا رہتا ہے ، کیا ان کا علم حاصل نہ کرنے والا گناہگار ہے؟

ج۔اگر شرعی مسائل کا علم حاصل نہ کرنا کسی واجب کے چھوٹ جانے یا فعل حرام کے ارتکاب کا سبب بنے تو گناہگار ہے۔

س7۔ جب ہم بعض کم علم لوگوں سے پوچھتے ہیں کہ تمھارا مرجع تقلید کون ہے؟ تو وہ کہتے ہیں ہم نہیں جانتے یا کہتے ہیں کہ فلاں مرجع کی تقلید کرتے ہیں جبکہ وہ خود کو اس بات کا پابند نہیں سمجھتے کہ اس کی توضیح المسائل کو دیکھیں اور اس کے مطابق عمل کریں۔ ایسے لوگوں کو اعمال کا کیا حکم ہے؟

ج۔ اگر ان کے اعمال احتیاط یا واقع یا اس مجتہد کے فتوے کے مطابق ہیں جس کی تقلید ان پر واجب تھی تو ان کو صحیح مانا جائے گا۔

س8۔ جن مسائل میں مجتہد اعلم احتیاط واجب کا قائل ہے، کیا ہم ان میں اس کے بعد کے اعلم کی طرف رجوع کرسکتے ہیں ؟ اور دوسر سوال یہ ہے کہ اگر اس کے بعد والا اعلم بھی اس مسئلہ میں احتیاط واجب کا قائل ہو تو کیا ہم اس مسئلے میں ان دونوں کے بعد والے اعلم کی طرف رجوع کرسکتے ہیں ؟ اور اگر تیسرا بھی اسی بات کا قائل ہو تو کیا ہم ان کے بعد والے اعلم کی طرف رجوع کریں گے ؟۔۔ الخ۔ اس مسئلہ کی وضاحت فرما دیجئے۔

ج۔ اس مجتہد کی طرف رجوع کرنے میں جو اس مسئلہ میں احتیاط کا قائل نہیں بلکہ اس میں ا سکا صریح فتویٰ موجود ہے، کوئی حرج نہیں ہے۔ ہاں اعلم فالاعلم کی رعایت کرنا ہو گی۔

تقلید کے شرائط

س۹۔ کیا ایسے مجتہد کی تقلید جائز ہے جس نے اپنی مرجعیت کے منصب کو نہ سنبھالا ہو اور نہ اس کا رسالۂ عملیہ موجود ہو ؟

ج۔ جو مکلف تقلید کرنا چاہتا ہے، اگر اس پر یہ ثابت ہو جائے کہ وہ جامع الشرائط مجتہد ہے تو اس میں کوئی حرج نہیں ہے۔

س10۔ کیا مکلف اس مجتہد کی تقلید کرسکتا ہے جس نے فقہ کے کسی ایک باب مثلاً نماز و روزہ میں اجتہاد کیا ہے، پس کیا وہ اس باب میں اس مجتہد کی تقلید کرسکتا ہے جس میں اس نے اجتہاد کیا ہے؟

ج۔ مجتہد متجزی کا فتویٰ خود اس کے لئے حجت ہے لیکن دوسروں کا اس کی تقلید کرنا محل اشکال ہے اگرچہ اس کا جائز ہونا بعید نہیں ہے۔

س11۔ کیا دوسرے ملکوں کے علماء کی تقلید جائز ہے ، خواہ ان تک رسائی بھی ممکن نہ ہو؟

ج۔ شرعی مسائل میں جامع الشرائط مجتہد کی تقلید میں یہ شرط نہیں ہے کہ مجتہد مکلف کا ہم وطن ہویا اس کے شہر کا رہنے والا ہو۔

س12۔ مجتہد اور مرجع تقلید میں جو عدالت معتبر ہے کیا وہ کمی یا زیادتی کے اعتبار سے اس عدالت سے مختلف ہے جو امام جماعت کے لئے ضروری ہے؟

ج۔ منصب مرجعیت کی اہمیت اور حساسیت کے پیش نظر مرجع تقلید میں احتیاط واجب کی بنا پر عدالت کے علاوہ یہ بھی شرط ہے کہ وہ اپنے سرکش نفس پر مسلط ہو اور دنیا کا حریص نہ ہو۔

س13۔ کیا زمان و مکان کے حالات سے واقف ہونا اجتہاد کی شرطوں میں سے ایک شرط ہے؟

ج۔ ممکن ہے بعض مسائل میں اس کا دخل ہو۔

س13۔ امام خمینی رحمۃ اللہ علیہ کے نزدیک مرجع تقلید کے لئے واجب ہے کہ وہ عبادات و معاملات کے علم پر مسلط ہونے کے علاوہ سیاسی ، اقتصادی ، فوجی ، سماجی اور قیادت و رہبری کے امور کا بھی عالم ہو۔ پھلے ہم امام خمینی رحمۃ اللہ علیہ کے مقلد تھے اور اب بعض افاضل علماء کی رہنمائی اور خود اپنی رائے کی بناء پر آپ کی تقلید کو واجب سمجھتے ہیں۔ اس طرح ہم نے قیادت و مرجعیت کو ایک جگہ پایا ہے۔ اس سلسلہ میں آپ کا کیا نظریہ ہے؟

ج۔ مرجع تقلید کی صلاحیت کی شرطیں ( ان امور میں جن میں ایک غیر مجتہد و محتاط پر اس کی تقلید ضروری ہے جس میں مقررہ شرطیں پائی جاتی ہوں ) ، تحریر الوسیلہ اور دوسری کتابوں میں تفصیل کے ساتھ مرقوم ہیں۔

لیکن شرائط کے اثبات کا مسئلہ اور فقہا میں سے تقلید کے لئے صالح شخص کی تشخیص خود مکلف کے نظریہ پر منحصر ہے۔

س14۔ تقلید میں مرجع کا اعلم ہونا شرط ہے یا نہیں ؟ اور اعلمیت کے معیار اور اس کے اسباب کیا ہیں ؟

ج۔ جن مسائل میں اعلم کے فتوے دوسروں سے مختلف ہیں ان میں اعلم کی تقلید احتیاطاً واجب ہے۔ اعلمیت کا معیار یہ ہے کہ وہ دوسرے مجتہدین سے احکام خدا کے سمجھنے اور الہی فرائض کا ان کی دلیلوں سے استنباط کرنے میں زیادہ مہارت رکھتا ہو۔ نیز اپنے زمانے کے حالات کو اس حد تک جانتا ہو جتنا احکام شرعی کے موضوعات کی تشخیص اور شرعی فرائض بیان کرنے کے لئے فقہی رائے کا اظہار کرنے میں ضروری ہے۔ کیونکہ زمانے کے حالات سے آگاہی کو اجتہاد میں بھی دخل ہے۔

س15۔ اگر اعلم میں تقلید کے لئے معتبر شرائط موجود نہ ہونے کا احتمال ہو ، ایسے میں اگر کوئی شخص غیر اعلم کی تقلید کر لے تو کیا اس کی تقلید کو باطل قرار دیا جا سکتا ہے؟

ج۔ صرف اس احتمال کی وجہ سے کہ اعلم میں ضروری شرائط موجود نہیں ہیں ، اختلافی مسئلہ میں بنا بر احتیاط واجب غیر اعلم کی تقلید جائز نہیں ہے۔

س16۔ اگر چند مسائل میں چند علماء کا اعلم ہونا ثابت ہو جائے ( اس حیثیت سے کہ ان میں سے ہر ایک کسی خاص مسئلہ میں اعلم ہے) تو ان کی طرف رجوع کرنا جائز ہے یا نہیں ؟

ج۔ تبعیض یعنی متعدد مراجع کی تقلید کرنے میں کوئی حرج نہیں ہے۔بلکہ اگر ہر مجتہد اس مسئلے میں اعلم ہو جس میں مکلف اس کی تقلید کر رہا ہے تو بنا بر احتیاط جس مسئلہ میں ان کے فتوے مختلف ہوں۔ ان میں بھی تبعیض واجب ہے۔

س17۔ کیا اعلم کی موجودگی میں غیر اعلم کی تقلید کی جا سکتی ہے؟

ج۔ ان مسائل میں غیر اعلم کی طرف رجوع کرنے میں کوئی حرج نہیں ہے جن میں اس کا فتویٰ اعلم کے فتوے کے خلاف نہ ہو۔

س18۔ مرجع تقلید کی اعلمیت کے سلسلہ میں آپ کا کیا نظریہ ہے ؟ اور اس پر آپ کی کیا دلیل ہے؟

ج۔ جب متعدد جامع الشرائط فقہا موجود ہوں اور اپنے اپنے فتووں میں اختلاف رکھتے ہوں تو احتیاط واجب یہ ہے کہ غیر مجتہد مکلف، مجتہد اعلم کی تقلید کرے، مگر یہ کہ اس کا فتویٰ احتیاط کے خلاف ہو، اور غیر اعلم کا فتویٰ احتیاط کے موافق ہو۔ اس کی دلیل سیرت عقلاء ہے، بلکہ اگر امر تعیین و تخییر میں دائر ہو جائے تو عقل بھی تعیین کا حکم دیتی ہے۔

س19۔ ہمارے لئے کس کی تقلید کرنا واجب ہے؟

ج۔ جامع الشرائط مجتہد اور مرجع کی تقلید واجب ہے بلکہ احوط یہ ہے کہ وہ مجتہد اعلم ہو۔

س20۔ کیا ابتداء سے میت کی تقلید کی جا سکتی ہے؟

ج۔ احتیاط واجب یہ ہے کہ ابتداء میں زندہ اور اعلم مجتہد کی ہی تقلید کی جائے۔

س21۔ ابتداء میں میت کی تقلید زندہ مجتہد کی تقلید پر موقوف ہوتی ہے یا نہیں ؟

ج۔ ابتداء میں میت کی تقلید کرنے یا میت کی تقلید پر باقی رہنے کا جواز زندہ مجتہد اعلم کی اجازت پر موقوف ہوتا ہے۔

اجتہاد اور اعلمیت کا اثبات اور فتوی حاصل کرنے کے طریقے

س22۔ دو عادل گواہوں کی گواہی سے ایک مجتہد کی صلاحیت ثابت ہو جانے کے بعد کیا اب میرے اوپر اس سلسلہ میں کسی اور سے بھی سوال کرنا واجب ہے ؟

ج۔ کسی معین جامع الشرائط مجتہد کی صلاحیت کے اثبات کے لئے اہل خبرہ (اہل علم)حضرات میں سے دو عادل گواہوں کی گواہی پر اعتماد کافی ہے اور اس سلسلہ میں مزید افراد سے سوال کرنا ضروری نہیں ہے۔

س23۔ مرجع تقلید کے انتخاب اور اس کا فتویٰ حاصل کرنے کے کیا طریقے ہیں ؟

ج۔ مرجع تقلید کے اجتہاد اور اس کی اعلمیت کے اثبات کے لئے ضروری ہے کہ یا انسان خود عالم ہو اور تحقیق کرے یا اسے علم حاصل ہو جائے چاہے ایسی شہرت کے ذریعہ ہی ، جس سے یقین ہو جائے یا اطمینان حاصل ہو جائے یا اہل خبرہ میں سے دو عادل گواہی دیں۔

مرجع تقلید سے فتویٰ حاصل کرنے کا طریقہ یہ ہے کہ خود اس سے سنے یا دو عادل نقل کریں بلکہ ایک ہی عادل کا نقل کرنا کافی ہے یا پھر ایسے معتبر انسان کا نقل کرنا بھی کافی ہے جس کی بات پر اطمینان ہو یا اس کی توضیح المسائل میں دیکھے جو غلطیوں سے محفوظ ہو۔

س24۔ کیا مرجع کے انتخاب کے لئے وکیل بنانا صحیح ہے؟ جیسے بیٹا اپنے باپ کو اور شاگرد اپنے استاد کو اپنا وکیل بنائے؟

ج۔ اگر وکالت سے مراد جامع الشرائط مجتہد کی تحقیق کو باپ، استاد یا مربی وغیرہ کے سپرد کرنا ہے تواس میں کوئی حرج نہیں ہے، ہاں اگر اس سلسلہ میں ان کا قول یقین اور اطمینان کے قابل ہو یا اس میں دلیل و شہادت کے شرائط موجود ہوں تو ان کا قول شرعاً معتبر اور حجت ہے۔

س25۔ میں نے چند مجتہدین سے پوچھا کہ اعلم کون ہے۔ انہوں نے جواب دیا فلاں شخص کی طرف رجوع کرنے سے انسان بری الذمہ ہے تو کیا میں ان کی بات پر اعتماد کرسکتا ہوں جبکہ مجھے معلوم نہیں کہ موصوف اعلم ہیں یا نہیں یا مجھے ان کے اعلم ہونے کے بارے میں احتمال ہے یا اطمینان ہے کہ وہ شخص اعلم نہیں ہے اس لئے کہ دوسرے فقہا کے بارے میں بھی مثلاً ایسی ہی شہادت اور گواہی موجود ہے؟

ج۔ جب کسی جامع الشرائط مجتہد کے اعلم ہونے پر شرعی دلیل قائم ہو جائے تو جب تک اس دلیل کے خلاف کسی اور دلیل کا علم نہ ہو وہ حجت ہے اور اس پر اعتماد کیا جا سکتا ہے ، یقین یا اطمینان حاصل کرنا اس کے لئے شرط نہیں ہے اور نہ اس کے خلاف گواہیوں کے بارے میں تحقیق کی ضرورت ہے۔

س26۔ کیا وہ شخص شرعی احکام کے جوابات دے سکتا ہے جس کے پاس اجازہ نہیں ہے اور وہ بعض مقامات پر اشتباہ سے بھی دوچار ہوتا اور احکام کو غلط بیان کر دیتا ہے اور اس حالت میں کیا کیا جائے جبکہ اس نے توضیح المسائل سے پڑھ کر مسئلہ بیان کیا ہو؟

ج۔ مجتہد کا فتویٰ نقل کرنے اور شرعی احکام بیان کرنے کے لئے اجازہ شرط نہیں ہے لیکن اگر اس سے غلطی یا اشتباہ ہوتا ہے تو اس کے لئے بیان اور نقل کرنا جائز نہیں ہے۔ اور اگر کسی ایک مسئلہ بیان کرنے میں اس سے غلطی ہو جائے اور بعد میں اس کی طرف متوجہ ہو تو اس پر واجب ہے کہ سننے والے کو اس غلطی سے آگاہ کر دے۔ بہر حال سننے والے کو بیان کرنے والے کی بات پر اس وقت تک عمل کرنا جائز نہیں ہے جب تک اس کے قول اور اس کی بیان کردہ بات کے صحیح ہونے پر اسے اطمینان نہ ہو جائے۔

تقلید بدلنا

س۲۸۔ ہم نے مجتہد میت کی تقلید پر باقی رہنے کے لئے غیر اعلم سے اجازت لی تھی، پس اگر اس سلسلہ میں اعلم کی اجازت شرط ہے تو کیا اس صورت میں اعلم کی طرف رجوع کرنا اور مجتہد میت کی تقلید پر باقی رہنے کے لئے اس سے اجازت لینا واجب ہے؟

ج۔ اگر اس مسئلہ میں غیر اعلم کا فتویٰ اعلم کے فتوے کے موافق ہو تو اس کے قول کے مطابق عمل کرنے میں کوئی حرج نہیں ہے اور اس صورت میں اعلم کی طرف رجوع کرنے کی بھی ضرورت نہیں ہے۔

س۲۹۔ کیا ان جدید مسائل میں مجتہد اعلم سے عدول جائز ہے جن میں اس کے لئے یہ ممکن نہیں کہ تفصیلی دلیلوں کے ذریعہ صحیح احکام کا استنباط کرسکے؟

ج۔ اگر مکلف اس مسئلہ میں احتیاط نہیں کرنا چاہتا یا نہیں کرسکتا ہے اور اسے کوئی ایسا مجتہد مل جائے جو اعلم ہے اور مذکورہ مسئلہ میں فتویٰ رکھتا ہو تو اس کی طرف رجوع کرنا اور اس مسئلہ میں اس کی تقلید کرنا واجب ہے۔

س۳۰۔ کیا امام خمینی رحمۃ اللہ علیہ کے کسی فتوے سے عدول کر کے اس مجتہد کے فتوے کی طرف رجوع کرنا واجب ہے جس سے میں نے میت کی تقلید پر باقی رہنے کی اجازت لی تھی یا دوسرے مجتہدین کی طرف بھی رجوع کیا جا سکتا ہے؟

ج۔ عدول کے لئے اجازت لینے کی ضرورت نہیں ہے۔ پس ہر اس جامع الشرائط مجتہد کی طرف عدول کیا جا سکتا ہے جس کی تقلید صحیح ہو۔

س۳۱۔ کیا اعلم کی تقلید چھوڑ کر غیر اعلم کی طرف رجوع کرنا جائز ہے؟

ج۔ اس صورت میں عدول احتیاط کے خلاف ہے بلکہ احتیاط واجب کی بناء پر اس مسئلہ میں عدول جائز نہیں جس میں اعلم کا فتویٰ غیر اعلم کے فتوے کے خلاف ہو۔

س۳۲۔ میں ایک مجتہد کے فتوے کے مطابق امام خمینی رحمۃ اللہ علیہ کی تقلید پر باقی تھا لیکن جب استفتا آت میں آپ کے جوابات اور امام خمینی رحمۃ اللہ علیہ کی تقلید پر باقی رہنے کے سلسلے میں آپ کا نظریہ معلوم ہوا تو میں نے پھلے مجتہد سے عدول کر لیا اور امام خمینی رحمۃ اللہ علیہ کے فتووں نیز آپ کے فتاوی کے مطابق عمل شروع کر دیا کیا میرے اس عدول میں کوئی اشکال ہے؟

ج۔ ایک زندہ مجتہد کی تقلید سے عدول کر کے دوسرے زندہ مجتہد کی تقلید کی جا سکتی ہے اور اگر دوسرا مجتہد مکلف کی نظر میں پھلے مجتہد کی بہ نسبت اعلم ہو تو بنا بر احتیاط اس مسئلہ میں عدول واجب ہے جس میں دوسرے مجتہدین کا فتویٰ پھلے مجتہد کے فتوے کے خلاف ہو۔

س۳۳۔ جو شخص امام خمینی رحمۃ اللہ علیہ کا مقلد تھا اور ان ہی کی تقلید پر باقی رہا وہ کسی خاص مسئلہ مثلاً تہران کو بلاد کبیرہ شمار نہ کرنے کے سلسلے میں مراجع تقلید میں سے کسی ایک کی طرف رجوع کرسکتا ہے یا نہیں ؟

ج۔ اس کے لئے رجوع کرنا جائز ہے اگرچہ ان مسائل میں امام خمینی رحمۃ اللہ علیہ کی تقلید پر باقی رہنا ہی احتیاط کے مطابق ہے ، جن میں انہیں زندہ مجتہد سے اعلم سمجھتا ہے۔

س۳۴۔ میں شرعی اعمال کا پابند ایک جوان ہوں ، بالغ ہونے سے پھلے ہی میں امام خمینی رحمۃ اللہ علیہ کا مقلد تھا لیکن کسی شرعی دلیل کے بغیر ، بس اس بنیاد پر تقلید کرتا تھا کہ امام کی تقلید مجھے بری الذمہ کرنے کے لئے کافی ہے۔ کچھ مدت کے بعد میں نے دوسرے مجتہد کی تقلید اختیار کر لی ، لیکن میرا عدول صحیح نہیں تھا جب اس مرجع کا انتقال ہوا تو میں نے آپ کی طرف رجوع کیا ، پس میں نے جو اس مجتہد کی تقلید کی تھی اس کا کیا حکم ہے ؟ اس زمانہ کے میرے اعمال کا کیا حکم ہے؟ اور اس وقت میرا کیا فریضہ ہے؟

ج۔ تمھارے گزشتہ وہ اعمال جو امام خمینی رحمۃ اللہ علیہ کی زندگی میں یا ان کی وفات کے بعد ان کی تقلید پر باقی رہتے ہوئے انجام پائے ہیں صحیح ہیں۔ لیکن وہ اعمال جو دوسرے مجتہد کی تقلید میں انجام دئیے ہیں اگر وہ اس مجتہد کے فتووں کے مطابق ہیں جس کی تقلید تمھارے اوپر واجب تھی یا اس مجتہد کے فتووں کے مطابق ہیں جس کی تقلید اس وقت تم پر واجب ہے تو وہ صحیح ہیں ورنہ ان کا تدارک واجب ہے اور اس وقت تمھیں اختیار ہے چاہے متوفی مرجع کی تقلید پر باقی رہو یا اس کی طرف رجوع کرو جسے قوانین شرع کے مطابق تقلید کا اہل پاتے ہو۔

میت کی تقلید پر باقی رہنا

س۳۵۔ ایک شخص نے امام خمینی رحمۃ اللہ علیہ کی وفات کے بعد ایک معین مجتہد کی تقلید کی اور اب وہ دوبارہ امام خمینی رحمۃ اللہ علیہ کی تقلید کرنا چاہتا ہے، کیا یہ اس کے لئے جائز ہے؟

ج۔ زندہ جامع الشرائط مجتہد کی تقلید سے مجتہد میت کی تقلید کی طرف رجوع کرنا بنا بر احتیاط واجب جائز نہیں ہے۔ ہاں اگر زندہ مجتہد جامع الشرائط نہیں تھا تو اس کی طرف عدول کرنا ہی باطل تھا اور وہ مجتہد میت کی تقلید پر باقی رہا ہے اب اسے اختیار ہے کہ مردہ مجتہد کی تقلید پر باقی رہے یا ایسے زندہ مجتہد کی طرف عدول کرے جس کی تقلید جائز ہے۔

س۳۶۔ میں امام خمینی رحمۃ اللہ علیہ کی حیات ہی میں بالغ ہو گیا تھا اور بعض احکام میں ان کی تقلید بھی کرتا تھا لیکن مسئلہ تقلید میرے لئے واضح نہیں تھا، اب میرا کیا فریضہ ہے؟

ج۔ اگر آپ امام خمینی رحمۃ اللہ علیہ کی زندگی میں اپنے عبادی و غیر عبادی اعمال ان کے فتووں کے مطابق بجا لاتے رہے چاہے بعض احکام میں ہی ان کے مقلد رہے ہوں تو آپ کے لئے تمام مسائل میں ان کی تقلید پر باقی رہنا جائز ہے۔

س۳۷۔ اگر میت اعلم ہو تو اس کی تقلید پر باقی رہنے کا کیا حکم ہے ؟

ج۔ میت کی تقلید پر باقی رہنا ہر حال میں جائز ہے ، واجب نہیں ہے لیکن میت کے اعلم ہونے کی صورت میں احتیاط یہی ہے کہ اس کی تقلید پر باقی رہا جائے۔

س۳۸۔ کیا میت کی تقلید پر باقی رہنے کے لئے اعلم سے اجازت لینا ضروری ہے یا کسی بھی مجتہد سے اجازت لی جا سکتی ہے؟

ج۔ میت کی تقلید پر باقی رہنے کے جواز کے مسئلہ میں اعلم سے اجازت لینا واجب نہیں ہے اور یہ اس صورت میں ہے جبکہ بقا بر تقلید میت کے جواز پر فقہا کا اتفاق ہو۔

س۳۹۔ ایک شخص نے امام خمینی رحمۃ اللہ علیہ کی تقلید کی اور ان کے انتقال کے بعد اس نے بعض مسائل میں دوسرے مجتہد کی تقلید کی اب اس مجتہد کے انتقال کے بعد اس کا کیا فریضہ ہے؟

ج۔ وہ پھلے کی طرح مرجع اول کی تقلید پر باقی رہ سکتا ہے۔ اسی طرح اسے اختیار بھی ہے کہ جن مسائل میں اس نے دوسرے مجتہد کی طرف عدول کیا تھا، ان میں اسی کی تقلید پر باقی رہے یا زندہ مجتہد کی طرف رجوع کرے۔

س۴۰۔ امام خمینی رحمۃ اللہ علیہ کے انتقال کے بعد میں نے یہ گمان کیا کہ مرحوم کے فتوے کے مطابق میت کی تقلید پر باقی رہنا جائز نہیں ہے لہذا زندہ مجتہد کی تقلید کر لی، کیا اب میں دوبارہ امام خمینی (رح) کی تقلید کرسکتا ہوں ؟

ج۔ زندہ مجتہد کی طرف تمام فقہی مسائل میں عدول کرنے کے بعد امام خمینی رحمۃ اللہ علیہ کی طرف رجوع کرنا جائز نہیں ہے مگر یہ کہ زندہ مجتہد کا فتویٰ یہ ہو کہ متوفیٰ اعلم کی تقلید پر باقی رہنا واجب ہے اور آپ کو یقین ہو کہ امام خمینی رحمۃ اللہ علیہ زندہ مجتہد کی نسبت اعلم ہیں تو ایسی صورت میں ان کی تقلید پر باقی رہنا واجب ہے۔

س۴۱۔ کیا میں کسی ایک مسئلہ میں کبھی مجتہد میت کی اور کبھی زندہ اعلم کی طرف رجوع کرسکتا ہوں باوجودیکہ اس میں دونوں کا فتویٰ مختلف ہو؟

ج۔ میت کی تقلید پر باقی رہنا جائز ہے لیکن زندہ مجتہد کی طرف عدول کرنے کے بعد دوبارہ میت کی طرف رجوع کرنا جائز نہیں ہے۔

س۴۲۔ کیا امام خمینی رحمۃ اللہ علیہ کے مقلدین اور ان لوگوں کے لئے جو ان کی تقلید پر باقی رہنا چاہتے ہیں زندہ مراجع میں سے کسی ایک سے اجازت لینا ضروری ہے یا اس مسئلے میں اکثر مراجع عظام و علمائے اسلام کے تقلید میت پر باقی رہنے کے جواز پر اتفاق کافی ہے؟

ج۔ میت کی تقلید پر باقی رہنے کے جواز پر جو اتفاق ہے اس کی بنا پر امام خمینی رحمۃ اللہ علیہ کی تقلید پر باقی رہنا جائز ہے۔ اس سلسلہ میں کسی معین مجتہد کی طرف رجوع کرنے کی ضرورت نہیں ہے۔

س۴۳۔ جس مسئلہ پر مکلف نے مجتہد میت کی حیات میں عمل کیا تھا یا نہیں کیا تھا اس میں میت کی تقلید پر باقی رہنے کے بارے میں آپ کیا فرماتے ہیں ؟

ج۔ تمام مسائل میں میت کی تقلید پر باقی رہنا جائز اور کافی ہے خواہ ان پر عمل کیا ہو یا نہ کیا ہو۔

س۴۴۔ میت کی تقلید پر باقی رہنے کے جواز کی صورت میں کیا اس حکم میں وہ لوگ بھی شامل ہیں جو اس مجتہد کی حیات میں مکلف نہیں ہوئے تھے، مگر اس کے فتووں پر عمل کرتے تھے؟

ج۔ اگر وہ لوگ مجتہد کی حیات میں اس کی تقلید کر چکے ہوں چاہے تقلید بالغ ہونے سے پھلے ہی کی تھی تو اس کی موت کے بعد بھی اس کی تقلید پر باقی رہنے میں کوئی حرج نہیں ہے۔

س۴۵۔ ہم امام خمینی رحمۃ اللہ علیہ کے مقلد تھے اور ان کی وفات کے بعد بھی ان کی تقلید پر باقی ہیں لیکن بعض اوقات ہمیں بعض نئے مسائل پیش آتے ہیں خصوصاً جبکہ ہم عالمی استکبار و طاغوت سے مقابلہ کے زمانہ میں زندگی بسر کر رہے ہیں ، ایسے میں ہم تمام شرعی مسائل میں آپ کی طرف رجوع کرنے کی ضرورت محسوس کرتے ہیں لہذا ہم آپ کی طرف رجوع کا ارادہ رکھتے ہیں اور آپ کی تقلید کرنا چاہتے ہیں ، کیا ہم ایسا کرسکتے ہیں ؟

ج۔ آپ کے لئے امام خمینی رحمۃ اللہ علیہ طاب ثراہ کی تقلید پر باقی رہنا جائز ہے فی الحال ان کی تقلید سے عدول کرنے کا کوئی سبب نہیں ہے اگر رونما ہونے والے حوادث میں کسی حکم شرعی کے معلوم کرنے کی ضرورت پیش آئے تو اس سلسلہ میں ہمارے دفتر سے خط و کتابت کرسکتے ہیں وفقکم اللہ تعالیٰ لمراضیہ۔

س۴۶۔ اس مقلد کا کیا فریضہ ہے جو ایک مجتہد کی تقلید میں ہو جبکہ اس کے لئے دوسرے مرجع کی اعلمیت ثابت ہو جائے؟

ج۔ احتیاط واجب یہ ہے کہ ان مسائل میں اپنے مرجع تقلید سے اس مرجع کی طرف جس کی اعلمیت ثابت ہو چکی ہے، رجوع کر لے جن میں موجودہ مجتہد کا فتویٰ اعلم کے فتویٰ سے مختلف ہو۔

س۴۷۔ کس صورت میں مقلد کے لئے اپنے مجتہد سے عدول کرنا جائز ہے ؟

ج۔ اس صورت میں جبکہ دوسرا مجتہد موجودہ مجتہد سے اعلم ہو یا اس کے مساوی ہو۔

س۴۸۔ اگر اعلم کے فتوے زمانہ کے مطابق نہ ہوں یا ان پر عمل دشوار ہو تو کیا غیر اعلم کی طرف رجوع کیا جا سکتا ہے؟

ج۔ صرف اس گمان پر کہ اعلم کا فتویٰ ماحول اور حالات کے مطابق نہیں یا اس کے فتاویٰ پر عمل کرنا دشوار ہے، اعلم سے دوسرے مجتہد کی طرف عدول کرنا جائز نہیں ہے۔

متفرقات

س۴۹۔ جاہل مقصر کسے کہتے ہیں ؟

ج۔ جاہل مقصر وہ ہے جو اپنی جہالت سے بھی واقف ہو اور اس کو دور کرنے کے ممکنہ طریقے بھی جانتا ہو لیکن ان پر عمل نہ کرتا ہو۔

س۵۰۔ جاہل قاصر کون ہے؟

ج۔ جاہل قاصر وہ ہے جو اپنی جہالت سے بالکل آگاہ نہ ہو یا اپنے جہل کو دور کرنے کے طریقے نہ جانتا ہو۔

س۵۱۔ احتیاط واجب کے کیا معنی ہیں ؟

ج۔ یعنی کسی عمل کو انجام دینا یا ترک کرنا احتیاط کی بنا پر واجب ہے۔

س۵۲۔ کیا فتووں میں مذکورہ عبارت ’ فیہ اشکال ‘ (اس میں حرج ہے)حرمت پر دلالت کرتی ہے؟

ج۔ موقع و محل کے اختلاف سے اس کے معنی بھی مختلف ہوتے ہیں اگر جواز میں اشکال ہو تو مقام عمل میں اس کا نتیجہ حرمت پر مبنی ہو گا۔

س۵۳۔ ان عبارتوں ’ فیہ اشکال ‘ (اس میں حرج ہے)، ’مشکل‘ (مشکل ہے)’ لا یخلو من اشکال ‘ (حرج سے خالی نہیں )’ لا اشکال فیہ ‘ ( اس میں کوئی حرج نہیں ) سے فتویٰ مراد ہے یا احتیاط ؟

ج۔ ’لا اشکال فیہ ‘ کے علاوہ کہ وہ فتویٰ ہے ، باقی سب احتیاط ہیں۔

س۵۴۔ عدم جواز اور حرام میں کیا فرق ہے؟

ج۔ مقام عمل میں دونوں میں کوئی فرق نہیں ہے۔

قیادت و مرجعیت

س۵۵۔ اگر اجتماعی ، سیاسی اور ثقافتی مسائل میں ولی امر مسلمین اور دوسرے مرجع تقلید کے فتوے میں تعارض و اختلاف ہو تو ایسے میں مسلمانوں کا شرعی فریضہ کیا ہے ، کیا کوئی ایسی حد فاصل ہے جو ولی امر مسلمین اور مرجع کے صادر کردہ احکام میں امتیاز پید اکرسکے ؟ مثلاً اگر موسیقی کے سلسلہ میں مرجع تقلید اور ولی امر مسلمین کی آراء میں اختلاف ہو تو یہاں کس کا اتباع واجب اور کافی ہے اور عام طور پر وہ کون سے حکومتی احکام ہیں جن میں ولی امر مسلمین کا حکم مرجع تقلید کے فتوے پر ترجیح رکھتا ہے؟

ج۔ اسلامی ملک کے نظم و نسق اور مسلمانوں کے عمومی مسائل میں ولی امر مسلمین کے حکم کا اتباع کیا جائے گا اور انفرادی مسائل میں مکلف اپنے مرجع تقلید کا اتباع کرسکتا ہے۔

س۵۶۔ جیسا کہ آپ کو معلوم ہے کہ اصول فقہ میں ’ اجتہاد متجزی ‘ کے عنوان سے بحث کی جاتی ہے کیا امام خمینی (رح) کا مرجعیت کو قیادت سے جدا کرنا تجزی کے تحقق کی جانب ایک قدم نہیں ہے؟

ج۔ ولی فقیہ کی قیادت اور مرجعیت تقلید سے الگ الگ ہو جانے کا اجتہاد میں تجزی والے مسئلہ سے کوئی ربط نہیں ہے۔

س۵۷۔ اگر میں کسی مرجع کا مقلد ہوں اور ولی امر مسلمین ظالم کافروں سے جنگ یا جہاد کا اعلان کرے اور میرا مرجع تقلید مجھے جنگ میں شریک ہونے کی اجازت نہ دے تو میں اس کی رائے پر عمل کروں یا نہ کروں ؟

ج۔ امور عامہ میں ولی امر مسلمین کے حکم کی اطاعت واجب ہے، ان ہی امور میں اسلام اور مسلمانوں کا دفاع اور حملہ آور کافروں اور طاغوتوں سے جنگ بھی شامل ہے۔

س۵۸۔ ولی فقیہ کا حکم یا اس کا فتویٰ کس حد تک قابل عمل ہے اور اگر ولی فقیہ کا حکم یا فتویٰ مرجع اعلم کی رائے کے خلاف ہو تو ان دونوں میں سے کس پر عمل کیا جائے گا اورکسے ترجیح دی جائے گی؟

ج۔ ولی امر مسلمین کے حکم کا اتباع تمام لوگوں پر واجب ہے اور یہ ممکن ہی نہیں ہے کہ اختلاف کی صورت میں مرجع تقلید کے فتوے کو ولی فقیہ کے حکم کے مقابلے میں لایا جائے۔

ولایت فقیہ اور حکم حاکم

س۵۹۔ مفہوم و مصداق کے اعتبار سے ’ اصل ‘ ولایت فقیہ کا اعتقاد عقلی ہے یا شرعی ؟

ج۔ بے شک ولایت فقیہ۔ جو کے معنیٰ دین سے آگاہ عادل فقیہ کی حکومت ہے۔ شریعت کا تعبدی حکم ہے جس کی تائید عقل بھی کرتی ہے اور اس کے مصداق کی تعیین کے لئے عقلی طریقہ بھی ہے جس کو اسلامی جمہوریہ کے دستور میں بیان کیا گیا ہے۔

س۶۰۔ کیا ولی فقیہ اسلام اور مسلمانوں کی مصلحت عامہ کے پیش نظر شریعت کے حکم کو بدل سکتا ہے یا اس پر عمل کرنے سے روک سکتا ہے؟

ج۔ مختلف حالات میں اس کا حکم مختلف ہے۔

س۶۱۔ کیا ذرائع ابلاغ کو اسلامی حکومت کے سایہ میں ولی فقیہ کے زیر نظر ہونا واجب ہے یا انہیں مراکز علوم دینیہ کی نگرانی میں ہونا چاہئیے یا کسی اور ادارہ کے زیر نظر ؟

ج۔ واجب ہے کہ ذرائع ابلاغ ولی امر مسلمین کے زیر فرمان اور ان کے زیر نظر ہوں اور انہیں اسلام و مسلمانوں کی خدمت ، الہی معارف کی نشر و اشاعت ، اسلامی معاشرہ کی عام مشکلوں کے حل اور فکری اعتبار سے اس سے مسلمانوں کی ترقی اور ان کی صفوں میں اتحاد پیدا کرنے اور ان کے درمیان اخوت و برادری کی روح کو فروغ دینے اور اسی طرح کے دوسرے امور انجام دینے کے لئے استعمال کیا جائے۔

س۶۲۔ کیا اس شخص کو حقیقی مسلمان سمجھا جائے گا جو فقیہ کی ولایت مطلقہ کا معتقد نہ ہو؟

ج۔ غیبت امام زمانہ عج کے عہد میں اجتہاد یا تقلید کی بناء پر فقیہ کی ولایت مطلقہ پر اعتقاد نہ رکھنا ارتداد اور دائرہ اسلام سے خارج ہونے کا باعث نہیں ہے۔

س۶۳۔ کیا ولی فقیہ کو ولایت تکوینی حاصل ہے جس کی بنیاد پر اس کے لئے کسی وجہ سے جیسے مصلحت عامہ کی بنا پر دینی احکام کا منسوخ کرنا ممکن ہے؟

ج۔ رسول اعظم صلوات اللہ علیہ و آلہ کی وفات کے بعد شریعت اسلامیہ کے احکام منسوخ نہیں کئے جا سکتے البتہ موضوع کا بدلنا ، کسی ضرورت یا مجبوری کا پیش آنا ، یا حکم کے نفاذ میں کسی وقتی رکاوٹ کا وجود نسخ نہیں ہے اور ولایت تکوینی اس کے نظر میں جو اس کا قائل ہے معصومین (ع)سے مخصوص ہے۔

س۶۴۔ ان لوگوں سے متعلق ہمارا کیا فریضہ ہے جو فقیہ عادل کی ولایت کو صرف امور حسیبہ میں محدود سمجھتے ہیں ، جانتے ہوئے کہ ان کے بعض نمائندے اس نظریہ کی اشاعت بھی کرتے ہیں ؟

ج۔ ہر زمانہ میں معاشرہ کی قیادت اور اجتماعی امور کی ہدایت کے لئے ولایت فقیہ مذہب حقہ اثنا عشری کا ایک رکن رہی ہے اور اس کا تعلق اصل امامت سے ہے اور اگر کوئی شخص دلیل کے ذریعہ ولایت فقیہ کا قائل نہ ہو تو وہ معذور ہے لیکن اس کے لئے یہ جائز نہیں ہے کہ تفرقہ اور اختلاف پھیلائے۔

س۶۵۔ کیا ولی فقیہ کے اوامر پر عمل کرنا ہر مسلمان پر فرض ہے یا صرف اس کے مقلدین کا فریضہ ہے؟ نیز جو مرجع تقلید ولایت مطلقہ کا معتقد نہ ہو اس کے مقلد پر ولی فقیہ کی اطاعت واجب ہے یا نہیں ؟

ج۔ شیعہ فقہ کے اعتبار سے ولی امر مسلمین کے صادر کردہ ولائی شرعی او امر کی اطاعت کرنا اور اس کے امر و نھی کے سامنے سر تسلیم خم کرنا تمام مسلمانوں ، یہاں تک کہ تمام فقہائے عظام پر بھی واجب ہے چہ جائیکہ ان کے مقلدین پر۔ اور ہم ولایت فقیہ کی پابندی کو اسلام کی پابندی اور آئمہ کی ولایت سے جدا نہیں سمجھتے۔

س۶۶۔ لفظ ’ ولایت مطلقہ ‘ رسول (ص)کے زمانہ میں اس معنی میں استعمال ہوتا تھا کہ اگر رسول (ص)کسی شخص کو کسی چیز کا حکم دیں کہ تم خود کو قتل کر ڈالو ! تو اس پر خود کو قتل کر دینا واجب تھا۔ اب سوال یہ ہے کہ کیا آج بھی ولایت مطلقہ کے وہی معنی ہیں ؟ اس بات کو مد نظر رکھتے ہوئے کہ نبی(ص) معصوم تھے اور اس زمانہ میں کوئی ولی معصوم نہیں ہے؟

ج۔ جامع الشرائط فقیہ کی ولایت مطلقہ سے مراد یہ ہے کہ دین اسلام تمام آسمانی ادیان کے آخر میں آنے والا اور قیامت تک باقی رہنے والا دین ہے۔ یہ دین حکومت ہے اور معاشرہ کے امور کی دیکھ بھال کرنے والا دین ہے، پس اسلامی معاشرہ کے تمام طبقات کے لئے ایک ولی امر، حاکم شرع اور قائد کا ہونا ضروری ہے جو امت کو اسلام و مسلمانوں کے دشمنوں سے بچائے، ان کے نظام کا محافظ ہو، ان کے درمیان عدل قائم کرے، طاقتور کو کمزور پر ظلم کرنے سے باز رکھے، معاشرہ کی ثقافتی ، سیاسی اور اجتماعی امور کی ترقی کے وسائل فراہم کرے۔

اس امر کا عملی میدان میں نفاذ بعض اشخاص کی خواہشات ، منافع اور آزادی سے ٹکراؤ رکھتا ہے۔ لہذا حاکم مسلمین پر واجب ہے کہ وہ اس کے نفاذ کے وقت فقہ اسلامی کی روشنی میں ضرورت کے تحت لازمی اقدامات کرے۔

اس بنا پر ضروری ہے کہ اسلام اور مسلمانوں کے مصالح عامہ کے پیش نظر ولی امر کا ارادہ اور اس کے اختیارات تعارض اور ٹکراؤ کی صورت میں عوام کے ارادہ اور ان کے اختیارات پر حاکم ہوں اور یہ ولایت مطلقہ کا ایک معمولی سا پھلو ہے۔

س۶۷۔ جس طرح مجتہد میت کی تقلید پر باقی رہنے کے سلسلہ میں فقہا کا فتویٰ ہے کہ اس کے لئے زندہ مجتہد کی اجازت کی ضرورت ہے ، کیا اسی طرح مرحوم قائد کی طرف سے صادر ہونے والے حکومتی احکام و اوامر پر عمل کے سلسلے میں بھی زندہ قائد کی اجازت درکار ہے یا وہ اپنی جگہ ویسے ہی باقی ہیں۔

ج۔ ولی امر مسلمین کی طرف سے صادر ہونے والے حکومتی احکام اور اشخاص کی تقرریاں اگر وقتی نہ ہوں تو اپنی جگہ پر باقی رہیں گے ورنہ اگر موجودہ ولی امر مسلمین انہیں منسوخ کر دینے میں مصلحت سمجھتا ہو گا تو منسوخ کر دے گا۔

س۶۸۔ کیا اسلامی جمہوریہ ایران میں زندگی گزارنے والے اس فقیہ پر، جو ولی فقیہ کی ولایت مطلقہ کا قائل نہیں ہے، ولی فقیہ کے احکام کی اطاعت کرنا واجب ہے؟ اگر وہ ولی فقیہ کے حکم کی مخالفت کرے تو کیا اسے فاسق سمجھا جائے گا؟ اور اگر کوئی فقیہ ولایت مطلقہ کا تو اعتقاد رکھتا ہے لیکن اس منصب کے لئے اپنی ذات کو زیادہ سزاوار سمجھتا ہے، اس صورت میں اگر وہ ولایت کے منصب پر فائز فقیہ کے احکام کی خلاف ورزی کرتا ہے تو کیا اسے فاسق سمجھا جائے گا؟

ج۔ ہر مکلف پر واجب ہے کہ وہ ولی امر مسلمین کے حکومتی اوامر کی اطاعت کرے چاہے وہ فقیہ ہی کیوں نہ ہو اور کسی کے لئے جائز نہیں ہے کہ وہ خود کو اس منصب کا زیادہ حقدار سمجھ کر ولی امر مسلمین کے احکام کی خلاف ورزی کرے۔ یہ حکم اس صورت میں ہے جب کہ موجودہ ولی فقیہ نے ولایت کے منصب کو اس کے مروجہ قانونی طریقہ کے مطابق حاصل کیا ہو ورنہ دوسری صورت میں مسئلہ کلی طور سے مختلف ہے۔

س۶۹۔ کیا جامع الشرائط مجتہد کو زمانہ غیبت میں حدود جاری کرنے کا اختیار حاصل ہے؟

ج۔ زمانہ غیبت میں بھی حدود کا جاری کرنا واجب ہے اور اس کی ولایت اور اختیار صرف ولی امر مسلمین سے مخصوص ہے۔

س۷۰۔ ولایت فقیہ کا مسئلہ تقلیدی ہے یا اعتقادی؟ اور اس شخص کا کیا حکم ہے جو اسے تسلیم نہیں کرتا ؟

ج۔ ولایت فقیہ اس امامت و ولایت کے سلسلہ کی کڑی ہے جو اصول مذہب میں سے ہے لیکن اس کے احکام کا استنباط بھی فقہی احکام کی طرح شرعی دلیلوں سے کیا جاتا ہے اور جو شخص استدلال کے ذریعہ ولایت فقیہ کو قبول نہ کرے وہ معذور ہے۔

س۷۱۔ بعض اوقات ہم بعض عہدہ داروں سے ’ ولایت اداری ، کے نام کا عنوان سنتے ہیں یعنی اعلیٰ عہدہ داروں کی بے چون و چرا اطاعت کرنا۔ اس سلسلہ میں آپ کا کیا نظریہ ہے ؟ اور ہماری شرعی ذمہ داری کیا ہے؟

ج۔ وہ اداری و انتظامی احکام جو اداری قوانین و ضوابط کی بنیاد پر صادر ہوتے ہیں ان کی مخالفت اور خلاف ورزی جائز نہیں ہے۔ لیکن اسلامی مفاہیم میں ’ ولایت اداری ‘ نام کی کوئی چیز نہیں پائی جاتی۔

س۷۲۔ کیا فوجی عہدہ داروں اور افسروں کے لئے جائز ہے کہ وہ سپاہیوں کو اپنے ذاتی کاموں کی انجام دھی کا اس دلیل کے ساتھ حکم دیں کہ اگر وہ ان امور کو خود انجام دیں تو ان کا وقت ضائع ہو گا؟

ج۔ افسروں یا کسی دوسرے شخص کے لئے جائز نہیں ہے کہ وہ سپاہیوں سے اپنے ذاتی کام لیں اور اگر وہ ایسا کریں گے تو ان کو اس کام کی اجرت دینا پڑے گی۔

س۷۳۔ نمائندہ ولی فقیہ جو احکام اپنے اختیارات کی حدود میں صادر کرتا ہے کیا ان کی اطاعت واجب ہے؟

ج۔ اگر اس کے احکام ان اختیارات کی حدود میں ہیں جو اس کو ولی فقیہ کی طرف سے تفویض کئے گئے ہیں تو ان کی مخالفت جائز نہیں ہے۔
٭٭٭

کتاب نجاسات

کتاب نجاسات اور ان کے احکام

(ا)
س۲۷۹۔ کیا خون پاک ہے ؟
ج۔ جن جانداروں کا خون اچھل کر نکلتا ہو خواہ و انسان و ہو یا غیر انسان، وہ خون نجس ہے۔

س۲۸۰۔ امام حسین علیہ السلام کی عزاداری میں ایک انسان پوری طاقت سے اپنا سر دیوار سے ٹکراتا ہے ،ا س سے بہنے والے خون کی چھینٹیں مجلس عزا میں شرکت کرنے والوں کے سروں اور چھروں پر پڑتی ہیں وہ خون پاک ہے یا نجس؟

ج۔ انسان کا خون ہر حال میں نجس ہے۔

س۲۸۱۔ دھلنے کے بعد کپڑے پر جو خون کا دھبہ رہ جاتا ہے کیا وہ ہلکے رنگ کا دھبہ نجس ہے ؟

ج۔ اگر عین خون زائل ہو جائے اور فقط رنگ باقی رہ جائے اور دھو نے سے زائل نہ ہو تا ہو تو پاک ہے۔

س۲۸۲۔ اگر انڈے میں خون کا ایک نقطہ ہو تو اس کا کیا حکم ہے ؟

ج۔ پاک ہے لیکن اس کا کھانا حرام ہے۔

س۲۸۳۔ فعل حرام کے ذریعہ مجنب ہو نے والے کے پسینے اور نجاست خوار حیوان کے پسینے کا کیا حکم ہے۔

ج۔ نجاست خوار اونٹ کا پسینہ نجس ہے لیکن نجاست خوار اونٹ کے علاوہ دوسرے نجاست خوار حیوانات اور اسی طرح (فعل) حرام سے مجنب ہو نے والے شخص کے پسینہ کے بارے میں اقویٰ یہ ہے کہ پاک ہے لیکن احتیاط واجب یہ ہے کہ (فعل) حرام سے مجنب ہو نے پر جو پسینہ آئے اس میں نماز نہ پڑھی جائے۔

س۲۸۴۔ میت کو آب سدر اور آب کافور سے غسل دینے کے بعد اور خالص پانی سے غسل دینے سے پھلے جو قطرے میت کے بدن سے ٹپکتے ہیں وہ پاک ہیں یا نجس؟

