قریۂ درد میں

انور زاہدی

جمع و ترتیب: اعجاز عبید

زندگی کی تصویریں

زندگی کی تصویریں،
کس قدر مکمل ہیں ،اور نامکمل بھی
آگ جیسے پھولوں کی ہر طرف ہو گلشن میں
لہر جُوں سمندر کی اضطراب میں ہر دم
شہر ، ''مسی ساگا'' کا ،
گرمیوں کے موسم میں
یوں دکھائی دیتا ہے ،
سرد آبی رنگوں کی کینوس پہ ہو تصویر
ڈوبتا ہوا سورج ، '' نیا گرا'' کے پانی میں
آگ اک لگاتا ہے
اور دھواں سا اٹھتا ہے ،
موتیوں کی لڑیوں کا،
آبشار گرتی ہے یاد کے شبستاں میں
شام گہری ہوتی ہے ،
کہر پھیلتی ہے پھر
جنگلوں سے آتی ہیں بھیڑیوں کی آوازیں
نصف شب گذرنے پر ،
دوست کا نگر ،''وھٹبی''
نیم با ز آنکھوں سے مجھ کو دیکھتا ہے یوں
گمشدہ مسافر کے سامنے خضر جیسے
باز یافت ماضی کی ،
شہر اک ''ہملٹن'' کا سبز گہرے جنگل میں
جس کے ایک مسکن میں درس پھر محبت کا
جھیل ''ا ونٹیریو'' میں ایسا اک جزیرہ ہے
باغ میں جہاں ہر سُو،
سبز خاموشی میں بھی
روشنی ہے پھولوں کی
ہم کو لوٹنا ہے پر ،سامنے'' ٹورونٹو'' تک،
وسط میں نمایاں ہے جس کے پُر شکوہ ٹاور
آسمان کو چھوتی جس کی بلڈنگیں ارفع
شام اوڑھتی ہے جب رات کا سیاہ آنچل
دھیرے دھیرے ہوتی ہیں ،
بجلیوں سے یوں روشن
آسمان شب میں جُوں جل اٹھی ہوں قندیلیں
خواب دیکھتا ہوں ،
یا تم کو دیکھتا ہوں میں
سحر ایسا طاری ہے ،
گُنگ ہے زباں میری
پھر بھی میری آنکھوں میں ،
زندگی کی تصویریں ،
کس قدر مکمل ہیں ا ور نامکمل بھی۔
٭٭٭

ہمارے درمیاں پھیلی یہ دُوری

تمہارے ساتھ گزریں چند لمحے،
تمہیں دیکھوں ،سنوں،
بس یہ ہی چاہت ۔۔۔
دیار غیر میں خوشبو کی مانند ،
رہی شامل مشام جاں میں ہر دم
عزیزوں سے ملاقاتیں رہیں اور
نئے احباب بھی ملنے کو آئے
مگر مجبوریاں اس دیس کی تھیں
کبھی مصروفیت آڑے تمہارے
کبھی چاہت نئے رستوں کی حائل
کبھی دوری کا مسئلہ درمیاں تھا
ہمیشہ فون کرنے پر تمہیں، بس
یہی پیغام اک ملتا تھا مجھ کو
''کہ تم ہو شہر سے باہر''
کہاں پر۔۔ ؟
نہ عقدہ کھل سکا پیغام سے کچھ
مرا پیغام بھی سُن لینا آ کر
یہ میرا آخری دن ہے یہاں پر
کہ کل پھر وقت سے آگے سفر ہے
ہمارے درمیاں پھیلی یہ دُوری،
کہ جس میں بحرو بر اور وقت شامل
رہی تھی۔۔ا ور سدا ایسی رہے گی ۔
٭٭٭

مختصر لباسوں میں گُلبدن حسینائیں

بجلیاں گراتی ہیں
ریشمین خوابوں سے چلمنیں اُٹھاتی ہیں
پتھروں کی تصویریں باغ میں مجسم
اب،گھر کبوتروں کے ہیں
سامنے وسیع ساگر ، ندیوں کا سنگم ہے
ایک '' ایسٹ ریور'' ہے،
دوسری کا نام '' ہڈسن''
دونوں گہرے ساگر میں مل کے ڈوب جاتی ہیں
عہد کو نبھاتی ہیں
عازم سفر فیری ،
ہر وضع کے سیّاح کو لے کے گود میں اپنی
'' لبرٹی '' کی جانب پھر ایک بار بڑھتی ہے
دیکھتا ہوں میں تم کو ا ور یاد کرتا ہوں
روز و شب جو گزرے تھے
ڈوبتا ہوا سُورج سبز رنگ ساگر کو اطلسی بناتا ہے
وقت میری آنکھوں میں جیسے تھمتا جاتا ہے
زندگی کی تصویریں،
خواب جیسے سّچے ہوں ،
خواب کچھ ادھورے سے ۔۔۔۔
٭٭٭

ایک نظم طارق اور شندانہ کے لئے

فضائی میز باں نے یہ کہا جب
حفاظت کے لئے باندھیں کمر بند ،
کہ برہم ہے بہت باہر کا موسم
تو اک لمحے کو میرے دل کی دھڑکن ،
کہ جس میں تھی نئی دنیا کی چاہت
لگا مجھ کو کہ جیسے رُک گئی ہے
سکون قلب کی خاطر ،جو میں نے،
نظر کھڑکی سے بس باہر کو ڈالی
فلک اُوپر تھا ، اوقیانوس نیچے
لہو میں اک تصور موجزن تھا
دعاؤں میں اثر ہوتا ہے کتنا ۔۔۔؟
ستاروں کے تحت کیا خواہشیں بھی
زمیں پر کار گر ہوتی ہیں یا پھر
خیال خام ہے لفظوں کا جادو
مرے لب پہ دُعا بن کے یہ آئی
خدایا ایک مہلت کی عنایت
زمیں چھُو کے ملوں ، جو منتظر ہیں،
شریک جشن ہوں ،اُن کی خوشی میں
سعادت ہم نشینی کی عطا کر۔
٭٭٭