ج۔ میت کا بدن اس وقت تک نجس کھلائے گا جب تک تیسرا غسل کامل نہ ہو جائے۔

س۲۸۵۔ ہاتھوں یا ہو نٹوں یا پیروں سے بعض اوقات جو کھال جدا ہو تی ہے وہ پاک ہے یا نجس؟

ج۔ ہا تھوں یا ہو نٹوں یا پیروں یا بدن کے دیگر اعضاء سے کھال کے جو ٹکڑے یا چھلکے خود بخود جدا ہو تے ہیں وہ پاک ہیں۔

س۲۸۶۔ جنگی محاذ پر ایک شخص ایسے دور سے گزرا کہ وہ سور کو مارنے اور اسے کھانے پر مجبور ہو گیا، کیا اس کے بدن کا پسینہ اور لعاب دھن نجس ہے ؟

ج۔ حرام گوشت کھانے والے انسان کے بدن کا پسینہ اور لعاب دھن نجس نہیں ہے اور نہ اس پر استبراء واجب ہے۔ لیکن رطوبت کے ساتھ جو چیز بھی سور کے گوشت سے مس ہو گی وہ نجس ہو گی۔

س۲۸۷۔ تصویریں بنانے اور لکھنے کے کام آنے والے بالوں کے برش (موقلم)جن کی نئی اور بہترین قسم اسلامی ملکوں سے منگوائی جاتی ہیں۔

اور بیشتر اوقات وہ سور کے بالوں سے بنائے جاتے ہیں۔ ایسے برش ہر جگہ خاص طور سے تبلیغاتی اور ثقافتی مراکز میں موجود ہیں اور استعمال کئے جاتے ہیں۔ پس اس قسم کے برشوں کے استعمال کے سلسلے میں شرعی حکم کیا ہے ؟ اور دوسرے یہ کہ ان کے ذریعہ قرآنی آیات اور احادیث شریفہ کے لکھنے کا کیا حکم ہے ؟

ج۔ سور کے بال نجس ہیں اور ان سے ان امور میں استفادہ جائز نہیں ہے جن میں شرعاً طہارت شرط ہو تی ہے لیکن ان امور میں ان کا استعمال کرنے میں کوئی حرج نہیں جن میں طہارت شرط نہیں ہے اور اگر ان برشوں کے بارے میں یہ معلوم نہ ہو کہ وہ سور کے بالوں سے بنے ہیں یا نہیں تو ان کا استعمال ان امور بھی بلا اشکال ہے جن میں طہارت شرط ہے۔

س۲۸۸۔ جرمنی میں ایک محترم عالم دین تشریف لائے، انہوں نے بتایا تھا کہ یہاں تین ہی چیزوں میں شک پر اعتناء کرنا واجب ہے اور وہ موارد یہ ہیں :

گوشت ، کھا ل اور روغن (گھی یا تیل)وغیرہ۔ بقیہ چیزوں میں شک کی پرواہ کرنا ضروری نہیں ہے۔ کیا یہ رائے صحیح ہے ؟ اس وقت یہاں کئی قسم کے بناسپتی گھی ملتے ہیں۔ ان پر جو عبارت لکھی ہو تی ہے اس کے اعتبار سے ان میں کوئی ایسا مواد نہیں ہے جس میں اشکال ہو ، لیکن برادران کی تحقیق سے یہ ثابت ہو ا کہ ان میں سے ایک قسم کے ’ گھی ‘ میں تھوڑی سی مقدار میں دیسی گھی کی ملاوٹ کی جاتی ہے لیکن ڈبے پر لکھا نہیں جاتا، اس مسئلہ کا کیا حکم ہے ؟

ج۔ ہر وہ گوشت جس کا حلال ہو نا یا حلال اور پاک ہو نا ذبح شرعی پر موقوف ہو ، وہ غیر اسلامی ممالک میں مردار اور جھٹکے کے حکم میں ہے لیکن دیسی گھی پاک اور حلال ہے ، مگر یہ معلوم ہو جائے کہ یہ غیر مزکی حیوان کی چربی سے بنا ہے یا نجس چیز کے مل جانے سے نجس ہو گیا ہے۔

س۲۸۹۔ اگر مجنب کا لباس منی سے نجس ہو جائے تو اول یہ کہ اگر ہاتھ یا اس کپڑے میں سے کوئی ایک گیلا ہو تو ہاتھ سے اس لباس کو چھو نے کا کیا حکم ہے ؟ اور دوسرے یہ کہ مجنب کے لئے جائز ہے کہ وہ کسی شخص کو وہ لباس پاک کرنے کے لئے دے؟ کیا مجنب کے لئے ضروری ہے کہ وہ دھلنے والے کو یہ بتائے کہ یہ لباس نجس ہے ؟

ج۔ منی نجس ہے اور جب اس سے کوئی سرایت کرنے والی گیلی چیز ملے تو وہ بھی نجس ہو جائے گی ، اور لباس دھونے والے کو یہ بتانا ضروری نہیں ہے کہ وہ نجس ہے۔

س۲۹۰۔ پیشاب کرنے کے بعد استبراء کرتا ہوں لیکن اس کے بعد ایک سیال چیز نکلتی ہے جس سے منی کی بو آتی ہے امید ہے کہ اس سلسلے میں نماز کے لئے میرا حکم بیان فرمائیں گے؟

ج۔ اگر اس کے منی ہو نے کا یقین نہ ہو اور اس کے ساتھ منی نکلنے کے سلسلے میں جو شرعی علامتیں بیان ہوئی ہیں وہ بھی نہ پائی جاتی ہوں تو پاک ہے اور اس پر منی کا حکم نہیں لگے گا۔

س۲۹۱۔ کیا کوے کا پاخانہ نجس ہے ؟

ج۔ اقویٰ یہ ہے کہ پاک ہے۔

س۲۹۲۔ رسالۂ عملیہ میں (مراجع عظام نے)ذکر کیا ہے کہ ان حیوانات اور پرندوں کا پاخانہ نجس ہے جن کا گوشت نہیں کہا یا جاتا۔ تو جن حیوانات کا گوشت کہا یا جاتا ہے مثلاً گائے، بکری یا مرغی ان کا پاخانہ نجس ہے یا نہیں ؟

ج۔ حلال گوشت جانوروں کا پاخانہ پاک ہے۔

س۲۹۳۔ اگر بیت الخلاء میں کموڈ کے اطراف یا اس کے اندر نجاست لگی ہوئی ہو اور اس کو کر بھر پانی یا قلیل پانی سے دھویا جائے اور عین نجاست باقی رہ جائے تو کیا وہ جگہ جہاں عین نجاست نہیں لگی ہے بلکہ صرف دھونے کے لئے ڈالا جانے والا پانی اس تک پہنچا ہے وہ نجس ہے یا پاک ہے ؟

ج۔ جو جگہ نجاست کے قریب ہے لیکن اس تک نجاست سے متصل پانی نہیں پہنچتا ہے وہ پاک ہے۔

س۲۹۴۔ اگر مہمان ، میزبان کے گھر کی کسی چیز کو نجس کر دے کیا اس سے میزبان کو مطلع کرنا واجب ہے ؟

ج۔ کھانے پینے والی چیزوں اور کھانے کے برتنوں کے علاوہ دوسری چیزوں کے سلسلے میں مطلع کرنا ضروری نہیں ہے۔

س۲۹۵۔ نجس چیز سے ملنے والی چیز بھی نجس ہو جاتی ہے یا نہیں ؟ اور اگر نجس ہو جاتی ہے تو کیا یہ حکم تمام واسطوں میں جاری ہو گا یا صرف نزدیک کے واسطوں میں جاری ہو گا؟

ج۔ کم سے کم تین واسطوں تک نجاست کا حکم جاری ہو گا، چوتھے اور اس کے بعد والے واسطہ کے لئے اقرب یہ ہے کہ پاک ہے اگرچہ احتیاط (مستحب)یہ ہے کہ اس سے اجتناب کیا جائے۔

س۲۹۶۔ کیا غیر مزکی حیوان کی کھال کے جوتے استعمال کرنے والے کے لئے وضو سے قبل ہمیشہ پیروں کو دھو نا واجب ہے ؟ بعض لوگ کہتے ہیں : اگر جوتے کے اندر پیروں کو پسینہ آ جائے تو دھو نا واجب ہے ، اور میں نے دیکھا ہے کہ ہر قسم کے جوتوں میں پیروں سے تھوڑا بہت پسینہ ضرور نکلتا ہے ، اس مسئلہ میں آپ کی کیا رائے ہے ؟

ج۔ اگر یہ ثابت ہو جائے کہ مذکورہ جوتے میں پیر سے پسینہ نکلتا ہے تو نماز کے لئے پیروں کا دھو نا واجب ہے۔

س۲۹۷۔ اس بچہ کے گیلے ہا تھ، اس کی ناک کے پانی اور اس کی جھوٹی غذا کا کیا حکم ہے جو خود کو نجس کرتا رہتا ہے اور ان بچوں کا کیا حکم ہے جو اپنے گیلے ہاتھوں سے اپنے پیر چھو تے ہیں ؟

ج۔ جب تک ان کے نجس ہو نے کا یقین حاصل نہ ہو جائے اس وقت تک انہیں پاک مانا جائے گا۔

س۲۹۸۔ میں مسوڑھوں کے مرض میں مبتلا ہوں اور ڈاکٹر کے مشوروں کے مطابق انہیں ہمیشہ ملتے رہنا ضروری ہے اس سے بعض مسوڑھے سیاہی مائل ہو جاتے ہیں گویا ان کے اندر خون جمع ہو جاتا ہے اور جب ان پر کاغذی رومال (دست مال)رکھتا ہوں تو اس کا رنگ سرخ ہو جاتا ہے ، اس لئے میں اپنا منہ آبِ کر سے پاک کرتا ہوں اس کے باوجود وہ جما ہو ا خون کافی دیر تک باقی رہتا ہے اور دھو نے سے نہیں چھوٹتا۔ پس دھلنے کے بعد جو پانی میرے منہ کے اندر ہے ، اور ان جگہوں سے گزرا ہے اور پھر میں کلی کر دیتا ہوں چونکہ اب جو پانی مسوڑھوں کے نیچے جمع خون کے اجزاء سے مل کر گزرا ہے ، کیا نجس ہے یا اسے لعاب دہن کا جزء شمار کیا جائے گا اور پاک ہو گا؟

ج۔ پاک ہے اگرچہ احتیاط (مستحب)یہ ہے کہ اس سے پرہیز کیا جائے۔

س۲۹۹۔ اور یہ بھی پوچھنا چاہتا ہوں کہ میں جو کھانا کہا تا ہوں وہ مسوڑھوں میں جمع شدہ خون سے مس ہو تا ہے تو یہ کھانا نجس ہے یا پاک؟ اور اگر نجس ہے تو کیا اس کھانے کو نگلنے کے بعد منہ کی فضا نجس رہتی ہے ؟

ج۔ مذکورہ فرض میں کھانا نجس نہیں ہے اور نہ اس کے نگلنے میں کوئی اشکال ہے اور منہ کے اندر کی فضا پاک ہے۔

س۳۰۰۔ مدتوں سے مشہور ہے کہ میک اپ کا سامان نجس ہے۔ کہا جاتا ہے کہ جب بچہ پیدا ہو تا ہے تو اس وقت اس کی جھلی کو اتار لیتے ہیں اور اسے خنزیر میں محفوظ رکھتے ہیں ، یہ بھی کہا جاتا ہے کہ جنین کی میت کو بھی محفوظ رکھتے ہیں اور اس سے میکپ (سنگھا ر)کا سامان۔ جیسے لپ اسٹک حلق کے نیچے بھی اتر جاتی ہے تو کیا یہ نجس ہے ؟

ج۔ سنگہار کی چیزوں کے نجس ہو نے پر پروپیگینڈے کوئی شرعی دلیل نہیں ہیں اور جب تک شریعت کے معتبر طریقوں سے ان کی نجاست ثابت نہیں ہو تی اس وقت تک ان کو استعمال کرنے میں کوئی حرج نہیں ہے۔

س۳۰۱۔ ہر لباس یا کپڑے کے ٹکڑے سے بہت ہی باریک روئیں گرتے رہتے ہیں کپڑوں کو پاک کرتے وقت جب ہم طشت کے پانی کو دیکھتے ہیں تو اس میں یہ باریک روئیں نظر آتے ہیں ، اس بنا پر جب طشت پانی سے بھرا ہو اور اس کا اتصال نل کے پانی سے ہو تو اس وقت میں طشت میں لباس کو غوطہ دیتا ہوں اور طشت سے باہر گرنے والے پانی میں ان روؤں کی موجودگی کی وجہ سے میں احتیاطاً ہر جگہ کو پاک کرتا ہوں یا جب میں بچوں کا نجس لباس اتارتا ہوں تو اس جگہ کو بھی پاک کرتا ہوں جہاں لباس اتارا گیا تھا خواہ وہ جگہ خشک ہی ہو اس لئے کہ میں کہتا ہوں وہ روئیں اس جگہ گرے ہیں۔ پس کیا یہ احتیاط ضروری ہے ؟

ج۔ پاک کرتے وقت جس لباس کو ظرف میں رکھ کر اس پر پائپ کا پانی ڈالا جاتا ہے اور پانی اچھی طرح لباس کو گھیر لیتا ہے تو ( اس وقت) وہ لباس ظرف اور ظرف کے اندر کا پانی اور لباس سے جدا ہو کر پانی میں تیرنے والے روئیں سب پاک ہو جاتے ہیں اور یہ روئیں یا غبار جو نجس کپڑے سے جدا ہو کر گرتے ہیں ، پاک ہیں ، مگر یہ کہ یقین حاصل ہو جائے کہ یہ روئیں نجس جگہ سے جدا ہوئے ہیں اور صرف اس شک کی بنا پر کہ روئیں گرتے ہیں یا نہیں یا روئیں نجس جگہ سے گرتے ہیں یا پاک جگہ سے احتیاط ضروری نہیں ہے۔

س۳۰۲۔ اس رطوبت کی مقدار کیا ہے جو ایک چیز سے دوسری چیز میں سرایت کرنے کا سبب بن جاتی ہے ؟

ج۔ سرایت کرنے والی رطوبت کا معیار یہ ہے کہ کوئی گیلی چیز جب دوسری چیز سے ملے تو اس کی رطوبت محسوس طریقہ سے اس میں منتقل ہو جائے۔

س۳۰۳۔ ان کپڑوں کا کیا حکم ہے جو پاک کرنے کے لئے دھو بی یا ڈرائی کلیننگ کو دئے جاتے ہیں ؟ اس بات کی وضاحت کر دینا ضروری ہے کہ انہیں جگہوں پر اقلیتیں مثلاً یہو دی اور عیسائی وغیرہ بھی اپنا لباس دیتے ہیں اور یہ بھی معلوم ہے کہ ڈرائی کلیننگ والے کپڑے دھو نے میں کیمیاوی مواد کا استعمال کرتے ہیں۔

ج۔ جو لباس ڈرائی کلیننگ میں دیا جاتا ہے اگر وہ پھلے سے نجس نہ ہو تو پاک ہے اور اہل کتاب اقلیتوں کے ساتھ مل کر دھلے ہوئے کپڑے نجس نہیں ہو تے۔

س۳۰۴۔ جو کپڑے گھر کی آٹو میٹک کپڑا دھو نے کی مشین سے دھوئے جاتے ہیں ، وہ پاک ہیں یا نہیں ؟ مذکورہ مشین اس طرح کام کرتی ہیں کہ پھلی بار مشین کپڑوں کو کپڑے دھو نے والے پاؤڈر سے دھو تی ہے جس کی وجہ سے کچھ پانی اور کپڑوں کا جہا گ مشین کے دروازے کے شیشے اور اس پر لگے ہوئے ربر کے خول پر پھیل جاتا ہے اور جب مشین دوسری بار دھو نے کے لئے پانی لیتی ہے تو پانی اس کے دروازے اور ربر کے خول پر لگے جہا گ کو پوری طرح گھیر لیتا ہے اور اگلے مراحل میں مشین کپڑوں کو تین مرتبہ آب قلیل سے دھو تی ہے پھر اس کے بعد دھو ون کو باہر نکالتی ہے۔ برائے مہربانی وضاحت فرمائیں کہ اس طرح کپڑے پاک ہو تے ہیں یا نہیں ؟

ج۔ عین نجاست زائل ہو جانے کے بعد جب پانی پائپ کے ذریعہ براہ راست مشین میں داخل ہو کر کپڑوں اور مشین کے اندر ہر جگہ پہنچ جائے اور پھر اس سے جدا ہو کر نکل جائے تو ان کپڑوں پر طہارت کا حکم لگے گا۔

س۳۰۵۔ اگر زمین پر یا حوض یا حمام میں جس میں کپڑے دھوئے جاتے ہیں ، پانی بہا یا جائے اور اس پانی کے چھینٹے لباس پر پڑ جائیں تو وہ نجس ہو جائے گا یا نہیں ؟

ج۔ اگر پانی پاک جگہ یا پاک زمین پر بہا یا جائے تو اس کے چھینٹے پاک ہیں۔

س۳۰۶۔ بلدیہ کی کوڑا ڈھونے والی گاڑیوں سے جو پانی سڑکوں پر بہتا جاتا ہے۔ بعض اوقات تند ہو ا کی وجہ سے لوگوں کے اوپر بھی پڑ جاتا ہے ، وہ پانی پاک ہے یا نجس؟

ج۔ پاک ہے مگر یہ کہ نجاست سے ملنے کی وجہ سے اس پانی کے نجس ہو نے کا کسی شخص کو یقین ہو جائے۔

س۳۰۷۔ سڑکوں کے گڑھوں میں جمع ہو جانے والا پانی پاک ہے یا نجس؟

ج۔ یہ پاک پانی کے حکم میں ہے۔

س۳۰۸۔ ان لوگوں کے ساتھ گھریلو آمدو رفت رکھنے کا کیا حکم ہے جو کہا نے، پینے وغیرہ میں طہارت و نجاست کے مسائل کو اہمیت نہیں دیتے ؟

ج۔ طہارت و نجاست کے موضوع میں ہر وہ چیز جس کے نجس ہو نے کا یقین نہ ہو بظاہر شرع میں پاک ہے۔

س۳۰۹۔ برائے مہربانی درج ذیل صورتوں میں قے کی طہارت اور نجاست کے بارے میں حکم شرعی بیان فرمائیں :

الف : شیر خوار بچہ کی قے۔

ب : اس بچہ کی قے جو دودھ پیتا اور کھانا بھی کھاتا ہے۔

ج : بالغ انسان کی قے۔

ج۔ تمام صورتوں میں پاک ہے۔

س۳۱۰۔ شے محصورہ ( یعنی ایسی چیزیں جن میں سے ایک نجس ہے ان میں سے کسی ) سے ملنے والی چیز کا کیا حکم ہے ؟

ج۔ اگر ان میں سے بعض چیزوں سے ملے تو اس پر نجس ہو نے کا حکم مرتب نہیں ہو گا۔

س۳۱۱۔ ایک شخص کھانا بیچتا ہے اور اس میں سرایت کرنے والی تری ہو نے کے باوجود اسے اپنے جسم سے مس بھی کرتا ہے لیکن اس کے دین کا پتا نہیں ہے ، کیا اس سے اس کے دین کے بارے میں سوال کرنا واجب ہے یا اس پر اصالت طہارت کا حکم جاری ہو گا؟ جبکہ یہ معلوم ہے کہ وہ اسلامی ملک کا باشندہ نہیں ہے بلکہ وہاں کام کرنے آیا ہے ؟

ج۔ اس سے اس کا دین پوچھنا واجب نہیں ہے بلکہ اس کو اور اس سے لی گئی چیز کو بھی جو اس کے جسم سے مس ہو رہی ہے ، اصالت طہارت کی بنا پر پاک سمجھیں گے۔

س۳۱۲۔ کسی شخص کے گھر میں یا اس کے رشتہ داروں کے گھروں میں ایک ایسا آدمی ہے جو ان لوگوں کے گھروں میں آیا جایا کرتا ہے اور یہ آدمی طہارت و نجاست کو اہمیت نہیں دیتا ، جس سے گھر اور اس میں موجود چیزیں وسیع پیمانہ پر نجس ہو جاتی ہیں جن کا دھو نا اور پاک کرنا ممکن نہیں ہے ، پس اس صورت میں ان لوگوں کا فریضہ کیا ہے ؟ اور ایسی صورت میں انسان کیسے پاک رہ سکتا ہے خصوصاً نماز میں جس کے صحیح ہو نے میں طہارت شرط ہے ؟ اور اس سلسلہ میں کیا حکم ہے ؟

ج۔ تمام گھر کو پاک کرنا ضروری نہیں ہے اور نماز صحیح ہو نے کے لئے نماز گزار کا لباس اور سجدہ گاہ کا پاک ہو نا کافی ہے۔ گھر اور اس کے اثاثہ کی نجاست نماز اور کھانے پینے میں طہارت کا لحاظ رکھنے سے زیادہ انسان پر کوئی مزید ذمہ داری عائد نہیں ہو تی۔

نشہ آور چیزیں

س۳۱۳۔ انگور اور کھجور کے اس عرق کا کیا حکم ہے جس کو آگ پر ابالا گیا ہو اور دو تھائی سے کم جلا ہو لیکن نشہ آور نہ ہو ؟

ج۔ اس کا پینا حرام ہے لیکن وہ نجس نہیں ہے۔

س۳۱۴۔ کہا جاتا ہے کہ اگر کچے انگور یا پھل کا عرق نکالنے کے لئے اسے ابالا جائے اور اس میں انگور کے کچھ دانے ہوں یا ایک ہی دانہ ہو تو ابال آ جانے کے بعد وہ سب حرام ہو جاتا ہے کیا یہ بات صحیح ہیں ؟

ج۔ اگر انگور کے دانوں کا پانی بہت ہی کم ہو اور وہ کچے انگور کے عرق میں اس طرح مل گیا ہو کہ اسے انگور کا عرق نہ کہا جاتا ہو تو حلال ہے لیکن اگر خود انگور کے دانوں کو آگ پر ابالا جائے تو حرام ہے۔

س۳۱۵۔ دور حاضر میں بہت سی دواؤں میں الکحل۔ جو درحقیقت نشہ آور ہے۔ خاص طور سے پینے والی دواؤں اور عطریات ( خصوصاً ان خوشبوؤں میں استعمال ہو تا ہے جنہیں باہر سے منگایا جاتا ہے ) تو کیا اس سے واقف یا ناواقف آدمی کے لئے ان چیزوں کا خریدنا، بیچنا، فراہم کرنا استعمال کرنا اور دوسرے تمام فوائد حاصل کرنا جائز ہے ؟

ج۔ جس الکحل کے بارے میں یہ نہ معلوم ہو کہ وہ بذات خود نشہ آور سیال ہے تو وہ پاک ہے اور ان سیال چیزوں کی خرید و فروخت اور ان کے استعمال میں بھی کوئی حرج نہیں ہے جن میں الکحل ملا ہو ا ہو۔

س۳۱۶۔ کیا سفید الکحل کے ذریعہ ہاتھ اور طبی آلات کو طبی امور میں استعمال کے لئے جراثیم سے پاک کرنے کی غرض سے نیز ڈاکٹر یا طبی بورڈ کے ذریعہ علاج کی غرض سے استعمال کیا جا سکتھے ؟سفید الکحل جو طبی الکحل ہے اور پینے کے قابل بھی ہے اور اس کا معادل (c2hooh ) ہے ، پس کیا جس کپڑے پر اس الکحل کا ایک قطرہ یا اس سے زیادہ گر جائے اس کپڑے میں نماز جائز ہے ؟

ج۔ جو الکحل دراصل سیال نہ ہو ، پاک ہے اگرچہ نشہ آور ہی ہو اور طبی وغیر طبی امور میں اس کے استعمال میں مضائقہ نہیں ہے۔ اس لباس میں نماز بھی صحیح ہے جس پر ایسا الکحل پڑ جائے۔ اس کے پاک کرنے کی ضرورت نہیں ہے۔

س۳۱۷۔ کفیر نام کا ایک مادہ ہے جو غذائیں اور دوائیں بنانے میں استعمال ہو تا ہے اور تخمیر کے دوران اس مادہ میں سے ۵%یا ۸ % الکحل حاصل ہو تا ہے۔ الکحل کی یہ قلیل مقدار مستہلک ہو جانے کی صورت میں کسی قسم کے نشہ کا سبب نہیں بنتی۔ آیا شریعت کی رو سے اس کے استعمال میں کوئی مانع ہے یا نہیں ؟

ج۔اس حاصل شدہ مادہ میں موجود الکحل اگر بذات خود نشہ آور ہو تو وہ نجس و حرام ہے اور چہ ے وہ قلیل مقدار ہو نے اوراس مادہ میں ممزوج ہو جانے کے سبب نشہ آور ہے یا شک ہو کہ وہ اصل میں سیال ہے یا نہیں تو حکم مختلف ہو گا۔

س۳۱۸۔ ۱۔ دینائیل الکحل نجس ہے یا نہیں ؟ ( بظاہر الکحل منشیات میں موجود ہو تا ہے اور نشہ آور ہو تا ہے )

۲۔ الکحل کی نجاست کا معیار کیا ہے ؟

۳۔ وہ کونسا طریقہ ہے جس سے ہم ثابت کریں کہ فلاں مشروب نشہ آور ہے ؟

۴۔ صنعتی الکحل سے کیا مراد ہے ؟

ج۔ الکحل کی وہ تمام قسمیں جو نشہ آور اور دراصل سیال ہیں نجس ہیں۔

۲۔ نشہ آور ہو اور دراصل سیال ہو۔

۳۔ اگر خود مکلف کو یقین نہ ہو تو اس کے لئے موثق اہل علم کی گواہی کافی ہے۔

۴۔ اس سے مراد وہ الکحل ہے جس کو رنگ اور تصویر بنانے کی صنعت، آپریشن کے اوزار کو جراثیم سے پاک کرنے اور انجکشن لگانے نیز ان کے علاوہ دوسرے موارد میں استعمال کیا جاتا ہے۔

س۳۱۹۔ بازار میں موجود مشروبات کے پینے اور اسی ضمن میں ملک میں بننے والے مشروبات ( کوکا کولا ، پیپسی وغیرح) کا کیا حکم ہے ؟ جبکہ یہ کہا جاتا ہے کہ اس کا اساسی مواد باہر سے لگایا جاتا ہے اور احتمال ہے کہ اس میں مادۂ الکحل پایا جاتا ہو ؟

ج۔ طاہر و حلال ہیں مگر یہ کہ خود مکلف کو یہ یقین ہو کہ ان میں بالاصالۃ نشہ آور سیال الکحل ملایا گیا ہے۔

س۳۲۰۔ کیا غذائی سامان خریدتے وقت اس بات کی تحقیق ضروری ہے کہ اس کے بیچنے والے یا بنانے والے نے اسے ہاتھ سے چھو ا ہے یااس کے بنانے میں اس نے الکحل استعمال کیا ہے ؟

ج۔ پوچھنا اور تحقیق کرنا ضروری نہیں ہے۔

س۳۲۱۔ میں ’ اٹروپین سلفیٹ اسپرے ‘ بناتا ہوں جو الکحل کے لئے اس کے دوائی توازن کی ترکیب ( فارمولیشن) میں بنیادی حیثیت رکھتی ہے۔ یعنی اگر ہم اس میں الکحل کا اضافہ نہ کریں تو اسپرے نہیں بن سکتا ہے اور کار آمد ہو نے کے لحاظ سے مذکورہ اسپرے ایسا دفاعی اسلحہ ہے جس سے لشکر اسلام جنگ میں اعصاب پر اثر انداز ہو نے والی گیسوں سے محفوظ رہتا ہے۔ کیا آپ کی نظر شریف میں شرعی طور پر الکحل کا استعمال مذکورہ بالا دوا بنانے کے لئے جائز ہے ؟

ج۔ اگر الکحل مسکر اور اصلاً سیال ہے تو وہ نجس و حرام ہے لیکن اس کو دوا کے طور پر کسی بھی حال میں استعمال کرنے میں کوئی اشکال نہیں ہے۔

وسوسہ اور اس کا علاج

س۳۲۲۔ چند سال سے وسواس کی بلا میں مبتلا ہوں ، یہ چیز میرے لئے بڑی تکلیف دہ ہے اور یہ وسواس دن بدن بڑھتا ہی جا رہا ہے ، یہاں تک کہ میں ہر چیز میں شک کرنے لگا ہوں۔میری پوری زندگی شک پر استوار ہے ، میرا زیادہ تر شک کھانے میں اور تر چیزوں میں ہو تا ہے۔ لہذا میں عام لوگوں کی طرح معمول کے کام نہیں کرسکتا۔ چنانچہ جب میں کسی مکان میں داخل ہو تا ہوں تو فوراً اپنے موزے اتار لیتا ہوں کیونکہ میں سمجھتا ہوں کہ میرے موزے پسینہ سے تر ہیں اور وہ کسی چیز کے ساتھ ملنے سے نجس ہو جائیں گے یہاں تک کہ میں جانماز پر بھی نہیں بیٹھ سکتا اور جب بیٹھ جاتا ہوں تو میرا نفس مجھے اٹھنے پر مجبور کرتا ہے کہ جانماز کے روئیں میرے لباس پر نہ لگ جائیں اور میں انہیں دھو نے پر مجبور ہو جاؤں گا پہلے میری یہ حالت نہیں تھی لیکن اب تو مجھے ان اعمال سے شرم آتی ہے ، ہمیشہ یہی دل چاہتا ہے کہ کسی کو خواب میں دیکھوں اور اس سے سوال کروں ، یا کوئی معجزہ ہو جائے جس سے میری زندگی بدل جائے اور میں پھلے جیسا ہو جاؤں ، امید ہے کہ میری ہدایت فرمائیں گے؟

ج۔ طہارت و نجاست کے وہی احکام ہیں جن کو تفصیل کے ساتھ رسالہ عملیہ میں بیان کیا گیا ہے اور شریعت کی رو سے ہر چیز پاک ہے سوائے اس کے جس کو شارع نے نجس قرار دیا ہو اور انسان کو اس کے نجس ہو نے کا یقین حاصل ہو گیا ہو اور اس حالت میں وسواس سے نجات کے لئے خواب یا معجزہ کی ضرورت نہیں ہے بلکہ مکلف پر واجب ہے کہ وہ اپنے ذاتی ذوق کو ایک طرف رکھ دے اور شریعت مقدسہ کی تعلیمات کے سامنے سراپا تسلیم ہو جائے ان پر ایمان لے آئے، اور اس چیز کو نجس نہ سمجھے جس کے نجس ہو نے کا یقین نہ ہو آپ کو یہ یقین کہاں سے حاصل ہو ا کہ دروازہ ، دیوار ، جا نماز اور آپ کے استعمال کی تمام چیزیں نجس ہیں آپ نے کیسے یہ یقین کر لیا کہ جانماز ، جس پر آپ چلتے یا بیٹھتے ہیں اس کے روئیں نجس ہیں اور اس کی نجاست آپ کے موزے ، لباس اور بدن میں سرایت کر جائے گی؟! بہر صورت اس حالت میں آپ کے لئے اس وسواس کی طرف اعتناء کا عادی بننا آپ کی شرعی ذمہ داری ہے۔ ان شاء اللہ خدا آپ کی مدد کرے گا اور آپ کے نفس کو وسواس کے چنگل سے نجات دے گا۔

س۳۲۳۔ میں ایک عورت ہوں میرے چند بچے ہیں ، میں اعلیٰ تعلیم یافتہ ہوں ، میرے لئے مسئلہ طہارت مشکل بنا ہو ا ہے اور میں نے ایک دین دار گھرانہ میں پرورش پائی ہے اور میں تمام اسلامی دستورات پر عمل کرنا چاہتی ہوں لیکن چونکہ میرے چھوٹے چھوٹے بچے ہیں۔ لہذا ہمیشہ ان کے پیشاب پاخانہ میں مشغول رہتی ہوں اور ان کا پیشاب پاک کراتے وقت سائفن کے پانی کے چھینٹے اڑ کر میرے ہاتھوں ، پیروں یہاں تک سر پر بھی پڑ جاتے ہیں اور ہر مرتبہ ان اعضاء کی طہارت کی مشکل سے دو چار ہو تی ہوں ، اس سے میری زندگی میں بہت سی مشکلیں پیدا ہو گئی ہیں۔ دوسری طرف ان امور کی رعایت کو میں ترک نہیں کرسکتی کیونکہ اس کا تعلق میرے دین اور عقیدہ سے ہے ، میں نے کئی بار ماہر نفسیات سے رجوع کیا ہے لیکن کسی نتیجہ پر نہیں پہنچ سکی۔ اس کے علاوہ دیگر امور بھی میری پریشانی کا سبب ہیں جیسے نجس چیز کا غبار بچہ کے نجس ہاتھوں سے محتاط رہنا جن کا یا پاک کرنا مجھ پر واجب ہے یا اسے دوسری چیزیں چھو نے سے باز رکھنا۔ میرے لئے نجس چیز کا پاک کرنا بہت مشکل کام ہے لیکن ساتھ ہی ان برتنوں اور کپڑوں کا دھو نا میرے لئے آسان ہے جو میلے یا گندے ہوں۔ امید ہے کہ آپ کی راہنمائی سے میری زندگی آسان ہو جائے گی۔

ج۔۱۔ شریعت کی نظر میں باب طہارت و نجاست میں اصل طہارت ہے یعنی جس جگہ بھی تمہیں نجاست میں معمولی سا شک ہو وہاں تمہارے اوپر واجب ہے کہ عدم نجاست کا حکم لگاؤ۔

۲۔ نجاست کے سلسلہ میں جو لوگ بہت حساس ہیں ( اسلامی فقہ کی اصطلاح میں جنہیں وسواسی یا شکی کہا جاتا ہے ) اگر انہیں بعض جگہوں پرنجاست کا یقین بھی ہو جائے تب بھی ان پر واجب ہے کہ ان پر نجس نہ ہو نے کا حکم لگائیں سوائے ان موارد کے جنہیں انہوں نے اپنی آنکھوں سے نجس ہو تے دیکھا ہو۔ اس طرح کہ اگر کوئی بھی دوسرا شخص دیکھے تو نجاست کے سرایت کرنے کا یقین کرے ایسی جگہوں پر واجب ہے کہ وہ بھی نجاست کا حکم لگائیں اور یہ حکم اس وقت تک ان لوگوں پر جاری رہے گا جب تک مذکورہ حساسیت بالکل ختم نہ ہو جائے۔

۳۔ جو چیز یا عضو نجس ہو جائے اس کی طہارت کے لئے، عین نجاست زائل ہو نے کے بعد اسے ایک مرتبہ پائپ سے دھو نا کافی ہے ، دوبارہ دھو نا یا پانی کے نیچے رکھنا واجب نہیں ہے اور اگر نجس ہو نے والی چیز موٹے کپڑے کی جیسی ہو تو اسے بقدر معمول نچوڑیں تاکہ اس سے پانی نکل جائے۔

۴۔ چونکہ آپ نجاست کے سلسلہ میں بے حد حساس ہو چکی ہیں ، پس جان لیجئے کہ نجس غبار آپ کے لئے کسی صورت میں بھی نجس نہیں ہے اور بچہ کے پاک یا نج س ہاتھ کے سلسلہ میں محتاط رہنا ضروری نہیں ہے اور نہ ہی اس سلسلہ میں دقت کرنا ضروری ہے کہ بدن سے خون زائل ہو ا یا نہیں اور آپ کے لئے یہ حکم اس وقت تک باقی ہے جب تک مکمل طور پر آپ کی حساسیت بالکل ختم نہیں ہو جاتی۔

۵۔ دین اسلام کے احکام سہل و آسان اور فطرت انسان کے موافق ہیں انہیں اپنے لئے مشکل نہ بنائے اور اس صورت میں اپنے بدن اور روح کو تکلیف و ضرر میں مبتلا نہ کیجئے اور ایسے حالات میں قلق و اضطراب سے زندگی تلخ ہو جاتی ہے۔ بے شک خدائے متعال اس بات سے خوش نہیں ہے کہ آپ اور آپ کے متعلقین عذاب میں مبتلا ہوں۔ آسان دین کی نعمت پر شکر ادا کیجئے اور اس نعمت پر شکر ادا کرنے کا مطلب یہ ہے کہ خدا کے دین کے احکام کے مطابق عمل کیا جائے۔

۶۔ آپ کی موجودہ کیفیت وقتی اور قابل علاج ہے ، اس میں مبتلا ہو نے کے بعد بہت سے لوگوں نے مذکورہ طریقہ کے مطابق عمل کر کے بہت آرام محسوس کیا ہے ، خدا پر بھروسہ کیجئے اور اپنے اندر عزم و ہمت پیدا کیجئے۔

کافر کی نجاست

اہل کتاب کی طہارت اور دوسرے کفار کا حکم

س۳۲۴۔ اہل کتاب پاک ہیں یا نجس؟

ج۔ ان کا ذاتاً پاک ہونا بعید نہیں ہے۔

س۳۲۵۔ بعض فقہا اہل کتاب کو نجس اور بعض انہیں پاک قرار دیتے ہیں آپ کی کیا رائے ہے؟

ج۔ اہل کتاب کی ذاتی نجاست ثابت نہیں ہے، بلکہ ہم انہیں ذاتاً پاک کے حکم میں سمجھتے ہیں۔

س۳۲۶۔ وہ اہل کتاب جو فکری لحاظ سے خاتم النبیین کی رسالت کے قائل ہیں لیکن اپنے آباء و اجداد کے عادات اور ان کی روش کے مطابق عمل پیرا ہیں کیا وہ طہارت کے مسئلے میں کافر کے حکم میں ہیں ؟

ج۔ صرف خاتم النبیین کی رسالت کا اعتقاد رکھنا اسلام کے تحت آنے کے لئے کافی نہیں ہے۔ لیکن اگر ان کا شمار اہل کتاب میں ہوتا ہے تو وہ پاک ہیں۔

س۳۲۷۔ میں نے اپنے چند دوستوں کے ساتھ ایک گھر کرایہ پر لیا،ہمیں معلوم ہوا کہ ان میں سے ایک نماز نہیں پڑھتا ، اس سلسلے میں پوچاہے جانے پر اس نے جواب دیا کہ وہ دل سے تو خدا پر ایمان رکھتا ہے لیکن نماز نہیں پڑھتا۔ اس بات کے پیش نظر کہ ہم اس کے ساتھ کھانا کہاتے ہیں اور اس سے بہت زیادہ گھلے ملے ہیں ، آیا وہ نجس ہے یا پاک؟

ج۔ صر ف نماز اور روزہ اور دوسرے شرعی واجبات کا ترک کرنا، مسلمان کے مرتد اور نجس ہونے کا موجب نہیں ہوتا، بلکہ جب تک اس کے مرتد ہونے کا یقین نہ ہو جائے اس کا حکم سارے مسلمانوں جیسا ہے۔

س۳۲۸۔ وہ کون سے ادیان ہیں جن کے ماننے والے اہل کتاب ہیں ؟ اور معیار کیا ہے جو ان کے ساتھ رہن سہن کے حدود کو معین کرتا ہے۔

ج۔اہل کتاب سے مراد وہ لوگ ہیں جن کا تعلق کسی الہی دین سے ہو، وہ اپنے کو انبیاء اللہ میں سے کسی نبی (ص)کی امت سے مانتے ہوں اور ان کے پاس انبیاء پر نازل ہونے والی آسمانی کتابوں میں سے کوئی کتاب ہو، جیسے یہودی، عیسائی، زرتشی اور اسی طرح صائبی ہیں ( ہماری تحقیق کی رو سے) اہل کتاب ہیں۔ پس ان سب کا حکم اہل کتاب کا حکم ہے اور اسلامی قوانین و اخلاق کی رعایت کرتے ہوئے ان کے ساتھ معاشرت کرنے میں کوئی حرج نہیں ہے۔

س۳۲۹۔ ایک فرقہ ہے جو اپنے کو ’ علی اللہیہ ‘ کہتا ہے۔ وہ لوگ امیر المومنین علی ابن ابی طالب کو خدا سمجھتے ہیں اور ان کا عقیدہ یہ ہے کہ دعا اور طلب حاجت، نماز اور روزے کا بدل ہیں ، کیا یہ لوگ نجس ہیں ؟

ج۔ اگر وہ امیرالمومنین علی بن ابی طالب کو اللہ مانتے ہیں۔ تعالیٰ اللہ عن ذلک علوا ًکبیراً۔ تو ان کا حکم اہل کتاب کے سوا دوسرے غیر مسلموں جیسا ہے۔

س۳۳۰۔ ایک فرقہ ہے جس کا نام ’ علی اللہیہ ‘ ہے اس کے ماننے والے کہتے ہیں کہ علی خدا تو نہیں ہیں لیکن خدا سے کم بھی نہیں ہیں ، ان کا کیا حکم ہے؟

ج۔ اگر وہ ( حضرت علی(ع) کو ) خدائے واحد و منان کا شریک قرار نہیں دیتے تو وہ مشرک کے حکم میں نہیں ہیں۔

س۳۳۱۔ کسی شیعہ اثنا عشری نے اگر امام حسین (ع)یا اصحاب کساء (پنجتن پاک)کے لئے نذر کی ہو تو کیا اس نذر کو ان مراکز میں دینا صحیح ہے جہاں فرقہ ’ علی اللہیہ ‘ کے ماننے والے جمع ہوتے ہیں اور یہ (نذر)کسی نہ کسی شکل میں ان مراکز کی تقویت کا باعث بنتی ہے؟

ج۔ مولائے موحدین (حضر ت علی علیہ السلام)کو خدا ماننے کا عقیدہ باطل ہے اور ایسا عقیدہ رکھنا اسلام سے خارج ہونے کا موجب ہے ایسے فاسد عقیدہ کی ترویج میں مدد کرنا حرام ہے، مزید یہ کہ اگر مال کو کسی خاص

س۳۳۲۔ ہمارے علاقے اور بعض دوسرے علاقوں میں ایک فرقہ پایا جاتا ہے جو اپنے کو ’ اسماعیلیہ ‘ کہتے۔ وہ لوگ گر چہ اماموں ( پہلے امام سے چھٹے امام تک) کا اعتقاد رکھتے ہیں۔ لیکن وہ کسی بھی واجبات دینی کو نہیں مانتے اسی طرح وہ ولایت فقیہ کو بھی نہیں مانتے ، لہذا آپ بتائیں کہ اس فرقے کی پیروی کرنے والے نجس ہیں یا پاک؟

ج۔ صرف چہ معصومین (ع) یا احکام شرعیہ میں سے کسی حکم پر اعتقاد نہ رکھنا اگر وہ اصل شریعت سے انکار نہ ہو اور نہ خاتم الانبیاء علیہ وآلہ والصلاۃوالسلام کی نبوت سے انکار ہو تو کفر و نجاست کا موجب نہیں ہے۔ مگر یہ کہ وہ لوگ کسی امام کو برا بھلا کہیں یا ان کی اہانت کریں۔

س۳۳۳۔ یہاں سب سے بڑی آبادی( بدھ مذہب کے ماننے والے) کافروں کی ہے۔ اگر یونیورسٹی کا کوئی طالب علم کرایہ پر مکان لے تو اس مکان کی طہارت و نجاست کا کیا حکم ہے؟ کیا اس مکان کو دھونا اور اسے پاک کرنا ضروری ہے؟ اس بات کی طرف بھی اشارہ کر دوں کہ یہاں اکثر مکان لکڑی کے بنے ہوئے ہیں ان کا دھونا ممکن نہیں ہے، نیز ہوٹلوں اور ان میں موجود چیزوں کا کیا حکم ہے؟

ج۔ جب تک کافر غیر کتابی کے ہاتھ اور بدن کا سرایت کرنے والی رطوبت کے ساتھ مس ہونے کا یقین نہ ہو، اس پر نجاست کا حکم نہیں لگے گا اور نجاست کا یقین ہونے کی صورت میں ہوٹلوں اور مکانوں کے دروازوں اور دیواروں کا پاک کرنا واجب نہیں ہے، بلکہ کھانے پینے میں اور نماز کے لئے استعمال کی جانے والی چیزیں اگر نجس ہوں تو ان کا پاک کرنا واجب ہے۔

جناب یحییٰ

س۳۳۴۔ خوزستان (ایرا ن) میں بہت سے لوگ ایسے ہیں جو اپنے کو صائبی کہتے ہیں۔ وہ کہتے ہیں کہ ہم جناب یحییٰ کے ماننے والے ہیں اور ہمارے پاس ان ((ع)) کی کتا ب ہے اور دین شناسوں کے نزدیک ثابت ہو چکا ہے کہ یہ وہی صائبی ہیں جن کا ذکر قرآن مجید میں ہے۔ لہذا آپ بتائیں کہ وہ اہل کتاب میں سے ہیں یا نہیں ؟

ج۔ مذکورہ گروہ اہل کتاب کے حکم میں ہے۔

س۳۳۵۔ یہ جو کہا جاتا ہے کہ کافر کے ہاتھ کا بنا ہوا گھر نجس ہوتا ہے اور اس میں نماز پڑھنا مکروہ ہے کیا یہ صحیح ہے؟

ج۔ ایسے گھر میں نماز پڑھنا مکروہ نہیں ہے۔

س۳۳۶۔ یہودیوں اور کافروں کے دوسرے فرقوں کے یہاں کام کرنے اور ان سے اجرت لینے کا کیا حکم ہے؟

ج۔ اس میں بذات خود کوئی مانع نہیں ہے بشرطیکہ وہ کام حرام اور اسلام و مسلمین کے مفادات کے خلاف نہ ہو۔

س۳۳۷۔ جس جگہ ہم فوج میں کام کرتے ہیں وہاں بعض قبیلے ہیں جن کا تعلق ایسے فرقہ سے ہے جسے مذہب ’ الحق‘ کہا جاتا ہے۔ کیا ان کے ہاتھ سے دودھ دھی اور مکھن لے کر کھا سکتے ہیں ؟

ج۔ اگر وہ اصول اسلام کے معتقد ہوں تو طہارت و نجاست کے مسئلے میں سارے مسلمانوں کے حکم میں ہیں۔

س۳۳۸۔ جس گاؤں میں ہم پڑھاتے ہیں وہاں کے لوگ نماز نہیں پڑھتے کیونکہ وہ فرقہ ’ الحق ‘ سے ہیں اور ہم ان سے روٹی لینے اور ان کے یہاں کھانا کھانے پر مجبور ہیں ، کیونکہ ہم رات دن اسی قریہ میں رہتے ہیں ، تو کیا وہاں ہماری نمازوں میں کوئی اشکال ہے؟

ج۔ اگر وہ توحید اور نبوت کے منکر نہ ہوں ، نہ ضروریات دین میں سے کسی چیز کے منکر ہوں اور نہ رسول اسلام کی رسالت کے ناقص ہونے کے معتقد ہوں تو ان پر نہ کفر کا حکم لگے گا اور نہ نجاست کا۔ لیکن اگر ایسا نہ ہو تو ان کا کھانا کھانے اور انہیں چھونے کی صورت میں طہارت و نجاست کا لحاظ رکھنا واجب ہے۔

س۳۳۹۔ ہمارے رشتہ داروں میں ایک صاحب کمیونسٹ تھے ، انہوں نے بچپن میں ہمیں بہت ساری چیزیں اور مال دیا تھا، پس اگر وہ مال اور چیزیں بنفسہ موجود ہوں تو ان کا کیا حکم ہے؟

ج۔ اگر اس کا کفر اور ارتداد ثابت ہو جائے اور اس نے سن بلوغ میں اظہار اسلام سے پھلے کفر اختیار کیا تو اس کے اموال کا حکم وہی ہے جو دوسرے کافروں کے اموال کا ہے۔

س۳۴۰۔ مندرجہ ذیل سوالات کے جواب مرحمت فرمائیں :

۱۔ ابتدائی ، متوسط اور اس سے بالاتر کلاسوں کے مسلمان طلاب کا بھائی فرقے کے طلاب کے ساتھ ملنے جلنے ، اٹھنے بیٹھنے اور ان سے ہاتھ ملانے کا کیا حکم ہے، خواہ وہ لڑکے ہوں یا لڑکیاں ، مکلف یا غیر مکلف، اسکول میں ہوں یا اس سے باہر ؟

۲۔ جو طلاب اپنے کو بہائی کہتے ہیں یا جن کے بہائی ہونے کا یقین ہے ان کے ساتھ اساتذہ اور مربیوں کو کس طرح کا رویہ رکھنا واجب ہے؟

۳۔ جن چیزوں کو سارے طلاب استعمال کرتے ہیں ان سے استفادہ کرنے کے بارے میں شرعی حکم کیا ہے جیسے پینے کے پانی یا بیت الخلاء کا نل، لوٹا، صابن اور اسی جیسی دوسری چیزیں جہاں ہاتھ اور بدن کے مرطوب ہونے کا یقین ہو؟