قریۂ درد میں

دُور پیڑوں کے جھنڈ میں
جہاں چھاؤں ہے
درد کا گاؤں ہے
اور زیر زمیں
جس جگہ کوئی بھی یاد باقی نہیں
گھاس اُگتی ہے ،
پھرتے ہیں حشرات بس
وہ جو مسند نشیں ،صاحب کشف تھے
اہل ثروت تھے،عالم تھے،
جن کو کرامت کا دعوی بھی تھا،
ڈھیر مٹی کا ہیں
دُور سے آتے گھوڑوں کے قدموں کی ،
آواز سے وقت ہے حاملہ
عمر کی شام میں ،
دل کی دھڑکن کی سرگم بھی مدھم ہوئی
کتنے قرنوں کی چھائی ہوئی
دھُند چھٹنے کو ہے ،
قریۂ درد کی روشنی گُل ہوئی۔
٭٭٭

کٹی عمر جتنی فسوں تھا

(اپنے پاپا کے نام ایک نظم)

کٹی عمر جتنی فسوں تھا وہ
لگا جیسے کل ہی کی بات ہو
میری رہ نوردی شوق کا
جو ستارہ روشن فلک پہ تھا
اُسی نُور کے سیل میں زمیں
جیسے ساری کائنات ضو فشاں
لگی آنکھ ، کھولی تو دیکھا کیا،
تھا سکوت طوفاں کے بعد کا
اک اُجاڑ جنگل تھا دشت میں
نہ فلک تھا روشن ،
نہ تھی زمیں۔
میرے ریگزار وجود میں،
شب تار تھی،
اور دھواں دھواں
٭٭٭

نئے موسم کی چاہت

پابلو نرودا کے لئے ایک نظم


''نرودا '' نے اپنے اوائل زمانے میں
اک نظم میں یہ کہا تھا
''یہ وہ عمر تھی ، شاعری جب ،
مری جستجو میں ، مرے سامنے آ گئی تھی،
وہ پر تھے ، یا میرا بدن جل رہا تھا ،
یوں لگتا تھا مُجھ کو ،
کہ در آسمانوں کے وا ہو گئے ہیں''
میں جب یاد کرتا ہوں ،
گزرے دنوں کو ،
تو لگتا ہے ، میری ملاقات بھی ،
شاعری سے کچھ ایسے ہی ،
بچپن کے بے خوف ، انجان لمحوں میں ممکن ہوئی تھی
گواہی کو گرمی کی راتوں میں ،
جلتے ستارے تھے ،
بارش کی بوندوں میں،
خاموش گلیوں میں،
خوابیدہ قدموں کی ہلکی سی آہٹ تھی
آسیب زدگی کی ،
سُلگی دوپہروں میں ،
جب سانس کی ڈور اُلجھی ہوئی تھی
سردی کی شاموں میں ،
آنکھوں میں حیرت کے بادل سجانے کو ،
اُڑتے پرندے تھے
تاریک رستوں میں ،
مستور رازوں سے اک بے کلی تھی
تبھی شاعری نے بڑے پیار کے ساتھ
میرے دھڑکتے ہوئے دل کو تھاما،
بشارت مجھے آنے والے زمانوں کی دی تھی
نئے ایک موسم کی چاہت کو ،
میرے لہو میں لکھا تھا ۔
٭٭٭

تمہیں دیکھ کے یہ گُماں ہوا

تمہیں دیکھ کے یہ گُماں ہوا
کہ دھواں ہوئی
کسی عمر میں
کبھی اس سے پہلے
ملے تھے ہم
کسی شہر میں
کہیں گُم ہوا
کسی رات میں
جو نہیں کٹی
کسی سحر میں
جو گزر گیا
کسی عمر میں
جو نہیں رہی
کسی زہر میں
جو لہو ہوا
کسی قہر میں
جو سزا بنی
کسی خواب میں
جو ہوا ہُوا
کسی صبح میں
جو نہیں رہی۔
٭٭٭

تارے جھلملائے گی

ابھی ہم ہیں
تو سورج ،چاند ، تارے
سب ہماری دسترس میں ہیں
پہاڑوں پہ سجی برفاب چاندی ،
سبز جنگل کی گھنی خاموش تاریکی
بصارت کے لئے مہمیز بنتی ہے
روانی موج دریا کی نئی تحریک دیتی ہے
نیا ہر دن طلوع ہو کر جواز زندگی بنتا ہے
بس اک شام کا تارا،
اُجالا ختم ہونے پہ ،
ذرا سستا کے دم لینے کو یونہی ٹمٹماتا ہے
نہ ہونگے جب ،
تو سورج چاند تارے روشنی برسائیں گے پیہم
پہاڑوں پہ سجی برفاب چاندی جھلملائے گی
ہرے جنگل کی تاریکی تمہیں شاید ڈرائے گی
روانی دیکھ کے دریا کی ،تم آنسو بہاؤ گی
نیا ہر دن یہ ممکن ہے کہ پہلے سے درخشاں ہو
مگر ہر شام کا تارا تمہارا دل جلائے گا
ہوا کا سُست رو جھونکا ،تمہیں جب چھو کے گزرے گا
اُڑیں گے خشک پتّے ،
ایک سرگوشی سی اُبھرے گی
تمہیں کچھ یاد آئے گا۔
٭٭٭

کہیں پہ شام ملی۔۔۔۔۔۔

چرا غ جلنے لگے جب تبھی ہوا بھی چلی
کسی دریچے میں سُلگی ہو ئ شمع سی جلی
چھتوں پہ سائے سے لہرائے ۔۔۔۔۔۔
گھر ہوئے ویرا ن۔۔۔۔۔۔۔۔۔۔۔
جسے تھا ملناو ہی آ ج تک کہیں نہ ملی
فلک پہ جیسے ہواؤں نے مل کے لکھ ڈا لا
ہو ئ جو را ت اندھیری تو کہکشاں میں ڈھلی
وہ کون گلیوں میں پھر تا تھا را ت کو اُٹھ کر
کہ جس پہ در نہ ہوا وا ۔۔۔۔۔۔۔
نہ کوئ کھڑکی کھُلی۔۔۔۔۔۔۔۔۔۔۔
یہی نظام ہےا س کار گاہ ہستی کا۔۔۔۔۔۔۔۔۔۔
کہیں پہ دن کا اُجالا ۔۔۔۔
کہیں پہ شام ملی۔۔۔۔۔۔۔
٭٭٭

اُسے کہنا میں آؤں گا

ہوا کے نرم رو جھونکے
اُ سے جا کر بتا دینا ۔۔۔۔میں آؤں گا۔۔۔۔۔۔
ذرا موسم بدل جائے ۔۔۔۔۔۔
پہاڑوں پر ابھی چاروں طرف ہے برف کا پہرہ
ا بھی ہیں منجمد در یا ۔۔۔۔۔۔۔۔۔۔۔۔
ا بھی جھیلوں کے نیلے پانیوں کی ۔۔۔۔۔۔۔۔
نچلی سطحوں میں نہیں ہلچل ۔۔۔۔۔۔۔۔
فلک سے ار ض پر پھیلے ہوئے مو سم کا ٹھہرا و۔۔۔۔۔۔۔۔۔۔
ر گو پے میں دھواں بن کے سما یا ہے
خزاں کی سلطنت میں ۔۔۔۔۔۔۔۔۔۔
خواہشوں کے بے کراں مد فن نما یاں ہیں
درختوں سے پرندے باد بن کر اُڑ گئے کب کے
شگوفے ۔۔۔ کونپلیں ۔۔۔سورج کی کرنیں ۔۔۔۔۔۔
با د لوں کے دل ۔۔۔۔۔۔۔۔
یہاں سے دُور اک گھر کے مہکتے صحن میں دو منتظر آنکھیں
دریچے میں سجے گُلدان میں نرگس کے غُنچے
خواب ہیں بس خواب۔۔۔۔۔۔۔
ہوا کے نرم رو جھونکے ۔۔۔۔۔۔۔۔۔
اُسے جا کر بتا دینا ۔۔۔۔۔۔۔۔۔
میں آؤں گا ۔۔۔۔۔۔۔۔۔۔۔
مگر کس کو خبر ہے ۔۔۔۔۔؟
آ ج کا یہ بے ا ماں مو سم ۔۔۔۔۔
کبھی بدلے یا نہ بدلے ۔۔۔۔۔۔۔۔۔
ہوا کا نرم رو جھو نکا ۔۔۔۔۔۔۔۔
پھر آئے بھی یا نہ آئے ۔۔۔۔۔۔۔۔
٭٭٭

کہو کہ تُم نہ بچھڑو گی۔۔۔۔۔۔۔۔

مری آنکھوں میں آنکھیں ڈال کے دیکھو
ابھی کچھ دیر میں سُورج طلوع ہوگا۔۔۔۔۔۔۔
ہوا خُنکی میں ڈُوبی ۔۔۔۔۔۔۔
لب تُمہارے چھُو کے ۔۔۔۔۔۔۔
پیڑوں سے پرے بہتے ہوئے در یا کی لہریں
چُوم کر انجان دنیا کی طرف کھو جائے گی
محبت کرنے وا لے شب بسر کر کے۔۔۔۔۔۔۔۔۔۔۔۔۔
انوکھے را ستوں پہ گامزن ہوں گے۔۔۔۔۔۔۔۔۔
ستا رے آ سماں پر روشنی کھو کر کہاں ہونگے ۔۔۔۔۔۔۔؟؟؟
نئ د نیا کے نا مانوس طائر
اک نئے دن کے نکلنے کی خو شی میں ۔۔۔۔۔۔
نغمہ خواں ہو نگے۔۔۔۔۔۔
ا بھی سُور ج نہیں نکلا ۔۔۔۔۔۔۔۔۔۔
کہو کہ تُم نہ بچھڑو گی۔۔۔۔۔۔۔۔
نہ دیکھو ا س طر ح مجھ کو ۔۔۔۔۔۔۔
کہ جیسے پھر نہ دیکھو گی۔۔۔۔۔۔۔۔
٭٭٭

تمہیں بنفشے کے کاسنی پھول پیارے لگتے تھے۔۔۔۔

تمہیں بنفشے کے کاسنی پھول پیارے لگتے تھے
اور میری بھی یہ ہمیشہ رہی تھی کوشش۔۔۔۔۔
کہ چاہے رنگہائے گُل میں ڈوبی ۔۔۔۔۔۔۔
ہوئ بہاروں کی نکھری صُبحیں ہوں ۔۔۔۔۔۔۔
یا سُہانے گُلابی جاڑوں کے نرم دن ہوں
بھیگی راتوں کی مست رُت ہو ۔۔۔۔۔۔۔
کہ برفباری میں ڈوبا موسم۔۔۔۔۔۔
میں جب بھی تم سے ملوں ۔۔۔۔۔۔۔۔۔۔۔۔۔
بنفشے کے کاسنی پھول ہاتھ میں ہوں
مگر ۔۔۔۔۔بنفشے کے پھول لگتا ہے
اب کبھی بھی نہ کھل سکیں گے۔۔۔۔۔۔۔۔
کہ یہ تو ایسا دُکھوں کا موسم ہے
جس میں سارے بہار کے رنگ اُ ڑ چکے ہیں ۔۔۔۔۔۔۔۔۔
بھیگی را توں کی مست رُتا ب دھُواں دھُواں ہے
ہوا ہوئے ہیں گُلا بی جاڑوں کے دن سُہانے
کبھی کے مدفون برف میں ہیں تمام رستے
بتا ؤ ۔۔۔۔ا ب میں
تمہاری چا ہت کے کا سنی پھول کیسے لاؤں ۔۔۔۔۔۔؟
میں کس طرح تُم سے ملنے آؤں۔۔۔۔۔۔۔؟
٭٭٭

مجھے بھی بتا دو ۔۔۔۔۔۔۔۔۔۔۔

تمہیں بھُول جاؤں یہ مُمکن نہیں ہے
کہ جیسے ہواؤں کا چلنا۔۔۔۔۔۔۔۔
سمندر میں لہروں کا اُٹھنا ۔۔۔۔۔۔۔
فلک پہ ستاروں کا جلنا۔۔۔۔۔۔
طُلوع ہونا سُور ج کا ۔۔۔۔۔۔۔
اور رات میں چاندنی کا بکھرنا ہے معمول ساا ک
بھلا کس طر ح میں تمہیں بھُول جاؤ ں
مگر یہ تو تُم جانتی ہو سبھی کُچھ
تو پھر کس طر ح تُم نے مجھ کو بھلا یا ۔۔۔۔۔؟
بتاو ذ را کس طرح ا پنی یادوں سے ۔۔۔۔۔۔
مجھ کو مٹا یا ۔۔۔۔۔؟
نکالا مجھے کس طر ح ا پنے دل کے نگر سے۔۔۔۔۔؟
مجھے بھی بتا د و۔۔۔۔۔۔۔۔
یا کو ئ طریقہ فراموش کر نے کا
مجھ کو سکھا دو ۔۔۔۔۔
اگر یہ بھی مُمکن نہیں پھر ۔۔۔۔۔۔
مر ی یاد کے ختم ہونے کی تُم بد دعا دو ۔۔۔۔۔۔۔۔۔
٭٭٭