ج۔ گمراہ فرقہ بہائی کے تمام افراد نجس ہیں ، اور ان کے کسی چیز کے چھونے کی صورت میں جن امور میں طہارت شرط ہے ان میں طہارت کا لحاظ رکھنا واجب ہے، لیکن اساتذہ اور مربیوں پر واجب ہے کہ ان کا رویہ بہائی طلاب کے ساتھ قانونی مقررات اور اسلامی اخلاق کے مطابق ہو۔

س۳۴۱۔ اسلامی معاشرہ میں بہائی فرقہ کے ماننے والوں کی وجہ سے جو کمزوریاں پیدا ہوتی ہیں ان کا مقابلہ کرنے کے لئے مومنین اور مومنات کی کیا ذمہ داری ہے؟

ج۔ سارے مومنین پر واجب ہے کہ وہ بہائی فرقہ کی فتنہ پردازی اور ان کے مکروہ حیلے کو روکیں اور لوگوں کو اس گمراہ فرقہ کے ذریعہ منحرف ہونے سے بچائیں۔

س۳۴۲۔ بعض اوقات بہائی فرقہ کے ماننے والے کھانے کی یا دوسری چیزیں ہمارے پاس لاتے ہیں ، تو کیا ان کا استعما ل کرنا ہمارے لئے جائز ہے؟

ج۔ ان کے تحفوں کو واپس کرنا اور ان کو قبول نہ کرنا واجب نہیں ہے اور جن تر چیزوں کے بارے میں شک ہو کہ اس میں ان کا ہاتھ لگا ہے یا نہیں ایسی صورت میں بنیاد طہارت پر رکھنی چاہئیے ، لیکن ان کی ہدایت اور انہیں اسلام کی طرف مائل کرنے کی سعی و کوشش آپ پر لازم ہے۔

س۳۴۳۔ ہمارے پڑوس میں بہت سے بہائی رہتے ہیں اور ہمارے ہاں اکثر ان کا آنا جانا ہوتا ہے۔ کوئی کہتا ہے کہ بہائی نجس ہیں اور کوئی کہتا ہے کہ پاک ہیں ، اور یہ بہائی بہت اچھے اخلاق کا اظہار کرتے ہیں ، پس وہ نجس ہیں یا پاک ہیں ؟

ج۔ وہ نجس ہیں اور تمہارے دین اور ایمان کے دشمن ہیں۔ پس اے میرے عزیز بیٹے ! تم ان کے ساتھ سنجیدگی کے ساتھ پرہیز کرو۔

س۳۴۴۔ بسوں اور ریل گاڑیوں کی ان سیٹوں کا کیا حکم ہے جن پر مسلمان اور کافر دونوں بیٹھتے ہیں اور بعض علاقوں میں کافروں کی تعداد مسلمانوں سے زیادہ ہے ، کیا یہ سیٹیں پاک ہیں ؟ جبکہ ہم جانتے ہیں کہ گرمی کی وجہ سے پسینہ نکلتا ہے بلکہ وہ پسینہ میں سرایت کر جاتا ہے۔

ج۔ جب تک ان کے نجس ہونے کا علم نہ ہو ان کو پاک سمجھا جائے گا۔

س۳۴۵۔ دوسرے ممالک میں پڑھنے کا لازمہ یہ ہے کافروں کے ساتھ تعلقات رکھے جائیں ایسے موقع پر ان کے ہاتھ کا بنا ہوا کھانا کھانے کا کیا حکم ہے ( بشرطیکہ حرام چیزوں کے نہ ہونے کی رعایت کی جائے جیسے غیر مزکی گوشت) اگرچہ اس میں ان کے گیلے ہاتھ کے لگنے کا احتمال ہو؟

ج۔ صرف کافر کے تر ہاتھ لگنے کا احتمال وجوب اجتناب کے لئے کافی نہیں ہے۔ بلکہ جب تک کافر کے تر ہاتھ سے مس ہونے کا یقین نہ ہو جائے اس وقت تک چیز پاک کھلائے گی اور اگر کافر اہل کتاب ہو تو اس کی نجاست ذاتی نہیں ہے لہذا اس کے تر ہاتھ کے مس ہونے سے کوئی چیز نجس نہیں ہو گی۔

س۳۴۶۔ اگر اسلامی حکومت میں زندگی بسر کرنے والے مسلمان کے تمام مصارف و اخراجات پورے ہو رہے ہیں اور اس کے باوجود وہ غیر مسلم کی ملازمت کرتا ہو اور اس سے اس کے گہرے تعلقات ہوں تو ایسے مسلمان سے گھریلو تعلقات قائم کرنا اور کبھی کبھار اس کے یہاں کھانا کھانا جائز ہے؟

ج۔ مسلمانوں کے لئے مذکورہ مسلمان سے تعلقات رکھنے میں کوئی مضائقہ نہیں ہے۔ لیکن اگر غیر مسلم کی دوستی سے اس مسلمان کے عقیدہ میں انحراف کا خوف ہو تو اس پر اس کام سے کنارہ کش ہونا واجب ہے اور ایسی صورت میں دوسرے مسلمانوں پر واجب ہے کہ اس کو غیر مسلم کی ملازمت سے باز رکھیں۔

س۳۴۷۔ افسوس کہ میرے برادر نسبتی مختلف اسباب کی بنا پر مرتد ہو گئے تھے اور نوبت یہاں تک پہنچ چکی تھی کہ دینی مقدسات کی اہانت کے مرتکب بھی ہوتے تھے۔ کئی سال گزر جانے کے بعد اب ان کے ایک خط سے ظاہر ہوتا ہے کہ وہ دوبارہ اسلام پر ایمان لے آئے ہیں لیکن اس وقت بھی وہ روزے نماز کے پابند نہیں ہیں ایسی صورت میں ان سے ان کے والدین اور رشتہ داروں کے کیسے تعلقات ہونا چاہئیں اور کیا ان کو کافر قرار دیتے ہوئے نجس سمجھنا چاہئیے؟

ج۔ اگر سابق میں اس کا مرتد ہونا ثابت ہو جائے تو جب اس سے توبہ کر لے گا تو پاک ہو جائے گا اور اس کے والدین اور رشتہ داروں کے لئے اس سے تعلقات رکھنے میں کوئی مضائقہ نہیں ہے۔

س۳۴۸۔ اگر کوئی شخص بعض ضروریات دین جیسے روزہ کا منکر ہو جائے تو کیا اس پر کافر کا حکم لگے گا؟

ج۔ اگر بعض ضروریات دین کا انکار ، رسالت کا انکار یا پیغمبر اسلام (ص)کی تکذیب یا شریعت کی تنقیص کھلاتا ہو تو یہ کفر و ارتداد ہے۔

س۳۴۹۔ کافر ذمی کافر حربی مرتد کے لئے جو سزائیں معین کی گئی ہیں کیا وہ سیاسی نوعیت کی ہیں اور قائد کے فرائض میں شامل ہیں یا وہ سزائیں قیامت تک کے لئے ثابت ہیں ؟

ج۔ یہ الہی اور شرعی حکم ہے۔

کتابِ نماز

نماز کی اہمیت اور شرائط

س۳۵۰۔ عمداً نماز ترک کرنے والے یا اسے سبک سمجھنے والے کا کیا حکم ہے ؟

ج۔ نماز پنجگانہ شریعت اسلامیہ کے ہم واجبات میں سے ہے ، بلکہ یہ دین کا ستون ہے اور اس کا ترک کرنا یا سبک سمجھنا شرعاً حرام اور عذاب کا موجب ہے۔

س۳۵۱۔ اگر کسی کو وضو اور غسل کے لئے پانی اور تیمم کے لئے خاک میسر نہ ہو تو کیا اس پر نماز واجب ہے ؟

ج۔ ادا کرنا واجب نہیں ہے اگرچہ احتیاط مستحب ہے کہ ادا کرے (لیکن) احتیاطاً قضا پڑھنا واجب ہے۔

س۳۵۲۔ آپ کی نظر میں ایک واجبی نماز سے کن موقعوں پر عدول کیا جا سکتا ہے ؟

ج۔ مندرجہ ذیل موارد میں عدول کرنا واجب ہے :

۱۔ عصر کی نماز سے ظہر کی طرف عدول کرنا اگر نماز کے درمیان متوجہ ہو کہ اس نے ظہر کی نماز نہیں پڑھی ہے۔

۲۔ عشاء کی نماز سے مغرب کی طرف بشرطیکہ اس نے محل عدول سے تجاوز نہ کیا ہو اور متوجہ ہو گیا ہو کہ مغرب کی نماز نہیں پڑھی ہے۔

۳۔ اگر ترتیب وار پڑھی جانے والی دو قضا نمازوں میں بہو ل سے بعد کی نماز کو پہلے شروع کر دیا ہو۔

اور مندرجہ ذیل موقعوں پر عدول مستحب ہے :

۱۔ ادا نماز سے قضا کی طرف ، بشرطیکہ ادا نماز کی فضیلت کا وقت فوت نہ ہو جائے۔

۲۔ جماعت میں شرکت کی غرض سے واجب نماز سے مستحبی کی طرف عدول۔

۳۔ اگر جمعہ کے دن نماز ظہر میں سورہ جمعہ کے بجائے بہو ل کر دوسرا سورہ شروع کر دیا ہو اور نصف یا کچھ زائد پڑھ چکا ہو تو وہ واجبی نماز سے مستحبی نماز کی طرف عدول کرسکتا ہے۔ تاکہ نماز فریضہ کو سورہ جمعہ کے ساتھ ادا کرسکے۔

س۳۵۳۔ جمعہ کے دن جو نمازی جمعہ اور ظہر دونوں نمازوں میں صرف ’ قربۃ الی اللہ ‘ یا دونوں میں واجب قربۃ الی اللہ کی نیت کرے؟

ج۔ دونوں میں قربت کی نیت کرنا کافی ہے اور کسی میں وجوب کی نیت واجب نہیں ہے۔

س۳۵۴۔ اگر نماز کے اول وقت سے تقریباً آخر وقت تک منہ یا ناک سے خون جاری رہے تو ایسے میں نماز کا کیا حکم ہے ؟

ج۔ اگر بدن کے پاک کرنے پر قادر نہ ہو اور وقت نماز کے ختم ہو جانے کا خوف ہو تو اسی حالت میں نماز پڑھے گا۔

س۳۵۵۔ نماز میں مستحبی ذکر کو پڑھتے وقت کیا بدن کو پوری طرح ساکن رکھنا واجب ہے ؟

ج۔ خواہ ذکر واجب ہو یا مستحب اثنائے نماز میں دونوں کی قرأت کے وقت جسم کا مکمل سکون و اطمینان کی حالت میں ہو نا واجب ہے۔

س۳۵۶۔اسپتالوں میں مریضوں کو پیشاب کے لئے نلکی لگا دی جاتی ہے جس سے غیر اختیاری طور پر سوتے جاگتے یہاں تک کہ درمیان نماز بھی مریض کا پیشاب نکلتا رہتا ہے پس یہ فرمائیں کہ کیا اس پر دوبارہ نماز پڑھنا واجب ہے یا اس حالت میں پڑھی جانے والی نمازیں کافی ہیں ؟

ج۔ اگر اس نے اپنی نماز اس وقت کے شرعی فریضہ کے مطابق پڑھی ہو ، تو صحیح ہے اس پر نہ تو اعادہ واجب ہے اور نہ قضا۔

س۳۵۷۔ جو نمازیں میں نے مستحبی غسل سے اور وضو کے بغیر پڑھی ہیں وہ صحیح ہیں یا نہیں ؟

ج۔ اگر آپ نے اس مرجع کے فتوے کے مطابق نماز پڑھی ہے جس کی تقلید کو اپنے لئے شرعاً صحیح سمجھا ہے تو وہ نمازیں صحیح ہیں۔

اوقات نماز

س۳۵۸۔ شیعہ فرقہ نماز پنجگانہ کے وقت کے بارے میں کس دلیل پر اعتماد کرتا ہے ؟ جیسا کہ آپ جانتے ہیں اہل سنت وقت عشاء کے داخل ہو نے کو نماز مغرب کے قضا ہو نے کی دلیل قرار دیتے ہیں ، ظہر و عصر کی نماز کے بارے میں بھی ان کا یہی نظریہ ہے۔ اسی لئے وہ معتقد ہیں کہ جب وقت عشاء داخل ہو اور پیش نماز ، نماز عشاء پڑھنے کے لئے کھڑا ہو تو مامومین اس کے ساتھ مغرب کی نماز نہیں پڑھ سکتے ، اس لئے کہ ( اس طرح ) مغرب اور عشاء ایک ہی وقت میں پڑھ لی جائے گی؟

ج۔ دلیل ، آیات قرآنیہ اور سنت نبویہ کا اطلاق ہے ، اس کے علاوہ بہت سی روایتیں ہیں جو خاص طور سے دو نمازوں کو ملا کر پڑھنے کے جواز پر دلالت کرتی ہیں اور ظاہر ہے کہ اہل سنت کے یہاں بھی ایسی روایتیں ہیں جو دو نمازوں کو کسی ایک نماز کے وقت میں ادا کرنے پر دلالت کرتی ہیں۔

س۳۵۹۔ اس بات کو پیش نظر رکھتے ہوئے کہ نماز عصر کا آخری وقت مغرب ہے اور نماز ظہر کا آخری وقت مغرب سے اتنا پہلے تک ہے جتنی دیر میں صرف نماز عصر پڑھی جا سکے۔ یہاں میں یہ سوال کرنا چاہتا ہوں کہ مغرب سے کیا مراد ہے ؟ کیا غروب آفتاب ہے یا اس شہر کے افق کے اعتبار سے اذان مغرب کا بلند ہو نا ہے ؟

ج۔ غروب آفتاب مراد نہیں ہے۔ بلکہ مراد، وقت اذان مغرب ہے یعنی جب مشرق کی سرخی زائل ہو جاتی ہے تو وہ نماز عصر کا آخری وقت ہے جو نماز مغرب کے اول وقت سے متصل ہو جاتا ہے۔

س۳۶۰۔ غروب آفتاب اور اذان مغرب میں کتنے منٹ کا فاصلہ ہو تا ہے ؟

ج۔ بظاہر یہ فاصلہ موسموں کے اختلاف کے ساتھ ساتھ گھٹتا بڑھتا رہتا ہے۔

س۳۶۱۔ میں تقریباً گیارہ بجے رات ڈیوٹی سے گھر پلٹتا ہوں اور لوگوں کی زیادہ آمد و رفت کی وجہ سے ڈیوٹی کے دوران نماز مغربین نہیں پڑھ سکتا، تو گویا گیارہ بجے رات کے بعد نماز مغربین کا پڑھنا صحیح ہے ؟

ج۔ کوئی حرج نہیں ہے بشرطیکہ نصف شب نہ گذرنے پائے، لیکن کوشش کیجئے کہ گیارہ بجے رات سے زیادہ تاخیر نہ ہو بلکہ نماز کو اول وقت پڑھنے کی کوشش کیجئے۔

س۳۶۲۔ کتنی رکعتی نماز وقت میں ادا ہو نا چاہئیے جس کے بعد ادا کا اطلاق صحیح ہو اور اگر شک ہو کہ اتنای مقدار وقت میں پڑھی گئی یا نہیں تو اس کا کیا حکم ہے ؟

ج۔ نماز کی ایک رکعت کا آخر وقت کے اندر انجام پانا ادا کے لئے کافی ہے ، اور شک ہو کہ کم از کم ایک رکعت کے لئے وقت ہے یا نہیں ، تو پھر ما فی الذمہ کی نیت سے نماز پڑھے اور ادا اور قضا کی نیت نہ کرے۔

س۳۶۳۔ غیر مسلم ملکوں میں اسلامی جمہو ریہ کے سفارت خانوں اور کونسل خانوں کی طرف سے اداروں اور بڑے بڑے مراکز اور شہروں کے لئے اوقات نماز کے نقشے شائع ہو تے ہیں ان پر کس حد تک اعتبار کیا جا سکتھے ؟ اور دوسرے یہ کہ ان ملکوں کے دوسرے شہروں میں رہنے والوں کا کیا فریضہ ہے ؟

ج۔ معیار یہ ہے کہ مکلف کو اطمینان حاصل ہو جائے اور اگر مکلف کو ان نقشوں کے وقت کے مطابق ہو نے کا یقین نہ ہو ، تو اس پر واجب ہے کہ احتیاط کرے، اور اس وقت تک انتظار کرے کہ اسے وقت شرعی کے داخل ہو نے کا یقین حاصل ہو جائے۔

س۳۶۴۔ صبح صادق اور صبح کاذب کے مسئلہ میں آپ کی کیا رائے ہے ؟ اور اس سلسلہ میں نمازی کی شرعی ذمہ داری کیا ہے ؟

ج۔ نماز اور روزے کے وقت کا شرعی معیار ، صبح صادق ہے اور اس کی تعیین و تشخیص کی ذمہ داری ہے۔

س۳۶۵۔ ایک مدرسہ جس میں پورے دن کلاسیں ہو تی ہیں۔ اس کے ذمہ دار حضرات ظہرین کی جماعت کو تقریباً ۲ بجے ظہر کے بعد اور عصر کی کلاسیں شروع ہو نے سے پہلے منعقد کراتے ہیں۔ تاخیر کی وجہ یہ ہے کہ صبح کی کلاسوں کے دروس اذان ظہر سے تقریباً پون گھنٹہ پہلے ختم ہو جاتے ہیں اور ظہر شرعی تک طلاب کا ٹھہرنا مشکل ہے۔ اس بنا پر اول وقت نماز ادا کرنے کی اہمیت کو مد نظر رکھتے ہوئے (ا س نماز کے بارے میں ) آپ کا کیا حکم ہے ؟

ج۔ اگر نماز کے اول وقت طلاب حاضر نہیں ہو سکتے تو نماز گزاروں کی خاطر تاخیر میں کوئی مضائقہ نہیں ہے۔

س۳۶۶۔ کیا اذان ظہر کے بعد نماز ظہر کا پڑھنا اور نماز عصر کاوقت شروع ہو نے کے بعد نماز عصر کا پڑھنا واجب ہے اور کیا اسی طرح نماز مغرب و عشا کا پڑھنا بھی واجب ہے ؟

ج۔ وقت کے داخل ہو نے کے بعد نمازی کو اختیار ہے کہ وہ دونوں کو ملا کر پڑھے یا جدا جدا۔

س۳۶۷۔ کیا چاندنی راتوں میں نماز صبح کے لئے ۱۵ منٹ سے ۲۰ منٹ تک انتظار کرنا واجب ہے ؟ جبکہ ہم جانتے ہیں کہ وقت کافی ہے اور طلوع فجر کا یقین حاصل کیا جا سکتھے ؟

ج۔ طلوع صبح صادق ،وقت نماز صبح اور ترک سحر کے وجوب کے سلسلے میں چاندنی راتوں یا اندہی ری راتوں میں کوئی فرق نہیں ہے اگرچہ اس سلسلے میں احتیاط بہتر ہے۔

س۳۶۸۔صوبوں اور شہروں میں افق کے اختلاف کی وجہ سے اوقات شرعیہ میں جو اختلاف ہو تا ہے کیا دن رات کی واجب تمام نمازوں میں وہی وقت معیاد ہے ؟مثال کے طور پر اگر دو شہروں میں ظہر کے شرعی وقت میں ۲۵ منٹ کا اختلاف ہو تو کیا دوسرے اوقات میں بھی اتناہی اختلاف ہو گا یا صبح و عشاء میں اس سے مختلف ہے ؟

ج: فجر ،ظہر یا غروب آفتاب کے وقت کا اندازہ ایک جیسا ہو نے کا لازمی نتیجہ یہ نہیں ہے کہ دوسرے اوقات میں بھی اتنا ہی فرق اور فاصلہ ہو بلکہ مختلف شہروں میں اکثر تینوں اوقات کا اختلاف متفاوت ہو تھے۔

س۳۶۹:اہل سنّت نماز مغرب کو غروب شرعی سے پہلے پڑھتے ہیں ، کیا ہمارے لئے ایام حج یا دوسرے ایام میں ان کی اقتدا میں نماز پڑھنا اور اسی نماز پر اکتفا کر لینا جائز ہے ؟

ج۔ یہ معلوم نہیں ہے کہ ان کی نماز وقت سے پہلے ہو تی ہے ، لیکن ان کی جماعت میں شرکت کرنے اور ان کی اقتداء کرنے میں کوئی حرج نہیں ہے اور وہ نماز کافی ہے ، لیکن وقت نماز کا درک کرنا ضروری ہے۔ مگر یہ کہ وقت کے بارے میں بھی تقیہ کیا جائے۔

س۳۷۰۔ ڈنمارک اور ناروے میں صبح کے سات بجے سورج نکلتا ہے اور اس وقت تک آسمان میں چمکتا رہتا ہے۔ جبکہ دوسرے نزدیکی ملکوں میں رات کے بارے بج چکے ہو تے ہیں۔ ایسی صورت میں میری نماز و روزہ کا کیا حکم ہے ؟

ج۔ نماز پنجگانہ کے لئے اس جگہ کے افق کا خیال رکھنا واجب ہے ، اور اگر دن کے طولانی ہو نے کی وجہ سے روزہ رکھنا شاق ہو تو اس وقت روزہ ساقط ہے اور بعد میں اس کی قضا واجب ہے۔

س۳۷۱۔ سورج کی شعاعیں تقریباً سات منٹ میں زمین تک پہنچ جاتی ہیں ، آیا نماز صبح کے وقت کے ختم ہو نے کی معیار طلوع آفتاب ہے یا اس کی شعاعوں کا زمین تک پہنچنا ہے ؟

ج۔ معیار طلوع آفتاب اس کا اس افق میں دیکھا جانا ہے جہاں نماز گزار موجود ہے۔

س ۳۷۲۔ ذرائع نشر و اشاعت ہر روز آنے والے دن کے شرعی اوقات کا اعلان کرتے ہیں کیا ان پر اعتماد کرنا جائز ہے اور ریڈیو و ٹیلی ویژن کے ذریعہ نشر کی جانے والی اذان کو وقت کے داخل ہو جانے کا معیار بنایا جا سکتا ہے ؟

ج۔ معیار یہ ہے کہ مکلف کو وقت کے داخل ہو جانے کا اطمینان حاصل ہو جائے۔

س۳۷۳۔ کیا اذان کے شروع ہو تے ہی نماز کا وقت شروع ہو جاتا ہے یا اذان کے ختم ہو نے کا انتظار کرنا واجب ہے اور اس کے بعد نماز کو شروع کرنا چاہئیے؟ اور اسی طرح کیا اذان کے شروع ہو تے ہی روزہ دار کے لئے افطار کرنا جائز ہے یا یہ کہ یہاں بھی آخر اذان تک انتظار کرنا واجب ہے ؟

ج۔ اگر اس بات کا یقین ہو کہ وقت داخل ہو جانے کے بعد اذان شروع ہوئی ہے تو آخر اذان تک انتظار کرنا واجب نہیں ہے۔

س۳۷۴۔ کیا اس شخص کی نماز صحیح ہے جس نے دوسری نماز کو پہلی نماز پر مقدم کر دیا ہو جیسے عشاء کو مغرب پر؟

ج۔ اگر غلطی یا غفلت کی وجہ سے مقدم کیا ہو اور پوری نماز پڑھ ڈالی ہو تو اس کے صحیح ہو نے میں کوئی اشکال نہیں ہے لیکن اگر اس نے جان بوجھ کر ایسا کیا ہے تو وہ نماز باطل ہے۔

قبلہ کے احکام

س۳۷۵۔ درج ذیل سوالوں کے جواب عنایت فرمائیں :

۱۔ بعض فقہی کتابوں میں ہے کہ خرداد ماہ کی چوتھی اور تیر ماہ کی چھبیسویں مطابق ۲۵ مئی اور ۱۷ جولائی کو خانہ کعبہ پر سورج کی کرنیں عمودی پڑتی ہیں ، تو کیا اس صورت میں جس وقت مکہ میں اذان ہو تی ہے اس وقت شاخص نصب کر کے جہت قبلہ کی تشخیص کی جا سکتی ہے ؟ اور اگر جہت قبلہ کے سلسلے میں شاخص کے سایہ اور مسجدوں کی محراب کی سمت میں اختلاف ہو تو کس کو صحیح سمجھا جائے گا؟

۲۔ کیا قطب نما پر اعتماد کرنا صحیح ہے۔

ج۔ شاخص اور قطب نما کے ذریعے اگر مکلف کو جہت قبلہ کا یقین حاصل ہو جائے تو اس پر اعتماد کرنا صحیح ہے اور اس کے مطابق عمل کرنا واجب ہے ، اور اگر یقین نہ ہو تو جہت قبلہ کے تعین کے لئے مسجدوں کی محراب اور مسلمانوں کی قبروں پر اعتماد کر لینے میں کوئی مضائقہ نہیں ہے۔

س۳۷۶۔ جب جنگ کی شدت جہت قبلہ کی تعیین میں مانع ہو تو کیا کسی بھی طرف ( رخ کر کے) نماز کا پڑھنا صحیح ہے ؟

ج۔ اگر وقت ہو تو چاروں طرف نماز پڑھی جائے ورنہ جتنا وقت ہو اس میں جتنی سمتوں میں قبلہ کا احتمال ہو اتنای سمتوں میں نماز پڑھے گا۔

س۳۷۷۔ اگر کرہ زمین کی دوسری سمت میں خانہ کعبہ کے مقابل ایک نقطہ دریافت ہو جائے اس طرح کہ اگر ایک خط مستقیم زمین کعبہ کے وسط سے کرہ ارض کو چیرتا ہو ا مرکز زمین سے گزر کر اس نقطہ کے دوسری طرف نکل جائے تو اس نقطہ پر قبلہ رو کیسے کھڑے ہوں گے؟

ج۔ بقدر واجب قبلہ رو ہو نے کا معیار یہ ہے کہ کرہ زمین کی سطح سے خانہ کعبہ کی طرف رخ کرے اس طرح کہ جو شخص روئے زمین پر ہے وہ اس کعبہ کی طرف رخ کرے جو کہ مکہ مکرمہ میں سطح زمین پر بنا ہو ہے اور اسی بنا پر اگر وہ زمین کے کسی ایسے مقام پر کھڑا ہو جہاں سے کہی نچے جانے والے خطوط مساوی مسافت کے ساتھ کعبہ تک پہنچتے ہیں تو اسے اختیار ہے کہ جس طرف چاہے رخ کر کے نماز پڑھے لیکن عرف عام میں جس سمت قبلہ ہے اگر اس کے مقابلہ میں کسی اور سمت کے خط کی مسافت کم ہو تو نماز گزار پر واجب ہے کہ اسی طرف رخ کر کے نماز پڑھے۔

س۳۷۸۔ جس جگہ ہم جہت قبلہ کو نہ جانتے ہوں اور جہت معلوم کرنے کے لئے ہمارے پاس وسائل بھی نہ ہوں نیز چاروں سمتوں میں قبلہ کا احتمال ہو تو ایسی جگہ پر ہمیں کیا کرنا چاہئیے؟

ج۔ اگر چاروں سمتوں میں قبلہ کا احتمال مساوی ہو تو چاروں طرف رخ کر کے نماز پڑھنی چاہئیے تاکہ یہ یقین ہو جائے کہ اس نے رو بہ قبلہ نماز ادا کر دی ہے۔

س۳۷۹۔ قطب شمالی اور قطب جنوبی کی سمت کو کس طرح معین کیا جائے گا؟ اور کس طرح نماز پڑھی جائے گی؟

ج۔ قطب شمالی و جنوبی میں سمت قبلہ معلوم کرنے کا معیار یہ ہے کہ نماز گزاروں کی جگہ سے کعبہ تک سب سے چھو ٹا خط کہی نچا جائے گا اور اس خط کے معین ہو جانے کے بعد اسی رخ پر نماز پڑھی جائے گی۔

نماز گزار کے مکان کے احکام

س۳۸۰۔ وہ جگہیں جن کو ظالم حکومتوں نے غصب کر لیا ہے ،کیا وہاں بیٹھنا نماز پڑھنا اور چلنا جائز ہے ؟

ج۔ اگر غصبی ہو نے کا علم ہو تو اس میں تصرف ناجائز ہو نے اور تصرف کی صورت میں ضامن ہو نے کے سلسلے میں ان امکانات کا حکم وہی ہے جو غصبی چیزوں کا ہو تا ہے۔

س۳۸۱۔ اس زمین پر نماز پڑھنے کا کیا حکم ہے جو پہلے وقف تھی اور پھر حکومت نے اس پر تصرف کر کے مدرسہ بنا دیا ہو ؟

ج۔ اگر اس بات کا قوی احتمال ہو کہ اس میں تصرف کرنا شرعی لحاظ سے جائز تھا تو اس جگہ نماز پڑھنے میں کوئی مضائقہ نہیں ہے۔

س۳۸۲۔میں کئی مدرسوں میں نماز جماعت پڑھتا ہوں ، ان مدرسوں کی بعض زمینیں ایسی ہیں جو ان کے مالکوں سے ان کی رضامندی کے بغیر لی گئی ہیں ، لہذا ان جیسے مدرسوں میں میری اور طلاب کی نمازوں کا کیا حکم ہے ؟

ج۔ اگر ان زمینوں کے شرعی مالک سے غصب ہو نے کا یقین نہ ہو تو کوئی مضائقہ نہیں ہے۔

س۳۸۳۔ اگر کوئی شخص ایک مدت تک غیر مخمس جا نماز یا لباس میں نماز پڑھے تو اس کی نمازوں کا کیا حکم ہے ؟

ج۔ اگر وہ نہ جانتا ہو کہ ان چیزوں میں خمس ہے یا ان پر تصرف کے حکم سے ناواقف رہا ہو تو جو نمازیں اس نے ان میں پڑھی ہیں ، صحیح ہیں۔

س۳۸۴۔ کیا یہ بات صحیح ہے کہ نماز میں مردوں کو عورتوں سے آگے ہو نا واجب ہے ؟

ج۔ واجب نہیں ہے ، اگرچہ اس مسئلہ میں احتیاط کی رعایت کرنا بہتر ہے۔

س۳۸۵۔ مسجدوں میں امام خمینی(رح) اور شہداء انقلاب کی تصویروں کے لگانے کا کیا حکم ہے ، جبکہ امام خمینی (رح) مساجد میں اپنی تصویروں کو لگانے پر راضی نہ تھے۔ اسی طرح اور بھی اقوال ہیں جو اس سلسلہ میں کراہت پر دلالت کرتے ہیں ؟

ج۔ مسجدوں میں ان افراد کی تصویروں کے لگانے میں شرعاً کوئی ممانعت نہیں ہے اور اگر وہ تصویریں قبلہ کی طرف اور نمازی کے سامنے نہ ہوں تو کراہت بھی نہیں ہے۔

س۳۸۶۔ ایک شخص حکومت کے مکان میں رہتا تھا اب اس میں اس کے رہنے کی مدت ختم ہو گئی اور مکان خالی کرنے کے لئے اس کے پاس نوٹس بھی جا گیا، پس جس تاریخ میں مکان خالی کرنا تھا اس کے بعد اس میں پڑھی جانے والی نماز اور روزے کا کیا حکم ہے ؟

ج۔ اگر مقررہ تاریخ کے بعد متعلقہ حکام کی طرف سے اس مکان میں رہنے کی اجازت نہ ہو تو اس میں تصرف کرنا غصب کرنے کے حکم میں ہے۔

س۳۸۷۔ جس جا نماز پر تصویریں اور سجدہ گاہ پر نقش و نگار بنے ہوئے ہیں ، کیا ان پر نماز پڑھنا مکروہ ہے ؟

ج۔ بذات خود کوئی حرج نہیں ہے لیکن اگر اس سے شیعوں پر تہم ت لگانے والوں کے لئے بہا نہ فراہم ہو تا ہو توایسی چیزیں بنانے اور ان پر نماز پڑھنے سے اجتناب کرنا واجب ہے۔

س۳۸۸۔ اگر نماز پڑھنے کی جگہ پاک نہ ہو لیکن سجدہ کی جگہ پاک ہو ، تو کیا ہماری نماز صحیح ہے ؟

ج۔ اگر اس جگہ کی نجاست لباس یا بدن میں سرایت نہ کرے اور سجدہ کی جگہ پاک ہو تو ایسی جگہ نماز پڑھنے میں کوئی حرج نہیں ہے۔

س۳۸۹۔ میرے دفتر کی موجودہ عمارت پرانے قبرستان پر بنائی گئی ہے۔ تقریباً چالیس سال قبل سے اس میں مردے دفن کرنا چھوڑ دیا گیا تھا لہذا تیس سال پہلے اس عمارت کی بنیاد پڑی اب پوری زمین پر یہ عمارت مکمل ہو چکی ہے اور اس وقت قبرستان کا کوئی نشان باقی نہیں ہے۔ پس ایسے دفتر میں اس کے کارکنوں کی نمازیں شرعی اعتبار سے صحیح ہیں یا نہیں ؟

ج۔ اس وقت تک اس میں کام کرنے اور نماز پڑھنے میں کوئی حرج نہیں ہے جب تک شرعی طریقے سے یہ ثابت نہ ہو جائے کہ یہ جگہ میت دفن کرنے کے لئے وقف کی گئی تھی۔

س۳۹۰۔ مومن نوجوان نے ( امر بالمعروف کی خاطر) ، پارکوں اور تفریح گہوں میں ہفتے میں ایک یا دو دن اقامہ نماز کا پروگرام بنایا ہے ،لیکن بعض مشہور اور سن رسیدہ افراد اعتراض کرتے ہیں کہ پارکوں اور تفریح گہوں کی ملکیت واضح نہیں ہے۔ لہذا ان جگہوں پر نماز کیسے ہو گی؟

ج۔ موجودہ پارکوں اور تفریح گہوں کو نماز وغیرہ کے لئے استعمال کرنے میں کوئی حرج نہیں ہے اور غصب کا احتمال قابل توجہ نہیں ہے۔

س۳۹۱۔ اس شہر ( ہا دی شہر ) کے موجودہ مدارس میں سے ایک مدرسہ کی زمین ایک شخص کی ملکیت ہے۔ شہر کے نقشہ کے مطابق اس کو پارک میں تبدیل کرنا مقررہ کیا گیا تھا۔ لیکن جب مدرسہ کی شدید ضرورت محسوس ہو نے لگی تو اسے میونسپل بورڈ کی اجازت سے مدرسہ میں تبدیل کر دیا گیا مگر چونکہ مالک زمین ( حکومت کی طرف سے) اس ضبطی پر راضی نہیں ہے اور اس نے اعلان کر دیا ہے کہ اس میں نماز وغیرہ صحیح نہیں ہے۔ لہذا آپ فرمائیں کہ مذکورہ عمارت میں نماز کا کیا حکم ہے ؟

ج۔ اگر اس زمین کو اس کے حقیقی مالک سے پارلیمنٹ کے پاس کئے ہوئے قانون کے تحت جس کی شورائے نگہبان نے بھی تائید کی ہو ، لیا گیا ہے تو اس میں تصرف کرنے اور نماز پڑھنے میں کوئی مضائقہ نہیں ہے۔

س۳۹۲۔ ہمارے شہر میں دو ملی ہوئی مسجدیں تھیں جن کے درمیان صرف ایک دیوار کا فاصلہ تھا۔ کچھ دنوں پہلے بعض مومنین نے دونوں مسجدوں کو ایک کرنے کے لئے درمیانی دیوار کے بڑے حصے کو گرا دیا۔ یہ اقدام بعض لوگوں کے لئے شک و شبہ کا سبب بنا ہو ا ہے اور وہ ان مسجدوں میں نماز نہیں پڑھ رہے ہیں۔ آپ فرمائیں کہ اس مسئلہ کا کیا حل ہے ؟

ج۔ دونوں مسجدوں کے درمیان کی دیوار کو گرانے سے ان میں نماز پڑھنے میں کوئی حرج واقع نہیں ہو تا۔

س۳۹۳۔ شاہرہوں پر کھانے کے ہو ٹلوں میں نماز پڑھنے کی بھی ایک مخصوص جگہ ہو تی ہے ، لہذا اگر کوئی شخص اس ہو ٹل میں کھانا نہ کھائے تو کیا اس کے لئے وہاں نماز پڑھنا جائز ہے یا اجازت لینا واجب ہے ؟

ج۔ اگر اس کا احتمال ہو کہ نماز کی جگہ ہو ٹل والے کی ملکیت ہے اور وہاں صرف وہی اشخاص نماز پڑھ سکتے ہیں جو اس ہو ٹل میں کھانا کہا تے ہیں ، تو اجازت لینا واجب ہے۔

س۳۹۴۔ جو شخص غصبی زمین پر لیکن ایسی جانماز یا تختے پر نماز پڑھے جو مباح ہو تو اس کی نماز باطل ہے یا صحیح؟

ج۔ غصبی زمین پر پڑھی جانے والی نماز باطل ہے خواہ وہ مباح جا نماز یا تخت پر ہی کیوں نہ پڑھی جائے۔

س۳۹۵۔ موجودہ حکومت کے زیر تصرف اداروں اور کمپنیوں میں بعض افراد وہ ہیں جو نماز باجماعت میں شرکت نہیں کرتے اور اس کی وجہ یہ ہے کہ یہ عمارتیں ان کے مالکوں سے شرعی عدالت کے فیصلہ پر ضبط کی گئی ہیں۔ برائے مہربانی اس سلسلے میں آپ اپنے فتوے سے مطلع فرمائیں ؟

ج۔ نماز جماعت میں شرکت کرنا بنیادی طور سے ضروری نہیں ہے ، ہر شخص کو کسی عذر کی وجہ سے شریک جماعت نہ ہو نے کا حق ہے اور رہا مکان کا حکم شرعی تو اگر یہ احتمال ہے کہ ضبط کرنے کا حکم ایسے شخص نے دیا تھا جس کو قانونی حیثیت حاصل تھی اور اس نے شرعی اور قانونی تقاضوں کے مطابق ضبط کرنے کا حکم دیا تھا تو شرعاً اس کا عمل صحیح تھا۔ لہذا ایسی صورت میں اس مکان پر تصرف کرنا جائز ہے اور غصب کا حکم نافذ نہیں ہو گا۔

س۳۹۶۔ اگر امام بارگہوں کے پڑوس میں مسجد بھی ہو تو کیا امام بارگاہ میں نماز جماعت قائم کرنا صحیح ہے اور کیا دونوں جگہوں کا ثواب مساوی ہے ؟

ج۔ اس میں کوئی شک نہیں کہ مسجد میں نماز پڑھنے کی فضیلت دوسری جگہوں پر نماز پڑھنے سے زیادہ ہے ، لیکن امام بارگاہ یا دوسری جگہوں پر نماز جماعت قائم کرنے میں شرعاً کوئی مانع نہیں ہے۔

س۳۹۷۔ جس جگہ حرام موسیقی ہو رہی ہو کیا وہاں نماز پڑھنا صحیح ہے ؟

ج۔ اگر وہاں نماز پڑھنا حرام موسیقی سننے کا سبب بنے تو اس جگہ ٹھہرنا جائز نہیں ہے۔ لیکن نماز صحیح کھلائے گی اور اگر موسیقی کی آواز نماز سے توجہ ہٹانے کا سبب بنے تو اس جگہ نماز پڑھنا مکروہ ہے۔

س۳۹۸۔ ان لوگوں کی نماز کا کیا حکم ہے جن کو بحری جہا ز کے ذریعہ خاص ڈیوٹی پر بھی جا جاتا ہے اور سفر کے دوران نماز کا وقت ہو جاتا ہے اور اگر اسی وقت وہ نماز نہ پڑھیں تو پھر وہ وقت کے اندر نماز نہیں پڑھ سکیں گے؟

ج۔ مذکورہ صورت میں ان پر واجب ہے کہ وہ کشتی میں جس طرح ممکن ہو نماز پڑھیں۔

مسجد کے احکام

س۳۹۹۔ اس بات کو مد نظر رکھتے ہوئے کہ اپنے محلہ کی مسجد میں نماز پڑھنا مستحب ہے ، کیا اپنے محلہ کی مسجد چھوڑ کر جماعت کے ساتھ نماز پڑھنے کے لئے شہر کی جامع مسجد جانے میں کوئی اشکال ہے ؟

ج۔ اگر اپنے محلہ کی مسجد چھوڑنا دوسری مسجد میں نماز جماعت میں شرکت کے لئے ہو خصوصاً شہر کی جامع مسجد میں تو اس میں کوئی حرج نہیں ہے۔

س۴۰۰۔ اس مسجد میں نماز پڑھنے کا کیا حکم ہے جس کے بانیوں میں سے بعض یہ کہتے ہیں کہ یہ مسجد ہم نے اپنے لئے اور اپنے قبیلہ والوں کے لئے بنائی ہے ؟

ج۔ کوئی مسجد جب بن گئی تو کسی قوم ، قبیلہ اور اشخاص سے مخصوص نہیں رہتی بلکہ اس سے قوم مسلمانوں کو استفادہ کرنا جائز ہے۔

س۴۰۱۔ عورتوں کے لئے مسجد میں نماز پڑھنا افضل ہے یا گھر میں ؟

ج۔ مسجد میں نماز پڑھنے کی فضیلت مردوں ہی کے لئے مخصوص نہیں ہے۔

س۴۰۲۔ دور حاضر میں مسجد الحرام اور صفا و مروہ کی جائے سعی کے درمیان تقریباً آدھا میٹر اونچی اور ایک میٹر چوڑی دیوار ہے یہ مسجد اور جائے سعی کے درمیان مشترک دیوار ہے ، کیا وہ عورتیں اس دیوار پر بیٹھ سکتی ہیں جن کے لئے ایام عادت کے دوران مسجد الحرام میں داخل ہو نا جائز نہیں ہے ؟

ج۔ اس میں کوئی حرج نہیں ، مگر یہ کہ یہ یقین ہو جائے کہ وہ مسجد کا جزو ہے۔

س۴۰۳۔ کیا محلہ کی مسجد میں ورزش کرنا اور سونا جائز ہے ؟ اور اس سلسلہ میں دوسری مساجد کا کیا حکم ہے ؟

ج۔ مسجد ورزش گاہ نہیں ہے اور مسجد میں سونا مکروہ ہے۔

س۴۰۴۔ کیا مسجد کے صحن میں جوانوں کو فکری، ثقافتی ، عقائدی اور عسکری درس دیا جا سکتا ہے ؟ اور ان امور کو اس مسجد کے ایوان میں انجام دینے کا شرعی حکم کیا ہے ، جس سے استفادہ نہیں کیا جاتا؟ جبکہ اس طرح کی تعلیم کے لئے جگہیں بہت کم ہیں ؟

ج۔ یہ چیزیں مسجد کے صحن و ایوان کے وقف کی کیفیت سے مربوط ہیں۔ اور اس سلسلہ میں مسجد کے امام جماعت اور انتظامیہ کمیٹی کی رائے حاصل کرنا واجب ہے۔واضح رہے کہ امام جماعت اور انتظامیہ کمیٹی کی موافقت سے جوانوں کو مساجد میں جمع کرنا اور دینی کلاسیں لگانا مستحسن اور مطلوب فعل ہے۔

س۴۰۵۔ بعض علاقوں ، خصوصاً دیہا توں میں لوگ مساجد میں شادی کا جشن منعقد کرتے ہیں یعنی وہ رقص اور گانا تو گھروں میں کرتے ہیں لیکن صبح یا شام کا کھانا مسجد میں کھلاتے ہیں۔ شریعت کے لحاظ سے یہ جائز ہے یا نہیں ؟

ج۔ مہم انوں کو مسجد میں کھانا کھلانے میں فی نفسہ کوئی اشکال نہیں ہے لیکن مسجد میں جشن شادی منعقد کرنا اسلام کی مسجد کی عظمت کے خلاف ہے ، اور یہ جائز نہیں ہے اور شرعی طور سے حرام کاموں کو انجام دینا جیسے ، گانا اور طرب انگیز لہو یا موسیقی سننا مطلقاً حرام ہے۔

س۴۰۶۔ قوی کو اپریٹیو کمپنیاں رہائش کے لئے فلیٹ اور کالونیاں بناتی ہیں۔ شروع میں شرکاء کے ساتھ اس بات پر اتفاق ہو تا ہے کہ ان فلیٹوں میں عمومی استفادہ ، جیسے مسجد وغیرہ کے لئے جگہیں ہوں گی۔

جب گھر تیار ہوئے اور شرکاء کو دئیے گئے تو اب بعض حصہ داروں کے لئے جائز ہے کہ وہ قرارداد کو توڑ دیں اور یہ کہہ دیں کہ ہم مسجد کی تعمیر کے لئے راضی نہیں ہیں ؟

ج۔ اگر کمپنی تمام شرکاء کی موافقیت سے مسجد کی تعمیر کا اقدام کرے اور مسجد تیار ہو جانے کے بعد وقف ہو جائے تو اپنی پہلی رائے سے بعض شرکاء کے پھر جانے سے اس پر کوئی اثر نہیں پڑے گا۔ لیکن اگر مسجد کے وقف ہو نے سے قبل بعض شرکاء اپنی سابقہ موافقت سے پھر جائیں تو مسجد کی تعمیر کمپنی کے تمام اعضاء کے مشترکہ اموال اور ان کی مشترک زمین میں ان کی رضا مندی کے بغیر جائز نہیں ہے مگر یہ کہ کمپنی کے تمام شرکاء سے عقد لازم کے ضمن میں یہ شرط کر لی گئی ہو کہ مشترک زمین کا ایک حصہ مسجد کی تعمیر کے لئے مخصوص کیا جائے گا اور تمام اعضاء نے اس شرط کو قبول کیا ہو۔اس صورت میں انہیں اپنی رائے سے پھرنے کا کوئی حق نہیں ہے ا ور ان کے پھرنے سے کوئی اثر نہیں پڑ سکتا ہے۔

س۴۰۷۔ غیر اسلامی تہذیبی اور ثقافتی یلغار کا مقابلہ کرنے کے لئے ہم نے مسجد میں ابتدائی اور مڈل کلاسوں کے تیس لڑکوں کو گروہ اناشید کی شکل میں ( چند نفر کا ایک ساتھ قرآن یا مدح پڑھنا) جمع کیا، اس گروہ کے افراد کو عمرو استعداد کے مطابق قرآن، احکام اور اسلامی اخلاق کا درس دیا جاتا ہے۔ اس تحریک کو چلانے کا کیا حکم ہے ؟ اور اگر یہ لوگ آلہ موسیقی جسے ’ آرگن‘ کہا جاتا ہے ، استعمال کریں تو اس کا کیا حکم ہے ؟ اور شرعی قوانین کی رعایت کرتے ہوئے مسجد میں اس کی مشق کرانے کا کیا حکم ہے ؟ کہ یہ چیزیں ریڈیو اور ٹیلی ویژن اور ایران کی وزارت ارشاد اسلامی میں عام ہیں ؟

ج۔ تہذیبی اور ثقافتی یلغار کا مقابلہ اور امر بالمعروف و نہی عن المنکر کا فریضہ انجام دینا، موسیقی کے آلات سے استفادہ پرموقوف نہیں ہے خصوصاً مسجد میں پس مسجد کی عظمت کا لحاظ کرنا واجب ہے ، اس میں عبادت کرنا چاہئیے اور اس سے دینی معارف کی تبلیغ اور انقلاب کے تابناک افکار کی ترویج کرنا چاہئیے۔

س۴۰۸۔ کیا مسجد میں ان لوگوں کو جو قرآن کی تعلیم کے لئے آتے ہیں ، ایسی فلمیں دکھانے میں کوئی حرج ہے جن کو ایران کی وزارت ارشاد اسلامی نے فراہم کیا ہو ؟

ج۔ مسجد کو فلم دکھانے کی جگہ میں تبدیل کرنا جائز نہیں ہے۔ لیکن ضرورت کے وقت اور مسجد کے پیش نماز کی موافقت سے دکھانے میں کوئی حرج نہیں ہے۔

س۴۰۹۔ کیا آئمہ معصومین (ع)کی عید میلاد کے موقع پر مسجد سے فرح بخش کے نشر کرنے میں کوئی شرعی اشکال ہے ؟

ج۔ واضح رہے کہ مسجد ایک خاص شرعی مقام ہے ، پس اس میں موسیقی ( کا پروگرام) رکھنا اور نشر کرنا اس کی عظمت کے منافی ہے۔ لہذا حرام ہے ، یہاں تک کہ غیر مطرب موسیقی بھی حرام ہے۔

س۴۱۰۔ مساجد میں موجود لاؤڈ اسپیکر ، جس کی آواز مسجد کے بہر سنی جاتی ہے ، اس کا استعمال کب اور کس صورت میں جائز ہے ؟ اور اذان سے قبل اس پر تلاوت قرآن اور انقلابی ترانے سنانے کا کیا حکم ہے ؟

ج۔ جن اوقات میں محلہ والوں اور ہم سایوں کے لئے تکلیف و آزار کا سبب نہ ہو ان میں اذان سے قبل چند منٹ تلاوت قرآن نشر کی جا سکتی ہے۔

س۴۱۱۔ جامع مسجد کی تعریف کیا ہے ؟

ج۔ وہ مسجد جو شہر میں اکثر شہر کے اجتماع کے لئے بنائی جاتی ہے اور کسی قبیلہ یا بازار والوں سے مخصوص نہیں ہو تی ہے۔

س۴۱۲۔ تیس سال سے ایک چھت دار مسجد کا ایک حصہ ویران پڑا تھا اس میں نماز نہیں ہو تی تھی اور وہ ایک کھنڈر بن چکا تھا ،اس کے ایک حصہ کو مخزن بنالیاگیا ہے۔ ادھر کچھ مدت قبل رضاکاروں ( بسیجیوں ) کی طرف سے اس میں بعض تبدیلیاں ہوئی ہیں جو اس کے چھت والے حصہ میں پندرہ سال سے مقیم ہیں اور ان تبدیلیوں کی وجہ سے عمارت کی نامناسب حالت تھی ، خصوصاً چھت گرنے کے قریب تھی اور چونکہ بسیج والے مسجد کے شرعی احکام سے ناواقف تھے اور جو لوگ جانتے تھے انہوں نے ان کی راہنمائی بھی نہیں کی۔ لہذا انہوں نے چھت والے حصے میں چند کمرے تعمیر کرا لئے، اور ان تعمیرات پر خطیر رقم بھی خرچ ہو چکی ہے۔ اب تعمیر کا کام اختتام پر ہے۔ برائے مہربانی درج ذیل موارد میں حکم شرعی سے مطلع فرمائیں :

۱۔ فرض کیجئے اس کام کے بانی اور اس پر نگراں کمیٹی کے اراکین مسئلہ سے ناواقف تھے تو کیا ان لوگوں کو بیت المال سے خرچ کئے جانے والی رقم کا ذمہ دار کہا جائے گا؟ اور وہ گناہگار ہیں یا نہیں ؟

۲۔ اس بات کو مدنظر رکھتے ہوئے کہ یہ رقم بیت المال سے خرچ ہوئی ہے۔ کیا آپ ان کو یہ اجازت دیتے ہیں کہ وہ ( جب تک مسجد کو اس حصہ کی ضرورت نہ ہو اور اس میں نماز قائم نہ ہو اس وقت تک) ان کمروں سے مسجد کے شرعی احکام و حدود کی رعایت کرتے ہوئے قرآن و احکام شریعت کی تعلیم کے لئے استفادہ کریں۔ اسی طرح مسجد کے امور کے لئے بھی ان کمروں کا استعمال کیا جائے یا ان کمروں کو فوراً منہدم کر دینا واجب ہے ؟

ج۔ مسجد کے چھت والے حصہ میں بنے ہوئے کمروں کو منہدم کر کے اس کو سابقہ حالت پر لوٹانا واجب ہے اور خرچ شدہ رقم کے بارے میں افراط و تفریط نیز کوتہی نہ ہوئی ہو یا جان بوجھ کر ایسا نہ کیا گیا ہو تو اس کا کوئی ضامن نہیں ہے اور مسجد کے چھت والے حصہ میں قرأت قرآن، احکام شرعی، اسلامی معارف کی تعلیم اور دوسرے دینی و مذہبی پروگرام منعقد کرنے میں اگر نماز گزاروں کے لئے زحمت کا باعث نہ ہو اور امام جماعت کی نگرانی میں ہو تو کوئی حرج نہیں ہے اور امام جماعت ، رضا کاروں اور مسجد کے دوسرے ذمہ داروں کو ایک دوسرے کے ساتھ تعاون کرنا واجب ہے تاکہ مسجد میں رضا کار بھی موجود رہیں اور مسجد کے عبادی فرائض جیسے نماز وغیرہ میں بھی خلل واقع نہ ہو۔

س۴۱۳۔ ایک سڑک کی توسیع کے منصوبے میں متعدد مساجد آتی ہیں۔ منصوبہ کے اعتبار سے بعض مساجدکا کچھ حصہ گرایا جائے گا تاکہ ٹریفک کی آمد و رفت میں آسانی ہو۔ برائے مہربانی اپنا نظریہ بیان فرمائیں ؟

ج۔ مسجد یا اس کے کسی حصہ کو منہدم کرنا جائز نہیں ہے مگر اس مصلحت کی بناء پر جس سے چشم پوشی ممکن نہ ہو۔

س۴۱۴۔ کیا مسجد میں لوگوں کے وضوء کے لئے مخصوص پانی کو مختصر مقدار میں اپنے ذاتی استعمال میں لانا جائز ہے جیسا کہ دوکاندار اس سے ٹھنڈا پانی پینے یا چائے بنانے یا موٹر گاڑی میں ڈالنے کے لئے لیتے ہیں۔ واضح رہے کہ اس مسجد کا واقف کوئی ایک شخص نہیں ہے جو اس سے منع کرے؟

ج۔ اگر یہ معلوم نہ ہو کہ یہ پانی خصوصاً نماز گزاروں کے وضو ء کے لئے وقف ہے اور عرف میں یہ رائج ہو کہ جس محلہ میں مسجد ہے اس کے ہم سایہ اور راہ گیر اس کے پانی سے استفادہ کرتے ہیں تو اس میں کوئی حرج نہیں ہے اگرچہ اس سلسلے میں احتیاط بہتر ہے۔

س۴۱۵۔ قبرستان کے پاس ایک مسجد ہے اور جب بعض قبور کی زیارت کے لئے آتے ہیں تو وہ اپنے کسی عزیز کی قبر پر پانی چھڑکنے کے لئے اس مسجد سے پانی لیتے ہیں اور ہم یہ نہیں جانتے کہ یہ پانی مسجد کے لئے وقف ہے یا سبیل عام ہے اور بالفرض اگر یہ معلوم ہو کہ یہ پانی مسجد کے لئے وقف نہیں ہے لیکن وضوء و طہارت کے لئے مخصوص کیا گیا ہے تو کیا اسے قبر پر چھڑکنا جائز ہے ؟

ج۔ جب قبر پر چھڑکنے کے لئے مسجد سے بہر پانی لے جانا لوگوں میں رائج ہو اور ناپسندیدہ نہ ہو اور اس بات پر کوئی دلیل نہ ہو کہ پانی صرف وضوء کے لئے یا وضوء اور طہارت کے لئے وقف ہے تو اس کے استعمال میں کوئی حرج نہیں ہے۔

س۴۱۶۔ اگر مسجد میں ترمیم کی ضرورت ہو تو کیا حاکم شرع یا اس کے وکیل کی اجازت ضروری ہے ؟

ج۔ اگر مسجد کی ترمیم و تعمیر اپنے یاخیر افراد کے مال سے کرنا ہو تو اس میں حاکم شرع کی اجازت کی ضرورت نہیں ہے۔

س۴۱۷۔ کیا میں اپنے مرنے کے بعد کے لئے یہ وصیت کرسکتا ہوں کہ مجھے محلے کی اس مسجد میں دفن کیا جائے جس کے امور کی بہت ری کے لئے میں نے کوشش کی تھی کیونکہ میں چاہتا ہوں کہ مجھے اس مسجد میں دفن کیا جائے خواہ مسجد کے اندر یا اس کے صحن میں ؟

ج۔ اگر صیغۂ وقف جاری کرتے وقت مسجد میں میت دفن کرنے کو مستثنیٰ نہ کیا گیا ہو تو اس میں دفن کرنا جائز نہیں ہے اور اس سلسلہ میں آپ کی وصیت کا کوئی اعتبار نہیں ہے۔

س۴۱۸۔ ایک مسجد تقریباً بیس سال پہلے بنائی گئی ہے اور اسے امام زمانہ عجل اللہ تعالیٰ فرجہ الشریف کے نام مبارک سے موسوم کیا گیا ہے اور یہ معلوم نہیں ہے کہ مسجد کا نام صیغۂ وقف میں ذکر کیا گیا ہے یا نہیں پس مسجد کا نام مسجد صاحب زمان عجل اللہ تعالیٰ فرجہ الشریف کے بجائے بدل کر جامع مسجد رکھنے کا کیا حکم ہے ؟

ج۔ صرف مسجد کا نام بدلنے میں کوئی حرج نہیں ہے۔

س ۴۱۹۔ زمانہ قدیم سے عام رواج ہے کہ محلہ کی مسجد میں نذریں دی جاتی ہیں تاکہ انہیں محرم ، صفر ، رمضان اور تمام مخصوص ایام میں صرف کیا جائے ادھر اسے بجلی اور ائر کنڈیشنر سے بھی آراستہ کر دیا گیا ہے جب محلہ والوں میں سے کوئی مر جاتا ہے تو اس کے فاتحہ کی مجلس بھی مسجد ہی میں ہو تی ہے اور مجلس میں مسجد کی بجلی اور ائرکنڈیشنر وغیرہ کو استعمال کیا جاتا ہے لیکن مجلس کرنے والے اس کا پیسہ ادا نہیں کرتے شرعی نقطہ نظر سے یہ جائز ہے یا نہیں ؟

ج۔ مسجد کے وسائل اور امکانات سے فاتحہ کی مجلس وغیرہ میں استفادہ کرنا مسجد کے وقف یا مسجد کو نذر کئے گئے وسائل کی کیفیت پر موقوف ہے۔

س۴۲۰۔ گاؤں میں ایک جدید التعمیر مسجد ہے ( جو پرانی مسجد کی جگہ بنائی گئی ہے ) موجودہ مسجد کے ایک کنارے پر جس کی زمین پرانی مسجد کا جزو ہے ، مسئلہ سے ناواقفیت کی بنا پر چائے وغیرہ بنانے کے لئے ایک کمرہ بنایا گیا ہے اور اسی طرح اس کی بالکنی پر جو کہ مسجد میں داخل ہے ایک لائبریری بنائی گئی ہے ، برائے مہربانی اس سلسلہ میں اپنا نظریہ بیان فرمائیں ؟

ج۔ سابق مسجد کی جگہ پر چائے خانہ بنانا صحیح نہیں ہے اور اس جگہ کو دوبارہ مسجد کی حالت میں بدلنا واجب ہے مسجد کی چھت بھی مسجد کے حکم میں ہے اور اس پر مسجد کے تمام شرعی احکام و آثار مترتب ہوں گے لیکن بالکنی میں کتابوں کے لئے الماریاں رکھنے اور مطالعہ کے لئے وہاں جمع ہو نے میں ، اگر نماز گزاروں کے لئے مزاحمت نہ ہو تو کوئی حرج نہیں ہے۔

س۴۲۱۔ اس مسئلہ میں آپ کی کیا رائے ہے کہ ایک گاؤں میں ایک مسجد گرنے والی ہے لیکن فی الحال اسے منھدم کرنے کے لئے کوئی شرعی جواز نہیں ہے کیونکہ وہ راستہ میں رکاوٹ نہیں ہے کیا مکمل طور پر اس مسجد کو منھدم کرنا جائز ہے ؟ اس مسجد کا کچھ اثاثہ اور پیسہ بھی ہے یہ چیزیں کس کو دی جائیں ؟

ج۔ مسجد کو منہدم و خراب کرنا جائز نہیں ہے اور عمومی طور سے مسجد کا خرابہ بھی مسجدیت سے خارج نہیں ہو گا، اور مسجد کے اثاثہ و مال کی اگر اس مسجد کو ضرورت نہیں ہے تو استفادہ کے لئے انہیں دوسری مسجدوں میں منتقل کیا جا سکتا ہے۔

س۴۲۲۔ کیا مسجد کے صحن کے ایک گوشہ میں مسجد کی عمارت میں کسی تصرف کے بغیر ، میوزیم بنانے میں کوئی شرعی حرج ہے جیسا کہ آج کل مسجد کی عمارت کے ایک حصہ میں ہی لائبریری بنادی جاتی ہے ؟

ج۔ صحن مسجد کے گوشہ میں لائبریری یا میوزیم بنانا جائز نہیں ہے اگر وہ صحن مسجد کے وقف کی کیفیت کے مخالف یا عمارت مسجد کی تغیر کا باعث ہو مذکورہ غرض کے لئے بہتر ہے کہ مسجد سے متصل کسی جگہ کا انتظام کیا جائے۔

س۴۲۳۔ ایک موقوفہ جگہ میں مسجد، دینی مدرسہ اور عام لائبریری بنائی گئی ہے اور سب کام کر رہے ہیں لیکن اس وقت یہ سب بلدیہ کی توسیع کے نقشہ میں آرہے ہیں جن کا انہدام بلدیہ کے لئے ضروری ہے ، ان کے انہدام کے لئے بلدیہ کاکیسے تعاون کیا جائے اور کیسے ان کا معاوضہ لیا جائے تاکہ اس کے عوض نئی اور اچھی عمارت بنائی جا سکے؟

ج۔ اگر میونسپلٹی اس کو منہدم کرنے اور معاوضہ دینے کے لئے تیار ہو جائے تو معاوضہ لینے میں کوئی حرج نہیں ہے لیکن کسی ہم مصلحت کے بغیر موقوفہ مسجد و مدرسہ کو منہدم کرنا جائز نہیں ہے۔

س۴۲۴۔ جامع مسجد کی توسیع کے لئے اس کے صحن سے چند درختوں کو اکھاڑنا ضروری ہے۔ کیا ان کو اکھاڑنا جائز ہے ، جبکہ مسجد کا صحن کافی بڑا ہے اور اس میں اور بھی بہت سے درخت ہیں ؟

ج۔ اگر مسجد کی توسیع کی ضرورت ہو اور مسجد کے صحن کو مسجد میں داخل کرنے اور درخت کاٹنے کو وقف میں تغیر و تبدیلی شمار نہ کیا جاتا ہو تو اس میں کوئی حرج نہیں ہے۔

س۴۲۵۔ اس زمین کا کیا حکم ہے کہ جو مسجد کے چھت والے حصہ کا جزو تھی ، بعد میں بلدیہ کے توسیعی دائرے میں آنے کے بعد مسجد کے اس حصہ کو مجبوراً منہدم کر دیا گیا اور سڑک میں تبدیل ہو گئی؟

ج۔ اگر اسے مسجد کی پہلی حالت کی طرف پلٹانے کا احتمال بعید ہو تو اس مسجد کے آثار مرتب ہو نا لا معلوم ہے۔

س۴۲۶۔ میں عرصہ سے ایک مسجد میں نماز جماعت پڑھا تا ہوں ، اور مسجد کے وقف کی کیفیت کی مجھے اطلاع نہیں ہے ، دوسری طرف مسجد کے اخراجات کے سلسلے میں بھی مشکلات درپیش ہیں پس کیا مسجد کے سرداب کو مسجد کے شایان شان کسی مقصد کے لئے کرایہ پر دیا جا سکتا ہے ؟

ج۔ اگر سرداب پرمسجد کا عنوان صادق نہیں آتا ہے اور وہ اس کا ایسا جزء بھی نہیں ہے جس کی مسجد کو ضرورت ہو تو کوئی حرج نہیں ہے ؟

س۴۲۷۔ مسجد کے پاس کوئی املاک نہیں ہے جس سے اس کے اخراجات پورے کئے جا سکیں اور انتظامیہ کمیٹی مسجد کے چھت والے حصہ کے نیچے مسجد کے اخراجات پورا کرنے کے لئے ایک تھہ خانہ کہو د کرا س میں کارخانہ یا دوسرے عمومی مراکز بنانا چاہتی ہے ، یہ عمل جائز ہے یا نہیں ؟

ج۔مسجد کے چھت والے حصے کے نیچے کار خانہ وغیرہ بنانے کے لئے تہہ خانہ بنانا جائز نہیں ہے

س۴۲۹۔ کیا اس مسجد میں نماز پڑھنا جائز ہے جو کفار کے ہاتھوں سے بنی ہو ؟

ج۔ اس میں نماز پڑھنے میں کوئی حرج نہیں ہے۔

س۴۳۰۔ اگر ایک کافر اپنی خوشی سے مسجد بنانے کے لئے پیسہ دے یا کسی اور طریقہ سے مدد کرے تو کیا اسے قبول کرنا جائز ہے ؟

ج۔ اس میں کوئی حرج نہیں ہے۔

س۴۳۱۔ اگر ایک شخص رات میں مسجد میں آکر سوجائے اور اسے احتلام ہو جائے لیکن جب بیدار ہو تو مسجد سے نکلنے پر قادر نہ ہو تو اس کی کیا ذمہ داری ہے ؟

ج۔ اگر وہ مسجد سے نکلنے اور دوسری جگہ جانے پر قادر نہ ہو تو اس پر واجب ہے کہ فوراً تیمم کرے تاکہ اس کے لئے مسجد میں باقی رہنے کا جواز پیدا ہو جائے۔

دوسر ے دینی مکانات کے احکام

س۴۳۲۔ کیا شرعی نقطہ نظر سے امام بارگاہ کو معین اشخاص کے نام رجسٹرڈ کرنا جائز ہے ؟ اور اگر دوسرے افراد جنہوں نے اس عمل خیر یعنی امام بارگاہ کی تعمیر میں شرکت کی ہے ، اس امر سے راضی نہ ہوں تو اس کا کیا حکم ہے ؟

ج۔ دینی مجالس برپا کرنے کے لئے موقوفہ ، امام بارگاہ کو معین اشخاص کے نام رجسٹرڈ کرنے کی کوئی ضرورت نہیں ہے۔ بہر حال بعض معین افراد کے نام کرنے کے لئے لازم ہے کہ ان تمام افراد کی اجازت لی جائے جنہوں نے اس عمارت کے بنانے میں شرکت کی ہے۔

س۴۳۳۔ مسائل کی کتابوں میں لکھا ہو ہے کہ مجنب شخص اور حائضہ عورت دونوں کے لئے آئمہ علیہم السلام کے حرم میں داخل ہو نا جائز نہیں ہے۔ برائے مہربانی اس کی وضاحت فرمائیں کہ کیا صرف قبہ کے نیچے کی جگہ حرم ہے یا اس سے ملحق ساری عمارت حرم ہے ؟

ج۔ حرم سے مراد وہ جگہ ہے جو قبۂ مبارک کے نیچے ہے اور عرف عام میں جس کو حرم اور زیارت گاہ کہا جاتا ہے۔ لیکن ملحقہ عمارت اور راہداری حرم کے حکم میں نہیں ہیں ، ان میں مجنب و حائضہ کے داخل ہو نے میں کوئی حرج نہیں ہے مگر یہ کہ ان میں سے کسی کو مسجد بنادیا گیا ہو۔

س۴۳۴۔ قدیم مسجد سے ملحق ایک امام باڑھ بنایا گیا ہے اور آج کل مسجد میں نماز گزاروں کے لئے گنجائش نہیں ہے ، کیا مذکورہ امام باڑھ کو مسجد میں شامل کر کے اسے مسجد کے عنوان سے استفادہ کیا جا سکتا ہے ؟

ج۔ امام باڑھ میں نماز پڑھنے میں کوئی اشکال نہیں ہے لیکن اگر امام باڑھ شرعاً صحیح طریقہ سے امام باڑھ کے عنوان سے وقف کیا گیا ہے تو اسے مسجد میں تبدیل کرنا اور اسے برابر والی مسجد میں مسجد کے عنوان سے ضم کرنا جائز نہیں ہے۔

س۴۳۵۔ کیا اولاد آئمہ علیہم السلام میں سے کسی کے مرقد کے لئے نذر میں آئے ہوئے اسباب اور فرش کو محلہ کی جامع مسجد میں استعمال کیا جا سکتا ہے ؟

ج۔اگر یہ چیزیں فرزند امام علیہ السلام کے مرقد اور اس کے زائرین کی ضرورت سے زیادہ ہوں تو کوئی حرج نہیں ہے۔

س۴۳۶۔ جو تکیے یا عزا خانے حضرت ابو الفضل العباس (ع) اور دیگر شخصیات کے نام پر بنائے جاتے ہیں کیا وہ مسجد کے حکم میں ہیں امید ہے کہ ان کے احکام بیان فرمائیں گے؟

ج۔ تکیے اور امام بارگہیں مسجد کے حکم میں نہیں ہیں۔

سونے ،چاندی کا استعمال

س۴۵۱۔ مردوں کا سونے کی انگوٹھی پہننے کا ( خصوصاً نماز میں ) کیا حکم ہے ؟

ج۔ مرد کے لئے سونے کی انگوٹھی پہننا جائز نہیں ہے اور اس میں نماز باطل ہے۔

س۴۵۲۔ مردوں کے لئے سفید سونے کی انگوٹھی پہننے کا کیا حکم ہے ؟

ج۔ جسے سفید سونا کہا جاتا ہے اگر وہ زرد سونے کے علاوہ کسی دوسرے مادہ سے مرکب ہو تو اس کی انگوٹھی پہننا حرام نہیں ہے۔

س۴۵۳۔ کیا اس وقت بھی سونا پہننے میں کوئی شرعی اشکال ہے جب وہ زینت کے لئے نہ ہو اور دوسروں کی نظر میں نہ آئے؟

ج۔ مردوں کے لئے سونا پہننا مطلق طور پر حرام ہے چاہے وہ زینت کے قصد سے نہ پھنا جائے یا دوسروں کی نظروں سے پوشیدہ رکھا جائے۔

س۴۵۴۔ مردوں کے لئے سونا پہننے کا کیا حکم ہے ؟ کیونکہ ہم بعض لوگوں کو یہ ادعا کرتے ہوئے دیکھتے ہیں کہ کم مدت کے لئے ، جیسے عقد کے وقت، سونا پہننے میں کوئی حرج نہیں ہے ؟

ج۔ مردوں کے لئے سونا پہننا حرام ہے چاہے تھوڑے وقت کے لئے ہو یا زیادہ وقت کے لئے اس سے کوئی فرق نہیں پڑتا۔

س۴۵۵۔ نماز گزاروں کے لباس کے احکام کو ملحوظ رکھتے ہوئے اور اس حکم کو پیش نظر رکھتے ہوئے کہ مردوں کا خود کو سونے سے مزین کرنا حرام ہے۔ درج ذیل دو سوالوں کے جواب مرحمت فرمائیں :

۱۔ یا سونے سے زینت کرنے کا مطلب یہ ہے کہ مردوں کے لئے مطلق طور پر سونے کا استعمال حرام ہے خواہ ہڈی کے زخم اور دانت بنوانے ہی کے لئے ہو ؟

۲۔ اس بات کو مد نظر رکھتے ہوئے کہ ہمارے شہر میں رواج ہے کہ نئے شادی شدہ جوڑے، منگنی میں زرد سونے کی انگوٹھی پہنتے ہیں اور عام لوگوں کی نظر میں یہ چیز کسی طرح بھی زینت میں شمار نہیں ہو تی بلکہ یہ اس شخص کے لئے، ازدواجی کی شروعات کی علامت ہے ، اس سلسلہ میں آپ کا کیا نظریہ ہے ؟

ج۔ مردوں کے لئے سونا پہننے کے حرا م ہو نے کا معیار زینت کا صادق آنا نہیں ہے بلکہ کسی بھی طرح اور کسی بھی قصد سے سونا پہننا حرام ہے چاہے وہ سونے کی انگوٹھی ہو یا گلوبند و زنجیر وغیرہ ہو لیکن زخم میں بہر نے اور دانت بنوانے میں مردوں کے لئے سونے کے استعمال میں کوئی حرج نہیں ہے۔

۲۔ منگنی کے لئے زرد سونے کی انگوٹھی پہننا مردوں کے لئے ہر حال میں حرام ہے۔

س۴۵۶۔ سونے کے ان زیورات کو بیچنے اور انہیں بنانے کا کیا حکم ہے جو مردوں سے مخصوص ہیں اور جنہیں عورتیں نہیں پھنتیں ؟

ج۔ سونے کے زیورات بنانا اگر وہ صرف مردوں کے استعمال کے لئے ہوں حرام ہے اور اسی طرح انہیں مردوں کے لئے خریدنا اور بیچنا بھی جائز نہیں ہے۔

س۴۵۷۔ہم بعض دعوتوں میں دیکھتے ہیں کہ شیرینی چاندی کے ظروف میں پیش کی جاتی ہے کیا اس عمل کو چاندی کے ظروف میں کھانے سے تعبیر کیا جائے گا؟ اور اس کا کیا حکم ہے ؟

ج۔ کھانے کے قصد سے چاندی کے برتن میں سے کھانے وغیرہ کی چیز لینا حرام ہے۔

س۴۵۸۔ کیا مردوں کے لئے جائز ہے کہ وہ دانتوں پر سونے کا رنگ چڑھو ائیں یا سونے کا دانت لگوائیں ؟

ج۔ اس میں کوئی حرج نہیں ہے ، سامنے کے چار دانتوں کے سوا۔ پس اگر زینت کے قصد سے ایسا کیا جائے تو اس میں اشکال ہے۔

س۴۵۹۔ کیا دانت پر سونے کا خول چڑھوانے میں کوئی اشکال ہے ؟ اور دانت پر پلاٹینیم کا خول چڑھوانے کا کیا حکم ہے ؟

ج۔ دانت پر سونے یا پلاٹینیم کا خول چڑھوانے میں کوئی حرج نہیں ہے۔ لیکن اگر زینت کی غرض سے خصوصاً سامنے کے چار دانتوں پر سونے کا خول چڑھو ائے تو اشکال سے خالی نہیں ہے۔

نماز گزار کے لباس کے احکام

س۴۳۷۔ اگر مجھے اپنے لباس کے نجس ہو نے میں شک ہو اور میں اس میں نماز پڑھ لوں تو میری نماز باطل ہے یا نہیں ؟

ج۔ جس لباس کے نجس ہو نے میں شک ہو وہ پاک ہے اور اس میں نماز صحیح ہے۔

س۴۳۸۔ میں نے جرمنی میں کھال کی ایک پیٹی ( بیلٹ) خریدی کیا اس کو باندھ کر نماز پڑھنے میں کوئی شرعی اشکال ہے۔ اگر مجھے یہ شک ہو کہ یہ اصل کھال کی ہے یا مصنوعی اور یہ کہ یہ تزکیہ شدہ حیوان کی کھال کی ہے یا نہیں تو میری ان نمازوں کا کیا حکم ہے جو میں نے اس میں پڑھی ہیں ؟

ج۔ اگر یہ شک ہو کہ یہ طبیعی کھال کی ہے یا نہیں تو اسے باندھ کر نماز پڑھنے میں کوئی حرج نہیں ہے۔ لیکن اگر طبیعی کھال ثابت ہو نے کے بعد یہ شک ہو کہ وہ تزکیہ شدہ حیوان کی کھال ہے یا نہیں ؟ تو وہ مردار کے حکم میں ہے مگر گزشتہ نمازیں صحیح ہوں گی۔

س۴۳۹۔ اگر نماز گزار کو یہ یقین ہو کہ اس کے لباس و بدن پرنجاست نہیں ہے اور وہ نماز بجا لائے اور بعد میں معلوم ہو کہ اس کا بدن یا لباس نجس تھا تو اس کی نماز باطل ہے یا نہیں ؟ اور اگر وہ اثنائے نماز میں اس کی طرف متوجہ ہو جائے تو اس کا کیا حکم ہے ؟

ج۔ اگر وہ اپنے بدن یا لباس کے نجس ہو نے کا قطعی نہ جانتا ہو اور نماز کے بعد اسے نجاست کا علم ہو تو اس کی نماز صحیح ہے اور اس پر اعادہ یا قضا واجب نہیں ہے لیکن اگر وہ اثنائے نماز میں اس کی طرف متوجہ ہو جائے اور وہ نجاست کو بغیر ایسے فعل کے جو نماز کے منافی ہے ، دور کرسکتا ہو تو اس پر یہی واجب ہے کہ وہ نجاست دور کرے اور اپنی نماز تمام کرے گا لیکن اگر نماز کی شکل کو باقی رکھتے ہوئے نجاست دور نہیں کرسکتا اور وقت میں بھی گنجائش ہے تو نماز توڑنا اور نجاست دور کرنے کے بعد دوبارہ بجا لانا واجب ہے۔

س۴۴۰۔ زید مراجع عظام میں سے ایک کا مقلد ہے وہ ایک زمانہ تک ایسے حیوان کی کھال ، جس کا ذبح ہو نا مشکوک ہو اور جس میں نماز صحیح نہیں ہو تی ، میں نماز پڑھتا رہا۔ پس اس کے مرجع کی رائے کے مطابق اگر ایسے حیوان کی کھال کے نماز میں استعمال پر،جس کا گوشت نہیں کھایا جاتا ، احتیاط واجب یہ ہے کہ نماز کا اعادہ کیا جائے تو کیا مشکوک التزکیہ حیوان کا بھی وہی حکم ہے جو غیر ماکول اللحم حیوان کا ہے ؟

ج۔ جس حیوان کا ذبح مشکوک ہو وہ نجاست میں مردار کے حکم میں ہے۔ اس کا کھانا حرام ہے اور اس ( کی کہا ل) میں نماز جائز نہیں ہے۔

س۴۴۱۔ ایک عور ت نماز کے درمیان اپنے بعض بالوں کو کھلا ہو ا محسوس کرتی ہے اور فوراً چھپا لیتی ہے اس پر نماز کا اعادہ واجب ہے یا نہیں ؟

ج۔ اگر بال کھولنا جان بوجھ کر نہ رہا ہو تو اعادہ واجب نہیں ہے۔

س۴۴۲۔ ایک شخص پیشاب کے مقام کو مجبوراً ڈھیلے یا کنکری ، لکڑی یا کسی اور چیز سے پاک کرتا ہے اور جب گھر لوٹتا ہے تو اسے پانی سے پاک کر لیتا ہے تو کیا نماز کے لئے داخلی لباس کا بدلنا پاک کرنا بھی واجب ہے ؟

ج۔ اگر پیشاب کے مقام کی رطوبت سے لباس نجس نہ ہو ا ہو تو اس پر لباس پاک کرنا واجب نہیں ہے۔

س۴۴۳۔ بیرون ملک سے جو بعض صنعتی آلات منگائے جاتے ہیں وہ غیر ملکی ماہروں کے ذریعہ فٹ کئے جاتے ہیں جو اسلامی فقہ کے اعتبار سے کافر اور نجس ہیں اور یہ معلوم ہے کہ ان آلات کی فٹنگ تیل اور دوسری چکنائی وغیرہ لگا کر ہاتھ کے ذریعہ انجام پاتی ہے نتیجہ یہ ہے کہ وہ آلات پاک نہیں ہو تے کام کے دوران ان آلات سے کاریگروں کا لباس اور بدن مس ہو تھے اور وہ کام کے دوران مکمل طور سے لباس و بدن کو پاک نہیں کرسکتے تو نماز کے سلسلہ میں ان کا فریضہ کیا ہے ؟

ج۔ ممکن ہے کہ آلات کو فٹ کرنے والا اہل کتاب میں سے ہو جو کہ پاک کھلاتے ہیں یا کام کے وقت وہ دستانہ پہنے ہوئے ہو۔ پس صرف کافر کے کام کرنے سے جگہ اور آلات کے نجس ہو نے کا یقین حاصل نہیں ہو تا۔بالفرض اگر کام کے دوران آلات، بدن اور لباس کے نجس ہو نے کا یقین حاصل ہو گیا تو نماز کے لئے بدن کا پاک کرنا اور لباس کا پاک کرنا یا بدلنا واجب ہے۔

س۴۴۴۔ اگر نماز گزار خون سے نجس رومال یا اس جیسی کوئی نجس چیز اٹھائے یا اسے جیب میں رکھے ہو تو اس کی نماز صحیح ہے یا باطل؟

ج۔ اگر رومال اتنا چھو ٹا ہو جس سے شرم گاہ نہ چھپائی جا سکے تو اس میں کوئی حرج نہیں ہے۔

س۴۴۵۔ کیا اس کپڑے میں نماز صحیح ہے جو آج کل کے ایسے عطر سے معطر کیا گیا ہو جس میں الکحل پایا جاتا ہے ؟

ج۔ جب تک مذکورہ عطر کی نجاست کا علم نہ ہو اس سے معطر کپڑے میں نماز پڑھنے میں کوئی حرج نہیں ہے۔

س۴۴۶۔ حالت نماز میں عورت پر کتنا بدن چھپانا واجب ہے ؟ کیا چھوٹی آستین والے لباس پہننے اور جوراب میں کوئی حرج ہے ؟

ج۔ معیار یہ ہے کہ چھرے کی اتنای مقدار جس کا وضوء میں دھو نا واجب ہے اور گٹوں تک دونوں ہا تھوں اور دونوں پیروں کو چھوڑ کر پورے بدن کو چھپائے چاہے وہ پردہ ایرانی ہی جیسا ہو۔

س۴۴۷۔ حالت نماز میں عورتوں پر قدموں کو چھپانا بھی واجب ہے یا نہیں ؟

ج۔ پنڈلیوں ( کی ابتداء) تک دونوں قدموں کا چھپانا واجب نہیں ہے۔

س۴۴۸۔ کیا حجاب پہنتے وقت اور نماز میں ٹھڈی کو مکمل طور پر چھپانا واجب ہے یا نچلے حصہ ہی کو چھپانا کافی ہے یا ٹھڈی کا اس لئے چھپانا واجب ہے کہ وہ چھرہ کی اس مقدار کا مقدمہ ہے جس کا چھپانا شرعاً واجب ہے ؟

ج۔ ٹھڈی کا نچلا حصہ چھپانا واجب نہ کہ ٹھڈی کا چھپانا کیونکہ وہ چھرے کا جزو ہے۔

س۴۴۹۔ ایسی نجس چیز ( مثلاً رومال یا ٹوپی وغیرھ) جس میں نماز نہیں ہو تی ، اس کے ساتھ نماز کے صحیح ہو نے کا حکم صرف اس حالت سے مخصوص ہے جب انسان بھولے سے اس میں نماز پڑھ لے یا اس کے حکم یا موضوع کو نہ جانتے ہوئے نماز پڑھ لے یا پھر یہ حالت شبہ موضوعیہ یا شبیہ حکمیہ دونوں میں عام ہے ؟

ج۔ یہ حکم نسیان یا جہا لت حکمی یا موضوعی دونوں سے مخصوص نہیں ہے بلکہ نجس شدہ غیر ساتر لباس میں جس میں نماز نہیں ہو تی ، حتیٰ علم یا توجہ ہو جانے کی صورت میں بھی نماز پڑھنا جائز ہے۔

س۴۵۰۔ کیا نماز گزار کے لباس پر بلی کے بال یا اس کے لعاب دھن کا وجود نماز کے باطل ہو نے کا سبب ہے ؟

ج۔ ہاں نماز کے باطل ہو نے کا سبب ہے۔

اذان و اقامت

س۴۶۰۔ رمضان المبارک میں ہمارے گاؤں میں موذن ہمیشہ صبح کی اذان وقت سے چند منٹ پہلے ہی دیتا ہے تاکہ لوگ درمیان اذان یا اذان ختم ہو نے تک کھانے پینے سے فارغ ہو لیں۔ کیا یہ عمل صحیح ہے ؟

ج۔ اگر اذان کی آواز لوگوں کو شبہ میں مبتلا نہ کرے اور وہ طلوع فجر کے اعلان کے عنوان سے نہ ہو تو اس میں کوئی اشکال نہیں ہے۔

س۴۶۱۔ بعض اشخاص امر بالمعروف اور نہی عن المنکر کے فریضہ کی انجام دہی کے لئے وہ اجتماعی صورت میں عام راستوں میں اذان دیتے ہیں اور خدا کا شکر ہے کہ اس اقدام سے علاقے میں کھلم کھلا فسق و فساد روکنے میں بڑا اثر ہو رہا ہے اور عام لوگ خصوصاً جوان اول وقت نماز پڑھنے لگے ہیں ؟لیکن ایک صاحب کہتے ہیں کہ : یہ عمل شریعت اسلامی میں وارد نہیں ہو ا ہے ، یہ بدعت ہے ، اس بات سے شبہ پیدا ہو گیا ہے ، آپ کا کیا نظریہ ہے ؟

ج۔ روزانہ کی واجب نمازوں کے اول اوقات میں نماز کے لئے اذان دینا اور سامعین کی طرف سے اسے بلند آواز سے دہرانا مستحبات میں سے ہے جن کی شریعت نے تاکید کی ہے اور سڑکوں کے کناروں پر اجتماعی صورت میں اذان دینے میں اگر یہ عمل بے حرمتی یا راستہ روکنے اور دوسروں کی اذیت کا سبب نہ ہو تو کوئی حرج نہیں ہے۔

س۴۶۲۔ چونکہ اذان دینا عبادی ، سیاسی عمل ہے اور اس میں عظیم ثواب ہے لہذا مومنین نے یہ طے کیا ہے کہ وہ لاؤڈ اسپیکر کے بغیر واجب نماز کے وقت خصوصاً نماز صبح کے لئے اپنے اپنے گھروں کی چھت سے اذان دیں گے(لیکن) سوال یہ ہے کہ اگر اس عمل پر بعض ہم سایہ اعتراض کریں تو اس کا کیا حکم ہے ؟

ج۔ عام طور پر جس طرح اذان دی جاتی ہے اس طرح مکان کی چھت سے اذان دینے میں کوئی اشکال نہیں ہے بشرطیکہ اس سے دوسروں کو تکلیف نہ پہنچے اور نہ ہم سایوں کے گھروں کی طرف نگاہ اٹھائی جائے۔

س۴۶۳۔رمضان المبارک میں اذان صبح کو چھوڑ کر مسجد کے لاوڈ اسپیکر سے سحری کے مخصوص پروگرام نشر کرنے کا کیا حکم ہے تاکہ سب لوگ جاگ جائیں ؟

ج۔ رمضان المبارک کی راتوں میں جہاں اکثر لوگ تلاوت قرآن مجید، دعائیں پڑھنے اور دینی و مذہبی مراسم میں شرکت کے لئے بیدار رہتے ہیں وہاں اس میں کوئی حرج نہیں ہے لیکن اگر یہ مسجد کے ہم سایوں کی تکلیف کا موجب ہو تو جائز نہیں ہے۔

س۴۶۴۔ کیا اذان صبح سے قبل مساجد اور مراکز سے بہت بلند آواز میں جس کی آواز کئی کلومیٹر تک پہنچے قرآنی آیات اور دعاؤں کو نشر کر کے دوسروں کو زحمت میں مبتلا کرنا صحیح نہیں ہے۔

ج۔رائج طریقہ کے مطابق نماز صبح کے وقت کے داخل ہو نے کے اعلان کے لئے لاوڈ اسپےکر سے اذان دےنے میں کوئی حرج نہیں ہے لیکن لاوڈ اسپےکر کے ذریعے مسجد سے آیت قرآنی اور دعاؤں وغےرہ کا کسی بھی وقت نشر کرنا اگر ہم ساےوں کےلئے تکلےف کا باعث ہے تو اس کےلئے شرعاً کوئی جواز نہیں بلکہ اس میں اشکال ہے اور بنیادی طور پر آیات قرآنی کی تلاوت اور دعاؤں کو نشر کر کے دوسروں کو زحمت میں مبتلا کرنا صحےح نہیں ہے۔

س۴۶۵۔ کیا اپنی نماز کے لئے مرد عورت کی اذان پر اکتفا کرسکتا ہے ؟

ج۔ عورت کی اذان پر اکتفا کرنا بعید نہیں ہے اگر اس کے تمام کلمات سنے گئے ہوں۔

س۴۶۶۔ واجب نماز کی اذان و اقامت میں شہا دت ثالثہ یعنی سید الاوصیاء ( حضرت علی علیہ السلام) کو امیر و ولی کہنے کے سلسلے میں آپ کا کیا نظریہ ہے ؟

ج۔ شرع کے لحاظ سے اذان و اقامت کا جزء نہیں ہے لیکن اگر اذان و اقامت کے جزء اور اس میں شامل ہو نے کے قصد سے نہ ہو تو اسے کہنے میں کوئی حرج نہیں ہے بلکہ اگر خلیفۂ رسول صلی اللہ علیہ و علیٰ اوصیاۂ المعصومین (ع) کہنا اپنے عقیدے کے اعتراف و اذعان کے اظہار کے لئے ہو تو راجح و بہتر ہے۔

قرأت اور اس کے احکام

س۴۶۷۔ ہماری اس نماز کا کیا حکم ہے جس میں قرأت جہری یعنی آواز سے نہ ہو ؟

ج۔ مردوں پر واجب ہے کہ وہ صبح، مغرب اور عشاء کی نماز میں حمد و سورہ کو بلند آواز سے پڑھیں۔

س۴۶۸۔ اگر ہم صبح کی قضا نماز پڑھنا چاہیں تو اسے بلند آواز سے پڑھیں گے یا آہستہ؟

ج۔ صبح، مغرب اور عشاء کی نمازوں میں چاہے وہ ادا ہوں یا قضا، حمد و سورہ کو بہر حال آواز سے پڑھنا واجب ہے چاہے ان کی قضا دن میں پڑھی جائے۔

س۴۶۹۔ ہم جانتے ہیں کہ نماز کی ایک رکعت نیت، تکبیرۃ الاحرام ، حمد و سورہ اور رکوع و سجود پر مشتمل ہے ، دوسری طرف ظہر و عصر اور مغرب کی تیسری رکعت اور عشا کی آخری دو ( تیسری اور چوتھی ) رکعتوں کو آہستہ پڑھنا بھی واجب ہے۔لیکن ٹیلی ویژن سے تیسری رکعت کے رکوع و سجود کو بلند آواز سے نشر کیا جاتا ہے جبکہ معلوم ہے کہ رکوع وسجود دونوں ہی اس رکعت کی جزء ہیں جس کو آہستہ پڑھنا واجب ہے۔ اس مسئلہ میں آپ کا کیا حکم ہے ؟

ج۔ مغرب و عشاء اور صبح کی نماز میں آواز سے پڑھنا واجب ہے ، اور ظہر و عصر کی نماز میں آہستہ پڑھنا واجب ہے۔ لیکن یہ صرف حمد و سورہ میں ہے۔ جیسا کہ مغرب و عشاء کی پہلی دو رکعتوں کے علاوہ باقی رکعتوں میں اخفات یعنی آہستہ پڑھنا واجب ہے اور یہ ( اخفات) ، صرف سورہ حمد و تسبیحات ( اربعہ) سے مخصوص ہے لیکن رکوع و سجود کے ذکر نیز تشہد و سلام اور اسی طرح نماز پنجگانہ کے تمام واجب اذکار میں مکلف کو اختیار ہے کہ وہ انہیں آواز سے ادا کرے یا آہستہ پڑھے۔

س۴۷۰۔ اگر کوئی شخص ،روزانہ کی سترہ رکعت نمازوں کے علاوہ احتیاطاً سترہ رکعت قضا نماز پڑھنا چاہتا ہے تواس پر صبح اور مغرب و عشا کی پہلی دو رکعتوں میں حمد و سورہ آواز سے پڑھنا واجب ہے یا آہستہ پڑھنا؟

ج۔ نماز پنجگانہ کے اخفات و جہر کے وجوب میں ادا و قضا نماز کے لحاظ سے کوئی فرق نہیں ہے ، چاہے وہ احتیاطی ہی کیوں نہ ہو۔

س۴۷۱۔ہم جانتے ہیں کہ لفظ صلوۃ کے آخر میں (ت) ہے لیکن حیّ علی الصلۃ (حا) کےساتھ کہتے ہیں کیا صحیح ہے ؟

ج۔ لفظ صلوٰۃ کے اختتام پر ’ ہا ‘ پر وقف کرنے میں کوئی حرج نہیں ہے بلکہ یہی معین ہے۔

س۴۷۲۔ تفسیر سورۂ حمد میں امام خمینی رحمۃ اللہ علیہ کے نظریہ کو ملحوظ رکھتے ہوئے کہ آپ نے سورۂ حمد کی تفسیر میں لفظ ملک کو مالک پر ترجیح دی ہے تو کیا واجب و غیر واجب نمازوں میں اس سورۂ مبارکہ کی قرأت میں دونوں طریقوں سے پڑھنا صحیح ہے ؟

ج۔ اس مورد میں احتیاط کرنے میں کوئی حرج نہیں ہے۔

س۴۷۳۔ کیا نماز گزار کے لئے صحیح ہے کہ وہ ’غیر المغضوب علیہم۔۔۔۔۔ ‘ پڑھنے کے بعد عطف فوری کے بغیر وقف کرے پھر ’ ولا الضآلین ‘ پڑھے اور کیا تشہد میں لفظ ’ محمد‘ پر ٹھرنا صحیح ہے جیسا کہ ہم ( صلوۃ پڑھتے وقت) کہتے ہیں ’اللہم صلی علی محمد‘ پھر تھوڑے وقفہ کے بعد ’ وآل محمد ‘ کہتے ہیں ؟

ج۔ اس حد تک کوئی حرج نہیں ہے جب تک کہ وحدت جملہ میں خلل نہ پیدا ہو۔

س۴۷۴۔ امام خمینی رحمۃ اللہ علیہ سے درج ذیل سے استفتاء کیا گیا:

تجوید میں حرف ’ ضاد‘ کے تلفظ کے سلسلہ میں متعدد اقوال ہیں آپ کس قول پر عمل کرتے ہیں ؟ اس کے جواب میں امام خمینی (رح) نے لکھا کہ علمائے تجوید کے مطابق حروف کے مخارج کی معرفت واجب نہیں ہے بلکہ ہر حرف کا تلفظ اس طرح ہو نا واجب ہے کہ عرب کے عرف کے نزدیک صادق آ جائے کہ وہ حرف اد ہو گیا،اب سوال یہ ہے :

اول یہ کہ :اس عبارت کے معنی کیا ہیں کہ ’ عرب کے عرف میں یہ صادق آ جائے کہ اس نے وہ حرف ادا کیا ہے۔

دوسرے :کیا علم تجوید کے قواعد عرف و لغت عرب سے نہیں بنائے گئے ہیں۔ جیسا کہ ان ہی سے صرف و نحو کے قواعد بنائے گئے ہیں ؟ پس لغت و عرف میں جدائی کیسے ممکن ہے ؟

تیسرے : اگر کسی کو کسی معتبر طریقہ سے یہ علم حاصل ہو گیا کہ وہ قرأت کے دوران حروف کو صحیح مخارج سے ادا نہیں کرتا یا وہ عام طور پر حروف و کلمات کو صحیح شکل میں ادا نہیں کرتا اور اس کے سیکھنے کے لئے اسے ہر قسم کے مواقع فراہم ہیں ، گویا سیکھنے کے لئے اس کی استعداد بھی اچاہی ہے یا اس کا علم حاصل کرنے کے لئے اس کے پاس وقت بھی ہے تو کیا ، اپنی صلاحیت کی حدود میں ،اس پر صحیح قرأت سیکھنے یا صحیح سے نزدیک قرأت کے سیکھنے کی کوشش کرنا واجب ہے یا نہیں ؟

ج۔ قرأت کے صحیح ہو نے میں معیار یہ ہے کہ وہ اہل زبان ، جنہوں نے تجوید کے قواعد و ضوابط بنائے ہیں ، کی قرأت کے موافق ہو۔اس بنا پر کسی حروف کے تلفظ کی کیفیت میں جو علمائے تجوید کے اقوال میں اختلاف ہے ، اگر یہ اختلاف اہل زبان کے تلفظ کی کیفیت کو سمجھنے میں ہے تو اس کی اصل اور مرجع خود عرف اہل لغت ہے لیکن اگر اقوال میں اختلاف ہے لیکن اگر اقوال کے اختلاف کا سبب تلفظ کی کیفیت میں خود اہل زبان کا اختلاف ہے تو مکلف کو اختیار ہے کہ جس قول کو چاہے اختیار کرے۔

س۴۷۵۔ جس شخص کی ابتداء سے نیت یا عادت ہو کہ وہ حمد کے بعد سورۂ اخلاص پڑھتا ہے اور اگر کبھی اس نے سورہ مشخص کئے بغیر بسم اللہ پڑھ لی تو کیا اس پر واجب ہے کہ پہلے سورہ معین کرے اس کے بعد دوبارہ بسم اللہ پڑھے ؟

ج۔ اس پر بسم اللہ کا اعادہ کرنا واجب نہیں ہے بلکہ وہ اسی پر اکتفا کرسکتا ہے اور پھر حمد کے بعد جو سورہ چاہے پڑھ سکتا ہے۔

س۴۷۶۔ کیا واجب نمازوں میں عربی الفاظ کو کامل طور پر ادا کرنا واجب ہے ؟ اور کیا اس صورت میں بھی نماز کو صحیح کہا جائے گا جب کلمات کا تلفظ مکمل طور پر صحیح عربی میں نہ کیا جائے؟

ج۔ نماز کے تمام اذکار جیسے حمد وسورہ کی قرأت اور دیگر ذکر و تسبیحات کا صحیح طریقہ سے ادا کرنا واجب ہے اور اگر نماز گزار عربی الفاظ کی اس کیفیت کو نہیں جانتا جس کے مطابق ان کا پڑھنا واجب ہے تو اس پر سیکھنا واجب ہے اور اگر سیکھنے سے عاجز ہو تو معذور ہے۔

س۴۷۷۔ نماز میں قلبی قرأت ، یعنی کلمات کو تلفظ کے بدل دل میں دھرانے پر قرأت صادق آتی ہے یا نہیں ؟

ج۔ اس پر قرأت کا عنوان صادق نہیں آتا اور نماز میں ایسے تلفظ کا ہو نا ضروری ہے جس پر قرأت صادق آئے۔