اگر ہم کو بچھڑنا ہے

اگر ہم کو بچھڑنا ہے ۔۔۔۔۔۔
تو پھر آؤ کہیں مل کر ۔۔۔۔۔
کہا س لمحے نہیں ۔۔۔۔۔
آئندہ ساعت ۔۔۔۔۔
اور کوئ دن۔۔۔۔۔۔۔۔۔
کسی اگلے مہینے ۔۔۔۔۔۔۔۔
آ نےو ا لے سال ۔۔۔۔۔۔۔۔
یا ا نجان سی رُت میں۔۔۔۔۔۔۔۔
ملیں گے جب کسی آباد بستی میں ۔۔۔۔۔۔۔۔
کسی ویران قرئیے میں ۔۔۔۔۔۔۔۔
کسی کُنج بہاراں میں ۔۔۔۔۔۔۔۔۔
کسی دلدار موسم میں۔۔۔۔۔۔۔۔۔
تو سوچیں گے۔۔۔۔۔۔۔۔۔
خدا را آنے والے کل۔۔۔۔۔۔۔۔۔۔
بچھڑ جانے کے بارے میں تو مت سوچو ۔۔۔۔۔۔۔
٭٭٭

داستاں محبت کی

حسن کے سلیقے میں
با ت کے طریقے میں
دیکھنے میں
ہنسنے میں
بات سُن کے اور جھک کے
تُم تو ختم کرتی ہو داستاں محبت کی
جس کو گر کوئی چا ہے
کتنی ہی کویتائیں لکھ کے بھی نہ کہہ پائے
اور کوئ کہانی کار عمر بھر کہانی میں
داستاں محبت کی ۔۔۔۔۔۔۔۔
نہ سُنا سکے ایسے ۔۔۔۔۔۔۔
جس طرح نگاہوں کو تُم جھکا کے ۔۔۔۔۔
ہلکے سے یونہی مُسکرا تی ہو۔۔۔۔۔
٭٭٭

آنے والے کل سے پہلے

بے کراں سا گر کی وُسعت
نیلگوں پانی کا د شت۔۔۔۔۔۔۔
مو تیوں کی لہر کی دیوار تا حد نظر
عشق میں ڈُوبے پرندوں کا پہاڑی پر وصال
جنگلوں میں جھُوم کر گاتی ہوئ پاگل ہوا
باغ میں ڈالی پہ روشن ۔۔۔۔۔۔
چاندنی میں اک گُلاب۔۔۔۔۔
خُوشبو ئیں ۔۔۔۔۔۔
یادیں ۔۔۔۔۔۔
فلک پر تیرتے بادل سراب
دُور کوہساروں پہ جھلمل برف کی چاندی رواں
ابر
باراں
موسم گُل
تیری آنکھیں میرے ہونٹ
کیوں نہ مل کر جذب کر لیں
ان کو ا پنے دل میں ہم
کل کا کس کو علم ہے
ہم سب فنا ہو جائیں گے
داستاں رہ جائے گی
ہم تُم ہوا ہو جائیں گے
٭٭٭

ایک نظم روحی کے نام

شب کو فریاد کرتی مرے گھر کی بے مہر ٹھنڈک
بدن میں چھُپے درد کو چھیڑ کر ۔۔۔۔۔۔
سیٹیاں ہڈیوں میں بجاتی
ہوا کے اُن آ وا رہ جھونکوں سے
جو رات کو راستے نا پتے ہیں۔۔۔۔۔۔
خموشی میں سرگوشیاں کر رہی ہے
میں تنہا ہوں اور ذہن کی تُند موجوں میں ہے اک تلاطم
اُبھرتی ہوئی موج میں سارے چہرے وہی
جن کو میں چاہتا ہوں۔۔۔۔۔
میرے اعصاب میں جنگ ہے۔۔۔۔۔۔
درد ہے جسم میں۔۔۔۔۔۔
یخ زدہ شب کی طُولانی گھڑیاں ہیں
قسمت میں سفاک دن کی خمو شی کا پہرہ ہے
اطراف میں سبز جنگل ہیں ۔۔۔۔۔
کُہسار ہیں ۔۔۔۔
بادلوں سے ڈھکی وا د یاں ۔۔۔۔۔
اُن میں بکھرے ہوئے خوشنما راستے۔۔۔۔۔
خوبرو لوگ اور دلنشیں شہر ہیں
اجنبی ۔۔۔اجنبی۔۔۔۔۔
اجنبی شہر میں آسمانوں کو چھوتی ہوئی
برف کی چوٹیوں کو گلے سے لگا تا
نیا سال آیا ہے۔۔۔۔۔۔
ا ور بیتی شاموں کی خوشبو میں ڈوبی ہوئی
جان گُسل ساعتیں بے ثباتی میں کھوئے
اُ جالوں کی لو میں ۔۔۔۔۔۔
زمیں پر اُترتے ہوئے سال نو میں نکھرنے لگیں
جنگلوں کی فضا میں
پرندے پروں کو کئے وا ہوا میں
نئی اک زباں میں ترانے سُنا تے ہوئے
آ سماں کی طر ف جشن اُمید میں پھر اُڑے جا رہے ہیں
اُدھر آ سماں کی حدوں پر سحابوں کے ٹکڑے
رُو پہلے ہوئے جا رہے ہیں
شہر کے لوگ پھولوں سے اپنے گھروں کو سجائے ہوئے
سال نو کی خوشی میں چراغاں کئے
شادمان آنے والے درخشاں دنوں
کی پذیرائی میں محو ہیں۔۔۔۔۔۔۔۔
اس بھرے شہر میں ۔۔۔۔۔
بس اکیلا ہوں میں ۔۔۔۔۔۔
اور میرے لئے آنے وا لا ہر اک دن
ہے سفاک ۔۔۔چُپ چاپ صحرا۔۔۔
ہر اک شب ہے ٹھنڈک کا بے مہر کُہسا ر
بکھرا ہوا نُور میرے تصور میں چہروں کا
اور اُن کی بے پایاں چاہت ۔۔۔۔۔۔۔۔
مری بے بسی ۔۔۔۔۔۔۔
دُوریوں کا تسلسُل ۔۔۔۔۔۔۔
مرا در د پھر سے نیا ہو چلا ہے ۔۔
٭٭٭

اک ترے نہ ہونے سے

شام اب بھی ویسے ہی
صحن میں اُترتی ہے
پھیلتی ہے تاریکی
آ گ اب بھی لگتی ہے
آسماں کے آنچل میں
ڈُوبتا ہے جب سُور ج
کھیلتے ہیں گلیوں میں
ا ب بھی شہر کے بچے
دھُوم دھام ہوتی ہے
شام کو پرندے جب
لوٹتے ہیں گھر اپنے
یونہی شور کرتے ہیں
ہر طرف مکانوں کی
کھڑکیوں کے شیشوں سے
روشنی جھلکتی ہے
عافیت چھلکتی ہے
را ت اب بھی آتی ہے
اب بھی صُبح ہوتی ہے
اک ترے نہ ہونے سے
مُجھ کو ایسا لگتا ہے
اجنبی ہے ہر منظر۔۔۔۔۔۔
٭٭٭

کچھ چہرے باتیں اور یادیں

.کچھ چہرے اچھے لگتے ہیں
کچھ باتیں دل کو لگتی ہیں
کچھ صبحیں یاد میں بستی ہیں
کچھ شامیں جادو کرتی ہیں
کچھ آنکھیں بان چلاتی ہیں
اور جی کو بھی بھر ماتی ہیں
کچھ یادیں بکھرے بادل سے
آکاش سے من میں چھاتی ہیں
اور موسم گل میں بن کے خزاں
جیون کو روگ لگاتی ہیں
٭٭٭

پھر نومبر کا مو سم

مالٹے کے شگوفوں کی مہکار۔۔۔۔۔
آنگن میں انگور کے زرد پتے ۔۔۔۔۔۔
چمن میں گُلابوں کے بکھرے ہوئے رنگ۔۔۔۔۔۔
در و بام پر خوشبوؤں کے پھریرے
رُو پہلے چمکتے ہوئے دن ۔۔۔۔۔۔
ہواؤں کے لہجے میں خنکی ۔۔۔۔۔۔
پہاڑوں پہ پہلی صبیح برف کی روشنی
وادیوں کے گھنے جنگلوں میں دھنک۔۔۔۔۔
ممٹیوں پہ نئے پنچھیوں کی صدا۔۔۔۔۔۔۔
میرے کمرے کی کھڑکی سے چھنتی ہوئ
روشنی کی کرن۔۔۔۔۔۔
اور دیوار پر ۔۔۔۔۔۔
مُونا لیزا کے چہرے پہ گہرا سکو ں
میز پر چائے کی پیالیوں میں مہک
خوشبوؤں میں بسا تیرا سیمیں بدن۔۔۔۔۔۔
پھر نومبر کا موسم ۔۔۔۔۔۔۔۔۔
محبت کی تجدید ۔۔۔۔۔۔۔
بیتی جواں ساعتوں کی چُبھن ۔۔۔۔۔۔۔۔
٭٭٭

اک ہم میں شناسائی تھی

اک ہم میں شناسائی تھی ۔۔۔۔
موسم کی شکل میں۔۔۔۔۔۔۔۔۔
بادل جو اُمڈتے تھے ۔۔۔۔۔۔۔
کبھی دُور فلک پر ۔۔۔۔۔۔
گُلشن کی طرح۔۔۔۔۔۔۔۔۔
آگ سی لگتی تھی چھتوں پر
بجلی کے کڑکنے کی صدا۔۔۔۔۔۔
دُور سے سُن کر ۔۔۔۔۔۔۔
تم بال بکھیرے ہوئے
حیران پریشان ۔۔۔۔۔۔۔
بارش کے برسنے پہ
پھرا کرتی تھیں بے چین
ا ب دُور تلک بھی نہیں
وہ سحر کا عالم ۔۔۔۔۔۔۔۔
ویران چھتیں۔۔۔۔۔۔۔۔۔۔۔
زیر نگیں عہد خزاں کے
آکاش ہے پھیلا ہوا
صحرا کی شکل میں
بادل کا نشان ہے ۔۔۔۔۔۔۔۔
نہ ہے باراں کی خبر کچھ
موسم بھی ہواؤں کی
طرح رُوٹھ گئے ہیں۔۔۔۔۔۔۔
آنکھوں میں بھی بد لے ہوئے
موسم کا سماں ہے۔۔۔
٭٭٭

ایک نظم گُم لڑکی کے نام

تم بھی کیسی لڑکی ہو۔۔۔۔۔؟
اتنے اچھے موسم میں ۔۔۔۔۔
فایئلوں میں ہو گُم سُم۔۔۔۔۔۔
ہو سکے تو تم باہر گر نکل کے آ جاؤ
اپنے بند آفس سے۔۔۔۔۔۔۔
یا ذرا سی کھڑکی ہی کھول کے نظر ڈالو ۔۔۔۔
بارشوں کا یہ موسم پھر نہیں ملے گا یوں
دُور دُور تک دیکھو ابر ہے فلک پر ۔۔۔۔۔۔
اور مینہ یوں برستا ہے ۔۔۔۔۔۔۔
جیسے چھائی ہو چادر آسماں سے دھرتی پر
میگھا رُت کی بوندوں کی ۔۔۔۔۔۔۔۔۔۔۔
رنگ گہرے بادل کا دیکھ کر ۔۔۔۔۔۔۔
تمہیں شاید اور ہلکا ہو جائے ۔۔۔۔۔۔۔۔
دیکھ کر رُخ روشن بجلیاں نہ چمکیں پھر ۔۔۔۔۔
کچھ ہی دیر کو بارش ہو سکے تو تھم جائے
تم بھی کیسی لڑکی ہو ۔۔۔۔۔۔۔۔؟
بارشوں کے موسم میں۔۔۔۔۔۔۔۔۔۔
فا یئلوں میں ہو گُم سُم ۔۔۔۔۔۔۔
عشق کی زمینوں میں
دل سے جھانک کے دیکھو
کیسے را ت جو ڈھلتی ہے ۔۔۔۔۔
ا ور صُبح اُ جلتی ہے۔۔۔۔۔۔
بارش ہوتی ہے تو کیسے شور مچاتی ہے
پیڑوں پر بُوندیں پڑتی ہیں
راگ سناتی ہیں ۔۔۔۔۔۔
ہوا جو چہرے کو چھوتی ہے ۔۔۔۔۔۔
کیسا لگتا ہے ۔۔۔۔۔۔۔؟
کانوں میں موسیقی کا اک رس سا گھُلتا ہے
سا رے منظر سب آوازیں اچھی لگتی ہیں
کیسے من کو موہتی ہیں ۔۔۔۔۔۔۔
اور جی بھرما تی ہیں۔۔۔۔۔۔۔
سب دیکھا ہے آنکھوں سے ۔۔۔۔۔
کانوں سے سُنتی ہو ۔۔۔۔۔۔
کبھی تو دل سے سُن کر دیکھو ۔۔۔۔۔۔
دل سے جھانک کے دیکھو ۔۔۔۔۔۔۔
تب بارش ہوگی۔۔۔۔۔۔۔۔۔۔۔۔۔
تو بُوندیں من میں برسیں گی
ہوا کا جھونکا چہرہ چھُو کر ۔۔۔۔۔۔
روح میں اُترے گا۔۔۔۔۔۔۔
جب موسیقی سُنو گی ۔۔۔۔۔۔
دل میں بستی جائے گی۔۔۔۔۔
کبھی تو دل سے سُن کر دیکھو ۔۔۔۔۔
دل سے جھانک کے دیکھو ۔۔۔۔۔۔۔۔۔۔
٭٭٭