س۴۷۸۔ بعض مفسرین کی رائے کے مطابق قرآن مجید کے چند سورے مثلاً سورہ فیل و قریش ، انشراح و ضحی کامل سورے نہیں ہیں ، وہ کہتے ہیں کہ جو شخص ان سوروں میں سے ایک سورہ مثلاً سورۂ فیل پڑھے اس پر اس کے بعد سورۂ قریش پڑھنا واجب ہے اسی طرح سورہ انشراح والضحی کو بھی ایک ساتھ پڑھنا واجب ہے۔ پس اگر کوئی شخص نماز میں سورۂ فیل یا تنہا سورۂ ضحی پڑھتا ہے اور اس مسئلہ سے واقف نہیں ہے تو اس کا کیا فریضہ ہے ؟

ج۔ وہ گزشتہ نمازیں ، جن میں اس نے سورہ فیل و ایلاف یا سورہ ضحی و الم نشرح میں سے ایک سورہ پر اکتفا کی ہے ، صحیح ہیں اگر وہ اس مسئلہ سے بے خبر رہا ہو۔

س۴۷۹۔ اگر اثنائے نماز میں ایک شخص غافل ہو جائے اور ظہر کی تیسری رکعت میں حمد و سورہ پڑھے اور نماز تمام ہو نے کے بعد اسے یاد آئے تو کیا اس پر اعادہ واجب ہے ؟ اور اگر یاد نہ آئے تو اس کی نماز صحیح ہے یا نہیں ؟

ج۔ پہلی دو رکعتوں کے علاوہ دیگر رکعات میں بھی سورہ حمد پڑھنا کافی ہے خواہ غفلت و نسیان ہی سے پڑھے اور غفلت یا جہا لت کی وجہ سے زیادہ سورہ پڑھنے سے بھی اس پر کوئی چیز واجب نہیں ہو تی۔

س۴۸۰۔ امام خمینی (رح) کا نظریہ ہے کہ نماز ظہر و عصر میں اخفات کا معیار عدم جہر ہے اور یہ بات ہمیں معلوم ہے کہ دس حروف کے علاوہ بقیہ حروف جہری صورت میں پڑھے جاتے ہیں۔ اس بنا پر اگر ہم نماز ظہر و عصر کو آہستہ پڑھیں تو اٹھا رہ جہری حروف کا حق کیسے ادا ہو گا۔ امید ہے کہ اس مسئلہ کی وضاحت فرمائیں گے؟

ج۔ اخفات کا معیار بالکل بے صدا پڑھنا نہیں ہے۔ بلکہ اس سے مراد آواز کا اچھی طرح اظہار نہ کرنا ہے اور یہ جہر کے مقابل ہے جس سے مراد آواز کا اظہار ہے۔

س۴۸۱۔ غیر عرب افراد خواہ مرد ہوں یا عورتیں اسلام قبول کر لیتے ہیں لیکن عربی سے واقف نہیں ہو تے وہ اپنے دینی واجبات یعنی نماز وغیرہ کو کس طرح ادا کرسکتے ہیں ؟ اور بنیادی طور سے ان کے لئے عربی سیکھنا ضروری ہے یا نہیں ؟

ج۔ نماز میں تکبیر ، حمد و سورہ ، تشہد اور سلام کا سیکھنا واجب ہے اور اسی طرح جس چیز میں بھی عربی کا تلفظ شرط ہے ، اسے سیکھنا واجب ہے۔

س۴۸۲۔ کیا اس بات پر کوئی دلیل ہے کہ شب کے نوافل یا جہری نمازوں کے نوافل کو آواز سے پڑھا جائے۔ اسی طرح اخفاتی نمازوں کے نوافل کو آہستہ پڑھا جائے۔ اگر جواب مثبت ہے تو کیا اگر جہری نماز کے نوافل آہستہ اور اخفاتی نماز کے نوافل بلند آواز سے پڑھے جائیں تو کافی ہوں گے؟اس سلسلے میں اپنے فتوے سے نوازئیے؟

ج۔ واجب جہری نمازوں کے نوافل کو بھی آواز سے پڑھنا مستحب اور ( یوں ہی ) آہستہ پڑھی جانے والی نمازوں کے نوافل کو آہستہ پڑھنا مستحب ہے ، اگر اس کے خلاف اور برعکس عمل کرے تو بھی جائز ہے۔

س۴۸۳۔ کیا نماز میں سورہ حمد کے بعد ایک کامل سورہ کی تلاوت کرنا واجب ہے یا قرآن کی چند آیتیں پڑھنا کافی ہے ؟ اور کیا پہلی صورت میں یعنی حمد و سورہ پڑھنے کے بعد قرآن کی چند آیتیں پڑھنا جائز ہے ؟

ج۔ روز مرہ کی واجب نمازوں میں ایک کامل سورہ کے بجائے قرآن کی چند آیات پڑھنا کافی نہیں ہے لیکن مکمل سورہ پڑھنے کے بعد قرآن کے عنوان سے بعض اوقات کے پڑھنے میں کوئی حرج نہیں ہے۔

س۴۸۴۔ اگرسستی کی وجہ سے یا اس لہجہ کے سبب جس میں انسان گفتگو کرتا ہے ، حمد و سورہ کے پڑھنے یا نماز کے کلمات و حرکات کے اعراب کی ادائیگی میں غلطی ہو جائے اور ’ یولد ‘ کے بجائے ’ یولد ‘ بالکسرہ پڑھے تو اس نماز کا کیا حکم ہے ؟

ج۔ اگر یہ جان بوجھ کر یا وہ جاہل مقصر جو سیکھنے پر قدرت رکھتا ہے ، اس کے باوجود ایسا کرتا ہے تو اس کی نماز باطل ہے ورنہ صحیح ہے۔

س۴۸۵۔ ایک شخص کی عمر ۳۵ یا ۴۰ سال ہے ، بچپنے میں اس کے والدین نے اسے نماز نہیں سکھائی تھی ، اس ان پڑھ آدمی نے صحیح طریقہ سے نماز سیکھنے کی کوشش کی لیکن نماز کے اذکار و کلمات کو صحیح صورت میں ادا کرنا اس کے امکان میں نہیں ہے بلکہ بعض کلمات کو تو وہ ادا ہی نہیں کر پاتا ہے کیا اس کی نماز صحیح ہے ؟

ج۔ اس کی نماز صحیح ہے بشرطیکہ جتنے کلمات کا ادا کرنا اس کے بس میں ہے ، انہیں ادا کرے۔

س۴۸۶۔ میں نماز کے کلمات کو ویسے ہی تلفظ کرتا تھا جیسا کہ ہم نے انہیں اپنے والدین سے سیکھا تھا اور جیسا کہ ہمیں مڈل اسکول میں سکہا یا گیا تھا ، بعد میں مجھے یہ معلوم ہوا کہ میں ان کلمات کو غلط طریقہ سے پڑھتا تھا ، کیا مجھ پر ، امام خمینی طاب ثراہ کے فتوے کے مطابق ، ان نمازوں کا اعادہ کرنا واجب ہے ؟ یا وہ تمام نمازیں جو میں نے اس طریقہ سے پڑھی ہیں صحیح ہیں ؟

ج۔ سوال کی مفروضہ صورت میں گزشتہ تمام نمازیں صحیح ہیں نہ ان کا اعادہ کرنا ہے اور نہ قضا۔

س۴۸۷۔ کیا اس شخص کی نماز اشارے سے صحیح ہے جس کو گونگے پن کا مرض لاحق ہو گیا ہے اور وہ بولنے پر قادر نہیں ہے لیکن اس کے حواس سالم ہیں ؟

ج۔ مذکورہ فرض کے مطابق اس کی نماز صحیح اور کافی ہے۔

ذکر

س۴۸۸۔ کیا جان بوجھ کر رکوع و سجود کے اذکار کو ایک دوسرے کی جگہ ادا کرنے میں کوئی حرج ہے ؟

ج۔ اگر انہیں محض اللہ عزاسمہ کے ذکر کے عنوان سے بجا لائیں تو کوئی حرج نہیں ہے رکوع و سجود اور پوری نماز صحیح ہے۔

س۴۸۹۔ اگر ایک شخص بھولے سے سجود میں رکوع کا ذکر پڑھتا ہے یا اس کے برعکس رکوع میں سجود کا ذکر پڑھتا ہے اور اسی وقت اس کو یاد آگیا اور وہ اس کی اصلاح کر لے تو کیا اس کی نماز باطل ہے ؟

ج۔ اس میں کوئی حرج نہیں ہے اور اس کی نماز صحیح ہے۔

س۴۹۰۔ اگر نماز گزار کو نماز سے فارغ ہو نے کے بعد یا اثنائے نماز میں یاد آ جائے کہ ذکر غلط تھا تو اس مسئلہ میں کیا حکم ہے ؟

ج۔ اگر ذکر کے محل سے آگے بڑھ چکا ہے یعنی رکوع و سجود کو ختم کرچکا ہے تو اس کے ذمہ کچھ نہیں ہے۔

س۴۹۱۔ کیا نماز کی تیسری اور چورھی رکعت میں ایک مرتبہ تسبیحات اربعہ پڑھنا کافی ہے ؟

ج۔ کافی ہے ، اگرچہ تین مرتبہ پڑھنا احتیاط مستحب ہے۔

س۴۹۲۔ نماز میں تین مرتبہ تسبیحات اربعہ پڑھنا چاہئیے مگر ایک شخص بھولے سے چار مرتبہ پڑھتا ہے تو کیا خدا کے نزدیک اس کی نماز قبول ہے ؟

ج۔ اس میں کوئی حرج نہیں ہے۔

س۴۹۳۔ اس شخص کا کیا حکم ہے جو یہ نہیں جانتا کہ اس نے نماز کی تیسری اور چورھی رکعت میں تسبیحات اربعہ تین مرتبہ پڑھی ہے یا اس سے زیادہ یا کم پڑھی ہے ؟

ج۔ ایک مرتبہ پڑھنا بھی کافی ہے اور وہ بری الذمہ ہے اور جب تک رکوع میں نہیں جاتا اس وقت تک وہ تسبیحات میں کم پر بنا رکھتے ہوئے اس کی تکرار کرے گا، یہاں تک کہ اسے یقین ہو جائے کہ تسبیحات اربعہ تین مرتبہ پڑھ لی ہیں۔

س۴۹۴۔ کیا نماز میں بدن کی حرکت کے وقت ’ بحول اللہ ‘ کہنا جائز ہے کیا یہ اسی طرح صحیح ہے جس طرح قیام کی حالت میں صحیح ہے ؟

ج۔ اس میں کوئی حرج نہیں ہے اور مذکورہ ذکر کی اصل صورت یہ ہے کہ اسے نماز کی اگلی رکعت کے قیام کی حالت میں انجام پانا چاہئیے۔

س۴۹۵۔ ذکر سے کیا مراد ہے ؟ کیا اس میں نبی اکرم (ص)اور آپ کی آل پر صلوات بھی شامل ہے ؟

ج۔ جو عبادت بھی اللہ عزاسمہ کے ذکر پر مشتمل ہے وہ ذکر ہے اور محمد و آل محمد(ع) پر صلوات بھیجنا بہترین ذکر ہے۔

س۴۹۶۔ نماز وتر ، جو کہ ایک ہی رکعت ہے ، جب ہم اس میں قنوت کے لئے ہاتھ بلند کرتے ہوئے اور خدا سے اپنی حاجتیں طلب کرتے ہیں تو کیا اس میں کوئی اشکال ہے کہ ہم اپنی حاجتیں فارسی میں بیان کریں ؟

ج۔ قنوت میں فارسی میں دعا کرنے میں کوئی حرج نہیں ہے بلکہ قنوت میں مطلق دعا کسی بھی زبان میں کرنے میں کوئی حرج نہیں ہے۔

سجدہ کے احکام

س۴۹۷۔ سیمنٹ اور موزائیک (ٹائلز)پر سجدہ اور تیمم کرنے کا کیا حکم ہے ؟

ج۔ ان دونوں پر سجدہ کرنے میں کوئی حرج نہیں ہے لیکن تیمم محل اشکال ہے اور احتیاط واجب یہ ہے کہ نہ کیا جائے۔

س۴۹۸۔ کیا حالت نماز میں اس موزائیک (ٹائل)پر ہاتھ رکھنے میں کوئی اشکال ہے جس میں چھوٹے چھوٹے سوراخ ہوں ؟

ج۔ مذکورہ فرض میں کوئی اشکال نہیں ہے۔

س۴۹۹۔ کیا مٹی کی اس سجدہ گاہ پر سجدہ کرنے میں کوئی اشکال ہے جو میل سے کالی ہو گئی ہو اس طرح کہ اصل خاک اس میل کی پرت سے چھپ گئی ہو اور پیشانی اور خاک کے درمیان حائل ہو ؟

ج۔ اگر سجدہ گاہ پر اتنا زیادہ میل ہو جو پیشانی اور سجدہ گاہ کی خاک کے درمیان حاجب بن جائے تو اس پر سجدہ باطل ہے اور اسی طرح نماز بھی (باطل ہے )

س۵۰۰۔ ایک عورت سجدہ گاہ پر سجدہ کرتی ہے اور اس کی پیشانی خاص کر سجدہ کی جگہ حجاب سے چھپی ہوئی ہے ، تو کیا اس پر ان نمازوں کا اعادہ واجب ہے ؟

ج۔ اگر وہ سجدہ کے وقت اس حائل کی طرف متوجہ نہ تھی تو اس پر نمازوں کا اعادہ واجب نہیں ہے۔

س۵۰۱۔ ایک عورت سجدہ گاہ پر اپنا سر رکھتی ہے اور یہ محسوس کرتی ہے کہ اس کی پیشانی مکمل طور پر خاک سے مس نہیں ہوئی ہے ، گویا چادر یا رومال حائل ہے جو مکمل طور پر سجدہ گاہ سے مس نہیں ہو نے دے رہا ہے۔ لہذا وہ اپنا سر اٹھا تی ہے اور حائل چیز کو ہٹ ا کر دوبارہ خاک پر اپنا سر رکھتی ہے اس مسئلہ میں کیا حکم ہے ؟اگر اس کے بعد والے کو مستقل سجدہ فرض کیا جائے تو اس کے ساتھ پڑھی جانے والی نمازوں کا کیا حکم ہے ؟

ج۔ اس پر واجب ہے کہ زمین سے اٹھائے بغیر پیشانی کو اتنای حرکت دے کہ وہ خاک تک پہنچ جائے اور اگر سجدہ گاہ پر سجدہ کرنے کے لئے زمین سے پیشانی اٹھا نا لاعلمی اور فراموشی کی وجہ سے ہو اور یہ کام وہ ایک ہی رکعت کے دو سجدوں میں سے ایک میں انجام دیتی ہو تو اس کی نماز صحیح ہے اور اعادہ واجب نہیں ہے لیکن اگر وہ سجدہ گاہ پر سجدہ کرنے کے لئے جان بوجھ کر سر اٹھا تی ہے یا ہر رکعت کے دونوں سجدوں میں ایسا کرتی ہے تو اس کی نماز باطل ہے اور اس پر نماز کا اعادہ واجب ہے۔

س۵۰۲۔ حالت سجدہ میں ساتوں اعضاء سجدہ کو زمین پر رکھنا واجب ہے لیکن ہمارے لئے یہ مقدور نہیں ہے کیونکہ ہم جنگی زخمیوں میں سے ہیں جو متحرک کرسی سے استفادہ کرتے ہیں۔ نماز کے لئے ہم یا سجدہ کو پیشانی تک ملاتے ہیں یا سجدہ گاہ کو کرسی کے بازو پر رکھ کر اس پر سجدہ کرتے ہیں کیا ہمارا اس طرح سجدہ کرنا صحیح ہے ؟

ج۔ اگر آپ کرسی کے دستہ پر سجدہ گاہ رکھ کر اس پر سجدہ کرسکتے ہیں تو ایسا ہی کریں اور آپ کی نماز صحیح ہے ورنہ جو طریقہ بھی آپ کے لئے ممکن ہو مثلاً اشارہ یا ایماء ہی سے رکوع و سجود کریں اس میں کوئی اشکال نہیں ہے۔ اللہ آپ لوگوں کو مزید توفیق عطا کرے۔

س۵۰۳۔ مقامات مقدسہ کی زمین پر بچھائے گئے سنگ مرمر پر سجدہ کرنے کا کیا حکم ہے ؟

ج۔ سنگ مرمر پر سجدہ کرنے میں کوئی حرج نہیں ہے۔

س۵۰۴۔ سجدہ کی حالت میں انگوٹھے کے علاوہ پیر کی بعض دیگر انگلیوں کے زمین پر رکھنے کا کیا حکم ہے ؟

ج۔ اس میں کوئی حرج نہیں ہے۔

س۵۰۵۔کچھ دنوں پہلے نماز کے لئے ایک سجدہ گاہ بنائی گئی ہے جسے ’ مہرامین‘ کہتے ہیں۔ اس کا فائدہ یہ ہے کہ وہ نماز گزار کی رکعتوں اور سجدوں کو شمار کرتی ہے اور ایک حد تک شک کو رفع کرتی ہے۔ یہ معلوم ہے کہ جس کمپنی نے اس سجدہ گاہ کو بنایا ہے۔ اس کا کہنا ہے کہ مراجع تقلید نے اس پر سجدہ کی اجازت دی ہے۔ اس وقت وہ نیچے کی طرف حرکت کرتی ہے اس لئے کہ اس کے نیچے لوہے کی ایک اسپرنگ ہے۔ کیا ایسی صورت میں اس پر سجدہ صحیح ہے۔

ج۔ اگر یہ ان چیزوں میں سے ہے جن پر سجدہ کرنا صحیح ہے اور پیشانی رکھنے اور اس پر دباؤ پڑنے کے بعد وہ ثابت ہو جاتی ہے اور ٹھہر جاتی ہے تواس پر سجدہ کرنے میں کوئی اشکال نہیں ہے۔

س۵۰۶۔ سجدوں کے بعد بیٹھتے وقت ہم کس پیر کو دوسرے پیر کے اوپر رکھیں ؟

ج۔ داہنے پیر کو بائیں پیر کے باطنی حصہ پر رکھنا مستحب ہے۔

س۵۰۷۔ رکوع و سجود میں واجب ذکر کے بعد کون سا ذکر بہتر و افضل ہے ؟

ج۔ واجب ذکر ہی کی اتنای تکرار کرے کہ وہ طاق پر تمام ہو جائے (مثلاً ۳، ۵، ۷، ۹) اس کے علاوہ سجود میں دنیوی و اخروی حاجات طلب کرنا بھی مستحب ہے۔

س۵۰۸۔ اگر قاری سامنے نہ ہو بلکہ ذرائع ( مثلاً ریڈیو اور ٹیپ ریکارڈ) کے ذریعہ وہ آیات نشر ہو رہی ہو جن میں سجدہ واجب ہے تو ان کو سننے کے بعد شرعی فریضہ ہے ؟

ج۔ ٹیپ ریکارڈ وغیرہ کے ذریعہ آیات سجدہ کے سننے سے سجدہ واجب نہیں ہو تا ہے ، لیکن اگر ریڈیو اور لاؤڈ اسپیکر سے براہ راست زندہ تلاوت نشر ہو رہی ہے ، تو بنا بر احتیاط سجدہ واجب ہے۔

نماز میں سلام کے احکام

س۵۰۹۔ کیا بچوں اور بچیوں کے سلام کا جواب دینا واجب ہے ؟

ج۔ لڑکے لڑکیوں میں سے ممیز بچوں کے سلام کا جواب دینا یوں ہی واجب ہے جیسے مردوں اور عورتوں کے سلام کا جواب دینا واجب ہے۔

س۵۱۰۔ اگر کسی شخص نے سلام سنا اور غفلت یا کسی دوسری وجہ سے اس کا جواب نہ دیا یہاں تک کہ تھوڑا فاصلہ ہو گیا تو کیا اس کے بعد جواب سلام دینا واجب ہے۔

ج۔ اگر اتنای تاخیر ہو جائے کہ اس کو سلام کا جواب نہ کہا جائے تو جواب دینا واجب نہیں ہے۔

س۵۱۱۔ اگر ایک شخص ایک جماعت پر اس طرح سلام کرے ’ السلام علیکم جمیعاً ‘ اور ان میں سے ایک نماز پڑھ رہا ہو تو کیا نماز پڑھنے والے پر سلام کا جواب دینا واجب ہے جبکہ حاضرین بھی سلام کا جواب دیں ؟

ج۔ احتیاط واجب یہ ہے کہ اگر دوسرے جواب دینے والے موجود ہوں تو نمازی جواب دینے میں عجلت نہ کرے۔

س۵۱۲۔ جو تحیت ( مثلاً آداب و بندگی) سلام کے صیغہ کی صورت میں نہ ہو تو اس کا جواب دینے کے سلسلہ میں آپ کا کیا نظریہ ہے ؟

ج۔ اگر تحیت قول کی صورت میں ہو اور عرف عام میں اسے تحیت شمار کیا جاتا ہو اور اگر انسان نماز میں ہے تو اس کا جواب دینا جائز نہیں ہے لیکن اگر حالت نماز میں نہ ہو تو احتیاط واجب یہ ہے کہ جواب دے۔

س۵۱۳۔ اگر ایک شخص ایک ہی وقت کئی بار سلام کرے یا متعدد اشخاص سلام کریں تو کیا سب کا ایک ہی مرتبہ جواب دینا کافی ہے ؟

ج۔ پہلی صورت میں ایک ہی مرتبہ جواب دینا کافی ہے اور دوسری صورت میں ایک صیغہ کے ذریعہ جو سب کو شامل ہو سب کے سلام کا جواب دینا کافی ہے۔

س۵۱۴۔ ایک شخص ’ السلام علیکم ‘ کے بجائے صرف ’ سلام ‘ کہتا ہے۔ کیا اس کے سلام کا جواب دینا کافی ہے ؟ اور اگر کوئی نابالغ ’ سلام علیکم ‘ کہے تو کیا اس کا جواب دینا واجب ہے ؟

ج۔ اگر عرف میں اسے سلام و تحیت کہا جاتا ہے تو اس کا جواب دینا واجب ہے اور اگر سلام کرنے والا بچہ ممیز ہو تو اس کے سلام کا جواب دینا بھی واجب ہے۔

مبطلات نماز

س۵۱۵۔ کیا تشہد میں ’ اشہد ان امیرالمومنین علیا ولی اللہ ‘ کہنے سے نماز باطل ہو جاتی ہے ؟

ج۔ ان امور کو ، جو واجب نمازوں کے تشہد میں وارد نہیں ہوئے ہیں ، اس قصد سے بجا لانا کہ وہ شرع میں وارد ہوئے ہیں ، یعنی تشہد کا جزء ہیں نماز کو باطل کر دیتا ہے ، چاہے وہ امور بذات خود حق اور صحیح ہوں۔

س۵۱۶۔ ایک شخص جو اپنی عبادتوں میں ریاکاری کرتا رہا اور اب وہ اپنے نفس سے جہا د کر رہا ہے تو کیا اسے بھی ریا کاری سے تعبیر کیا جائے گا ؟ وہ ریا کار سے کس طرح اجتناب کرے؟

ج۔ قربۃ الی اللہ کے قصد سے عبادات کا بجا لانا واجب ہے اور ریا سے نجات حاصل کرنے کے لئے اسے عظمت و شان خدا اور اپنی ضعف و ناتوانی اور اپنے اور تمام انسانوں کے خدا کا محتاج ہو نے کے بارے میں غور کرنا چاہے۔

س۵۱۷۔ عورتوں پر، حالت نماز میں ہاتھوں کو ایک دوسرے کے اوپر رکھنا واجب ہے یا نہیں ؟

ج۔ واجب نہیں ہے اور اگر ہاتھ باندھنے کی صورت میں ہو تو جائز نہیں ہے۔

س۵۱۸۔ برادران اہل سنت و الجماعت کی نماز جماعت میں شرکت کے وقت، امام جماعت کے سورہ حمد پڑھنے کے بعد بلند آواز سے ’ آمین‘ کہی جاتی ہے۔اس کے بارے میں ہمارے لئے کیا حکم ہے ؟

ج۔ اگر مذکورہ فرض میں طبیعت ’ آمین‘ کہنے کا اقتضا کرے تو کوئی حرج نہیں ہے ورنہ جائز نہیں ہے۔

س۵۱۹۔ ہم کبھی اثنائے نماز میں بچہ کو کوئی خطرناک کام کرتے ہوئے دیکھتے ہیں تو کیا سورہ حمد یا دوسرے سورہ یا بعض ذکر کے کچھ کلمات کو بلند آواز سے پڑھ سکتے ہیں تاکہ بچہ متنبہ ہو جائے یا ہم گھر میں موجود کسی شخص کو ملتفت کریں اور اسے خطرہ سے خبردار کر دیں تاکہ خطرہ رفع ہو جائے؟ نیز اثنائے نماز میں ہاتھ کو حرکت دینے یا بہوؤں کے ذریعہ کسی شخص کو سمجھا نے یا اس کے کسی سوال کا جواب دینے کا کیا حکم ہے ؟

ج۔ اگر آیات و اذکار پڑھتے وقت آواز بلند کر کے دوسروں کو خبردار کرنے سے نماز کی ہئیت ( حالت) سے خارج نہ ہو تو اس میں کوئی اشکال نہیں ہے بشرطیکہ قرأت اور ذکر کو ، قرأت و ذکر ہی کی نیت سے انجام دیا جائے۔ہاں حالت نماز میں بولنا یا ایسی حرکت کرنا جو سکون و طمانیت یا نماز کی شکل کے منافی ہو اس سے نماز باطل ہو جاتی ہے۔

س۵۲۰۔ اگر اثنائے نماز میں کوئی شخص کسی مضحکہ خیز بات کو یاد کر کے یا کسی مضحکہ خیز امر کی وجہ سے ھنس پڑے تو اس کی نماز باطل ہے یا نہیں ؟

ج۔ اگر ہنسی آواز کے ساتھ، یعنی قہقہہ ، ہو تو نماز باطل ہے۔

س۵۲۱۔ کیا قنوت کے بعد ہاتھوں کو چھرے پر ملنے سے نماز باطل ہو جاتی ہے ؟ اگر یہ بطلان کا سبب ہے تو کیا اسے معصیت و گناہ بھی شمار کیا جائے گا؟

ج۔ اس میں کوئی حرج نہیں ہے اور نہ یہ نماز کے باطل ہو نے کا سبب ہے۔

س۵۲۲۔ کیا حالت نماز میں دونوں آنکھوں کا بند کرنا جائز ہے کیونکہ آنکھیں کھلی رکھنا انسان کی فکر کو نماز سے بھکا دیتا ہے ؟

ج۔ حالت نماز میں دونوں آنکھوں کو بند کرنے میں شرع کے لحاظ سے کوئی حرج نہیں ہے۔

س۵۲۳۔ میں اکثر نماز میں ان ایمانی اور معنوی لحظات کو یاد کرتا ہوں جن کے سائے میں میں نے بعثی کافر نظام میں زندگی گزاری تھی ، اس سے میرے خشوع میں اضافہ ہو تا ہے ، کیا اس سے نماز باطل ہو جاتی ہے ؟

ج۔ اس سے نماز کی صحت کو کوئی نقصان نہیں پہنچتا۔

س۵۲۴۔ اگر دو اشخاص میں تین دن تک دشمنی اور جدائی باقی رہے تو کیا اس سے ان کا نماز روزہ باطل ہو جاتا ہے ؟

ج۔ دو اشخاص کے درمیان دشمنی اور جدائی پیدا ہو نے سے نماز روزہ باطل نہیں ہو تا۔

شکیات اور ان کے احکام

س۵۲۵۔ جو شخص نماز کی تیسری رکعت میں ہو اور اسے یہ شک ہو جائے کہ قنوت پڑھا جائے یا نہیں تو اس کا کیا حکم ہے ؟ کیا وہ اپنی نماز کو تمام کرے یا شک پیدا ہو تے ہی توڑ دے۔

ج۔ مذکورہ شک کی پرواہ نہیں کی جائے گی، نماز صحیح ہے اور مکلف کے ذمہ کوئی چیز نہیں ہے۔

س۴۲۶۔ کیا نافلہ نمازوں میں رکعات کے علاوہ کسی اور چیز میں شک کی اعتناء کی جائے گی؟ مثلاً یہ شک کرے کہ ایک سجدہ یا دونوں سجدے بجا لایا ہے یا نہیں ؟

ج۔ نافلہ کے اقوال و افعال میں شک کی پرواہ کرنے کا وہی حکم ہے جو واجب نمازوں کے اقوال و افعال میں شک کا ہے ، بشرطیکہ انسان محل شک سے نہ گزرا ہو۔ محل شک کے گزر جانے کے بعد شک کی پرواہ نہیں کرنا چاہئیے۔

س۵۲۷۔ کثیر الشک کا حکم یہ ہے کہ وہ اپنے شک کی پرواہ نہ کرے لیکن اگر اسے نماز میں شک ہو جائے تو اس کا کیا فریضہ ہے ؟

ج۔ اس کا فریضہ ہے کہ جس چیز کے بارے میں شک ہو اسے انجام شدہ قرار دے اور اگر اسے انجام شدہ سمجھنے سے خرابی لازم آئے تو اس کے عدم پر بنا رکھے اس سلسلے میں رکعات، افعال اور اقوال کے درمیان کوئی فرق نہیں ہے۔

س۵۲۸۔ اگر کوئی شخص چند سال کے بعد اس بات کی طرف متوجہ ہو کہ اس کی عبادتیں باطل تھیں یا وہ ان کے بارے میں شک کرے تو اس کا کیا فریضہ ہے ؟

ج۔ عمل کے بعد شک کی پرواہ نہیں کی جاتی اور باطل ہو نے کے علم کی صورت میں ان ہی کی قضا واجب ہے جنہیں بجا لا سکتا ہو۔

س۵۲۹۔ اگر سہو اً نماز کے بعض اجزاء کو دوسرے اجزاء کی جگہ بجا لائے یا اثنائے نماز میں اس کی نظر کسی چیز پر پڑ جائے یا بھولے سے کچھ کہہ دے تو اس کی نماز باطل ہے یا نہیں ؟اور اس پر کیا واجب ہے ؟

ج۔ نماز میں بھولے سے جو اعمال سرزد ہو جاتے ہیں وہ بطلان کا سبب نہیں ہیں ، ہاں بعض موقعوں پرسجدہ سہو کا موجب ہو تے ہیں لیکن کسی رکن میں کمی یا زیادتی ہو جائے تو اس سے نماز باطل ہو جاتی ہے۔

س۵۳۰۔ اگر کوئی اپنی نماز کی ایک رکعت بہو ل جائے اور پھر آخری رکعت میں اسے یاد آ جائے لیکن آخری رکعت میں اس بات کی طرف متوجہ ہو کہ یہ تیسری رکعت ہے تو اس کا شرعی فریضہ کیا ہے ؟

ج۔ سلام سے قبل اس پر اپنی نماز کی چھوٹی ہوئی رکعت کو بجا لانا واجب ہے ، اس کے بعد سلام پھرے اس حالت میں اگر بھولے سے کچھ زیادہ انجام دیا ہو یا بعض ایسے واجبات چھوٹ جائیں جو رکن نہیں ہیں تو اس پر دو سجدہ سہو بجا لانا واجب ہے اور واجب تشہد کو اس کے مقام پر ترک کر دے تو احتیاط واجب یہ ہے کہ اس کی قضا بھی بجا لائے۔

س۵۳۱۔ نماز احتیاط کی رکعات کی تعداد کا جاننا کیسے ممکن ہے کہ یہ ایک رکعت ہے یا دو؟

ج۔ نماز احتیاط کی رکعتوں کی مقدار اتنی ہی ہو گی جتنی احتمالی طور پر نماز میں چھو ٹ گئی ہے۔ پس اگر دو اور چار کے درمیان شک ہو تو دو رکعت نماز احتیاط واجب ہے اور اگر تین اور چار کے درمیان ہو تو ایک رکعت نماز احتیاط واجب ہے۔

س۵۳۲۔ اگر کوئی بھولے سے یا غلطی سے ذکر، آیات قرآن یا دعائے قنوت میں سے کوئی کلمہ ( زیادھ) پڑھ لے تو اس پر سجدہ سہو واجب ہے ؟

ج۔ واجب نہیں ہے۔

قضا نماز

س۵۳۳۔ میں سترہ سال کی عمر تک احتلام اور غسل وغیرہ کے بارے میں نہیں جانتا تھا اور ان امور کے متعلق کسی سے کوئی بات نہیں سنی تھی ، خود بھی جنابت اور غسل واجب ہو نے کے معنی نہیں سمجھتا تھا لہذا اس عمر تک میرے روزے اور نمازوں میں اشکال ہے ، امید ہے کہ مجھے اس فریضہ سے مطلع فرمائیں گے جس کا انجام دینا میرے اوپر واجب ہے ؟

ج۔ ان تمام نمازوں کی قضا واجب ہے جو آپ نے جنابت کی حالت میں پڑھیں لیکن اصل جنابت کا علم نہ ہو نے کی صورت میں جو روزے جنابت کی حالت میں رکھے ہیں وہ صحیح اور کافی ہیں ان کی قضا واجب نہیں ہے۔

س۵۳۴۔ افسوس کہ میں جہا لت اور ضعیف الارادہ ہو نے کی وجہ سے استمناء ( مشت زنی) کیا کرتا تھا جس کے باعث بعض اوقات نماز نہیں پڑھتا تھا۔ لیکن مجھے یہ معلوم نہیں ہے کہ میں نے کتنے دنوں تک نماز ترک کی ہے اور پھر میں نے مستقل طور سے نماز نہیں چھوڑی تھی بلکہ ان ہی اوقات میں نماز نہیں پڑھتا تھا جن میں مجنب ہو تا تھا اور غسل نہیں کر پاتا تھا میرے خیال میں چہ ماہ کی نماز چھوٹی ہو گی اور میں نے اس مدت کی قضا نمازوں کو ادا کرنے کا ارادہ کر لیا ہے ، آیا ان نمازوں کی قضا واجب ہے یا نہیں ؟

ج۔ جتنی پنجگانہ نمازوں کے بارے میں آپ کو یقین ہے کہ ادا نہیں کی ہیں یا حالت حدث میں پڑھی ہیں ، آپ پر ان کی قضا واجب ہے۔

س۵۳۵۔ جس شخص کو یہ معلوم نہ ہو کہ اس کے ذمہ قضا نمازیں ہیں یا نہیں اور اگر بالفرض اس کے ذمہ قضا نمازیں ہوں تو کیا اس کی مستحب و نافلہ پڑھی ہوئی نمازیں ، قضا نماز میں شمار ہو جائیں گی؟

ج۔ نوافل و مستحب نمازیں قضا نماز میں شمار نہیں ہوں گی۔ اگر اس کے ذمہ قضا نمازیں ہیں تو ان کو قضا کی نیت سے پڑھنا واجب ہے۔

س۵۳۶۔ میں تقریباً سات ماہ قبل بالغ ہو ا ہوں اور بالغ ہو نے سے چند ہفتے پہلے میں یہ سمجھتا تھا کہ بلوغ کی علامت صرف قمری حساب سے پندرہ سال کامل ہو نے پر ہے۔ مگر میں نے اس وقت ایک کتاب کا مطالعہ کیا جس میں لڑکیوں کے بلوغ کی علامت بیان ہوئی ہے ، تو اس میں کچھ اور بھی علامتیں میں نے دیکھیں جو مجھ میں پائی جاتی تھیں لیکن میں نہیں جانتا کہ یہ علامتیں کب سے وجود میں آئی ہیں ، کیا اب میرے ذمہ نماز و روزہ کی قضا ہے ؟ واضح رہے کہ میں کبھی کبھی نماز پڑھتا تھا اور گزشتہ سال ماہ رمضان کے سارے روزے رکھے ہیں پس اس مسئلہ کا کیا حکم ہے ؟

ج۔ ان تمام روزوں اور نمازوں کی قضا واجب ہے جن کے بالغ ہو نے کے بعد چھو ٹ جانے کا یقین ہے۔

س۵۳۷۔ اگر ایک شخص نے ماہ رمضان میں تین غسل جنابت انجام دئے مثلاً ایک بیسویں تاریخ ایک پچیسویں تاریخ اور ایک ستائیسویں تاریخ کو بعد میں اسے یہ یقین ہو گیا کہ ان میں سے ایک غسل باطل تھا۔ پس اس شخص کے نماز ، روزے کا کیا حکم ہے ؟

ج۔ روزے صحیح ہیں لیکن نماز کی قضا احتیاطاً واجب ہے۔

س۵۳۸۔ ایک شخص نے ایک عرصہ تک ناواقفیت کی بنا پر غسل جنابت میں ترتیب کی رعایت نہیں کی تو اس کے روزہ نماز کا کیا حکم ہے ؟

ج۔ اگر ترتیب کی رعایت نہ کرنا غسل کے باطل ہو نے کا سبب ہے جیسے سروگردن دھو نے سے پہلے جسم کا دایاں حصہ دھوئے تو جو نمازیں اس نے حدث اکبر کی حالت میں پڑھی ہیں ان کی قضا واجب ہے لیکن اگر وہ اس وقت اپنے غسل کو صحیح سمجھتا تھا تو اس کے روزے صحیح ہیں۔

س۵۳۹۔ جو شخص ایک سال کی قضا نمازیں پڑھنا چاہتا ہے ، اسے کس طرح پڑھنا چاہئیے؟

ج۔ اسے کسی ایک نماز سے شروع کرنا چاہئیے اور نماز پنجگانہ کی طرح پڑھنا چاہئیے۔

س۵۴۰۔ اگر ایک شخص پر کئی نمازیں واجب ہیں تو کیا وہ درج ذیل ترتیب کے مطابق ان کی قضا کرسکتا ہے :

۱۔ صبح کی بیس نمازیں پڑھے۔

۲۔ ظہر و عصر کی بیس بیس نمازیں پڑھے۔

۳۔ مغرب و عشاء کی بیس بیس نمازیں پڑھے اور سال بھر اسی طریقہ پر عمل پیرا رہے

ج۔ مذکورہ طریقہ سے قضا نمازیں پڑھنے میں کوئی حرج نہیں ہے۔

س۵۴۱۔ایک شخص کا سر زخمی ہو گیا جس کا اثر اس کے دماغ تک پہنچا،اس کے نتیجہ میں اس کا ہاتھ ، بایاں پیر اور زبان شل ہو گئی ( اس سانحہ کے نتیجے میں وہ) نماز کا طریقہ بھول گیا اور اسے دوبارہ سیکھ بھی نہیں سکتا۔ لیکن کتاب میں پڑھ کر یا کیسٹ سے سن کر نماز کے بعض اجزاء کو سمجھ سکتا ہے۔ اس وقت نماز کے سلسلہ میں اس کے سامنے دو شکلیں ہیں :

۱۔ وہ پیشاب کے بعد طہارت نہیں کرسکتا اور نہ وضو کرسکتا ہے۔

۲۔ نماز میں اسے قرأت کی مشکل ہے ، اس کا کیا حکم ہے ؟ اسی طرح چہ ماہ سے اس کی جو نمازیں چھو ٹ گئی ہیں ، ان کا کیا حکم ہے ؟

ج۔ اگر وہ دوسروں کی مدد سے ہی وضو یا تیمم کرسکتا ہے تو واجب ہے کہ وہ جس طرح ہو سکے نماز پڑھے چاہے کیسٹ سن کر یا کتاب دیکھ کر یا وہ جس ذریعہ سے پڑھ سکتا ہو۔ اور گزشتہ فوت ہو جانے والی نمازوں کی قضا واجب ہے مگر جس نماز کے پورے وقت وہ بے ہو ش رہا ہے اس کی قضا واجب نہیں ہے۔

س۵۴۲۔ جوانی کے زمانہ میں مغرب و عشاء اور صبح کی نماز سے زیادہ میں نے ظہر و عصر کی نمازیں قضا کی ہیں لیکن نہ میں ان کے تسلسل کو جانتا ہوں نہ ترتیب کو اور نہ ان کی تعداد کو ، کیا اس موقع پر اسے نماز دور پڑھنا ہو گی؟ اور نماز دور کیا ہے ؟ امید ہے کہ اس کی وضاحت فرمائیں گے۔

ج۔ ترتیب کی رعایت واجب نہیں ہے ، اور جتنی نمازوں کے فوت ہو نے کا آپ کو یقین ہے۔ ان ہی کی قضا بجا لانا کافی ہے اور ترتیب کے حصول کے لئے آپ پر دور کی نماز اور تکرار واجب نہیں ہے۔

س۵۴۳۔ ایک کافر ( بالغ ہو نے کے ایک) عرصہ کے بعد اسلام لاتا ہے تو اس پر ان نمازوں اور روزوں کی قضا واجب ہے یا نہیں جو اس نے ادا نہیں کی ہیں ؟

ج۔ واجب نہیں ہے۔

س۵۴۴۔ شادی کے بعد کبھی کبھی میرے عضو مخصوص سے ایک قسم کا سیال مادہ نکل آتا تھا جسے میں سمجھتا تھا کہ نجس ہے۔ اس لئے غسل جنابت کی نیت سے غسل کرتا اور پھر وضو کے بغیر نماز پڑھتا تھا ، توضیح المسائل میں اس سیال مادہ کو ’ مذی‘ کا نام دیا گیا ہے ، اب یہ فیصلہ نہیں کر پا رہا ہوں کہ جو نمازیں میں نے مجنب ہوئے بغیر غسل جنابت کر کے بغیر وضو کے پڑھی ہیں ان کا کیا حکم ہے ؟

ج۔ وہ تمام نمازیں جو آپ نے سیال مادہ نکلنے کے بعد غسل جنابت کر کے وضو کئے بغیر ادا کی ہیں ان کی قضا واجب ہے۔

س۵۴۵۔ بعض اشخاص نے گمراہ کن پروپیگینڈہ کے زیر اثر کئی سال تک نماز اور دیگر واجبات ترک کر دئے تھے لیکن امام خمینی (رح) کا رسالۂ عملیہ آنے کے بعد انہوں نے خدا سے توبہ کر لی اور اب وہ چھو ٹ جانے والے واجبات کی قضا نہیں کرسکتے ، ان کا کیا حکم ہے ؟

ج۔ جتنی مقدار میں بھی ممکن ہو ان پر قضا ہو جانے والے واجبات کا ادا کرنا واجب ہے۔

س۵۴۶۔ ایک شخص مرگیا اور اس کے ذمہ رمضان المبارک کے روزے اور قضا نمازیں تھیں ، اس نے کچھ مال چھوڑا ہے اگر اسے صرف کیا جائے تو فقط ماہ رمضان المبارک کے روزوں کی قضا ہو سکتی ہے اور نماز باقی رہے گی یا نماز پڑھوائی جا سکتی ہے اور روزے باقی رہ جاتے ہیں اس صورت میں کس کو مقدم کیا جائے؟

ج۔ نماز اور روزہ میں ( ایک کو دوسرے پر ) ترجیح نہیں ہے جب تک ( انسان) زندہ ہے اس پر خود قضا نماز و روزہ ادا کرنا واجب ہے اور جب خود ادا نہ کرسکے تو اس پر واجب ہے کہ آخر عمر میں یہ وصیت کرے کہ میرے ایک تھائی ترکہ سے قضا نمازوں کو اجرت پر ادا کرائیں۔

س۵۴۷۔ میں زیادہ تر نمازیں پڑھتا رہا ہوں اور جو چھو ٹ گئی ہیں ان کی قضا کی ہے یہ چھو ٹ جانے والی نمازیں وہ ہیں جن کے اوقات میں ، میں سوتا رہا ہوں یا اس وقت میرا بدن و لباس نجس رہا ہے جن کا پاک کرنا دشوار تھا پس میں یہ کیسے سمجھوں کہ نماز پنجگانہ ، نماز قصر اور نماز آیات میں سے میرے ذمہ کتنی نمازیں باقی ہیں ؟

ج۔ جتنی نمازوں کے چھو ٹ جانے کا یقین ہے ان ہی کی قضا پڑھنا کافی ہے اور ان میں سے جتنی کے بارے میں آپ کو یہ یقین ہو کہ وہ قصر ہیں یا نماز آیات، انہیں اپنے یقین کے مطابق بجا لائیے اور باقی کو نماز پنجگانہ سمجھ کر پوری پڑھئیے اس سے زیادہ آپ کے ذمہ کوئی چیز نہیں ہے۔

بڑے بیٹے پر باپ کی قضا نمازیں

س۵۴۸۔ میرے والد دماغی فالج کا شکار ہوئے اور اس کے بعد دو سال تک مریض رہے ، مرض کی بنا پر وہ اچھے برے میں تمیز نہیں کر پاتے تھے یعنی ان سے سوچنے سمجھنے کی قوت ہی سلب ہو گئی تھی ، چنانچہ دو برسوں کے دوران انہوں نے نہ روزہ رکھا اور نہ نماز ادا کی۔میں ان کا بڑا بیٹا ہوں پس کیا مجھ پر ان کے روزہ اور نماز کی قضا واجب ہے ؟ جبکہ میں جانتا ہوں کہ اگر وہ مذکورہ مرض میں مبتلا نہ ہو تے تو ان کی قضا مجھ پر واجب تھی۔ امید ہے کہ اس مسئلہ میں میری راہنمائی فرمائیں گے؟

ج۔ اگر ان کی قوت عقلیہ اتنای زیادہ کمزور نہیں ہوئی تھی جس پر جنون کا عنوان صادق آسکے اور نہ نماز کے پورے اوقات میں وہ بے ہوش رہتے تھے تو ان کی فوت ہو جانے والی نمازوں کی قضا واجب ہے۔

س۵۴۹۔ اگر ایک شخص مر جائے تو اس کے روزہ کا کفارہ دینا کس پر واجب ہے ؟ کیا اس کے بیٹوں اور بیٹیوں پر یہ کفارہ دینا واجب ہے ؟ یا کوئی اور شخص بھی دے سکتا ہے ؟

ج۔ جو کفارہ باپ پر واجب ہے اگر وہ کفارہ مخیرہ تھا یعنی وہ روزہ رکھنے اور کھانا کھلانے پر قدرت رکھتا تھا تو اگر ترکہ میں سے کفارہ کا دینا ممکن ہے تو اس میں سے نکال کر ادا کیا جائے ورنہ احتیاط واجب ہے کہ بڑا بیٹا روزے رکھے۔

س۵۵۰۔ ایک سن رسیدہ آدمی بعض اسباب کی بنا پر اپنے گھر والوں کو چھوڑ کر چلا گیا اور ان سے رابطہ رکھنے سے معذور ہو گیا وہ اپنے باپ کا سب سے بڑا بیٹا ہے۔ اسی زمانے میں اس کے والد کا انتقال ہو گیا۔ وہ باپ کی قضا نماز وغیرہ کی مقدار نہیں جانتا ہے اور اتنا مال بھی نہیں رکھتا کہ باپ کی نماز اجارہ پڑھو ائے۔ نیز بڑھا پے کی وجہ سے خود بھی باپ کی قضا نماز نہیں پڑھ سکتا پھر وہ کیا کرے؟

ج۔ باپ کی صرف ان ہی نمازوں کی قضا واجب ہے جن کے فوت ہو نے کا علم ہو اور جس طریقے سے بھی ممکن ہو بڑے بیٹے پر باپ کی نمازوں کی قضا واجب ہے۔ ہاں اگر وہ اسے ادا ہی نہ کرسکتا ہو تو معذور ہے۔

س۵۵۱۔ اگر کسی شخص کی بڑی اولاد بیٹی ہو اور دوسری اولاد بیٹا ہو تو کیا ماں باپ کی قضا نماز اور روزہ اس بیٹے پر بھی واجب ہے ؟

ج۔ معیار یہ ہے کہ بیٹوں میں سب سے بڑا بیٹا ہو لہذا مذکورہ سوال میں باپ کے روزے اور نماز کی قضا اسی بیٹے پر واجب ہے جو باپ کی دوسری اولاد ہے اور ماں کے فوت ہو جانے والے، روزے اور نماز کی قضا کا واجب ہو نا ثابت نہیں ہے اگرچہ احتیاط مستحب یہ ہے کہ اس کی قضا نماز و روزے بھی ادا کئے جائیں۔

س۵۵۲۔ اگر بڑے بیٹے کا باپ سے پہلے انتقال ہو جائے، خواہ بالغ ہو یا نابالغ ، تو باقی اولاد سے باپ کی قضا ساقط ہو جائے گی یا نہیں ؟

ج۔ باپ کے روزہ نماز کی قضا اس بڑے بیٹے پر واجب ہے ، جو باپ کی وفات کے وقت زندہ ہے خواہ وہ باپ کی پہلی اولاد یا پہلا بیٹا نہ ہو۔ْ

س۵۵۳۔ میں اپنے باپ کی اولاد میں بڑا بیٹا ہوں کیا مجھ پر واجب ہے کہ باپ کے قضا فرائض کی ادائیگی کی غرض سے ان کی زندگی ہی میں ان سے تحقیق کر لوں یا ان پر واجب ہے کہ وہ مجھے ان کی مقدار سے باخبر کریں پس اگر وہ باخبر نہ کریں تو میرا کیا فریضہ ہے ؟