تم جو تحریک دو۔۔۔۔۔۔۔

تم جو تحریک دو شعر کہتا رہوں۔۔۔۔۔۔
صبح ہوتی رہے ۔۔۔۔۔۔
دن بدلتے رہیں۔۔۔۔۔۔
شام ڈھلتی رہے۔۔۔۔۔۔
را ت چڑھتی رہے۔۔۔۔۔۔
مو سم گُل میں مہکیں سبھی بام و در
آئے فصل خزاں تو اُداسی لئے
بارشوں میں گھریں راستے شہر گھر
قافلے آئیں۔۔۔۔۔
ٹھہریں رُکیں یا چلیں۔۔۔۔۔۔
اُتریں دریا ۔۔۔۔۔
چڑھیں اور پایاب ہوں
جو بھی سورج طلوع ہو نیا یا سجے۔۔۔۔۔
رات کے آ سماں پہ درخشاں قمر
تُم مجھے دیکھ کر مسکراتی رہو
میں تمہارے لئے شعر کہتا رہوں۔۔۔۔۔
زندگی کا سفر یونہی چلتا رہے۔۔۔۔۔۔
٭٭٭

ایک نظم اُترتی شہر میں

کو ئ کہانی نظم پرانی
یا چہرہ من موہنا سا۔۔۔۔
اک تصویر ہو ایسی دلکش
جو آنکھوں میں بس جائے
اک سایہ ہو راہداری میں
اور پھر غائب ہو جائے
شام ہو اُتری شہر پہ جیسے
اک کالی گھنگھور گھٹا ۔۔۔۔۔۔۔
یا ہو گلیوں میں خاموشی ۔۔۔۔۔۔
جیسے اک طوفان سے قبل
رات کے آنے کا دکھ دل میں
ہجر کی فرقت کا رونا۔۔۔۔۔۔۔
چاند رات میں آنکھیں کھولے
تاروں کا رستہ تکنا ۔۔۔۔۔۔۔
یاد تمہاری جیسے خوشبو پھیلی ہو
سارے گھر میں۔۔۔۔۔۔۔
قدموں کی آہٹ ہو من میں
دُور کوئ جوں چلتا ہو
کانوں میں سُر موسیقی کے
مدھم مدھم یوں اُتریں ۔۔۔۔۔
جیسے شبنم پھُولوں پر گرتی ہو۔۔۔۔۔
رُک رُک کے تھم تھم ۔۔۔۔۔
اور کوئ انجانا راہرو۔۔۔۔۔۔
دیکھ کے پاس سے یوں گزرے
جیسے کسی جنم میں اُس سے
گہرا یارانہ سا ہو۔۔۔۔۔
جھونکا اک مدھر خوشبو کا
جسم و جاں میں بس جائے۔۔۔۔
کھڑکی کے بند ہوتے ہی ۔۔۔۔
دل ٹھہرے اور رُک رُک جائے
گہرے سناٹے کی حالت ۔۔۔۔۔۔
نظم کے رُو پ میں ڈھل جائے
٭٭٭

گذرے ہوئے یُگ کی نظم

مجھے لگتا ہے ۔۔۔۔۔۔۔۔۔۔۔۔۔۔۔
جیسے ہم کسی گذرے ہوئے
کل میں ا کھٹے تھے۔۔۔۔۔۔۔
کسی بسرے ہوئے یُگ میں ۔۔۔۔۔۔۔۔
ہماری آشنائی تھی۔۔۔۔۔۔
کسی پچھلے جنم میں بھی دوستی بھی تھی
کسی گم کردہ رستے کے۔۔۔۔۔۔
مُسافر رہ چکے تھے ہم
کسی انجان منزل کی طرف ۔۔۔۔۔۔۔
باہم رہے تھے گامزن دونوں
تمہیں جب دیکھتا ہوں ایسا لگتا ہے
کہ میں جیسے کسی عہد گذشتہ کے۔۔۔۔۔۔۔
خرابے میں نکل آیا۔۔۔۔۔۔
جہاں موجود باغوں میں۔۔۔۔۔۔۔
گلوں کی شکل میں ظاہر ۔۔۔۔۔۔۔
ہر اک بستی کے کوچوں میں۔۔۔۔۔۔۔
بہت معصوم چہروں میں نمایاں۔۔۔۔۔۔
بس تمہارا ر نگ ہے بکھرا ہوا ہر سو
ہرا یک گھر کے دریچے میں ۔۔۔۔۔۔۔۔۔
رُخ روشن تمہارا جھلملاتا ہے ۔۔۔۔۔۔
یہ ممکن ہے کہ ایسا مجھ کو لگتا ہو ۔۔۔۔۔
تمہیں ایسا نہ لگتا ہو۔۔۔۔۔
٭٭٭

تمہیں دیکھ کے یہ گماں ہو ا

"تمہیں دیکھ کے یہ گماں ہوا
کبھی ا س سے پہلے ملے تھے
ہم کسی شہر میں۔۔۔۔۔۔
کہیں گم ہو ا۔۔۔۔۔۔۔۔
کسی را ت میں ۔۔۔۔۔۔۔
جو نہیں کٹی ۔۔۔۔۔۔۔۔
کسی سحر میں ۔۔۔۔۔۔۔۔
جو گزر گیا ۔۔۔۔۔۔۔۔۔
کسی عمر میں ۔۔۔۔۔۔۔۔۔
جو نہیں رہی۔۔۔۔۔۔۔۔
کسی زہر میں ۔۔۔۔۔۔۔۔۔
جو لہو ہوا۔۔۔۔۔۔۔۔۔۔
کسی قہر میں ۔۔۔۔۔۔۔۔
جو سزا بنی۔۔۔۔۔۔۔۔۔
کسی خواب میں ۔۔۔۔۔۔۔۔
جو ہوا ہُوا۔۔۔۔۔۔۔۔
کسی صبح میں ۔۔۔۔۔۔۔۔
جو دھواں ہُوئی۔۔۔۔۔۔۔
کسی عہد میں جو نہیں رہا ۔۔۔۔۔۔
٭٭٭