ج۔ آپ پر تحقیق اور سوال کرنا واجب نہیں ہے لیکن اس سلسلہ میں باپ پر وصیت کرنا واجب ہے۔ بہر حال بڑا بیٹا مکلف ہے کہ اپنے باپ کے انتقال کے بعد اس کے یقینی طور پر چھو ٹ جانے والے روزے اور نمازیں اد اکرے۔

س۵۵۴۔ ایک شخص کا انتقال ہو ا اور اس کا کل اثاثہ وہ گھر ہے جس میں اس کی اولاد رہتی ہے ، اور اس کے ذمہ روزے اور نمازیں باقی رہ گئے ہیں اور بڑا بیٹا اپنی مشغولیتوں کی بنا پر انہیں ادا نہیں کرسکتا، پس کیا اولاد پر واجب ہے کہ وہ اس گھر کو فروخت کر کے باپ کے روزے اور نمازیں اد اکرائیں ؟

ج۔ جن روزوں اور نمازوں کی قضا باپ پر واجب تھی بہرحال ان کی قضا بڑے بیٹے پر ہے لیکن اگر مرنے والا یہ وصیت کر دے کہ میرے ترکہ کے ایک تھائی حصہ سے اجرت پر نماز روزے کی قضاء ادا کریں تو ترکہ میں سے ایک تھائی مال اس میں صرف کرنا واجب ہے۔

س۵۵۵۔ اگر بڑا بیٹا جس پر باپ کی قضا نماز واجب تھی ، مر چکا ہو تو کیا اس قضا کو اس کے وارث ادا کریں گے یا یہ قضا دادا کی اولاد میں سے دوسرے بیٹے پر واجب ہو گی؟

ج۔ باپ کی جو نمازیں اور روزے بڑے بیٹے پر واجب تھے۔ ان کی قضا اس کے بیٹے پر واجب نہیں ہے اور نہ ہی اس کے بھائی پر واجب ہے۔

س۵۵۶۔ جب باپ قطعی طور سے نماز نہ پڑھتا ہو تو کیا اس کی ساری نمازیں قضا ہیں اور بڑے بیٹے پر واجب ہیں ؟

ج۔ احتیاط واجب یہ ہے کہ اس صورت میں بھی اس کی نمازیں پڑھی جائیں۔

س۵۵۷۔ جس باپ نے جان بوجھ کر اپنے تمام عبادی اعمال کو ترک کیا ہے کیا بڑے بیٹے پر اس کی تمام نمازوں اور روزوں کا ادا کرنا واجب ہے جن کی مقدار پچاس سال تک پہنچتی ہے ؟

ج۔ بعید نہیں ہے کہ عمداً ترک کرنے کی صورت میں ان کی قضا بڑے بیٹے پر واجب نہ ہو لیکن اس صورت میں بھی اس کی قضا ادا کرنے کی احتیاط کو ترک نہیں کرنا چاہئیے۔

س۵۵۸۔ جب بڑے بیٹے پر خود اس کی نماز اور روزے کی قضا بھی ہو اور باپ کے روزے اور نمازوں کی قضا بھی ہو تو اس وقت دونوں میں سے کس کو مقدم کرے گا؟

ج۔ اس صورت میں اسے اختیار ہے جس کو بھی پہلے شروع کرے گا صحیح ہے۔

س۵۵۹۔ میرے والد کے ذمہ کچھ قضا نمازیں ہیں لیکن انہیں ادا کرنے کی ان میں استطاعت نہیں ہے اور میں ان کا بڑا بیٹا ہوں ، کیا یہ جائز ہے کہ ، جبکہ وہ بھی زندہ ہیں ، میں ان کی فوت ہو جانے والی نمازیں بجا لاؤں یا کسی شخص سے اجارہ پر پڑھاؤں ؟

ج۔ زندہ شخص کی قضا نماز اور روزوں کی نیابت صحیح نہیں۔

نماز جماعت

س۵۶۰۔ امام جماعت نماز میں کیا نیت کرے؟ جماعت کی نیت کرے یا فرادیٰ کی؟

ج۔ اگر جماعت کی فضیلت حاصل کرنا چاہتا ہے تو واجب ہے کہ امامت و جماعت کا قصد کرے۔اگر امامت کا قصد کئے بغیر نماز شروع کرے تو اس کی نماز اور دوسروں کے لئے اس کی اقتداء میں کوئی اشکال نہیں۔

س۵۶۱۔ فوجی مراکز میں نماز جماعت کے وقت، جو کہ دفتری کام کے وقت میں قائم ہو تی ہے ، بعض کارکن کام کی وجہ سے نماز جماعت میں شریک نہیں ہو پاتے۔ اگرچہ وہ اس کام کو دفتری اوقات کے بعد یا دوسرے دن بھی انجام دسے سکتے ہیں۔ کیا اس عمل کو نماز کو سبک سمجھنے سے تعبیر کیا جائے گا؟

ج۔ فی نفسہ نماز جماعت میں شرکت واجب نہیں ہے لیکن اول وقت اور جماعت کی فضیلت حاصل کرنے کے لئے بہتر یہ ہے کہ دفتری امور کو اس طرح منظم کریں جس سے وہ اس الہی فریضہ کو کم سے کم وقت میں جماعت کے ساتھ انجام دے سکیں۔

س۵۶۲۔ ان مستحب اعمال ، جیسے مستحب نماز یا دعائے توسل اور دوسری دعاؤں کے بارے میں آپ کا کیا نظریہ ہے جو سرکاری اداروں میں نماز سے پہلے یا بعد میں یا اثنائے نماز میں پڑھی جاتی ہیں جن میں نماز جماعت سے بھی زیادہ وقت صرف ہو تا ہے۔

ج۔ جو مستحب اعمال اور دعائیں ، الہی فریضہ اور اسلامی شعائر یعنی نماز جماعت کے ساتھ انجام پاتے ہیں اگر دفتری وقت کے ضائع ہو نے اور دفتری کاموں کی تاخیر کے موجب ہو تے ہوں تو ان میں اشکال ہے۔

س۵۶۳۔ کیا ا س جگہ دوسری نماز جماعت قائم کرنا صحیح ہے جہاں سے پچاس یا سو میٹر کی دوری پر بے پناہ نماز گزاروں کے ساتھ ایک جماعت برپا ہو تی ہے اور اذان اور اقامت کی آواز بھی سنی جاتی ہے ؟

ج۔ ایسی دوسری جماعت قائم کرنے میں کوئی اشکال نہیں ہے لیکن مومنوں کے شایان شان ہے کہ وہ ایک ہی جگہ جمع ہوں اور ایک جماعت میں شریک ہوں تاکہ نماز جماعت کی عظمت میں چار چاند لگ جائیں۔

س۵۶۴۔ جب مسجد میں نماز جماعت قائم ہو تی ہے اس وقت ایک شخص یا چند اشخاص اس قصد سے اپنی فرادیٰ نماز شروع کرتے ہیں کہ امام جماعت کی نااہلی یا بے عدالتی ثابت ہو جائے، اس عمل کا کیا حکم ہے ؟

ج۔ اس میں اشکال ہے کیونکہ نماز جماعت کی تضعیف کرنا جائز نہیں ہے اسی طرح اس امام جماعت کی ہا نت اور بے عزتی کرنا بھی جائز نہیں ہے جس کو لوگ عادل سمجھتے ہوں۔

س۵۶۵۔ ایک محلہ میں متعدد مساجد ہیں اور سب میں نماز جماعت ہو تی ہے اور ایک مکان دو مسجدوں کے درمیان واقع ہے اس طرح کہ ایک مسجد اس سے دس گھروں کے فاصلہ پر واقع ہے اور دوسری دو ہی گھروں کے بعد ہے اور اس گھر میں نماز جماعت برپا ہو تی ہے ،اس کا کیا حکم ہے ؟

ج۔ ضروری ہے کہ نماز جماعت کو اتحاد و الفت کے لئے قائم کیا جائے نہ کہ اختلاف و افتراق کا ذریعہ بنایا جائے۔ مسجد سے متصل گھر میں نماز جماعت قائم کرنے میں کوئی حرج نہیں ہے اگر اختلاف و پراگندگی کا سبب نہ ہو۔

س۵۶۶۔ کیا کسی شخص کے لئے جائز ہے کہ وہ مسجد کے امام راتب ، جس کی مساجد کے مرکز نے تائید کی ہے ، کی اجازت کے بغیر اس مسجد میں نماز جماعت قائم کرے؟

ج۔ نماز جماعت قائم کرنا امام راتب کی اجازت پر موقوف نہیں ہے لیکن بہتر یہ ہے کہ جب نماز جماعت قائم کرنے کے لئے امام راتب مسجد میں موجود ہو تو اس سے مزاحمت نہ کی جائے بلکہ اکثر یہ مزاحمت حرام ہو تی ہے جبکہ فتنہ و شر کے بھڑک اٹھنے کاسبب ہو۔

س۵۶۷۔ اگر امام جماعت کبھی غیر شائستہ بات کہے یا ذوق سے ہٹ کر ایسا مذاق کرے جو کہ عالم دین کے شایان شان نہ ہو تو کیا اس سے عدالت ساقط ہو جاتی ہے ؟

ج۔ اس چیز کو نماز گزار طے کریں گے اور اگر ایسا مذاق اور کلام شریعت کے خلاف اور مروت کے منافی نہ ہو تو اس سے عدالت پر کوئی اثر نہیں پڑتا۔

س۵۶۸۔ کیا امام جماعت کی کما حقہ معرفت نہ ہو نے کے باوجود اقتداء کی جا سکتی ہے ؟

ج۔ اگر ماموم کے نزدیک کسی بھی طریقہ سے امام کی عدالت ثابت ہو جائے تو اس کی اقتداء جائز ہے اور جماعت صحیح ہے۔

س۵۶۹۔ اگر ایک شخص کسی دوسرے شخص کو عادل و متقی سمجھتا ہے اور اسی لمحہ اس بات کا بھی معتقد ہے کہ اس نے بعض موقعوں پر ظلم کیا ہے تو کیا وہ اسے عمومی حیثیت سے عادل سمجھ سکتا ہے ؟

ج۔ جب تک اس شخص کے بارے میں ، جس کو اس نے ظالم سمجھا ہے ، یہ ثابت نہ ہو جائے کہ اس نے وہ کام علم و ارادہ اور اختیار یا کسی شرعی جواز کے بغیر انجام دیا ہے اس وقت تک وہ اس کے فاسق ہو نے کا حکم نہیں لگا سکتا۔

س۵۷۰۔ کیا ایسے امام حاضر کی اقتداء کی نیت کرنا جائز ہے جس کا نہ نام جانتا ہو اور نہ اس کا چھرہ دیکھتا ہو ؟

ج۔ جس کسی بھی طریقہ سے یہ اطمینان ہو جائے کہ امام حاضر عادل ہے تو اس کی اقتداء صحیح ہے۔

س۵۷۱۔کیا ایسے امام جماعت کی اقتداء کرنا جو امر بالمعروف اور نہی عن المنکر پر قدرت رکھتے ہوئے بھی انجام نہیں دیتا جائز ہے ؟

ج۔صرف امر بالمعروف اور نہی عن المنکر کو ترک کرنا جبکہ اس بات کا امکان ہے کہ مکلف اپنے عذر کی بنا پر اس وظیفہ کو انجام نہ دے سکتا ہو عدالت کو ختم نہیں کرتا ہے اور ایسے امامت جماعت کی اقتداء کے لئے مانع نہیں ہے۔

س۵۷۲۔ آپ کے نزدیک عدالت کے کیا معنی ہیں ؟

ج۔ یہ ایک نفسانی حالت ہے جو ایسا تقویٰ اختیار کرنے کا باعث ہو تی ہے جو انسان کو شرعی محرمات کے ارتکاب سے روکتا ہے۔ا س کے اثبات کے لئے اس شخص کے ظاہر کا اچھا ہو نا کافی ہے جو عام طور پر عدالت کا گمان پیدا کرتا ہے۔

س۵۷۳۔ ہم چند جوان ہیں مجلسوں اور امام بارگہوں میں ایک جگہ بیٹھتے ہیں جب نماز کا وقت ہو تا ہے تو اپنے درمیان میں سے کسی ایک عادل شخص کو نماز جماعت کے لئے آگے بڑھا دیتے ہیں لیکن بعض برادران اس نماز پر اعتراض کرتے ہیں اور کہتے ہیں کہ امام خمینی (رح) نے غیر عالم دین کے پیچھے نماز پڑھنے کو حرام قرار دیا ہے پس ہمارا کیا فریضہ ہے ؟

ج۔ یہ برادران عزیز اگر آسانی سے ایسے عالم دین کے پیچھے نماز پڑھ سکتے ہیں جس کو وہ اقتداء کا اہل بھی سمجھتے ہوں ، انہیں محلہ کی مسجد میں جانا پڑے تو اس صورت میں غیر عالم دین کی اقتداء نہیں کرنا چاہئیے بلکہ غیر عالم دین کی اقتداء بعض حالات میں اشکال سے خالی نہیں ہے۔

س۵۷۴۔ کیا دو اشخاص سے نماز جماعت قائم ہو سکتی ہے ؟

ج۔ اگر ایک امام اور ایک ماموم سے تشکیل جماعت مراد ہو تو کوئی حرج نہیں ہے۔

س۵۷۵۔ جب ماموم ظہر و عصر کی نماز با جماعت پڑھتے ہوئے حمد و سورہ خود پڑھے ، اس فرض کے ساتھ کہ حمد و سورہ پڑھنا اس سے ساقط ہے لیکن اگر اس نے اپنے ذہن کو ادھر ادھر بھٹکنے سے بچانے کے لئے ایسا کر لیا تو اس کی نماز کا کیا حکم ہے ؟

ج۔ اخفاتی نما جیسے ظہر و عصر کی نمازوں میں ، جب امام حمد و سورہ پڑھ رہا ہو اس وقت ماموم پر خاموش رہنا واجب ہے ، قرأت اس کے لئے جائز نہیں ہے چاہے اپنے ذہن کو مرتکز کرنے کی غرض سے ہی ہو۔

س۵۷۶۔ اگر کوئی امام جماعت ٹریفک کے تمام قوانین کی رعایت کرتے ہوئے موٹر سائیکل سے نماز جماعت پڑھا نے جاتا ہو تو اس کا کیا حکم ہے ؟

ج۔ اس سے عدالت اور امام کی صحت پر کوئی حرف نہیں آتا مگر یہ کہ وہاں کے لوگوں کی نظر میں یہ چیز شان و مروت کے منافی اور معیوب ہو۔

س۵۷۷۔ جب ہمیں نماز جماعت نہیں مل پاتی اور ختم کے قریب ہو تی ہے تو ہم ثواب جماعت حاصل کرنے کی غرض سے تکبیرۃ الاحرام کہہ کر دو زانو بیٹھ جاتے ہیں اور امام کے ساتھ تشہد پڑھتے ہیں اور امام کے سلام پھیرنے کے بعد کھڑے ہو جاتے ہیں اور پہلی رکعت پڑھتے ہیں تو سوال یہ ہے کہ کیا چار رکعتی نماز کی دوسری رکعت کے تشہد میں بھی ہم ایسا کرسکتے ہیں ؟

ج۔ مذکورہ طریقہ امام جماعت کی نماز کے آخری تشہد سے مخصوص ہے تاکہ جماعت کا ثواب حاصل کیا جا سکے۔

س۵۷۸۔ کیا امام جماعت کے لئے نماز کی اجرت لینا جائز ہے ؟

ج۔ جائز نہیں ہے۔

س۵۷۹۔ کیا امام جماعت کو عید یا کوئی بھی دو نمازوں کی ایک وقت میں امامت کرنا جائز ہے ؟

ج۔ نماز پنجگانہ میں امام کا دوسرے مامومین کے لئے نماز جماعت کا ایک بار اعادہ کرنے میں کوئی حرج نہیں ہے ، بلکہ مستحب ہے ، لیکن مستحب کا اعادہ کرنے میں اشکال ہے۔

س۵۸۰۔ جب امام عشاء کی نماز کی تیسری یا چوتھی رکعت میں ہو اور ماموم دوسری میں ہو تو کیا ماموم حمد و سورہ کو بلند آواز سے پڑھ سکتا ہے ؟

ج۔ واجب ہے کہ دونوں کو آہستہ پڑھے۔

س۵۸۱۔ نماز جماعت کے سلام کے بعد نبی اکرم پر صلوۃ کی آیت پڑھی جاتی ہے۔ اس کے بعد نماز گزار محمد وآل محمد پر تین مرتبہ درود بھی جتے ہیں اور اس کے بعد تین مرتبہ تکبیر کہتے ہیں اس کے بعد سیاسی ( یعنی دعا اور برأت کے جملے کہے جاتے ہیں جنہیں مومنین بلند آواز سے دہراتے ہیں ) کیا اس میں کوئی حرج ہے ؟

ج۔ آیہ صلوات پڑھنے اور محمد و آل محمد پر درود بھیجنے میں نہ صرف کوئی حرج نہیں بلکہ یہ مستحسن اور راجح ہے اور اس میں ثواب ہے اور اسی طرح اسلامی اور اسلامی انقلاب کے نعرے ’ تکبیر اور اس کے ملحقات ‘ جو کہ اسلامی انقلاب کے پیغام و مقاصد کی یاد تازہ کرتے ہیں وہ بھی مطلوب ہیں۔

س۵۸۲۔ اگر ایک شخص نماز جماعت میں شرکت کی غرض سے مسجد میں دوسری رکعت میں پہنچے اور مسئلہ سے ناواقفیت کی وجہ سے بعد والی رکعت میں تشہد و قنوت ، جن کا بجا لانا واجب تھا نہ بجا لائے تو کیا اس کی نماز صحیح ہے ؟

ج۔ نماز صحیح ہے لیکن تشہد کی قضا اور دو سجدہ سہو بجا لانا واجب ہے۔

س۵۸۳۔ نماز میں جس کی اقتداء کی جارہی ہے کیا اس کی رضا مندی شرط ہے ؟ اور کیا ماموم کی اقتداء کرنا صحیح ہے ؟

ج۔ اقتداء کے صحیح ہو نے میں امام جماعت کی رضا مندی شرط نہیں ہے اور اس شخص کی اقتداء جو نماز میں ماموم ہو تا ہے ، صحیح نہیں ہے۔

س۵۸۴۔ دو اشخاص میں ایک امام اور دوسرا ماموم جماعت قائم کرتے ہیں ، تیسرا شخص آتا ہے وہ دوسرے ( یعنی ماموم ) کو امام سمجھتا ہے اور اس کی اقتداء کرتا ہے اور نماز سے فراغت کے بعد اسے معلوم ہو تا ہے کہ وہ امام نہیں بلکہ ماموم تھا پس اس تیسرے شخص کی نماز کا کیا حکم ہے ؟

ج۔ ماموم کی اقتداء صحیح نہیں ہے لیکن جب نہ جانتا ہو اور اقتداء کر لے اور رکوع و سجود میں اس نے اپنے انفرادی فریضہ پر عمل کیا ہو یعنی عمداً و سہو اً کسی رکن کی کمی یا زیادتی نہ کی ہو تو اس کی نماز صحیح ہے۔

س۵۸۵۔ جو شخص نماز عشاء پڑھنا چاہتا ہے کیا اس کے لئے جائز ہے کہ اس جماعت میں شریک ہو جو مغرب کی نماز پڑھی جا رہی ہے ؟

ج۔ اس میں کوئی حرج نہیں۔

س۵۸۶۔ مکان کی بلندی اور پستی میں اگر ماموم امام کی رعایت نہ کرے تو کیا یہ ان کی نماز کے باطل ہو نے کا سبب بن سکتا ہے ؟

ج۔ اگر امام کے کھڑے ہو نے کی جگہ مامومین کے کھڑے ہو نے کہ جگہ سے اتنای بلند ہو جس کی اجازت نہیں ہے تو وہ ان کی جماعت کے باطل ہو نے کا سبب ہو گی۔

س۵۸۷۔ اگر نماز جماعت کی ایک صف ان لوگوں سے تشکیل پائی ہے جن کی نماز قصر ہے اور اس کے بعد والی ان لوگوں کی ہے جن کی نماز پوری ہے اس صورت میں اگر اگلی صف والے دو رکعت نماز تمام کرنے کے فوراً بعد اگلی دو رکعت کی اقتداء کے لئے کھڑے ہو جاتے ہیں تو ان کے بعد کی صف والوں کی آخری دو رکعت کی جماعت صحیح ہے یا نہیں ؟

ج۔ بالفرض اگلی صف میں تمام افراد کی نماز قصر ہو تو بعد والی صفوں کی جماعت کا صحیح ہو نا محل اشکال ہے اور احتیاط واجب ہے کہ جب پہلی صف والے سلام کی نیت سے بیٹھ جائیں تو بعد والی صف والے فرادیٰ کی نیت کر لیں۔

س۵۸۸۔ جب ماموم نماز کے لئے پہلی صف کے آخری سرے پر کھڑا ہو تو کیا وہ ان مامومین سے پہلے نماز میں شامل ہو سکتا ہے جو اس کے اور امام کے درمیان واسطہ ہیں ؟

ج۔ جب وہ مامومین ، جو کہ اس کے اور امام کے درمیان واسطہ ہیں ، امام کی نیت کرنے کے بعد نماز میں شامل ہو نے کے لئے تیار ہوں تو وہ جماعت کی نیت سے نماز میں شامل ہو سکتا ہے۔

س۵۸۹۔ جو شخص یہ سمجھ کر کہ امام کی پہلی رکعت ہے اس کی تیسری رکعت میں شریک ہو جائے اور کچھ نہ پڑھے تو کیا ا س پر اعادہ واجب ہے ؟

ج۔ اگر وہ رکوع میں جانے سے پہلے ہی اس کی طرف ملتفت ہو جائے تو اس پر قرأت کا تدارک واجب ہے اور اگر رکوع کے بعد ملتفت ہو تو بھی اس کی نماز صحیح ہے اور اس پر کوئی چیز واجب نہیں ہے اگرچہ احتیاط مستحب یہ ہے کہ قرأت ترک کرنے کے سبب دو سجدہ بھی بجا لائے۔

س۵۹۰۔ حکومتی دفاتر اور مدارس میں نماز جماعت قائم کرنے کے لئے امام جماعت کی اشد ضرورت ہے اور میرے علاوہ اس علاقہ میں کوئی عالم دین نہیں ہے اس لئے میں مجبوراً مختلف مقامات پر ایک واجب نماز کی تین یا چار مرتبہ امامت کرتا ہوں۔ دوسری نماز پڑھا نے کے لئے تو سارے مراجع نے اجازت دی ہے ، کیا اس سے زائد کو احتیاطاً قضا کی نیت سے پڑھا یا جا سکتا ہے ؟

ج۔ جو نماز جماعت سے پڑھی جاچکی ہے اس کا دوسری جماعت میں اعادہ کرنے میں کوئی حرج نہیں ہے لیکن ایک مرتبہ سے زیادہ پڑھی جانے والی نماز میں اشکال ہے اور احتیاطاً پڑھی جانے والی نمازوں میں امامت صحیح نہیں ہے۔

س۵۹۱۔ ایک کالج نے اپنے اسٹاف کے لئے کالج کی عمارت میں نماز جماعت قائم کی ہے جو شہر کی مسجد کے نزدیک ہے اور وہ لوگ جانتے ہیں کہ عین اسی وقت مسجد میں نماز جماعت قائم ہو تی ہے پس کالج کی جماعت میں شریک ہو نے کا کیا حکم ہے ؟ اور کالج کے ذمہ داروں کا نماز میں شرکت پر اصرار و اجبار حکم کو بدل سکتا ہے یا نہیں ؟

ج۔ ایسی نماز جماعت میں شرکت کرنا ، جس میں ماموم کی نظر میں وہ شرعی شرائط جو جماعت اور اقتداء کے لئے لازمی ہیں ، پائے جاتے ہوں ، بے اشکال ہے ، خواہ جماعت اس مسجد سے قریب ہی ہو رہی ہو جس میں عین اسی وقت نماز جماعت قائم ہو تی ہے لیکن نماز جماعت میں شرکت کرنے پر اصرار اور اجبار کے لئے کوئی شرعی دلیل نہیں ہے۔

س۵۹۲۔ کیا اس شخص کے پیچھے نماز صحیح ہے جو محکمۂ قضاوت ( عدلیہ ) میں ہے لیکن مجتہد نہیں ہے ؟

ج۔ محکمہ قضاوت ( عدلیہ) میں اگر ان کا تقرر اس شخص نے کیا ہے جس کو تقرر کا حق ہے تو اس کی اقتداء کرنے میں کوئی مانع نہیں ہے۔

س۵۹۳۔ مسئلہ مسافر میں امام خمینی(رح) کا مقلد کیا ایسے امام جماعت کی اقتداء کرسکتا ہے جو اس مسئلہ میں امام (رح) کا مقلد نہیں ہے خصوصاً جبکہ اقتداء نمازجمعہ میں ہو ؟

ج۔ تقلید کا اختلاف صحیح ہو نے میں مانع نہیں ہو تا لیکن اس نمازکی اقتداء صحیح نہیں ہے جو ماموم کے مرجع تقلید کے فتوے کے مطابق قصر ہو اور امام جماعت کے مرجع تقلید کے فتوے کے مطابق کامل ہو۔

س۵۹۴۔ اگر امام جماعت تکبیرۃ الاحرام کے بعد بھولے سے رکوع میں چلا جائے تو ماموم کا کیا فریضہ ہے ؟

ج۔ اگر ماموم نماز جماعت میں شامل ہو نے کے بعد اس طرف متوجہ ہو تو اس پر فرادیٰ کی نیت کر لینا اور حمد و سورہ پڑھنا واجب ہے۔

س۵۹۵۔ جب نماز جماعت کی تیسری یا چورھی صف میں مدرسوں کے نابالغ بچے نماز کے لئے کھڑے ہوں اور ان کے بعد چند بالغ اشخاص کھڑے ہوں تو اس حالت میں نماز کا کیا حکم ہے ؟

ج۔ مذکورہ فرض میں کوئی اشکال نہیں ہے۔

س۵۹۶۔ امام جماعت نے اگر غسل کے بدلے معذور ہو نے کے سبب تیمم کیا ہو تو یہ نماز جماعت پڑھا نے کے لئے کافی ہے یا نہیں ؟

ج۔ اگر وہ شرعی اعتبار سے معذور ہے تو غسل جنابت کے بدلے تیمم کر کے امامت کرسکتا ہے اور اس کی اقتداء کرنے میں کوئی حرج نہیں ہے۔

امام جماعت کی غلط قرأت اور اس کے احکام

س۵۹۷۔ کیا قرأت صحیح ہو نے کے مسئلہ میں فرادیٰ نماز نیز ماموم یا امام کی نماز کے درمیان کوئی فرق ہے ؟ یا قرأت کی صحت کا مسئلہ ہر حال میں ایک ہی ہے ؟

ج۔ اگر مکلف کی قرأت صحیح نہ ہو اور وہ سیکھنے پر بھی قدرت نہ رکھتا ہو تو اس کی نماز صحیح ہے لیکن دوسروں کا اس کی اقتداء کرنا صحیح نہیں ہے۔

س۵۹۸۔ حروف کے مخارج کے اعتبار سے بعض آئمہ جماعت کی قرأت صحیح نہیں ہے پس کیا ان کی اقتداء ایسے لوگوں کے لئے صحیح ہے جو حروف کو صحیح طریقہ سے ان کے مخارج سے ادا کرتے ہوں۔ بعض لوگ کہتے ہیں کہ تم پر جماعت سے نماز پڑھنا واجب ہے اور اس کے بعد نماز کا اعادہ کرنا بھی واجب ہے ، لیکن میرے پاس اعادہ کرنے کا وقت نہیں ہے ، پس میرا کیا فریضہ ہے ؟ اور کیا میں جماعت میں شریک ہو کر اخفاتی طریقہ سے حمد و سورہ پڑھ سکتا ہوں ؟

ج۔ جب ماموم کی نظر میں امام کی قرأت صحیح نہ ہو تو اس کی اقتداء اور جماعت باطل ہے اور اگر اعادہ کرنے پر قادر نہ ہو تو اقتداء نہ کرنے میں کوئی مانع نہیں ہے لیکن جہری نماز میں آہستہ سے حمد و سورہ پڑھنا ، جس سے امام جماعت کی اقتداء کا اظہار ثابت ہو ، صحیح نہیں ہے اور نہ مجزی ہے۔

س۵۹۹۔ بعض لوگوں کا خیال ہے کہ چند آئمہ جمعہ کی قرأت صحیح نہیں ہے یا تو وہ حر ف کو اس طرح ادا نہیں کرپاتے کہ جس سے وہ حرف شمار کیا جائے یا حرکت کو اس طرح بدل دیتے ہیں جس سے وہ حرکت شمار نہیں ہو تی، کیا ان کے پیچھے پڑھی جانے والی نمازوں کے اعادہ کے بغیر ان کی اقتداء صحیح ہے ؟

ج۔ قرأت کے صحیح ہو نے کا معیار عربی زبان کے علماء کے مقرر کردہ قانون کے مطابق یہ ہے کہ حروف کو ان کے مخارج سے اس طرح ادا کیا جائے کہ اہل زبان یہ کہیں کہ وہی حرف ادا ہو ا ہے نہ کہ دوسرا۔ ساتھ ہی ان حروف کی بنیادی حرکات اور کلمہ کی ھئیت میں دخیل تلفظ کی رعایت کی جائے۔ پس اگر ماموم امام کی قرأت کو قواعد کے مطابق نہ پائے اور اس کی قرأت صحیح نہ ہو تو اس کی اقتداء کرنا صحیح نہیں ہے اور اگر اس صورت میں اس کی اقتداء کرے تو اس کی نماز صحیح نہ ہو گی اور دوبارہ پڑھنا واجب ہو گا۔

س۶۰۰۔ اگر امام جماعت کو اثنائے نماز میں کسی کلمہ کے محل سے گزر جانے کے بعد اس کے تلفظ کی کیفیت میں شک ہو جائے اور نماز سے فارغ ہو نے کے بعد متوجہ ہو کہ اس نے کلمہ کے تلفظ میں غلطی کی ہے تو اس کی اور مامومین کی نماز کا کیا حکم ہے ؟

ج۔ نماز صحیح ہے۔

س۶۰۱۔ قرآن کے مدرس اور اس شخص کی نماز کا شرعی حکم کیا ہے جو تحوید کے اعتبار سے امام جماعت کی نماز کو غلط سمجھتا ہے ایسی حالت میں اگر وہ جماعت میں شرکت نہ کرے تو لوگ اس پر مختلف قسم کی ناروا تہم تیں لگاتے ہیں ؟

ج۔ اگر ماموم کی نظر میں امام کی قرأت صحیح نہیں ہو گی تو اس کے معنی یہ ہیں کہ ماموم کی نظر میں اس کی نماز بھی صحیح نہیں ہے ، ایسی صورت میں وہ اس کی اقتداء نہیں کرسکتا لیکن عقلائی مقصد کے لئے اپنی شرکت ظاہر کرنے میں کوئی مانع نہیں ہے۔

معلوم اور ناقص کی امامت

س۶۰۲۔ درج ذیل صورتوں میں معلول امام کی اقتداء کا کیا حکم ہے ؟

1۔ وہ معلول و معذور جن کے بدن کا کوئی عضو کٹا تو نہیں ہے لیکن پیر کے شل ہو جانے کی وجہ سے وہ عصا یا دیوار کا سہا را لے کر کھڑے ہو تے ہیں۔

2۔ وہ معلول افراد جن کے ہاتھ یا پیر کی انگلی کی ایک پور یا پوری انگلی کٹی ہوئی ہو۔

3۔ وہ معلول افراد جن کے ہاتھ یا ایک پیر کا کچھ حصہ یا دونوں کا کچھ حصہ کٹا ہو۔

4۔ وہ معلول افراد جن کے ہاتھ یا پیر کی تمام انگلیاں یا دونوں کی تمام انگلیاں نہ ہوں۔

5۔ وہ معلول افراد جن کے بدن کا کوئی ایک عضو نہ ہو اور ہا تھوں سے معذور ہو نے کے سبب وضو کرتے وقت کسی سے مدد لیتے ہوں۔

ج۔ تمام صورتوں میں اگر قیام میں استقرار ہو اور وہ نماز کے افعال و اذکار کی حالت میں استقرار اور اطمینان کو برقرار رکھ سکتا ہو اور ساتوں اعضاء پر کامل رکوع و سجود کرسکتا ہے اور صحیح وضو کرنے پر بھی قادر ہو ، اور اس میں امامت کے تمام شرائط بھی پائے جاتے ہوں تو دوسروں کے لئے نماز میں اس کی اقتداء کرنے میں کوئی اشکال نہیں ہے اور اگر یہ باتیں نہ ہوں تو صحیح و کافی نہیں ہے۔

س۶۰۳۔ میں ایک دینی طالب علم ہوں ، آپریشن کی وجہ سے میرا دایاں ہاتھ کٹ چکا ہے۔ کچھ عرصہ پہلے مجھے یہ معلوم ہو ا کہ امام خمینی (رح) کامل کے لئے ناقص کی امامت کو صحیح نہیں سمجھتے ہیں لہذا آپ سے گزارش ہے کہ ان مامومین کی نماز کا حکم بیان فرمائیں جنہوں نے بھی تک میری امامت میں نماز پڑھی ہے ؟

ج۔ مامومین کی گزشتہ نمازیں اور ان لوگوں کی نمازیں جنہوں نے حکم شرعی سے ناواقفیت کی بنا پر آپ کی اقتداء کی ہے ، صحیح ہیں۔ نہ ان پر قضا واجب ہے نہ اعادہ۔

س۶۰۴۔ میں دینی طالب علم ہوں اور اسلامی جمہو ری ایران پر مسلط جنگ میں میرے پاؤں کی انگلیاں زخمی ہو گئیں البتہ انگوٹھا مکمل طور پر سالم ہے اور اس وقت میں ایک امام بارگاہ میں امام جماعت ہوں۔ اس میں کوئی شرعی اشکال ہے یا نہیں ؟ امید ہے کہ بیان فرمائیں گے؟

ج۔ اگر پیر کا انگوٹھا صحیح و سالم ہے اور اثنائے سجود میں اسے زمین پر ٹیکا جا سکتا ہے تو ایسی حالت میں آپ کے امام جماعت ہو نے میں کوئی اشکال نہیں ہے۔

نماز جماعت میں عورتوں کی شرکت

س۶۰۵۔ کیا شارع مقدس نے عورتوں کو بھی مسجدوں میں نماز جماعت یا نماز جمعہ ادا کرنے کی اسی طرح ترغیب دلائی ہے جس طرح مردوں کو ، یا عورتوں کا گھر میں نماز پڑھنا افضل ہے ؟

ج۔ اگر عورتیں جماعت میں شرکت کرنا چاہتی ہیں تو ان کی شرکت میں کوئی اشکال نہیں ہے اور ان کو جماعت کا ثواب ملے گا۔

س۶۰۶۔ عورت کب امام جماعت بن سکتی ہے۔

ج۔ عورت کا عورتوں کی نماز جماعت کے لئے امام بننا جائز ہے۔

س۶۰۷۔ جب عورتیں ( مردوں کی طرح) نماز جماعت میں شریک ہو تی ہوں تو استحباب و کراہت کے لحاظ سے اس کا کیا حکم ہے ؟

الف۔ جب وہ مردوں کے پیچھے کھڑی ہوں تو اس وقت ان کا کیا حکم ہے ؟

ب۔ کیا مردوں کے پیچھے ان کی نماز جماعت کے لئے کسی حائل یا پردے کی ضرورت ہے ؟ اور اگر نماز میں وہ مردوں کے برابر کھڑی ہوں تو پردہ کے لحاظ سے کیا حکم ہے ؟

اس پھلو کو مد نظر رکھتے ہوئے کہ جماعت اور خطبہ کے دوران اور دوسرے مراسم میں عورتوں کا پردے کے پیچھے کھڑے ہو نا ان کی ہا نت اور کسر شان ہے ؟

ج۔ عورتوں کے نماز جماعت میں شریک ہو نے میں کوئی اشکال نہیں ہے اور جب وہ مردوں کے پیچھے کھڑی ہوں تو پردے کی ضرورت نہیں ہے لیکن جب مردوں کے ایک جانب کھڑی ہوں تو نماز میں عورتوں کے مرد کے مقابل کھڑے ہو نے کی کراہت کو رفع کرنے کے لئے پردے کی ضرورت ہے۔ اور یہ تو ہم کہ حالت نماز میں مرد و عورت کے درمیان پردے کا وجود عورت کی شان گہٹ انے اور اس کی عظمت کو گرانے کا موجب ہے۔ فقط ایک خیال ہے جس کی کوئی اساس نہیں ہے مزید یہ کہ فقہ میں اپنی ذاتی رائے کا داخل کرنا جائز نہیں ہے۔

س۶۰۸۔ حالت نماز میں مردوں اور عورتوں کی صفوں کے درمیان پردے کے بغیر اتصال اور عدم اتصال کی کیا کیفیت ہے ؟

ج۔ عورتیں فاصلہ کے بغیر مردوں کے پیچھے کھڑی ہوں۔

اہل سنت کی اقتداء

س۶۰۹۔ کیا اہل سنت کی اقتداء میں نماز جائز ہے ؟

ج۔ وحدت اسلامی کی خاطر ان کے پیچھے نماز جماعت پڑھنا جائز ہے۔

س۶۱۰۔ میں کرد نشین علاقہ میں ملازمت کرتا ہوں وہاں اہل سنت کے آئمہ جمعہ و جماعت کی اکثریت ہے۔ ان کی اقتداء کے سلسلے میں کیا حکم ہے ؟ اور کیا ان کی غیبت جائز ہے ؟

ج۔ ان کے ساتھ ان کی جماعت اور نماز جمعہ میں شرکت کرنے میں کوئی اشکال نہیں ہے اور غیبت سے پرہیز کرنا لازم ہے۔

س۶۱۱۔ اہل سنت کے ساتھ معاشرت اور ان کے ساتھ میل جول کی بنا پر نماز پنجگانہ میں شرکت کے دوران بعض موقعوں پر ہم بھی ان ہی کی طرح عمل کرتے ہیں مثلاً ہاتھ باندھ کر نماز پڑھنا اور اپنے وقت کی رعایت و پابندی نہ کرنا اور جانماز پر سجدہ کرنا، تو کیا ایسی نماز کا اعادہ کرنا ضروری ہے ؟

ج۔ اگر اسلامی اتحاد ان تمام چیزوں کا تقاضا کرے تو ان کے ساتھ نماز پڑھنا صحیح اور کافی ہے یہاں تک کہ مصلے پر سجدہ وغیرہ میں بھی کوئی مضائقہ نہیں ہے ، لیکن ان کے ساتھ ہاتھ باندھنا جائز نہیں ہے۔ مگر یہ کہ حالات اور ضرورت اس کا بھی تقاضا کریں۔

س۶۱۲۔ مکہ اور مدینہ میں ہم اہل سنت کے ساتھ نماز جماعت پڑھتے ہیں اور ایسا اس لئے کرتے ہیں کہ امام خمینی(رح) کا فتویٰ ہے۔اور بعض اوقات مسجد میں نماز کی فضیلت حاصل کرنے کی غرض سے ظہر و مغرب کی نماز کے بعد، عصر و عشاء کی نمازیں ہم اہل سنت کی مساجد میں سجدہ گاہ کے بغیر فرادیٰ پڑھتے ہیں ، ان نمازوں کا کیا حکم ہے ؟

ج۔ مذکورہ فرض میں نماز صحیح ہے۔

س۶۱۳۔ ہم شیعہ دوسرے شہروں میں اہل سنت کی نماز میں کیسے شرکت کریں جبکہ وہ ہاتھ باندھ کر نماز پڑھتے ہیں ؟ اور کیا ان کی طرح ہاتھ باندھنا ہمارے اوپر واجب ہے یا ہم ہاتھ باندھے بغیر نماز پڑھیں ؟

ج۔ اگر اسلامی اتحاد کی رعایت مقصود ہو تو اہل سنت کی اقتداء جائز ہے اور ان کے ساتھ نماز پڑھنا صحیح و کافی ہے ، لیکن نماز میں ہاتھ باندھنا واجب نہیں ہے بلکہ جائز بھی نہیں ہے مگر یہ کہ وہاں حالات اسی کے متقاضی ہوں۔

س۶۱۴۔ اہل سنت کی نماز جماعت میں شرکت کے وقت قیام کی حالت میں دونوں طرف کھڑے ہوئے اشخاص کے پیروں کی چھوٹی انگلی سے انگلی ملانے کا کیا حکم ہے جبکہ وہ اس کو لازم سمجھتے ہیں ؟

ج۔ یہ واجب نہیں ہے ، لیکن اگر ایسا کرے تو اس سے نماز کی صحت متاثر نہیں ہو تی۔

س۶۱۵۔ اہل سنت وقت اذان مغرب سے قبل ہی مغرب کی نماز پڑھتے ہیں کیا حج کے زمانہ میں یا اس کے علاوہ ہمارے لئے ان کی اقتداء کرنا اور اس نماز پر اکتفاء کرنا صحیح ہے ؟

ج۔ یہ معلوم نہیں ہے کہ وہ وقت سے پہلے نماز پڑھتے ہیں لیکن اگر مکلف کے لئے وقت ثابت نہ ہو ا ہو تو اس کا نماز میں شامل ہو نا صحیح نہیں ہے ہاں اگر اسلامی اتحاد مقصود ہو تو اس وقت ان کے ساتھ نماز پڑھنے اوراس پر اکتفاء کرنے میں کوئی مانع نہیں ہے۔

نماز جمعہ

س۶۱۶۔نماز جمعہ میں شریک ہو نے کے بارے میں آپ کا کیا نظریہ ہے ؟ جبکہ ہم حضرت اما م زمانہ علیہ السلام کی غیبت کے زمانہ میں زندگی گزار رہے ہیں اور اگر بعض اشخاص امام جمعہ کو عادل نہ مانتے ہوں تو نماز جمعہ میں شرکت کی تکلیف ان سے ساقط ہے یا نہیں ؟

ج۔ نماز جمعہ اگرچہ دور حاضر میں واجب تخییری ہے اور اس میں حاضر ہو نا واجب نہیں ہے لیکن نماز جمعہ میں شرکت کے فوائد و اہمیت کے پیش نظر صرف امام جمعہ کی عدالت میں شک یا بیہودہ عذر کی بنا پر مومنین خود کو ایسی نماز کی برکتوں سے محروم نہ کریں۔

س۶۱۷۔ مسئلہ ، نماز جمعہ میں واجب تخییری کے کیا معنی ہیں ؟

ج۔ اس کے معنی یہ ہیں کہ جمعہ کے دن مکلف کو اختیار ہے کہ خواہ وہ نماز جمعہ پڑھے یا نماز ظہر۔

س۶۱۸۔ نماز جمعہ کو اہمیت نہ دیتے ہوئے نماز جمعہ میں شرکت نہ کرنے کے سلسلے میں آپ کا کیا نظریہ ہے ؟

ج۔ عبادی و سیاسی پھلو رکھنے والی اس نماز جمعہ کو اہمیت نہ دیتے ہوئے شرکت نہ کرنا شرعی لحاظ سے مذموم ہے۔

س۶۱۹۔ کچھ لوگ بیہودہ اور بے کار عذر کی بنا پر نماز جمعہ میں شریک نہیں ہو تے اور بعض اوقات نظریاتی اختلاف کے باعث شرکت نہیں کرتے اس سلسلہ میں آپ کا کیا نظریہ ہے ؟

ج۔ نماز جمعہ اگرچہ واجب تخییری ہے لیکن اس پر کوئی شرعی دلیل نہیں ہے کہ اس میں مستقل طور پر شرکت نہ کی جائے۔

س۶۲۰۔ نماز ظہر کا عین اس وقت جماعت سے منعقد کرنا، جب نماز جمعہ تھوڑے فاصلہ پر برپا ہو رہی ہو جائز ہے یا نہیں ؟

ج۔ بذات خود اس میں کوئی مانع نہیں ہے اور اس سے مکلف جمعہ کے دن کے فریضہ سے بری الذمہ ہو جائے گا کیونکہ دور حاضر میں نماز جمعہ واجب تخییری ہے لیکن جمعہ کے دن نماز جمعہ سے نزدیک ہی با جماعت نماز ظہر قائم کرنے کا لازمی نتیجہ مومنین کی تفریق و تقسیم ہے اور اکثر اوقات عوام کی نظر میں امام جمعہ کی اہا نت و ہتک شمار کیا جاتا ہے اور اس سے نماز جمعہ کی پرواہ نہ کرنے کا اظہار ہو تا ہے اس لئے با جماعت نماز ظہر قائم کرنا مومنین کے لئے سزاوار نہیں ہے بلکہ اگر اس سے مفاسد اور حرام نتائج برآمد ہو تے ہوں تو اس سے اجتناب واجب ہے۔

س۶۲۱۔ کیا نماز جمعہ و عصر کے درمیانی وقفہ میں امام جمعہ نماز ظہر پڑھ سکتا ہے ؟ اور اگر امام جمعہ کے علاوہ کوئی اور شخص نماز عصر پڑھائے تو کیا عصر کی نماز میں اس کی اقتداء ہو سکتی ہے ؟

ج۔ نماز جمعہ نماز ظہر سے بے نیاز کر دیتی ہے لیکن نماز جمعہ کے بعد احتیاطاً نماز ظہر پڑھنے میں کوئی اشکال نہیں ہے اور اگر نماز عصر کو جماعت سے پڑھنا چاہتا ہے تو کامل احتیاط یہ ہے کہ نماز عصر اس شخص کی اقتداء میں ادا کرے جس نے نماز جمعہ کے بعد احتیاطاً نماز ظہر پڑھ لی ہو۔

س۶۲۲۔ اگر نماز جمعہ کے بعد امام جماعت نماز ظہر نہ پڑھے تو ماموم احتیاطاً نماز ظہر پڑھ سکتا ہے یا نہیں ؟

ج۔ اس کے لئے نماز ظہر پڑھنا جائز ہے۔

س۶۲۳۔ کیا امام جمعہ کے لئے واجب ہے کہ وہ حاکم شرعی سے اجازت حاصل کرے؟ اور حاکم شرعی کس کو کہتے ہیں ؟اور کیا یہی حکم دوسرے ملکوں پر بھی جاری ہے ؟

ج۔ نماز جمعہ کی امامت کا اصل جواز اجازت پر موقوف نہیں ہے لیکن منصب امامت جمعہ کے احکام کا مرتب ہو نا ولی امر مسلمین کی طرف سے منصوب ہو نے پر موقوف ہے۔ اور یہ حکم ہر شہر اور ملک کے لئے عمومیت رکھتا ہے جس میں ولی امر مسلمین حاکم ہو اور لوگ اس کے فرمانبردار ہوں۔

س۶۲۴۔ کیا منصوب شدہ امام جمعہ کے لئے یہ جائز ہے کہ وہ اس جگہ نماز جمعہ قائم کرے جہاں اسے منصوب نہ کیا گیا ہو جبکہ وہاں اس کے لئے کوئی مانع و معارض بھی نہیں ہے ؟

ج۔ بذات خود نماز جمعہ قائم کرنا اس کے لئے جائز ہے لیکن اس پر امامت جمعہ کے احکام مرتب نہیں ہوں گے۔

س۶۲۵۔ کیا موقت و عارضی آئمہ جمعہ کے انتخاب کے لئے واجب ہے کہ انہیں ولی فقیہ منتخب کرے یا آئمہ جمعہ کو اتنا اختیار ہے کہ امام موقت کے عنوان سے افراد منتخب کریں !

ج۔ منصوب شدہ امام جمعہ کسی کو بھی اپنا وقتی اور عارضی نائب بنا سکتا ہے۔ لیکن نائب کی امامت پر ولی فقیہ کی طرف سے نصب کئے جانے کے احکام مرتب نہیں ہوں گے۔

س۶۲۶۔ اگر مکلف منصوب شدہ امام جمعہ کو عادل نہ سمجھتا ہو یا ا س کی عدالت میں شک کرتا ہو تو کیا مسلمین کی وحدت کے تحفظ کی خاطر ا سکی اقتداء جائز ہے ؟ اور جو شخص خود نماز جمعہ میں نہیں آتا اس کے لئے جائز ہے دوسروں کو جمعہ میں شرکت نہ کرنے کی ترغیب دے؟

ج۔ اس کی اقتداء کرنا صحیح نہیں ہے جس کو عادل نہ سمجھتا ہو یا جس کی عدالت میں شک کرتا ہو اور نہ اس کی جماعت میں اس کی نماز صحیح ہے لیکن وحدت کے تحفظ کی خاطر جماعت میں شریک ہو نے میں کوئی مانع نہیں ہے۔ بہر حال اسے دوسروں کو نماز جمعہ میں شرکت سے روکنے کا حق نہیں ہے اور نہ دوسروں کو اس کے خلاف بھڑکانے کا حق ہے۔

س۶۲۷۔ اس نماز جمعہ میں شریک نہ ہو نے کا کیا حکم ہے جس کے امام جمعہ کا جھو ٹا ہو نا مکلف پر ثابت ہو گیا ہو ؟

ج۔ امام جمعہ کے قول کے خلاف انکشاف ہو نا اس کے کذب کی دلیل نہیں ہے ممکن ہے کہ اس نے اشتباہ ، غلطی یا توریہ کے طور پر کوئی بات کہی ہو۔ لہذا صرف اس توہم سے کہ امام جمعہ کی عدالت ساقط ہو گئی ہے خود کو نماز جمعہ کی برکتوں سے محروم نہیں کرنا چاہئیے۔

س۶۲۸۔ جو امام جمعہ امام خمینی یا عادل ولی فقیہ کی طرف سے منصوب ہو ، کیا ماموم پراس کی عدالت کا اثبات و تحقیق ضروری ہے ، یا امامت جمعہ کے لئے اس کا منصوب ہو نا اس کی عدالت کے ثبوت کے لئے کافی ہے ؟

ج۔ اگر امام جمعہ کا امام خمینی(رح) یا ولی فقیہ کی جانب سے نصب کیا جانا ماموم کے لئے امام جمعہ کی عدالت کے بارے میں اطمینان بخش ہو تو ایسے امام کی اقتدا کے لئے کافی ہے

س۶۲۹۔ کیا مساجد کے لئے آئمہ جماعت کا ثقہ علماء کی طرف سے معین کیا جانا یا ولی فقیہ کی جانب سے آئمہ جمعہ کا معین کیا جانا ، اس بات کا ثبوت ہے کہ وہ عادل ہیں یا ان کی عدالت کی تحقیق واجب ہے ؟

ج۔ اگر ماموم کو ان کے امام جمعہ یا جماعت منصوب کئے جانے سے ان کی عدالت پر اطمینان و وثوق پیدا ہو جاتا ہے تو اقتداء کرنے کے لئے اس پر اعتماد کرنا جائز ہے۔

س۶۳۰۔ اگر امام جمعہ کی عدالت میں شک ہو کہ ( خدانخواستہ) اس کے عادل نہ ہو نے کا یقین ہو اور ہم نے اس کی اقتداء میں نماز پڑھ لی تو کیا اس کا اعادہ واجب ہے ؟

ج۔ اگر عدالت میں شک ہو یا نماز کے بعد یہ معلوم ہے کہ وہ عادل نہیں ہے تو جو نماز آپ نے پڑھ لی ہے وہ صحیح ہے اور اس کا اعادہ واجب نہیں ہے۔

س۶۳۱۔ اس نماز جمعہ میں شرکت کا کیا حکم ہے جو یورپی اور دوسرے ممالک میں وہاں کی یونیورسٹیوں میں پڑھنے والے اسلامی ممالک کے طلاب قائم کرتے ہیں اور ان میں شرکت کرنے والے اکثر افراد بشمول امام جمعہ اہل سنت ہو تے ہیں ؟ کیا اس صورت میں نماز جمعہ کے بعد ظہر پڑھنا ضروری ہے ؟

ج۔ مسلمانوں کے درمیان وحدت و اتحاد کی خاطر اس میں شرکت کرنے میں کوئی حرج نہیں ہے۔

س۶۳۲۔ پاکستان کے ایک شہر میں چالیس سال سے ایک جگہ نماز جمعہ ادا کی جا رہی ہے اور اب ایک شخص نے دو جمعوں کے درمیان شرعی مسافت کی رعایت کئے بغیر دوسری نماز جمعہ قائم کر دی ہے جس سے نماز گزاروں کے درمیان اختلاف پیدا ہو گیا ہے۔ شرعاً اس عمل کا کیا حکم ہے ؟

ج۔ کسی ایسے عمل کے اسباب فراہم کرنا جائز نہیں ہے ، جس سے مسلمانوں کی صفوں میں اختلاف و تفرقہ پیدا ہو جائے بالخصوص نماز جمعہ جیسے شعائر اسلامی میں جو مسلمانوں کے اتحاد کا مظہر ہے۔

س۶۳۳۔ راولپنڈی کی جامع مسجد جعفریہ کے خطیب نے اعلان کیا کہ تعمیری کام کی بنا پر مذکورہ مسجد میں نماز جمعہ نہیں ہو گی۔ اب مسجد کی تعمیر کا کام ختم ہو گیا تو ہمارے سامنے یہ مشکل کھڑی ہو گئی کہ چار کلومیٹر کے فاصلہ پر دوسری مسجد میں نماز جمعہ قائم ہو نے لگی، مذکورہ مسافت کو مد نظر رکھتے ہوئے مذکورہ مسجد میں نماز جمعہ قائم کرنا صحیح ہے یا نہیں ؟

ج۔ جب دو نماز جمعہ کے درمیان ایک شرعی فرسخ کا فاصلہ نہ ہو تو بعد میں اور ایک ہی وقت میں قائم ہو نے والی نماز جمعہ باطل ہے۔

س۶۳۴۔ کیا نماز جمعہ ، جو جماعت کے ساتھ قائم کی جاتی ہے ، اسے فرادیٰ پڑھنا صحیح ہے ؟مثلاً کوئی شخص ان لوگوں کے پھلو میں فرادیٰ نماز جمعہ پڑھے جو اسے جماعت سے پڑھ رہے ہیں ؟

ج۔ نماز جمعہ کے صحیح ہو نے کے شرائط میں سے ایک یہ ہے کہ اسے جماعت سے پڑھا جائے، فرادیٰ صورت میں جمعہ صحیح نہیں ہے۔

س۶۳۵۔ جب نماز گزار قصر کے حکم میں ہو اور وہ اس امام جماعت کے پیچھے نماز پڑھنا چاہتا ہو جو نماز جمعہ پڑھ رہا ہے تو کیا اس کی نماز صحیح ہے ؟

ج۔ ماموم مسافر کی نماز جمعہ صحیح ہے اور اسے ظہر پڑھنے کی ضرورت نہیں ہے۔

س۶۳۶۔ کیا دوسرے خطبہ میں حضرت زہرا سلام اللہ علیہا کا اسم گرامی مسلمانوں کے ایک امام کے عنوان سے لینا واجب ہے یا استحباب کی نیت سے آپ (س) کا نام لینا واجب ہے ؟

ج۔ آئمہ مسلمین کا عنوان حضرت زہرا سلام اللہ علیہا کو شامل نہیں ہے اور خطبہ جمعہ میں آپ کا اسم گرامی لینا واجب نہیں ہے لیکن برکت کے طور پر آپ کے نام مبارک کا ذکر کرنے میں کوئی حرج نہیں ہے۔

س۶۳۷۔ کیا ماموم ، امام جمعہ کی اقتداء کرتے ہوئے جبکہ وہ نماز جمعہ پڑھ رہا ہو کوئی دوسری واجب نماز پڑھ سکتا ہے ؟

ج۔ اس کا صحیح ہو نا محل اشکال ہے۔

س۶۳۸۔ کیا ظہر کے شرعی وقت سے پہلے نماز جمعہ کے دونوں خطبے پڑھنا صحیح ہے ؟

ج۔ زوال سے پہلے اس طرح پڑھنا جائز ہے کہ زوال آفتاب کے وقت ان سے فارغ ہو جائے۔

س۶۳۹۔ جب ماموم دونوں خطبوں میں سے کچھ بھی نہ سن سکے بلکہ اثنائے نماز جمعہ میں پہنچے اور امام کی اقتداء کرے تو کیا اس کی نماز صحیح اور کافی ہے ؟

ج۔ اس کی نماز صحیح اور کافی ہے چاہے اس نے امام کے ساتھ ایک ہی رکعت پڑھ لی ہو ، اس طرح کہ نماز جمعہ کی آخری رکعت کے رکوع میں ہی اس کی شرکت ہو گئی ہو۔

س۶۴۰۔ ہمارے شہر میں اذان ظہر کے ڈیڑھ گھنٹہ بعد نماز جمعہ قائم ہو تی ہے تو کیا یہ نماز ظہر کا بدل بن سکتی ہے یا نماز ظہر کا اعادہ ضروری ہے ؟

ج۔ زوال آفتاب کے ساتھ نماز جمعہ کا وقت ہو جاتا ہے اور احتیاط واجب یہ ہے کہ عرف عام میں ابتداء زوال کے وقت سے تاخیر نہ کرے اور یہ بعید نہیں ہے کہ نماز جمعہ کا وقت ظہر کے بعد رونما ہو نے والے سایہ کے قامت انسان کے 2/7 برابر ہو نے تک باقی رہے ، اگر اس وقت میں نماز جمعہ نہیں پڑھی ہے تو پھر احتیاط واجب یہ ہے کہ اس کے بدلے نماز ظہر پڑھے۔

س۶۴۱۔ ایک شخص میں نماز جمعہ میں پہنچنے کی طاقت نہیں ہے تو کیا وہ اوائل وقت نماز ظہر و عصر پڑھ سکتا ہے ؟ یا نماز جمعہ ختم ہو نے کا انتظار کرے اور اس کے بعد نماز ظہر و عصر پڑھے ؟

ج۔ منصوب امام جمعہ کی موجودگی میں نائب کے لئے جمعہ پڑھا نے میں کوئی حرج نہیں ہے اور نہ ہی منصوب امام کا اپنے نائب کی اقتداء کرنے میں کوئی مانع ہے۔

نماز عیدین

س۶۴۳۔ آپ کی رائے میں نماز عیدین اور جمعہ واجبات کی کس قسم میں سے ہیں ؟

ج۔ عصر حاضر میں نماز عیدین واجب نہیں ہے بلکہ مستحب ہے لیکن نماز جمعہ واجب تخییری ہے۔

س۶۴۴۔ کیا نماز عیدین کے قنوت میں کمی زیادتی اس کے باطل ہو نے کاسبب ہو تی ہے ؟

ج۔ اس سے نماز باطل نہیں ہو تی ہے۔

س۶۴۵۔ ماضی میں رواج تھا کہ امام جماعت ہی مسجد میں عید الفطر کی نماز پڑھا یا کرتا تھا۔ کیا اب بھی جائز ہے کہ آئمہ جماعت ہی نماز عیدین پڑھائیں یا نہیں ؟

ج۔ ولی فقیہ کے وہ نمائندے پڑھا سکتے ہیں جن کو ولی فقیہ کی طرف سے نمازعید قائم کرنے کی اجازت ہو اسی طرح وہ آئمہ جمعہ بھی دور حاضر میں نماز عید جماعت سے پڑھا سکتے ہیں جن کو ولی فقیہ کی طرف سے منصوب کیا گیا ہو ، لیکن ان کے علاوہ افراد کے لئے احتیاط یہ ہے کہ فرادیٰ پڑھیں اگرچہ رجاء ً جماعت سے پڑھنے میں بھی کوئی حرج نہیں ہے لیکن ورود کے قصد سے نہیں۔ ہاں اگر مصلحت کا تقاضا یہ ہو کہ شہر میں ایک ہی نماز عید قائم کی جائے تو اولیٰ یہ ہے کہ اسے ولی فقیہ کے منصوب کردہ امام کے علاوہ کوئی اور نہ پڑھائے۔

س۶۴۶۔ کیا نماز عید فطر کی قضا کی جا سکتی ہے ؟

ج۔ اس کی قضا نہیں ہے۔

س۶۴۷۔ کیا نماز عید فطر میں اقامت ہے ؟

ج۔ اس میں اقامت نہیں ہے۔

س۶۴۸۔ اگر نماز عید فطر میں امام اقامت کہے تو اس کی اور دیگر نماز گزاروں کی نماز کا کیا حکم ہے ؟

ج۔ اس سے امام جماعت اور دیگر مامومین کی نماز کی صحت پر کوئی اثر نہیں پڑے گا۔

نماز مسافر

س۶۴۹۔ مسافر کے لئے ہر نماز کو قصر پڑھنا واجب ہے یا بعض نمازوں کو؟

ج۔ قصر کا وجوب پنجگانہ نمازوں کی صرف چار رکعتی یعنی ’ ظہر و عصر اور عشاء ‘ کی نمازوں سے مخصوص ہے۔ صبح اور مغرب کی نماز قصر نہیں ہے۔

س۶۵۰۔ مسافر پر چار رکعتی نمازوں میں وجوب قصر کے شرائط کیا ہیں ؟

ج۔ یہ آٹھ شرطیں ہیں :

1۔ سفر کی مسافت آٹھ فرسخ کے برا بر ہو یعنی ایک طرف کا فاصلہ یا دونوں طرف کا مجموعی فاصلہ آٹھفرسخ شرعی ہو ، شرط یہ ہے کہ صرف جانے کی مسافت چار فرسخ سے کم نہ ہو۔

2۔ سفر پر نکلتے وقت آٹھ فرسخ کا قصد رکھتا ہو۔ پس اگر مسافت کا قصد نہ کرے یا اس سے کم کا قصد کرے اور پھر اس منزل پر پہنچ کر دوسری جگہ کا قصد کر لے اور اس جگہ اور پچھلی منزل کے درمیان کا فاصلہ شرعی مسافت کے برابر نہ ہو ، لیکن جہاں سے پہلے چلا تھا وہاں سے اتنای مسافت ہے تو قصر نہیں ہے۔

3۔ مسافت تمام ہو نے تک عزم سفر باقی رہے۔ پس اگر چار فرسخ تک پہنچنے سے پہلے ارادہ بدل دے یا اس سفر کو جاری رکھنے میں متردد ہو جائے تو اس پر سفر کا حکم جاری نہیں ہو گا چاہے ارادہ بدلنے سے قبل اس نے نماز قصر ہی پڑھی ہو۔

4۔ سفر کے درمیان اپنے وطن سے گزرنے یا کسی جگہ دس روز یا اس سے زیادہ قیام کرنے کی نیت سے سفر ختم کرنے کا ارادہ نہ رکھتا ہو۔

5۔ شرعی اعتبار سے اس کا سفر جائز ہو ، پس اگر معصیت یا حرام کام کے لئے سفر ہو خواہ وہ سفر خود ہی معصیت و حرام ہو جیسے لشکر اسلام سے فرار کرنا یا غرض سفر حرام ہو جیسے راہ زنی کے لئے سفر کرنا تو اس پر سفر کا حکم جاری نہیں ہو گا۔

6۔ مسافر ، خانہ بدوشوں میں سے نہ ہو جیسے بادیہ نشین جن کا کوئی معین وطن نہیں ہو تا ہے بلکہ وہ صحراؤں میں گھومتے ہیں اور جہاں انہیں پانی اور چارہ مل جاتا ہے وہیں اتر پڑتے ہیں۔

7۔ یہ کہ سفر اس کا پیشہ نہ ہو جیسے چوکیدار ، شتربان اور ملاح وغیرہ اور یہ حکم ان لوگوں کا بھی ہے جن کا مشغلہ سفر ہو تا ہے۔

8۔ اس کا حد ترخص تک پہنچنا۔ حد ترخص وہ جگہ ہے جہاں سے شہر کی اذان نہ سنی جا سکے یا وہاں سے شہر کی دیواریں نظر نہ آئیں۔

جس کا پیشہ یا پیشہ کا مقدمہ سفر ہو

س۶۵۱۔ جس شخص کا سفر اس کے پیشہ کا مقدمہ ہو ، وہ سفر میں پوری نمازیں پڑے گا، یا یہ ( پوری نمازیں پڑھنا) اس سے مخصوص ہے جس کا پیشہ ہی سفر ہو اور مرجع دینی، جیسے امام خمینی(رح)کے اس قول کے کیا معنی ہیں ’ جس کا پیشہ سفر ہو ‘ کیا کوئی شخص ایسا بھی پایا جاتا ہے جس کا پیشہ سفر ہو ؟ اس لئے کہ چرواہوں ، شتربان اور ملاح وغیرہ کا عمل بھی چرانا ، ہنکانا اور کشتی چلانا ہے اور مختصر یہ ہے کہ ایسا کوئی شخص نہیں پایا جاتا کہ جس کا مقصد سفر کو پیشہ بنانا ہو ؟

ج۔ جس کا سفر اس کے شغل کا مقدمہ ہو اگر وہ ہر دس دن میں کم ازکم ایک مرتبہ کام کرنے کے لئے اس جگہ جاتا ہے جہاں کام کرتا ہے تو وہاں پوری نماز پڑھے گا اور اس کا روزہ بھی صحیح ہے اور فقہا رضوان اللہ علیہم کے کلام میں جو یہ جملہ آتا ہے کہ ’ جس کا شغل سفر ہو ‘ اس سے مراد وہ شخص ہو تا ہے جس کے کام کا دارومدار سفر پر ہو جیسے وہ مشاغل جو سوال میں مذکور ہیں۔

س۶۵۲۔ اس شخص کے روزہ نماز کا کیا حکم ہے جس کا شغل سفر ہو جیسے کرایہ پر سفر کرنے والا ڈرائیور اور ملاح وغیرہ؟

ج۔ سفر میں پوری نماز پڑھے گا اور اس کا روزہ صحیح ہے۔

س۶۵۳۔ اس شخص کے روزہ نماز کا کیا حکم ہے جس کا کام سفر ہو جیسے وہ ملازم جو اپنی جائے ملازمت کی طرف سفر کرتا ہے یا وہ کاریگر جو اپنے کارخانہ کی طرف سفر کرتا ہے ؟

ج۔ جب وہ ھردس دن میں کم از کم ایک مرتبہ اپنے محل شغل یا کام کرنے کی جگہ کی طرف سفر کرتا ہو تو روزہ کے صحیح ہو نے اور پوری نماز کے واجب ہو نے میں اس کا حکم وہی ہے جو اس شخص کا ہے جس کا شغل سفر ہو۔

س۶۵۴۔ ان لوگوں کے روزے ، نماز کے بارے میں آپ کا کیا نظریہ ہے جو جس شہر میں کام کرتے ہیں ایک سال سے زیادہ ٹھرتے ہیں یا وہ فوجی جو کسی شہر میں فوجی خدمت انجام دینے کے لئے ایک یا دو سال قیام کرتے ہیں ، کیا ان پر ہر سفر کے بعد دس روز کے قیام کی نیت کرنا واجب ہے تاکہ روزہ رکھ سکیں اور پوری نماز پڑھ سکیں اور اگر دس روز سے کم قیام کی نیت ہو تو ان کے روزہ نماز کا کیا حکم ہے ؟

ج۔ مفروضہ سوال میں ان کا حکم وہی ہے جو نماز قصر سے متعلق تمام مسافروں کا ہے ، جب تک وہ دس دن کے قیام کی نیت نہ کریں۔

س۶۵۵۔ جنگی طیاروں کے پائیلٹ ، جو اکثر فوجی اڈوں سے پرواز کرتے ہیں اور شرعی مسافت سے کہیں زیادہ فاصلہ طے کرنے کے بعد واپس آتے ہیں ، ان کی نماز اور روزے کا کیا حکم ہے ؟

ج۔ اس سلسلہ میں ان کا حکم وہی ہے جو سفر میں نماز کے تمام ہو نے اور روزہ کے صحیح ہو نے میں موٹر کے ڈرائیوروں ، کشتی رانوں اور جہا ز کے پائیلٹوں کا ہے۔

س۶۵۶۔ وہ قبائل جو اپنی قیام گاہ سے ایک یا دو مہینہ کے لئے اِدھر اُدھر منتقل ہو تے رہتے ہیں لیکن سال کا باقی حصہ گرم یا سرد علاقہ میں گذارتے ہیں تو کیا دونوں جگہیں ( گرم و سرد علاقے) ان کے لئے وطن شمار ہوں گی؟ اور ( نماز کے قصر یا تمام کے اعتبار سے ) ان کے اس سفر کا کیا حکم ہے جو ان دو جگہوں میں قیام کے دوران کرتے ہیں ؟

ج۔ اگر وہ ہمیشہ گرم سے سرد علاقہ اور سرد سے گرم علاقہ کی طرف منتقل ہو تے رہتے ہیں تاکہ اپنے سال کے بعض ایام ایک جگہ گزاریں اور بعض ایام کو دوسری جگہ گذاریں اور انہوں نے دونوں جگہوں کو اپنی دائمی زندگی کے لئے اختیار کر رکھا ہو تو دونوں جگہیں ان کے لئے وطن شمار ہوں گی اور دونوں پر وطن کا حکم عائد ہو گا۔ اور اگر دونوں وطنوں کے درمیان کی مسافت، شرعی مسافت کے برابر ہے تو ان کے لئے ایک وطن سے دوسرے وطن کی طرف سفر کا حکم وہی ہے جو تمام مسافروں کا ہے۔

س۶۵۷۔ میں ایک شہر میں سرکاری ملازم ہوں اور میری ملازمت کی جگہ اور گھر کے درمیان تقریباً ۳۵ کلومیٹر کا فاصلہ ہے اور روزانہ اس مسافت کو اپنی ملازمت کی جگہ پہنچنے کے لئے طے کرتا ہوں۔ پس اگر کسی کام سے میں اس شہر میں چند راتیں ٹھرنے کا ارادہ کر لوں تو مجھ پر پوری نماز پڑھنا واجب ہے یا نہیں ؟اور مثال کے طور پر اگر میں جمعہ کو اپنے رشتہ داروں سے ملاقات کے لئے شہر سمنان جاؤں تو مجھے پوری نماز پڑھنا ہو گی یا نہیں ؟

ج۔ اگر آپ کا سفر آپ کی اس ملازمت کے لئے نہیں ہے جس کے لئے آپ روزانہ جاتے ہیں تو اس پر شغل کے سفر کا حکم عائد نہیں ہو گا۔ لیکن اگر سفر خود اسی ملازمت کے لئے ہو اور آپ اپنی ملازمت کی جگہ پر قیام کے دوران خاص کاموں ، جیسے رشتہ داروں اور دوستوں سے ملاقات کے لئے جائیں اور اتفاق سے وہاں پر ایک رات یا چند راتیں گذارنا پڑیں تو کام کے لئے سفر کا جو حکم ہے وہ ان اسباب کی وجہ سے نہیں بدلے گا بلکہ آپ کو پوری نماز پڑھنا ہو گی اور روزہ رکھنا ہو گا۔

س۶۵۸۔ اگر ملازمت کی جگہ پر ، جس کے لئے میں نے سفر کیا ہے ، دفتری اوقات کے بعد ذاتی کام انجام دوں ، مثلاً سات بجے سے دو بجے تک دفتری کام انجام دیتا رہوں اور دو بجے کے بعد ذاتی کام انجام دوں تو میری نماز اور روزہ کا کیا حکم ہے ؟

ج۔ دفتری کام کو انجام دینے کے بعد کسی خاص کام کا انجام دینا، دفتری کام ( شغل ) کے سفر کے حکم کو تبدیل نہیں کرتا۔

س۶۵۹۔ ان سپہی وں کے روزہ و نماز کا کیا حکم ہے جو یہ جانتے ہیں کہ وہ دس دن سے زیادہ ایک جگہ قیام کریں گے لیکن اس کا اختیار خود ان کے ہاتھ میں نہیں ہے ؟ امید ہے امام خمینی کا فتویٰ بھی بیان فرمائیں گے؟

ج۔ مذکورہ سوال میں اگر انہیں دس دن یا اس سے زیادہ ایک جگہ رہنے کا اطمینان ہو تو ان پر پوری نماز پڑھنا اور روزہ رکھنا واجب ہے اور یہی فتویٰ امام خمینی (رح) کا بھی ہے۔

س۶۶۰۔ ان لوگوں کے روزہ، نماز کا کیا حکم ہے جو فوج یا پاسداران انقلاب میں شامل ہیں اور جو دس دن سے زیادہ چھاؤنیوں میں یا سرحدی علاقوں میں رہتے ہیں ؟ برائے مہربانی امام خمینی (رح) کا فتویٰ بھی بیان فرمائیں ؟

ج۔ وہاں ان پر پوری نماز پڑھنا اور روزہ رکھنا واجب ہے۔

س۶۶۱۔ میں رمضان المبارک میں ایک ایسی جگہ قیام پذیر تھا کہ میری قیام گاہ اور ان تمام مقامات کے درمیان جن کے بارے میں اطلاع فراہم کرنا میرا فریضہ تھا ، حد ترخص کی مقدار کے برابر فاصلہ تھا ، اس صورت میں کیا مجھے نماز پوری پڑھنی ہو گی اور روزہ رکھنا واجب ہو گا؟

ج۔ جب آپ نے اپنے کام کے لئے ان تمام مقامات کا چکر لگاتے ہیں جن کی اطلاع فراہم کرنا آپ پر واجب ہے یا ان مقامات تک جاتے ہیں جو آپ کی قیام گاہ سے شرعی مسافت کے بقدر دور نہیں ہیں ، جبکہ آپ پر اپنی قیام گاہ پر پوری نماز پڑھنے کا حکم نافذ ہو چکا ہو خواہ وہاں ایک ہی چار رکعتی نماز ادا کی ہو یا دس دن کے اندر ان مقامات تک کا سفر کل ملا کے ایک تھائی دن یا رات یا اس سے کم کا ہو تو اس صورت میں آپ اپنی قیام گاہ اور ان مقامات پر پوری نماز پڑھیں گے اور روزہ رکھیں گے ورنہ دوسری صورت میں نماز قصر ہو گی اور روزہ رکھنا صحیح نہ ہو گا۔

س۶۶۲۔ امام خمینی (رح) کی توضیح المسائل کے صلۃ المسافر کے باب میں مسئلہ ۳۰۶ میں ساتویں شرط یہ ہے :

ڈرائیور پر واجب ہے کہ پہلے سفر کے بعد پوری نماز پڑھے لیکن پہلے سفر میں اس کی نماز قصر ہے خواہ سفر طویل ہی کیوں نہ ہو پس کیا پہلے سفر سے مراد وطن سے چلنا اور لوٹ کر وطن واپس آنا ہے خواہ وہ سفر ایک ماہ یا اس سے زیادہ مدت تک جاری رہے چاہے وہ اس مدت میں اپنے اصلی وطن کے علاوہ ایک شہر سے دوسرے شہر دسیوں بار اسباب منتقل کرتا رہا ہو ؟

ج۔ اس کا پھلا سفر اس منزل و مقصد تک پہنچنے کے بعد پورا ہو تا ہے جس کا اس نے اپنے وطن یا قیام گاہ سے نکلتے وقت قصد کیا تھا تاکہ سواریوں کو وہاں منتقل کرے یا اسباب پہنچائے اور واپس وطن تک لوٹنا اس کا جزء نہیں ہے مگر یہ کہ اس کا سفر منزل و مقصد کی طرف سواریوں کو منتقل کرنے کے لئے یا اس جگہ سے سامان وہاں لے جانے کے لئے ہو جہاں سے اس نے سفر شروع کیا تھا۔

س۶۶۳۔ وہ شخص جس کا دائمی پیشہ ڈرائیوری نہ ہو بلکہ مختصر مدت کے لئے ڈرائیوری اس کا فریضہ بن گیا ہے ، جیسے چھاؤنیوں میں یا نگہبانی کے فرائض انجام دینے والوں پر موٹر گاڑی چلانے کی ذمہ داری عائد کر دی جاتی ہے کیا ایسا شخص مسافر کے حکم میں ہے یا اس پر پوری نماز پڑھنا اور روزہ رکھنا واجب ہے ؟

ج۔ جب عرف عام میں اس کو اس وقتی مدت میں ڈرائیور کہا جائے تو اس مدت میں اس کا وہی حکم ہے جو تمام ڈرائیوروں کا ہے۔

س۶۶۴۔ جب ڈرائیور کی گاڑی میں کوئی نقص پیدا ہو جائے اور وہ اس کے پرزے اور اسباب لینے کے لئے دوسرے شہر جائے تو کیا اس سفر میں وہ پوری نماز پڑھے گا یا قصر جبکہ اس سفر میں اس کی گاڑی اس کے ساتھ نہیں ہے ؟

ج۔ جب اس سفر میں اس کا شغل ڈرائیوری نہ ہو تو اس کا حکم وہی ہے جو تمام مسافروں کا ہے۔

طلبہ کا حکم

س۶۶۵۔ یونیورسٹیوں کے ان طلبہ کا کیا حکم ہے جو ہفتہ میں کم از کم دو دن تحصیل علم کے لئے سفر کرتے ہیں یا ان ملازمین کا کیا حکم ہے جو ہر ہفتہ اپنے کام کے لئے سفر کرتے ہیں ؟ واضح رہے کہ وہ ہر ہفتہ سفرکرتے ہیں لیکن کبھی یونیورسٹی میں چھٹی ہو جائے یا دفتر و کارخانہ میں چھٹی ہو جائے تو ایک ماہ اپنے اصل وطن میں رہتے ہیں اور اس ایک ماہ کی مدت میں سفر نہیں کرتے تو جب وہ ایک ماہ کے بعد پھر سے سفر کا آغاز کریں گے تو کیا اس پہلے سفر میں ان کی نماز قاعدہ کے مطابق قصر ہو گی اور اس کے بعد وہ پوری نماز پڑھیں گے؟

ج۔ تحصیل علم کے لئے جانے والوں کی نماز قصر ہے اور روزہ رکھنا صحیح نہیں ہے خواہ ان کا سفر ہفتہ وار ہو یا روزانہ ہو لیکن جو شخص کام کے لئے سفر کرتا ہے خواہ اس کا کام آزاد ہو یا دفتری لہذا اگر وہ دس دن میں کم از کم ایک مرتبہ اپنے کام کرنے کی جگہ سے اپنے وطن یا محل سکونت کی طرف جاتا ہے تو کام کے لئے کیے جانے والے دوسرے سفر میں وہ پوری نماز پڑھے گا اور اس کا روزہ رکھنا بھی صحیح ہو گا اور جب وہ کام والے سفر کے دوران اپنے وطن میں یا غیر وطن میں دس دن قیام کرے تو ا سکام کے لئے کئے جانے والے پہلے سفر میں نماز قصر پڑھے گا اور روزہ نہیں رکھے گا۔

س۶۶۶۔ دینی طالب علم یہ نیت کر لے کہ تبلیغ کو اپنا مشغلہ بنائے گا تو مذکورہ فرض کے مطابق وہ سفر میں پوری نماز پڑھ سکتا ہے اور روزہ رکھ سکتا ہے یا نہیں ؟ اور جب اس کا سفر تبلیغ ، دعوت ہدایت اور امر بالمعروف کے لئے نہ ہو بلکہ کسی اور کام کے لئے سفر کرے تو اس کے روزے نماز کا کیا حکم ہے ؟

ج۔ اگر تبلیغ و ہدایت اور امر بالمعروف و نہی از منکر کو عرف عام میں اس کا شغل و عمل کہا جاتا ہے تو ان چیزوں کے لئے اس کے سفر کا حکم وہی ہے جو شغل کے لئے تمام سفر کرنے والوں کا ہے اور اگر کبھی ان کے علاوہ کسی اور غرض کے لئے سفر کرے تو قصر نماز پڑھنے اور روزہ نہ رکھنے میں اس کا وہی حکم ہے جو تمام مسافروں کا ہے۔

س۶۶۷۔ حوزہ علمیہ کے طالب علم یا حکومت کے ملازمین وغیرہ جو کسی شہر میں غیر معین مدت کے لئے مامور کئے جاتے ہیں ان کے روزوں اور نمازوں کا کیا حکم ہے ؟

ج۔ تعلیم و تحقیق اور ملازمت کی جگہ پر جب تک وہ دس دن کے قیام کا قصد نہ کریں اس وقت تک نماز قصر پڑھیں گے اور روزہ نہیں ہو گا اور ان کی حالت بقیہ مسافروں کی سی ہے۔

س۶۶۸۔ ایک طالب علم دوسرے شہر میں تعلیم حاصل کرتا ہے اور ہر ہفتہ اپنے گھر آتا ہے ، اس کے گھر اور درس گاہ کے درمیان شرعی مسافت ہے تو درس گاہ میں اس کی نماز قصر ہے یا نہیں ؟

ج۔ تعلیم و تدریس کے سفر پر پیشہ کے سفر کا حکم جاری نہیں ہو گا بلکہ تعلیم کے لئے سفر میں طالب عالم تمام مسافروں کے حکم میں ہے۔

س۶۶۹۔ اگر دینی طالب علم اس شہر میں رہتا ہے جو اس کا وطن نہیں ہے اور وہاں دس روز قیام کی نیت کرنے سے قبل وہ جانتا ہے یا یہ قصد رکھتا ہے کہ شہر کے کنارے پر واقع مسجد میں ہر ہفتے جائے گا۔ آیا وہ دس دن کے قیام کی نیت کرسکتا ہے یا نہیں ؟

ج۔ قصد اقامت کے دوران ایک گھنٹہ یا اس سے زیادہ یہاں تک قیام گاہ سے ایک تھائی 1/3 دن یا رات کے برابر شرعی مسافت سے کم بہر جانے کا ارادہ قصد اقامت کو ختم نہیں کرتا ہے اور جس جگہ جانے کا ارادہ ہے وہ محل اقامت میں داخل ہے یا نہیں ؟ اس کی تشخیص عرف عام پر منحصر ہے۔

قصد مسافرت اور دس دن کی نیت

س۶۷۰۔ میں جس جگہ ملازمت کرتا ہوں وہ قریبی شہر سے شرعی مسافت سے کم فاصلہ پر واقع ہے اور چونکہ دونوں جگہ میرا وطن نہیں ہے لہذا میں اپنی ملازمت کی جگہ دس روز ٹھہرنے کا قصد کرتا ہوں تاکہ پوری نماز پڑھ سکوں اور روزہ رکھ سکوں اور جب میں اپنے کام کی جگہ دس روز قیام کرنے کا قصد کرتا ہوں تو دس روز یا اس کے بعد قریبی شہر میں جانے کا قصد نہیں کرتا پس درج ذیل حالات میں شرعی حکم کیا ہے ؟

1۔ جب میں اچانک کسی کام سے دس دن کامل ہو نے سے پہلے ہی اس شہر کو جاؤں اور تقریباً دو گھنٹے وہاں ٹھہرنے کے بعد کام کی جگہ واپس آ جاؤں۔

2۔ جب میں دس روز کامل ہو نے کے بعد اس شہر کے معین محلہ میں جاؤں اور یہ فاصلہ شرعی مسافت سے زیادہ نہ ہو اور ایک رات وہاں قیام کر کے اپنی ملازمت کی جگہ واپس آ جاؤں۔

3۔ جب میں دس روز قیام کے بعد اس شہر کے کسی معین محلہ کے قصد سے نکلوں لیکن وہاں پہنچنے کے بعد میرا ارادہ بدل جائے اور میں شہر کے اس محلہ میں جانے کی نیت کر لوں جو میری قیام گاہ سے شرعی مسافت سے زیاد ہ دور ہے ؟

ج۔ ۲۔۱ قیام گاہ پر پوری نماز پڑھ لینے کے بعد خواہ ایک چار رکعتی نماز ہی پڑھی ہو شرعی مسافت سے کم فاصلہ تک جانے میں کوئی حرج نہیں ہے خواہ سفر گھنٹہ دو گھنٹے کا ہو اور ایک دن میں ہو یا کئی دنوں میں اور اس سے کوئی فرق نہیں پڑتا کہ اپنی قیام گاہ سے دس دن کامل ہو نے کے بعد نکلے یا دس دن کامل ہو نے سے قبل بلکہ نئے سفر سے پہلے تک پوری نماز پڑھے گا اور روزہ رکھے گا۔

۳۔ جب نیت بدلنے کی جگہ سے شرعی مسافت تک کے سفر کا قصد کرے اور پھر اس مسافت کو طے کر کے اپنی قیام گاہ تک لوٹ آئے تو اس سے سابقہ قیام کا حکم ختم ہو جائے گا اور قیام گاہ پر لوٹنے کے بعد از سر نو دن کے قیام کی نیت کرنا ضروری ہے۔

س۶۷۱۔ مسافر اپنے وطن سے نکلنے کے بعد اگر اس راستے سے گزرے جہاں سے اس کے اصلی وطن کی آواز اذان سنائی دیتی ہے یا اس کے وطن کے گھروں کی دیواریں دکھائی پڑتی ہیں تو کیا اس سے قطع مسافت پر کوئی اثر پڑتا ہے ؟

ج۔ اگر اپنے وطن سے نہ گزرے تو اس سے قطع مسافت پر کوئی اثر نہیں پڑتا اور نہ اس سے سفر کا سلسلہ منقطع ہو تا ہے لیکن جب تک اس جگہ ہے اس وقت تک اس پر سفر کا حکم جاری نہیں ہو گا۔

س۶۷۲۔ جہاں میں ملازم ہوں اور آج کل سکونت پذیر ہوں وہ میرا اصل وطن نہیں ہے اور اس جگہ کے اوپر میرے اصلی وطن کے درمیان شرعی مسافت سے زیادہ فاصلہ ہے۔ ملازمت کی جگہ کو میں نے اپنا اصلی وطن نہیں بنایا ہے۔ اور یہ ممکن ہے کہ وہاں میں چند سال رہوں بعض اوقات وہاں سے دفتری امور کے لئے مہینے بہر میں ایک دو دن کے سفر پر بھی جاتا ہوں پس جب میں اس شہر سے نکل کر جس میں ، میں سکونت پذیر ہوں حد شرعی سے زیادہ دور جاؤں اور پھر وہیں لوٹ آؤں تو کیا مجھ پر واجب ہے کہ دس دن کے قیام کی پھر سے نیت کروں یا اس کی ضرورت نہیں ہے ؟اور اگر دس دن کے قیام کی نیت واجب ہے تو شہر کے اطراف میں کتنی مسافت تک میں جا سکتا ہوں ؟

ج۔ آپ جس شہر میں سکونت پذیر ہیں اگر وہاں سے شرعی مسافت تک جاتے ہیں تو سفر سے لوٹ کر اس شہر میں آنے پر از سر نو دس دن کے قیام کی نیت ضروری ہے اور جب صحیح طریقہ سے آپ کا دس دن کے قیام کا قصد متحقق ہو جائے اور پوری نماز پڑھنے کا حکم آپ کا فریضہ بن جائے، اور چاہے ایک ہی چار رکعتی نماز پڑھی ہو ، تو ا سکے بعد محل سکونت سے نکل کر شرعی مسافت سے کم فاصلہ تک سفر کرنے سے دس دن کے قیام کی نیت پر کوئی اثر نہیں پڑے گا جیسا کہ دس دن کے دوران شہر کے باغوں اور کھیتوں پر جانے سے اقامت پر کوئی اثر نہیں پڑتا۔

س۶۷۳۔ اگر ایک شخص ، چند سال سے، اپنے وطن سے چار کلومیٹر دور رہتا ہے اور ہفتہ میں ایک مرتبہ گھر جاتا ہے پس اگر یہ شخص سفر کرے اور اس کے اور وطن کے درمیان ۲۵ کلومیٹر کا فاصلہ طے ہو جائے لیکن جس جگہ وہ تعلیم حاصل کرتا ہے وہاں سے یہ فاصلہ ۲۲ کلومیٹر ہو تو اس کی نماز کا کیا حکم ہے ؟

ج۔ جب وہ تعلیم و تحقیق کے مرکز سے کسی دوسری جگہ کا قصد کرے جس کا فاصلہ شرعی مسافت سے کم ہو تو اس پر سفر کا حکم جاری نہیں ہو گا لیکن اگر وطن سے اس مقصد کا ارادہ کرے تو اس پر سفر کا حکم مرتب ہو گا۔

س۶۷۴۔ ایک مسافر نے تین فرسخ تک جانے کا قصد کیا لیکن ابتداء ہی سے اس کا ارادہ تھا کہ وہ ایک کام کی انجام دہی کے لئے ایک فرعی راستہ سے ایک فرسخ تک جائے گا پھر اصلی راستہ پر آ جائے گا اور اپنے سفر کو جاری رکھے گا تو اس سفر میں اس کے روزہ و نماز کا کیا حکم ہے ؟

ج۔اس پر مسافر کا حکم جاری نہیں ہو گا اورمسافت کو پورا کرنے کے لئے راستہ سے ہٹ نا اور دوبارہ اس پر لوٹ آنا کافی نہیں ہے۔

س۶۷۵۔ امام خمینی (رح) کے (اس) فتوے کے پیش نظر کہ جب آٹھ فرسخ کا سفر ہو تو روزہ رکھنا جائز نہیں اور نماز قصر ہے پس اگر جانے کا راستہ چار فرسخ سے کم ہو لیکن واپسی پر سواری نہ ملنے پر یا راستے کی مشکلات کے پیش نظر اس شخص پر لازم ہو کہ ایسا راستہ اختیار کرے جو چہ فرسخ سے زیادہ ہے۔ اس صورت میں نماز روزہ کا کیا حکم ہے ؟

ج۔ جب جانا چار فرسخ سے کم ہو اور واپسی کا راستہ بھی شرعی مسافت کے برابر نہ ہو تو نماز پوری پڑے گا اور روزہ رکھے گا۔

س۶۷۶۔ جو شخص اپنے محل سکونت سے ایسی جگہ جائے جس کا فاصلہ شرعی مسافت سے کم ہو ، ہفتہ بھر میں اس جگہ سے متعدد بار دوسری جگہوں کا سفر کرے اس طرح کہ کل مسافت آٹھ فرسخ سے زیادہ ہو جائے تو اس کا کیا فریضہ ہے ؟

ج۔ اگر وہ گھر سے نکلتے وقت مسافت کا قصد نہیں رکھتا تھا اور نہ اس کی پہلی منزل اور ان جگہوں کے درمیان کا فاصلہ شرعی مسافت کے برابر تھا تو اس پر سفرکا حکم جاری نہیں ہو گا۔

س۶۷۷۔ اگر ایک شخص اپنے شہر سے کسی خاص جگہ کے قصد سے نکلے اور پھر اس جگہ سے ادھر ادھر جائے تو کیا اس کا یہ ادھر ادھر جانا مسافت میں شمار ہو گا جو اس نے اپنے گھر سے طے کی ہے ؟

ج۔ اس جگہ سے ادھر ادھر جانا مسافت میں شمار نہیں ہو گا۔

س۶۷۸۔ کیا دس دن قیام کی نیت کے وقت یہ نیت رکھنا جائز ہے کہ روزانہ محل اقامت سے محل شغل تک جاتا رہوں گا جبکہ ان دو جگہوں کا فاصلہ چار فرسخ سے کم ہو ؟

ج۔ دس دن قیام کی نیت کے ساتھ شرعی مسافت سے کم فاصلہ تک جانے کی نیت رکھنا قصد اقامت کے لئے اسی وقت نقصان دہ ہے جب عرفاً کہا جائے کہ یہ شخص محل اقامت میں، دس دن نہیں ٹھہرا ہے، جیسے کوئی شخص پورا دن بھر رہے۔ لیکن اگر وہ شخص دن رات میں چند گھنٹہ کے لئے بہر جائے اور دن یا رات کے ایک تھائی حصہ تک بھر رہے یا دن یا رات میں ایک دفعہ بھر جائے یا چند بار بھر جائے لیکن مجموعی طور پر دن یا رات کے ایک تھائی حصہ سے زیادہ نہ ہو تو ایسی نیت قصد امامت کی صحت کے لئے مضر نہیں ہے۔

س۶۷۹۔ اس بات کے پیش نظر کہ ایک شخص اپنے محل سکونت سے اپنی جائے ملازمت تک جاتا ہے اور دونوں ( محل سکونت و محل ملازمت) کے درمیان ۲۴ کلومیٹر سے زیادہ فاصلہ ہے جو پوری نماز پڑھنے کا موجب ہے ، پس اگرمیں ان شہروں کے حدود سے بہر نکلوں جہاں ملازمت کرتا ہوں یا کسی دوسرے شہر کی طرف جاؤں جس کا فاصلہ میرے کام کرنے کی جگہ سے شرعی مسافت سے کم ہے اور ظہر سے قبل یا بعد واپس ہو جاؤں تو کیا میری نماز پھر بھی پوری ہے ؟

ج۔ صرف محل ملازمت سے شرعی مسافت سے کم نکلنے پر آپ کے روزہ نماز کا حکم نہیں بدلے گا چاہے روزانہ کے عمل سے اس کا کوئی واسطہ نہ ہو اوراس میں کوئی فرق نہیں ہے کہ آپ وہاں ظہر سے قبل واپس آئیں یا بعد میں۔

س۶۸۰۔ میں اطراف اصفہان کا رہنے والا ہوں اور ایک عرصہ سے شہین شہر کی یونیورسٹی میں ملازمت کرتا ہوں جو اصفہان کے تابع ہے اور اصفہان کے حد ترخص سے شہین شہر تک تقریباً بیس کلومیٹر کا فاصلہ ہے۔ لیکن یونیورسٹی تک، جو اطراف شہر میں واقع ہے ، تقریباً ۲۵ کلومیٹر سے زیادہ مسافت ہے جبکہ یونیورسٹی شہین شہر میں واقع ہے اور میرا راستہ شہر کے درمیان سے گزرتا ہے مگر میرا اصلی مقصد یونیورسٹی ہے پس مجھے مسافر شمار کیا جائے گا یا نہیں ؟

ج۔ اگر دونوں شہروں کے درمیان چار شرعی فرسخ سے کم فاصلہ ہے تو اس پر سفر کا حکم مرتب نہیں ہو گا۔

س۶۸۱۔ میں ہر ہفتہ سیدہ معصومہ ’ علیہا السلام ‘ کے مرقد کی زیارت اور مسجد جمکران کے اعمال بجا لانے کی غرض سے قم جاتا ہوں۔اس سفر میں ، مجھے پوری نماز پڑھنا چاہئیے یا قصر؟

ج۔ اس سفر میں وجوب قصر کے سلسلہ میں آپ کا حکم وہی ہے جو تمام مسافروں کا ہے۔

س۶۸۲۔ شہر کا ثمر میری جائے ولادت ہے اور ۱۳۴۵ ہ۔ش۔ سے ۱۳۶۹ ھ،ش تک میں تہران میں مقیم رہا اب تین سال سے اپنے خاندان کے ساتھ ادارہ کی طرف سے بندر عباس میں تعینات ہوں اور ایک سال کے اندر پھر تہران لوٹ آؤں گا، اس کے پیش نظر کہ جب میں بندر عباس میں مقیم تھا وہاں سے میں کسی بھی وقت ادارہ کے ضروری کام کہ جو کام میرے ذمہ ہو تے تھے۔ اس سے وقت کا اندازہ نہیں لگا سکتا تھا۔

برائے مہربانی پہلے میرے روزہ نماز کا حکم بیان فرمائیں گے؟

دوسرے : اس بات کو مد نظر رکھتے ہوئے کہ میں اکثر اوقات یا سال کے چند مہینوں میں کام کے سلسلے میں سفر میں رہتا ہوں ، میرے اوپر کثیر السفر کا عنوان صادق آتا ہے یا نہیں ؟

اور تیسرے : میری زوجہ کی نماز و روزہ کا کیا حکم ہے وہ میری شریک حیات ہے ، اس کی جائے پیدائش تہران ہے اور میری وجہ سے بندرعباس میں رہتی ہے ؟

ج۔ اس وقت جہاں آپ ڈیوٹی پر ہیں اور جو آپ کا وطن نہیں ہے ، وہاں آپ کے روزہ اور نماز کا وہی حکم ہے جو مسافر کے روزہ و نماز کا حکم ہے ، یعنی نماز قصر ہے اور روزہ صحیح نہیں ہے۔مگر یہ کہ آپ وہاں دس دن قیام کرنے کی نیت کر لیں یا دس دن میں کم ازکم ایک مرتبہ مربوط ذمہ داری کی انجام دہی کے لئے شرعی مسافت تک جائیں لیکن آپ کی زوجہ جو آپ کے ساتھ ہے اگر وہاں دس روز ٹھہرنے کی نیت کر لیتی ہے تو ا سکی نماز تمام اور روزہ صحیح ہے ورنہ نماز قصر اور روزہ رکھنا صحیح نہیں ہے۔

س۶۸۳۔ ایک شخص نے ایک جگہ دس دن ٹھہرنے کا قصد کیا، اس طرح کہ وہ جانتا تھا کہ وہاں دس روز تک ٹھہرے گا یا اس نے اس امر کا ارادہ کر لیا پھر اس نے ایک چار رکعتی نماز پوری پڑھ لی جس سے اس کا قیام متحقق ہو گیا۔اب اسے ایک غیر ضروری سفر در پیش ہو گیا، کیا اس کے لئے یہ سفر جائز ہے ؟

ج۔ اس کے سفر میں کوئی مانع نہیں ہے خواہ سفر غیر ضروری ہو۔

س۶۸۴۔ اگر کوئی شخص امام رضا علیہ السلام کی زیارت کے لئے سفر کرے اور یہ جانتا ہو کہ وہاں دس روز سے کم قیام رہے گا لیکن نماز پوری پڑھنے کی غرض سے دس روز ٹھہرنے کی نیت کر لے تو اس کا کیا حکم ہے ؟