ابھی کچھ دیر رہنے دو۔۔۔۔۔۔۔۔۔۔۔۔

ابھی کچھ دیر مجھ کو سحر کے عالم میں رہنے دو
مجھے کانوں سے تکنے د و
مجھے آنکھوں سے سُننے د و
طلسم شب میں رہنے د و
نہ در کھولو ابھی۔۔۔۔۔۔۔۔
میں سحر کی حالت میں ہوں
فسوں ہو جائے گا غائب اگر در کھل گیا سارا
نہ میں ہوں گا ۔۔ نہ تم ہو گی۔۔۔۔۔۔۔۔
نہ ا س آواز کا جاد و۔۔۔۔۔۔۔۔
ا بھی کچھ دیر رہنے د و
ا سی ہونے نہ ہونے میں
ابھی آواز کو سُننے دو
اُس کو جسم و جاں کا جزو بننے دو
رگ و پے میں اُترنے دو
طلسم شب میں تم مجھ کو
یونہی مخمور رہنے دو۔۔۔۔۔۔۔
ابھی کچھ دیر مجھ کو سحر کے عالم میں رہنے دو
٭٭٭

زلزلہ کہاں آیا ۔۔۔۔۔؟

زلزلوں کے آنے سے
فاصلوں کے بڑھنے سے
یا دراڑ پڑنے سے
شق زمین ہوتی ہے
آسماں نہیں پھٹتا
رابطے نہیں کٹتے
دوستی نہیں مرتی
عشق کی زمینوں میں
پھول اور کھلتے ہیں
آسمان پر تارے جس طرح اجلتے ہیں
فاصلے جو بڑھ جائیں
گر دراڑ پڑ جائے
پانیوں کی جھیلوں میں
ہنس راج ملتے ہیں
کیسا زلزلہ ہے یہ ۔۔۔۔؟
نہ زمیں ہوئی ہے شق
نہ دراڑ آئی ہے
تم مگر ہو چپ ایسے
رابطہ نہ ہو جیسے
جانتی نہ ہو مجھ کو
اجنبی ہوں میں جیسے
رسم و راہ ٹوٹی ہے
اک خلیج حائل ہے
دل مرا دھڑکتا ہے
اک صدا سی آتی ہے
زلزلہ کہاں آیا۔۔۔۔؟
زلزلہ کہاں آیا ۔۔۔۔۔؟
اور کبیر کہتا ہے ۔۔۔۔۔۔۔۔
کھوئے پیار کی خاطر۔۔۔۔۔
تال سوکھ جانے پر ہنس سنگ کھاتا ہے۔۔۔۔۔ ٭٭٭

وہاں ایک پل ہے

اُترتے ہوئے سیڑھیوں سے تمہارے قدم
ایسے لگتا تھا
جیسے سماعت میں میری
ہوا کے بہت نرم جھونکے
کھلے در کو آہستہ سے
چھیڑتے ہوں
ادھر نیم روشن اندھیرے میں
اپنی کتابوں کو تھامے ہوئے
سیڑھیوں پہ میں بیٹھا ہوا راہ تکتا تھا
کب اپنی چھت سے اُتر کر
مرے پاس آؤ گی تُم۔۔۔۔۔۔۔۔۔
کئی بار جھونکا ہوا کا
کھلے در سے اندر اندھیرے میں اُترا۔۔۔۔
مجھے یوں لگا۔۔۔۔۔
جیسے تُم آ گئی ہو
یہ سب یاد مجھ کو ہے
تُم کو بھی ہوگا۔۔۔۔۔۔۔۔
بھری دھوپ میں
اپنی چھت سے اُتر کر مجھے ملنے آنا
وہاں دیر تک بیٹھے رہنا
محبت کے وعدوں کی لڑیاں پرونا
نئے خواب بُننا
بہت شیریں لفظوں کی
باتوں کے پھولوں سے
یادیں سجانا
مجھے یوں رجھانا
کبھی اپنی آنکھیں بھگو کر
مجھے ایسے تکنا
کہ دل میرا سُلگے
مجھے یاد ہے ۔۔۔تُم بھلاؤ گی کیسے۔۔۔؟
مگر سیڑھیاں جو امیں تھیں
ہماری محبت کی ۔۔۔۔۔۔
جہاں چھپ کے اپنوں سے ملتے تھے اکثر
نہیں ہیں وہاں اب
وہاں یاد کرنے کو کوئی پرانا نشاں ہے
نہ وہ آسماں ہے۔۔۔۔۔۔۔
وہاں ایک پُل ہے۔۔۔۔۔۔۔۔۔
کہ جس پر گزرتے ہوئے چھوٹے بچے
کھڑے ہوکے نیچے سڑک پہ۔۔۔۔۔۔۔
گزرتی ہوئی گاڑیاں دیکھتے ہیں۔۔۔۔۔۔۔
٭٭٭

ایک دوست کے نام نظم
اسے تحریک کہتے ہیں
جو مل جائے تو اک لمحہ
نہ ہاتھ آئے
تو کتنے ہی زمانے بیت جاتے ہیں
کبھی بارش کا موسم
اور کبھی ٹھنڈی ہوا ایک جھونکا
کبھی جب شام ڈھلنے پر
ستارہ آسماں کے نیلگوں آنچل پہ جل اٹھے
کبھی آنکھوں میں پانی بن کے
آنسو جھلملا جائے
کسی کی یاد کا ٹکڑا
خیالوں میں چمک جائے
تو پھر جو لفظ کاغذ پر اتر آئیں
اسی کو نظم کہتے ہیں
٭٭٭