ج۔ اگر وہ جانتا ہو کہ وہاں دس روز قیام نہیں کرے گا تو اس کا اقامت عشرہ کی نیت کرنا بے معنی ہے اور اس کی اس نیت کا کوئی اثر نہیں ہے اور وہ وہاں قصر نماز پڑھے گا۔

س۶۸۵۔ شہرسے بہر کے ملازمت پیشہ لوگ جو اس شہر میں دس روز قیام نہیں کرتے اور ان کا سفر بھی شرعی مسافت سے کم ہو تا ہے تو نماز کے سلسلہ میں ان کا کیا حکم ہے قصر پڑھیں یا پوری؟

ج۔ جب وطن اور محل ملازمت کے درمیان یا آمد رفت دونوں ملا کر شرعی مسافت کے برابر فاصلہ نہ ہو ، تو ان پر مسافر کے احکام جاری نہیں ہوں گے اور جس شخص کے وطن اور جائے ملازمت کے درمیان شرعی مسافت کے برابر فاصلہ ہو اور دس روز کے اندر وہ کم از کم ایک مرتبہ دونوں کے درمیان سفر کرے اس پر پوری نماز پڑھنا واجب ہے ورنہ دس دن کے قیام کے بعد سفر اول میں اس کا وہی حکم ہے جو تمام مسافروں کا ہے۔

س۶۸۶۔ اگر کوئی شخص کسی جگہ سفر کرے اور اسے یہ معلوم نہ ہو کہ وہاں کتنے دن قیام کرنا ہے ، دس روز یا اس سے کم تو اسے کس طرح نماز پڑھنی چاہئیے؟

ج۔ قصر نماز پڑھے گا۔

س۶۸۷۔ جو شخص دو مقامات پر تبلیغ کرتا ہے اور اس علاقہ میں دس روز قیام کا قصد رکھتا ہے اس کے روزہ نماز کا کیا حکم ہے ؟

ج۔ اگر عرف عام میں یہ دو علاقے ہیں تو مذکورہ صورت میں وہ نہ دونوں میں قصد اقامت کرسکتا۔ اور نہ ایک مقام پر جبکہ دوسرے مقام تک جانے کا قصد بھی رکھتا ہو۔

حد ترخص

س۶۸۸۔ جرمنی اور یورپ کے بعض شہروں کا درمیانی فاصلہ ایک سو میٹر سے زیادہ نہیں ہو تا اور دونوں شہروں کے مکانات اور راستے ایک دوسرے سے متصل ہو تے ہیں ، ایسے موارد میں حد ترخص کہاں سے شروع ہو تی ہے ؟

ج۔ جہاں دو شہر ایک دوسرے سے اس طرح متصل ہوں جیسا کہ سوال میں ہے تو ایسے دو شہر ایک شہر کے دو محلوں کے حکم میں ہیں یعنی ایک سے خارج ہو نے اور دوسرے شہر میں داخل ہو نے کو سفر شمار نہیں کیا جائے گا کہ اس کے لئے حد ترخص معین کی جائے۔

س۶۸۹۔ حد ترخص کا معیار شہر کی اذان سننا اور شہر کی دیواروں کا دیکھنا ہے ، کیا (حد ترخص میں ) ان دونوں کا ایک ساتھ ہو نا ضروری ہے یا دونوں میں سے ایک کافی ہے ؟

ج۔ احتیاط یہ ہے کہ دونوں علامتوں کی ، رعایت کی جائے اگرچہ حد ترخص کی تعیین کے لئے اذان کا نہ سنائی دینا ہی کافی ہے۔

س۶۹۰۔ کیا حد ترخص میں شہر کے ابتدائی گھروں ، جہاں سے مسافر شہر میں داخل ہو تا ہے ، کی اذان کا سنائی دینا معیار ہے یا شہر کے درمیانی آبادی کی آواز کا سنائی دینا؟

ج۔ شہر کے اس آخری حصے کی اذان سننا معیار ہے جہاں سے مسافر شہر سے نکلتا ہے یا اس میں داخل ہو تا ہے۔

س۶۹۱۔ ایک علاقہ کے لوگوں کے درمیان شرعی مسافت کے بارے میں اختلاف ہے بعض کہتے ہیں : شہر کے گھروں کی وہ آخری دیواریں معیار ہیں جو ایک دوسرے سے متصل ہیں بعض کہتے ہیں کہ گھروں کے حدود سے بہر جو کارخانے اور کمپنیاں ہو تی ہیں ، ان کی دیواریں معیار ہیں۔ ہمارا سوال یہ ہے کہ شہر کے آخر سے مراد کیا ہے ؟

ج۔ شہر کی آخری حدود کی تعیین عرف عام پر موقوف ہے۔

س۶۹۲۔ ہم یونیورسٹی کے طلبہ ہیں اور ہماری کلاسیں شہر طبس کے ایک گاؤں میں لگتی ہیں اور یہ قریہ ہمارے وطن سے سو کلومیٹر کے فاصلے پر ہے جبکہ شہر طبس کا فاصلہ ۵ کلومیٹر ہے لیکن طبس اور اس گاؤں کے درمیان کوئی چیز حائل نہ ہو نے کی وجہ سے اس گاؤں کی دیواریں تو شہر طبس سے دکھائی دیتی ہیں مگر اذان سنائی نہیں دیتی ہے ایسی صورت میں اگر ہم اس گاؤں میں دس روز کے قیام کی نیت کریں اور پھر دو گھنٹے سے زیادہ کے لئے طبس چلے جائیں تو اس سے ہماری نیت برقرار رہے گی یا نہیں ؟

ج۔ دیواروں کے اوجھل ہو نے سے مراد خود دیواروں اور ان کی شکلوں کا اوجھل ہو نا ہے۔ لہذا ان کا دھندلا سا دکھائی دینا کافی نہیں ہے ، اس فرض پر کہ گاؤں کی دیواریں شہر طبس سے اوجھل ہو تی ہوں تو یہاں اگر وہ گاؤں طبس کا جزو شمار ہو تا ہے یا شہر کے باغات یا مزارع میں شامل ہے تو اس صورت میں گاؤں میں قصد اقامت کی نیت کے دوران طبس آنے جانے سے اقامت عشرہ کی نیت متاثر نہ ہو گی لیکن اس کی تشخیص خود مکلف پر موقوف و منحصر ہے۔

سفر معصیت

س۶۹۳۔ جب انسان یہ جانتا ہے کہ وہ جس سفر پر جا رہا ہے اس میں گناہ و حرام میں مبتلا ہو گا تو اس کی نماز قصر ہے یا نہیں ؟

ج۔ جب تک اس کا سفر ترک واجب یا فعل حرام کی غرض سے نہ ہو تو نماز کے قصر ہو نے میں اس کا وہی حکم ہے جو تمام مسافروں کا ہے۔

س۶۹۴۔ کوئی گناہ کے ارادے کے بغیر سفر کرے لیکن درمیان میں گناہ میں مرتکب ہو نے کا قصد کر لے ایسی صورت میں آیا نمازیں پوری پڑھے گا یا قصر ؟ جو نمازیں قصر پڑھ چکا ہے وہ صحیح ہیں یا نہیں ؟

ج جس شخص نے گناہ کی غرض سے سفر کو جاری رکھنے کی نیت کی ہے ، اسی وقت سے اس پر پوری نماز پڑھنا واجب ہے ، اور معصیت کی نیت کے بعد جو نمازیں اس نے قصر پڑھی ہیں ان کا دوبارہ پورا پڑھنا واجب ہے۔

س۶۹۵۔اس سفر کا کیا حکم ہے جو تفریح یا ضروریات زندگی کے خریدنے کے لئے کیا جائے اور اس سفر میں ادائیگی نماز کے لئے جگہ اور اس کے مقدمات ممکن و میسر نہ ہوں ؟

ج۔ اگر وہ جانتا ہے کہ اس سفر میں اس سے بعض وہ چیزیں چھو ٹ جائیں گی جو نمازیں واجب ہیں تو ایسے سفر کو ترک کرنا احتیاط واجب ہے ، مگر یہ کہ سفر ترک کرنے میں ضرر و حرج ہو۔

احکام وطن

س۶۹۶۔ میری جائے پیدائش تہران ہے جبکہ میرے والدین کا وطن ’ مہدی شہر ‘ ہے۔ لہذا وہ سال میں متعدد بار ’ مھدی شہر‘ جاتے ہیں ان کے ساتھ میں بھی سفر کرتا ہوں۔ پس میرے روزہ و نماز کا کیا حکم ہے ؟ واضح رہے کہ میں اپنے والدین کے وطن کو اپنا وطن نہیں بنانا چاہتا بلکہ میرا ارادہ تہران ہی میں رہنے کا ہے ؟

ج۔ مذکورہ فرض میں تمہا رے والدین کے وطن میں تمہا رے روزہ نماز کا حکم وہی ہے جو مسافر کے روزہ نماز کا ہے۔

س۶۹۷۔ میں ایک سال میں چہ ماہ ایک شہر میں اور چہ ماہ دوسرے شہر میں رہتا ہوں جو کہ میری جائے پیدائش اور اپنے خاندان والوں کے وطن لوٹ آتا ہوں۔ میرا سوال یہ ہے کہ اگر میں پہلے شہر میں دس روز سے کم ٹھہرنے کی نیت کرتا ہوں تو میرا حکم مسافر کا ہے یا نہیں ؟

ج۔ اگر وہ شہر آپ کا وطن نہیں ہے اور اسے وطن بنانے کا ارادہ بھی نہیں ہے تو جس زمانہ میں آپ وہاں دس روز سے کمرہتے ہیں اس میں آپ کا حکم وہی ہے جو مسافر کا ہے۔

س۶۹۸۔ تقریباً ۱۲ سال سے وطن کا قصد کئے بغیر ایک شہر میں رہتا ہوں۔ کیا یہ شہر میرا وطن شمار ہو جائے گا اور اس شہر کو میرا وطن ہو جانے میں کتنی مدت درکار ہے ؟ اور یہ امر کیسے ثابت ہو گا کہ عرف میں لوگ اس شہر کو میرا وطن سمجھنے لگے ہیں ؟

ج۔ وطن نہیں بن سکتا مگر یہ کہ دائمی طور پر اقامت گزینی کی نیت کرے اور ایک مدت تک اس قصد کے ساتھ اس شہر میں رہے یا مستقل رہا ئش کے قصد کے بغیر اتنای طویل مدت تک اس شہر میں رہے کہ وہاں کے باشندے اسے اس شہر کا باشندہ کہنے لگیں۔

س۶۹۹۔ ایک شخص کا وطن تہران ہے اور اب وہ تہران کے قریب دوسرے شہر کو وطن بنانا چاہتا ہے جبکہ اس کا روزانہ کا کسب و کار تہران میں ہے لہذا وہ د س روز بھی اس شہر نہیں رہ سکتا چہ جائیکہ چہ ماہ تک رہے جس سے وہ اس کا وطن ہو جائے، وہ روزانہ اپنی محل ملازمت پر جاتا ہے اور رات کو اس شہر میں لوٹ آتا ہے۔ اس کے نماز روزہ کا کیا حکم ہے ؟

ج۔ اگر شہر جدید میں وطن بنانے کا ارادہ کر کے اس میں سکونت اختیار کر لے تو پھر عنوان وطن کے اثبات کے لئے یہ شرط نہیں ہے کہ چہ ماہ تک مسلسل اسی جگہ رہے بلکہ اس کے لئے اتنا ہی کافی ہے کہ وہ اپنے اہل و عیال کو وہاں ساکن کر دے اور اپنے روز مرہ کے کام سے فارغ ہو نے کے بعد ان کے پاس لوٹ آئے اور رات ان کے پاس گزارے یہاں تک کہ اہل محلہ اسے اسی محلہ کا شمار کرنے لگیں۔

س۷۰۰۔میری اور میری زوجہ کی جائے پیدائش ’ کاشمر‘ ہے لیکن جب سے سرکاری ملازمت پر میرا تقرر ہو ا ہے اس وقت سے نیشاپور منتقل ہو گیا ہوں ، اگر چہ ماں باپ کاشمر میں ہی رہتے ہیں نیشاپور کی طرف ہجرت کے ابتدائی زمانہ میں ہم نے اصلی وطن ( کاشمر) سے اعراض کر لیا تھا مگر ۱۵ سال گزر جانے کے بعد میں اس قصد سے منصرف ہو گیا ہوں۔امید ہے کہ درج ذیل سوالات کے جواب مرحمت فرمائیں گے:

1۔ جب ہم اپنے والدین کے گھر جاتے ہیں اور چند روز ان کے پاس قیام کرتے ہیں تو میری اور میری زوجہ کی نماز کا حکم کیا ہے ؟

2۔ ہمارے والدین کے وطن( کاشمر) کے سفر میں اور وہاں چند روز قیام کے دوران ہمارے ان بچوں کا کیا فریضہ ہے جو ہماری موجود ہ رہائش گاہ نیشاپور میں پیدا ہوئے اور اب بالغ ہو چکے ہیں ؟

ج۔ جب آپ نے اپنے اصلی وطن ( کاشمر) سے اعراض کر لیا تو اب وہاں آپ دونوں پر وطن کا حکم جاری نہیں ہو گا، مگر یہ کہ آپ زندگی گزارنے کے لئے دوبارہ وہاں لوٹ جائیں اور کچھ مدت تک وہاں اس نیت سے رہیں ، اسی طرح یہ شہر آپ کی اولاد کا وطن نہیں ہے بلکہ اس شہر میں آپ سب مسافر کے حکم میں ہیں۔

س۷۰۱۔ایک شخص کے دو وطن ہیں ( دونوں میں نماز پوری پڑھتا ہے اور روزہ رکھتا ہے ) پس برائے مہربانی یہ فرمائیں کہ کیا اس کے بیوی بچوں پر جن کی وہ کفالت کرتھے ،ا س مسئلہ میں اپنے ولی و سرپرست کا اتباع واجب ہے ؟ یا اس سلسلہ میں وہ مستقل نظریہ قائم کرسکتے ہیں ؟

ج۔ زوجہ کے لئے جائز ہے کہ وہ اپنے شوہر کے وطن کو اپنا وطن نہ بنائے۔ لیکن جب تک اولاد کم سن ہے اور اپنی زندگی و ارادہ میں خود کفیل اور مستقل نہیں ہیں یا اس مسئلہ میں باپ کے ارادہ کے تابع ہیں تو باپ کا وطن ان کے لئے وطن شمار ہو گا۔

س۷۰۲۔اگر ولادت کا ھسپتال باپ کے وطن سے دور ہو یعنی وضع حمل کی خاطر ماں کے لئے چند روز اس ہسپتال میں داخل ہو نا ضروری ہو اور بچہ کی ولادت کے بعد وہ پھر اپنے گھر لوٹ آئے تو اس پیدا ہو نے والے بچہ کے وطن کا کیا حکم ہے ؟

ج۔اگر ہسپتال والدین کے اس وطن میں ہے جس میں وہ زندگی گزارتے ہیں تو وہی شہر بچہ کا بھی وطن ہے ورنہ کسی شہر میں پیدا ہو نے سے وہ شہر اس بچہ کا وطن نہیں بنتا بلکہ اس کا وطن وہی ہے جو اس کے والدین کا ہے جہاں بچہ ولادت کے بعد منتقل ہو تا ہے اور جس میں ماں باپ کے ساتھ زندگی بسر کرتھے۔

س۷۰۳۔ایک شخص چند سال سے شہر ہو از میں رہتا ہے لیکن اسے وطن ثانی نہیں بنایا ہے۔ اگر وہ شہر سے کہیں شرعی مسافت سے کم یا زیادہ فاصلہ پر جاتا اور دوبارہ واپس آتا ہے تو اس کے نماز روزے کا کیا حکم ہے ؟

ج۔جب ہو از میں اس نے قصد اقامت کر لیا اور کم ازکم ایک چار رکعتی نماز پڑھنے سے اس کے لئے پوری نماز پڑھنے کا حکم جاری ہو گیا تو جب تک وہ شرعی مسافت طے نہیں کرتا ہے اس وقت تک وہاں پوری نماز پڑھے گا اور روزہ رکھے گا اور اگر وہاں سے شرعی مسافت یا اس سے زیادہ دور جائے گا تو اس شہر میں اس کا حکم وہی ہے جو تمام مسافروں کا ہے۔

س۷۰۴۔میں عراقی ہوں اور اپنے وطن عراق سے اعراض کرنا چاہتا ہوں کیا میں پورے ایران کو اپنا وطن بنا سکتا ہوں ؟ یا صرف اسی جگہ کو اپنا وطن قرار دے سکتا ہوں جہاں میں ساکن ہوں ؟ یا وطن بنانے کے لئے اس شہر میں گھر خریدنا ضروری ہے ؟

ج۔ جدید وطن کے لئے شرط ہے کسی مخصوص اور معین شہر کو وطن بنانے کا قصد کیا جائے اور ایک مدت تک اس میں اس طرح زندگی بسر کی جائے کہ عرف عام میں یہ کہا جانے لگے کہ یہ شخص اسی شہر کا باشندہ ہے لیکن اس شہر میں گھر وغیرہ کا مالک ہو نا شرط نہیں ہے۔

س۷۰۵۔جس شخص نے بلوغ سے قبل اپنی جائے پیدائش سے ہجرت کی تھی اور وہ ترک وطن والے مسئلہ کو نہیں جانتا تھا اور اب وہ بالغ ہو ا ہے تو وہاں اس کے روزہ نماز کا کیا حکم ہے ؟

ج۔ اگر باپ کی متابعت میں اس نے اپنی جائے پیدائش سے ہجرت کی تھی اور اس شہر میں دوبارہ اس کے باپ کا زندگی بسر کرنے کا ارادہ نہیں تھا تو اس جگہ اس پر وطن کا حکم جاری نہیں ہو گا۔

س۷۰۶۔اگر ایک جگہ انسان کا وطن ہے اور فی الحال وہاں نہیں رہتا لیکن کبھی کبھی اپنی زوجہ کے ہم راہ وہاں جاتا ہے کیا شوہر کی طرح زوجہ بھی وہاں پوری نماز پڑھے گی یا نہیں ؟ اور جب تنہا اس جگہ جائے گی تو اس کی نماز کا کیا حکم ہے ؟

ج۔ شوہر کے وطن کا زوجہ کے لئے وطن ہو نا کافی نہیں ہے کہ اس پر وطن کے احکام جاری ہوں۔

س ۷۰۷۔ کیا جائے ملازمت وطن کے حکم میں ہے ؟

ج۔ کسی جگہ ملازمت کرنے سے وہ جگہ اس کا وطن نہیں بنتی ہے لیکن اگر وہ دس روز کی مدت میں کم از کم ایک مرتبہ اپنے مسکن سے اپنے کام کی جگہ جو کہ اس کے رہائشی مکان سے شرعی مسافت کے فاصلہ پر ہے ، جاتا ہو تو وہ جگہ اس کے وطن کے حکم میں ہے اور وہاں پوری نماز پڑھنا اور روزہ رکھنا صحیح ہے۔

س۷۰۸۔ کسی شخص کے اپنے وطن سے اعراض و رو گردانی کرنے کے کیا معنی ہیں ؟ اور کیا عورت کے شادی کر لینے اور شوہر کے ساتھ چلے جانے پر وطن سے اعراض ثابت ہو جاتا ہے یا نہیں ؟

ج۔ اعراض سے مراد یہ ہے کہ انسان اپنے وطن سے اس قصد سے نکلے کہ اب دوبارہ اس میں زندگی نہیں گزارے گا، اور صرف عورت کے دوسرے شہر میں شوہر کے گھر جانے کا لازمہ یہ نہیں ہے کہ اس نے اپنے وطن سے اعراض کر لیا ہے۔

س۷۰۹۔ گزارش ہے کہ وطن اصلی اور وطن ثانی کے متعلق اپنا نظریہ بیان فرمائیں ؟

ج۔ وطن اصلی : اس جگہ کو کہتے ہیں جہاں انسان پیدا ہو تا ہے اور ایک مدت وہاں رہتا ہے اور وہیں نشوونما پاتا ہے۔

وطن ثانی : اس جگہ کو کہتے ہیں جسے مکلف اپنی دائمی سکونت کے لئے منتخب کرے چھے سال میں چند ماہ ہی اس میں رہے۔

س۷۱۰۔ میرے والدین شہر ’ ساوھ‘ کے باشندے ہیں دونوں بچپنے میں تہران آ گئے تھے اور وہیں سکونت اختیار کر لی تھی۔ شادی کے بعد شہر چالوس منتقل ہو گئے اور وہاں اس لئے سکونت اختیار کر لی کہ وہ وہاں ملازمت کرتے تھے ، پس اس وقت میں تہران و ساوہ میں کس طرح نماز پڑھوں ، واضح رہے میری پیدائش تہران میں ہوئی ہے لیکن وہاں کبھی نہیں رہا ہوں ؟

ج۔ اگر آپ نے تہران میں پیدا ہو نے کے بعد وہاں نشوونما نہیں پائی ہے تو تہران آپ کا اصلی وطن نہیں ہے اور اگر آپ نے تہران و ساوہ میں کسی کو اپنا اصلی وطن قرار نہیں دیا ہے تو ان دونوں میں آپ کے لئے وطن کا حکم جاری نہیں ہو گا۔

س۷۱۱۔ اس شخص کے بارے میں آپ کا کیا نظریہ ہے جس نے اپنے وطن سے اعراض نہیں کیا ہے اور وہ اب چہ سال سے دوسرے شہر میں مقیم ہے پس جب وہ اپنے وطن جاتا ہے تو وہاں اس کو پوری نماز پڑھنا چاہئیے یا قصر ؟ واضح رہے وہ امام خمینی (رح) کی تقلید پر باقی ہے۔

ج۔ اگر اس نے سابق وطن سے اعراض نہیں کیا ہے تو وطن کا حکم اپنی جگہ پر باقی ہے اور وہاں پوری نماز پڑھے گا اور روزہ رکھے گا۔

س۷۱۲۔ایک طالب علم نے شہر تبر یز کی یو نیورسٹی میں تعلیم حاسل کرنے کی غرض سے تبریز میں چار سال کے لئے کرایہ پر گھر لیا، اب اس کا ارادہ ہے کہ اگر ممکن ہو تو دائمی طور پر تبریز ہی میں رہے گا آج کل وہ رمضان میں کبھی اپنے اصلی وطن جاتا ہے کیا دونوں جگہوں کو اس کا وطن شمار کیا جائے گا یا نہیں ؟

ج۔ اگر محل تعلیم کو وطن بنانے کا پختہ ارادہ نہیں کیا ہے تو وہ جگہ اس کے وطن کے حکم میں نہیں ہے لیکن اس کا اصلی وطن حکم وطن پر باقی ہے جب تک وہ اس سے اعراض نہ کرے۔

س۷۱۳۔ میں شہر ’ کرمانشاہ ‘ میں پیدا ہو ا ہوں اور چہ سال سے تہران میں مقیم ہوں لیکن نہ اپنے اصلی وطن سے اعراض کیا ہے اور تہران کو وطن بنانے کا قصد ہے لہذا جب ہم ایک سال یا دو سال کے بعد تہران کے ایک محلہ سے دوسرے محلہ میں منتقل ہو تے ہیں تو اس میں میرے روزہ نماز کا کیا حکم ہے ؟ اور چونکہ ہم چہ ماہ سے تہران کے نئے علاقے میں رہتے ہیں تو ہم پر یہاں وطن کا حکم جاری ہو گا یا نہیں ؟ اور ہمارے روزہ نماز کا کیا حکم ہے جبکہ ہم دن بھر تہران کے مختلف علاقوں کا گشت کرتے رہتے ہیں ؟

ج۔ اگر آپ نے موجود تہران یا اس کے کسی محلہ کو وطن بنانے کا قصد کیا ہے۔تو پورا تہران آپ کا وطن ہے اور موجودہ تہران کا ہر علاقہ آپ کا وطن ہے وہاں پوری نماز پڑھنا اور روزہ رکھنا صحیح ہے اور تہران کے اندر ادھر ادھر جانے سے سفر کا حکم نہیں لگے گا۔

س۷۱۴۔ ایک شخص دیہا ت کا رہنے والا ہے اور آج کل ملازمت کی وجہ سے تہران میں رہتا ہے اور اس کے والدین دیہا ت میں رہتے ہیں اور ان کے پاس زمین و جائیداد بھی ہے ، وہ شخص ان کی احوال پرسی اور مدد کے لئے وہاں جاتا ہے لیکن وطن کے قصد سے وہاں واپسی کا قصد نہیں رکھتا ، واضح رہے کہ وہ اس شخص کی زادگاہ بھی ہے۔ لہذا وہاں اس کے روزہ نماز کا کیا حکم ہے ؟

ج۔ اگر کسی نے اس گاؤں میں زندگی بسرکرنے اور اس کو وطن بنانے کی نیت نہیں کی ہے تو وہاں اس پر وطن کے احکام جاری نہیں ہوں گے۔

س۷۱۵۔ کیا جائے ولادت کو وطن سمجھا جائے گا خواہ پیدا ہو نے والا وہاں نہ رہتا ہو ؟

ج۔ اگر ایک زمانہ تک وہاں زندگی گزارے اور وہیں اس پر وطن کا حکم جاری ہو گا ورنہ نہیں۔

س۷۱۶۔ اس شخص کی نماز ، روزہ کا کیا حکم ہے جو اس شہر میں طویل مدت (۹ سال)سے مقیم ہے اور فی الحال وہ اپنے وطن میں ممنوع الورود ہے لیکن اسے یہ یقین ہے کہ ایک دن وطن واپسی ہو گی؟

ج۔ جس شہر میں وہ اس وقت مقیم ہے وہاں اس کے روزہ اور نماز کا وہی حکم ہے جو تمام مسافروں کا ہے۔

س۷۱۷۔ میں نے اپنی عمر کے چہ سال گاؤں میں اور آٹھ سال شہر میں گزارے ہیں۔حال ہی میں بغرض تعلیم مشہد آیا ہوں پس ان تمام مقامات پر میرے روزہ نماز کا کیا حکم ہے ؟

ج۔ جو قریہ آپ کی جائے پیدائش ہے وہی وطن ہے اور وہاں آپ کا روزہ اور نماز پوری ہے بشرطیکہ اس سے اعراض نہ کیا ہو۔ لیکن مشہد کو آپ جب تک وطن بنانے کا قصد نہ کریں وہاں آپ مسافر کے حکم میں ہیں اور جس شہر میں آپ نے آٹھسال گزارے ہیں اگر اسے وطن بنایا تھا تو وہ بھی اس وقت تک آپ کے وطن کے حکم میں رہے گا جب تک وہاں سے اعراض نہ کریں ورنہ اس میں بھی مسافر کے حکم میں رہیں گے۔

زوجہ کی تابیعت

س۷۱۸۔ کیا وطن اور اقامت کے بارے میں زوجہ شوہر کی تابع ہے ؟

ج۔ صرف زوجیت قہری طور پر شوہر کے تابع ہو نے کی موجب نہیں ہے بلکہ زوجہ کو یہ حق حاصل ہے کہ قصد اقامت اور وطن اختیار کرنے میں شوہر کا اتباع نہ کرے،ہاں اگر زوجہ اپنے ارادہ اور زندگی بسر کرنے میں مستقل نہ ہو بلکہ وطن اختیار کرنے یا اس سے اعراض کرنے میں وہ شوہر کے ارادہ کی پابند ہو تو اس سلسلہ میں اس کے شوہر کا قصد ہی اس کے لئے کافی ہے پس اس کا شوہر جس شہر میں دائمی زندگی بسر کرنے کے لئے منتقل ہو تا ہے وہ اس کا بھی وطن ہے۔ اسی طرح اگر شوہر اس وطن کو چھوڑ دے جس میں وہ دونوں رہتے ہیں اور کسی دوسری جگہ کو وطن بنائے تو یہ اپنے وطن سے زوجہ کا اعراض بھی شمار ہو گا، اور سفر میں دس دن کے قیام کے سلسلہ میں اس کے لئے اتنا ہی کافی ہے کہ وہ شوہر کے قصد اقامت سے آگاہ ہو جبکہ وہ اپنے شوہر کے ارادہ کے تابع ہو بلکہ اس وقت بھی یہی حکم ہے جب وہ اقامت کے دوران اپنے شوہر کے ساتھ وہاں رہنے پر مجبور ہو۔

س۷۱۹۔ کیا منگنی کے زمانہ میں بھی زوجہ، مسافر کی نماز کے مسائل میں اپنے شوہر کے تابع ہے ؟

ج۔ زوجیت کے رشتہ کا اقتضا یہ نہیں ہے کہ قصد سفر و اقامت یا اختیار وطن و ترک وطن میں زوجہ شوہر کے تابع ہو بلکہ اس سلسلہ میں وہ خود مختار ہے۔

س۷۲۰۔ ایک جوان نے دوسرے شہر کی لڑکی سے شادی کی ہے پس جس وقت لڑکی اپنے والدین کے گھر جائے تو کیا پوری نماز پڑھے گی یا قصر ؟

ج۔ جب تک وہ اپنے اصلی وطن سے اعراض نہ کرے گی اس وقت تک وہاں پوری نماز پڑھے گی۔

س۷۲۱۔ کیا بیوی بچے امام خمینی (رح) کی توضیح المسائل کے مسئلہ ’ ۱۲۸۴ ‘ کے زمرے میں آتے ہیں ؟ ( یعنی سفر کے تحقق میں بیوی بچوں کے لئے بھی سفر کی نیت شرط نہیں ہے ) اور کیا باپ کے وطن میں اس کے تابع افراد پوری نماز پڑھیں گے؟

ج۔ اگر سفر میں قہری طور پر ہی سہی وہ باپ کے تابع ہیں تو سفر کے لئے باپ کا قصد کافی ہے بشرطیکہ انہیں اس کی اطلاع ہو ، لیکن وطن اختیار کرنے یا اس سے اعراض کرنے میں اگر وہ اپنے ارادہ اور زندگی گزارنے میں خود مختار نہ ہوں ، بلکہ باپ کے تابع ہوں تو قھری طور پر ان کا باپ دائمی طور پر ان کے ساتھ زندگی گزارنے کے لئے منتقل ہو ا ہے وہ ان کا وطن بھی ہو گا۔

بڑے شہروں کے احکام

س۷۲۲۔ بڑے شہروں میں قصد وطن اور قصد اقامت کے شرائط کے بارے میں آپ کا کیا نظریہ ہے ؟

ج۔ بڑے اور مشہور شہروں میں ، احکام مسافر، قصد وطن اور دس روز قیام کے اعتبار سے کوئی فرق نہیں ہے بلکہ بڑے شہر میں کسی مخصوص محلہ کے تعیین کے بغیر قصد وطن کرنے اور کچھ مدت اور شہر میں زندگی گزارنے سے اس پر وطن کا حکم جاری ہو جائے گا جیسا کہ اگر کوئی شخص محلہ کی تعیین کئے بغیر ایسے شہر میں دس روز قیام کی نیت کرے تو وہ تمام شہر میں پوری نماز پڑھ سکے گا اور روزہ رکھ سکے گا۔

س۷۲۳۔ ایک شخص کو اس فتوے کی اطلاع نہیں تھی کہ امام خمینی (رح) نے تہران کو بڑا شہر قرار دیا ہے انقلاب کے بعد اسے امام خمینی (رح) کے فتوے کا علم ہو لہذا اس کے ان روزوں اور نمازوں کا کیا حکم ہے جو کہ عادی طریقہ سے اس نے انجام دئے ہیں ؟

ج۔ اگر بھی تک وہ اس مسئلہ میں امام خمینی (رح) کی تقلید پر باقی ہے تو اس پر ان گزشتہ اعمال کا اعادہ واجب ہے جو امام خمینی (رح) کے فتوے کے مطابق نہ ہوں ، چنانچہ جو نمازیں اس نے قصر کی جگہ پوری پڑھی تھیں ان کو قصر کی صورت میں بجا لائے اور ان روزوں کی قضا کرے جو اس نے مسافرت میں رکھے ہیں۔

نماز اجارہ

س۷۲۴۔ مجھ میں نماز پڑھنے کی طاقت نہیں ہے۔ کیا میں دوسرے شخص سے اپنی نیابت میں نماز پڑھو ا سکتا ہوں اور کیا اجرت اور بغیر اجرت کے نائب بنانے میں کوئی فرق ہے ؟

ج۔ شرع کے اعتبار سے ہر مکلف پر واجب ہے کہ جب تک وہ زندہ ہے اپنی واجب نماز خود ادا کرے، نائب کا نماز ادا کرنا کافی نہیں ہے اور اس میں کوئی فرق نہیں ہے کہ اجرت پر نائب بنایا ہو یا اجرت کے بغیر۔

س۷۲۵۔ جو شخص اجارہ کی نماز پڑھتا ہے :

اول : کیا اس پر ، اذان و اقامت کہنا ، تین سلام پھیرنا اور مکمل طور پر تسبیحات اربعہ پڑھنا واجب ہے ؟

دوسرے: اگر ایک دن مثلاً ظہر و عصر کی نماز بجا لائے اور دوسرے دن مکمل طور پر نماز پنجگانہ پڑھے ، کیا اس میں ترتیب ضروری ہے ؟

ج۔ میت کی خصوصیات بیان کرنا ضروری نہیں ہے۔ صرف نماز ظہر و عصر اور نماز مغربین میں ترتیب کی رعایت ضروری ہے ، جب تک عقد اجارہ میں اجیر کے لئے خاص کیفیت کی شرط نہ رکھی گئی ہو اور نہ ہی لوگوں کے ذہنوں میں کوئی ایسی خاص کیفیت ہو جس پر مطلقاً لفظ اجارہ صادق آسکے، تو ایسی صورت میں اس پر لازم ہے کہ نماز کو متعارف مستحبات کے ساتھ بجا لائے لیکن اس پر یہ واجب نہیں ہے کہ وہ ہر نماز کے لئے جداگانہ اذان کہے۔

نماز آیات

س۷۲۶۔ نماز آیات کیا ہے اور شرع کے اعتبار سے اس کے واجب ہو نے کے اسباب کیا ہیں ؟

ج۔ یہ دو رکعت ہے اور ہر رکعت میں پانچ رکوع اور دو سجدے ہیں ، شرع کے لحاظ سے اس کے واجب ہو نے کے اسباب یہ ہیں : سورج گہن اور چاند گہن خواہ ان دونوں کے بعض حصہ ہی کو کیوں نہ لگے۔ اسی طرح زلزلہ اور ہر وہ چیز جس سے اکثر لوگ خوف زدہ ہو جائیں ، جیسے غیر معمولی سرخ و سیاہ اور پیلی آندھیاں یا شدید تاریکی ( بجلی کی) کڑک و گرج اور وہ سرخی جو کبھی آسمان میں نظر آتی ہے۔سورج گہن، چاند گہن اور زلزلہ کے علاوہ جس چیز سے عام لوگ خوف زدہ نہ ہوں ان پر نماز نہیں ہے۔اسی طرح شاذ و نادر لوگوں کے خوف کا بھی اعتبار نہیں ہے۔

س۷۲۷۔ نماز آیات پڑھنے کا کیا طریقہ ہے ؟

ج۔ اسے بجا لانے کی چند صورتیں ہیں :

پہلی صورت : نیت اور تکبیرۃ الاحرام کے بعد حمد و سورہ پڑھے پھر رکوع میں جائے اس کے بعد رکوع سے بلند ہو اور حمد و سورہ پڑھے اور رکوع میں جائے، پھر رکوع سے بلند ہو کر حمد و سورہ پڑھے پھر رکوع بجا لائے پھر سر اٹھائے اور حمد و سورہ پڑھے اسی طرح ایک رکعت میں پانچ رکوع بجا لائے پھر سجدے میں جائے اور دو سجدے بجا لانے کے بعد کھڑا ہو کر پہلی رکعت کی طرح دوسری رکعت بھی بجا لائے اور اس کے بعد تشہد اور سلام پڑھے۔

دوسرا طریقہ : نیت و تکبیرۃ الاحرام کے بعد سورہ حمد اور کسی سورہ کی ایک آیت پڑھ کر -رکوع میں جائے۔ رکوع کے بعد اسی سورہ کی دوسری آیت پڑھے اور رکوع میں جائے۔پھر سر اٹھا کر اسی سورہ کی تیسری آیت پڑھے۔ اسی طرح پانچویں رکوع تک بجا لائے یہاں تک کہ وہ سورہ تمام ہو جائے۔ جس کی آیتیں آخری رکوع سے پہلے پڑھی تھیں اس کے بعد پانچواں رکوع اور پھر دو سجدے بجا لائے۔ دوسری رکعت کو بھی پہلی رکعت کی طرح بجا لائے اور تشہد و سلام پڑھ کر نماز ختم کر دے ، لیکن اگر اس نے رکوع سے پہلے ایک سورہ کی ایک آیت پر اکتفا کیا ہو تو سورہ حمد کو پہلی رکعت میں ایک مرتبہ سے زیادہ پڑھنا جائز نہیں ہے۔

تیسری صورت : مذکورہ دونوں طریقوں میں سے ایک رکعت کو مثلاً پہلے طریقہ سے اور دوسری کو دوسرے طریقہ سے بجا لائے۔

چوتھی صورت: اس سورہ کو دوسرے یا تیسرے یا چوتھے قیام میں پورا کرے جس کی ایک آیت پہلے قیام میں پڑھی تھی ، پس رکوع سے سر اٹھا نے کے بعد سورہ حمد اور ایک دوسرا سورہ پڑھنا واجب ہے یا اس سورہ کی ایک آیت پڑھے اگر پانچویں قیام سے پہلے ہو۔ اب اگر پانچویں قیام سے پہلے ایک آیت پر اکتفا کرے تو پانچویں رکوع سے قبل اس سورہ کا ختم کرنا واجب ہے۔

س۷۲۸۔ کیا نماز آیات اسی شخص پر واجب ہے جو اس شہر میں تھا جس میں اسباب نماز آیات رونما ہوئے ہیں۔ یا ہر اس مکلف پر واجب ہے جسے اس کا علم ہو گیا ہو خواہ وہ اسباب اس کے شہر میں رونما نہ ہوئے ہوں ؟

ج۔ نماز آیات اسی شخص پر واجب ہے جو اس شہر میں ہو جس میں آثار رونما ہوئے ہوں اسی طرح اس شخص پر بھی واجب ہے جو اس شہر کے نزدیک والے شہر میں رہتا ہو ، اتنا نزدیک کہ دونوں کو ایک شہر کہا جاتا ہو۔

س۷۲۹۔ اگر زلزلہ کے وقت ایک شخص بے ہو ش ہو اور زلزلہ ختم ہو جانے کے بعد ہو ش میں آئے تو کیا اس پر بھی نماز آیات واجب ہے ؟

ج۔ اگر زلزلہ کے فوراً بعد ہو ش میں آ جائے اوراس کو زلزلہ کی خبر ہو جائے تو اس پر نماز آیات واجب ہے ورنہ نہیں ہے۔

س۷۳۰۔ کسی علاقہ میں زلزلہ آنے کے بعد مختصر مدت کے درمیان بہت ہی معمولی دسیوں زلزلے اور زمینی جھٹکے آتے ہیں ایسے موارد میں نماز آیات کا کیا حکم ہے ؟

ج۔ ہر مستقل زلزلہ پر، خواہ وہ شدید ہو یا خفیف نماز آیات واجب ہے۔

س۷۳۱۔ جب زلزلوں کی پیشین گوئی کرنے والا مرکز یہ اعلان کرے کہ زمین کو کئی خفیف جھٹکے آئے ہیں ، مرکز اس علاقہ کے جھٹکوں کی تعداد بھی بتائے جس میں ہم رہتے ہیں لیکن ہم نے انہیں قطعی محسوس نہ کیا ہو تو کیا اس صورت میں ہمارے اوپر نماز آیات واجب ہے ؟

ج۔ اگر آپ لوگوں نے وقوع زلزلہ کے دوران یا اس کے فوراً بعد زلزلہ خود محسوس نہیں کیا ہے تو آپ پر نماز آیات واجب نہیں ہے۔

نوافل

س731۔ کیا نافلہ نمازوں کو بلند آواز سے پڑھنا واجب ہے یا آہستہ؟

ج۔ دن کی نافلہ نمازوں کو آہستہ پڑھنا اور شب کی نافلہ نمازوں کو بلند آواز سے پڑھنا مستحب ہے۔

س۷۳۳۔ نماز شب کو ( جو دو دو رکعت کر کے پڑھی جاتی ہے ) کیا دو مرتبہ چار، چار رکعت ، ایک مرتبہ دو رکعت اور ایک مرتبہ ایک رکعت ( وتر) پڑھ سکتے ہیں ؟

ج۔ نماز شب کو چار ، چار رکعت پڑھنا جائز نہیں ہے۔

س۷۳۴۔ کیا نماز شب پڑھنے کے لئے واجب ہے کہ ہمیں کوئی نماز شب پڑھتے ہوئے نہ دیکھے یا یہ واجب ہے کہ ہم تاریکی میں نماز شب پڑھیں ؟

ج۔ تاریکی میں نماز شب پڑھنا اور اسے دوسروں سے چھپانا شرط نہیں ہے ہاں اس میں ریا جائز نہیں ہے۔

س۷۳۵۔ نافلہ ظہر و عصر نماز ظہر و عصر کے بعد خود نافلہ کے وقت میں قضا کی نیت سے پڑھی جائیں گی یا کسی اور نیت سے؟

ج۔ احتیاط یہ ہے کہ قربۃ الی اللہ کی نیت سے پڑھی جائیں ادا و قضا کی نیت نہ کی جائے۔

س۷۳۶۔ جو شخص نماز جعفر طیار پڑھتا ہے کیا صرف یہ نماز پڑھنے سے اس کا مکمل ثواب حاصل ہو جاتا ہے یا چند دیگر امور کی رعایت کرنا بھی واجب ہے ؟

ج۔ ممکن ہے دعا کے مستجاب ہو نے میں کچھ اور امور بھی دخیل ہوں ، بہر حال نماز جعفر طیار پڑھنے کے بعد آپ حاجت روائی اور خدائے تعالیٰ کی طرف سے اس ثواب کے حصول کی امید رکھیں جیسا کہ اس کی بجا آوری کے عوض وعدہ کیا گیا ہے۔

س۷۳۷۔ برائے مہربانی ہمیں نماز شب کے طریقہ سے تفصیل کے ساتھ مطلع فرمائیں۔

ج۔ نماز شب مجموعاً گیارہ رکعات ہیں ، ان میں سے آٹھ رکعتوں کو ، جو دو ، دو رکعت پڑھی جاتی ہیں ، نماز شب کہتے ہیں اور ان کے بعد کی دو رکعت کو نماز شفع کہتے ہیں ، یہ نماز صبح کی طرح پڑھی جاتی ہے۔ اس مجموعہ کی آخری ایک رکعت کو نماز وتر کہتے ہیں ، اس کے قنوت میں مومنین کے لئے استغفار و دعا کرنا اور خدائے منان سے حاجت طلب کرنا مستحب ہے ، اس کی ترتیب دعاؤں کی کتابوں میں مذکور ہے۔

س۷۳۸۔ نماز شب کا کیا طریقہ ہے ؟ یعنی اس میں کون سا سورہ ، استغفار اور دعا واجب ہے ؟

ج۔ نماز شب میں کوئی سورہ ، استغفار اور دعا اس کے جزء کے عنوان سے معتبر نہیں ہے اور نہ وجوب تکلیفی کے اعتبار سے معتبر ہے بلکہ تکبیرۃ الاحرام کے بعد ہر رکعت میں سورہ حمد پڑھنا ، رکوع و سجود اور ان دونوں میں ذکر پڑھنا اور تشہد و سلام پڑھنا کافی ہے۔

متفرقات نماز

س۷۳۹۔ وہ کون سا طریقہ ہے جس سے گھر والوں کو نماز صبح کے لئے بیدار کرنا جائز ہو ؟

ج۔ اس سلسلے میں گھر کے افراد کے لئے کوئی خاص طریقہ نہیں ہے۔

س۷۴۰۔ ان لوگوں کے روزہ و نماز کا کیا حکم ہے جو مختلف پارٹیوں اور گروہوں سے تعلق رکھتے ہیں اور بلاسبب ایک دوسرے پر شک یا ایک دوسرے سے حسد کرتے ہیں بلکہ ایک دوسرے سے عداوت رکھتے ہیں ؟

ج۔ مکلف کے لئے دوسروں کے بارے میں بغض و حسد اور عداوت کا اظہار کرنا جائز نہیں ہے لیکن یہ روزہ و نماز کے باطل ہو نے کا سبب نہیں ہے۔

س۷۴۱۔ اگر محاذ جنگ پر قتال کرنے والا شدید حملوں کی و جہ سے سورہ فاتحہ نہ پڑھ سکے یا سجود یا رکوع نہ کرسکے تو کیسے نماز پڑھے گا؟

ج۔ جیسے ممکن ہو پڑھے اور جب رکوع و سجود کرنے پر قادر نہ ہو تو دونوں کو اشارہ سے بجا لائے گا۔

س۷۴۲۔ والدین پر بچہ کو کس سن میں احکام و عبادات شرعی کی تعلیم دینا واجب ہے ؟

ج۔ ولی کے لئے مستحب ہے کہ جب بچہ سن تمیز کو پہنچ جائے تو اسے شریعت کے احکام و عبادات کی تعلیم دے۔

س۷۴۳۔ بعض بسوں کے ڈرائیور جو ایک شہر سے دوسرے شہر جاتے ہیں ، مسافروں کی نماز کو اہمیت نہیں دیتے ہیں وہ سواریوں کے کہنے پر بس نہیں روکتے کہ وہ لوگ اتر کر نماز پڑھ سکیں لہذا بسا اوقات ان کی نماز قضا ہو جاتی ہے ، اس سلسلہ میں بس ڈرائیوروں کی کیا ذمہ داری ہے ؟ اور ایسی صورت میں اپنی نماز کے سلسلہ میں سواریوں کا کیا فریضہ ہے ؟

ج۔ سواریوں پر واجب ہے کہ جب انہیں نماز کے قضا ہو جانے کا خوف ہو تو اس وقت کسی مناسب جگہ پر ڈرائیور سے بس روکنے کا مطالبہ کریں اور ڈرائیور پر واجب ہے کہ وہ مسافروں کے کہنے پر بس روک دے۔ لیکن اگر وہ معقول عذر کی بنا پر بلاسبب گاڑی نہ روکے اور وقت ختم ہو جانے کا خوف ہو تو اس وقت چلتی گاڑی میں نماز پڑھیں اور قبلہ ، قیام ، رکوع اور سجود کہ جہاں تک ہو سکے رعایت کریں۔

س۷۴۴۔ یہ جو کہا جاتا ہے کہ ’ شراب خوار کا روزہ و نماز چالیس دن تک ( قبول) نہیں ہے ‘ کیا اس کا مطلب یہ ہے کہ اس مدت میں اس پر نماز پڑھنا واجب نہیں ہے اور وہ اس مدت کے بعد فوت ہو جانے والی نمازوں کی قضا بجا لائے؟ یا اس کا مطلب یہ ہے کہ قضا و ادا دونوں واجب ہے ؟ یا پھر اس کا مقصد یہ ہے کہ اس پر قضا واجب نہیں ہے بلکہ ادا کافی ہے لیکن اس کا ثواب دوسری نمازوں سے کم ہے ؟

ج۔ اس کا مطلب یہ ہے کہ شراب خواری نماز، روزہ کی قبولیت میں مانع ہے نہ کہ اس کی وجہ سے شراب خوار سے نماز، روزہ کا فریضہ ہی ساقط ہو جائے گا۔

س۷۴۵۔ اس وقت میرا شرعی فریضہ کیا ہے جب میں کسی شخص کو نماز کے کسی فعل کو غلط بجا لاتے ہوئے دیکھتا ہوں ؟

ج۔ اس سلسلہ میں آپ پر کوئی ذمہ داری نہیں ہے مگر یہ کہ جب وہ حکم سے ناواقف ہو نے کی بنا پر کوئی غلطی کرے تو احتیاط یہ ہے کہ اس کی ہدایت کریں۔

س۷۴۶۔ نماز سے فراغت کے بعد نماز گزاروں کے مصافحہ کرنے کے سلسلے میں آپ کا کیا نظریہ ہے ؟ اس بات کی وضاحت کر دینا بھی مناسب ہے کہ بعض بڑے علماء کہتے ہیں کہ اس موضوع سے متعلق آئمہ معصومین علیہم السلام سے کوئی حدیث وارد نہیں ہوئی ہے ، پس معلوم ہو تا ہے کہ مصافحہ کرنے کا کوئی محرک نہیں ہے لیکن ہم سمجھتے ہیں کہ مصافحہ سے نماز گزاروں کی دوستی اور محبت میں اضافہ ہو تا ہے ؟

ج۔ سلام اور نماز سے فراغت کے بعد مصافحہ کرنے میں کوئی اشکال نہیں ہے اور بالعموم مومنین سے مصافحہ کرنا مستحب ہے۔
٭٭٭
ماخذِ:
http://al-Islam.org
تدوین اور ای بک کی تشکیل: اعجاز عبید