تمہیں کچھ یاد آئے گا۔۔۔۔۔

ابھی ہم ہیں
تو سورج ،چاند ، تارے
سب ہماری دسترس میں ہیں
پہاڑوں پہ سجی برفاب چاندی
سبز جنگل کی گھنی خاموش تاریکی
بصارت کے لئے مہمیز بنتی ہے
روانی موج دریا کی نئی تحریک دیتی ہے
نیا ہر دن طلوع ہو کر جواز زندگی بنتا ہے
بس اک شام کا تارا،
اُجالا ختم ہونے پہ ،
ذرا سستا کے دم لینے کو یونہی ٹمٹماتا ہے
نہ ہونگے جب ،
تو سورج چاند تارے روشنی برسائیں گے پیہم
پہاڑوں پہ سجی برفاب چاندی جھلملائے گی
ہرے جنگل کی تاریکی تمہیں شاید ڈرائے گی
روانی دیکھ کے دریا کی ،تم آنسو بہاؤ گی
نیا ہر دن یہ ممکن ہے کہ پہلے سے درخشاں ہو
مگر ہر شام کا تارا تمہارا دل جلائے گا
ہوا کا سُست رو جھونکا ،تمہیں جب چھو کے گزرے گا
اُڑیں گے خشک پتّے ،
ایک سرگوشی سی اُبھرے گی
تمہیں کچھ یاد آئے گا۔
٭٭٭

کہاں میں آگیا ہوں

کبھی لگتا ہے مجھ کو
میں یہاں پہلے بھی آیا تھا
کبھی لگتا ہے
یہ دیوارو در سب آشنا سے ہیں
کبھی لگتا ہے
جیسے در کے پیچھے
کوئی آہٹ ہے
کبھی کمرے میں
کوئی بلب جل اٹھتا ہے بجھتا ہے
کبھی پچھلے پہر
راہ داریوں میں ایسی آوازیں
کہ جیسے کوئی چلتا ہو
کبھی گھنگرو سے بجتے ہیں
کبھی پازیب کی چھم چھم
کبھی سانسوں کا مدھم شور
جیسے جھیل کی لہریں ہوں محو گفتگو باہم
کبھی بارش کی بوندیں
ٹین کی چھت پر
کہ جیسے راگ گا تی ہوں
کبھی خوشبو کا جھونکا
یوں مشام جاں میں آتا ہے
کہ جیسے سبز جنگل
کی اندھیری خاموشی
سے اک صدا کانوں میں آتی ہو
کبھی جیسے مجھے تم
دور کی انجان دنیا سے بلاتی ہو
٭٭٭

جب مجھ سے ملتی ہو۔۔ شگوفے باغ میں کھلتے ہیں

جب تم مجھ سے ملتی ہو
ستارے تال میں جلتے ہیں
جب تم مجھ سے ملتی ہو
ہوا اشجار میں گاتی ہے
جب تم مجھ سے ملتی ہو
یونہی ساون برس جاتا ہے
جب تم مجھ سے ملتی ہو
گلوں میں آگ لگ جاتی ہے
جب تم مجھ سے ملتی ہو
معطر سی فضا ہوتی ہے
جب تم مجھ سے ملتی ہو
شرارے آب میں لگتے ہیں
جب تم مجھ سے ملتی ہو
دئے اطراف میں جلتے ہیں
جب تم مجھ سے ملتی ہو
زمیں کو آسماں چھوتا ہے
جب تم مجھ سے ملتی ہو
قیامت کا سماں ہوتا ہے
جب تم مل نہیں سکتیں
٭٭٭

کبھی تم نہیں کبھی میں نہیں

کبھی تم نہیں کبھی میں نہیں
یہی روز و شب کا جمال ہے
کبھی فصل گل ہے کبھی خزاں
کبھی بارشوں سے سجا ہے دن
کبھی دھوپ جیسا ہے آسماں
کبھی چاند تاروں کی رات ہے
کبھی گھپ اندھیرے کا ہے سماں
ہے فریب ہستی کا یہ فسوں
کبھی میں نہیں کبھی تم نہیں
٭٭٭

کل دیکھی اک کامنی

کل دیکھی اک کامنی
گہرے سرخ لباس میں
جیسے سرو کا ہو اک بوٹا
روشن دہکی آ گ میں
آنکھیں اُس کی جگمگ جگمگ
جلتے ہوئے چراغ
چہرہ اُس کا ہجر کے موسم میں
اک کھلا گلاب
جی چاہتا تھا لفظ چُرا کے
اک تصویر بناؤں
فطرت میں جو رنگ ہیں سارے
وہ اُس کو پہناؤں
لیکن تھی برسات بلا کی۔۔۔۔۔
اُس پہ گاڑی چھو ٹی ۔۔۔۔۔۔
رنگ ہوئے تحلیل فضا میں
من کی آس بھی ٹوٹی ۔۔۔۔۔۔
کیسے رنگ سمیٹوں اور میں
کیسے لفظ سجاؤں ۔۔۔۔۔۔
نقش جو آنکھوں میں بھیگے ہیں
کیا تصویر بناؤں۔۔۔۔۔۔۔
٭٭٭

ایک نظم میناکشی کے لئے

تم سے باتیں کرنا گویا ایسا ہے
جیسے دھوپ نکل آئے بارش کے بعد
جیسے شام پڑے پر تارے جھلمل ہوں
جیسے سردی کی صبح میں ہلکی دھوپ
جیسے تپ ہو جسم جلے اک حد ت میں
جیسے گرم دنوں میں صحرا پر بادل
جیسے ننھی ننھی بوندیں چہرے پر
جیسے آنکھ میں پا نی آنسو بن جائے
جیسے ایک مہک سانسوں میں بس جائے
جیسے آنکھ کھلے اک لمبی رات کے بعد
آ کرا یک ہوا کا جھونکا کانوں میں
سر گوشی میں مجھ سے پوچھے کیسے ہو۔۔۔؟
٭٭٭

شام ڈھلنے لگے

جیسے جادو کرے کوئی اپنا اثر
شام ڈھلنے لگے
شب کے آنچل میں تارے اُ جلنے لگیں
ریگ صحرا میں موتی مچلنے لگیں
ایسے تنہائی میں تیری یاد آ گئ
جیسے جادو کرے کوئ اپنا اثر
اور گُلشن میں باد صبا چل پڑے
جیسے چوپال میں آگ جلنے لگے
جیسے بپھرے سمندر میں آئے قرار
جیسے طوفان تھمنے پہ پھیلے سکوں
جیسے کشتی کنارے پہ لگنے لگے
رات ڈھلنے لگے۔۔۔۔۔۔۔۔۔
دن نکلنے لگے۔۔۔۔۔۔۔۔۔۔
٭٭٭

ایک نظم کسی سحر میں

پرانے شہر کی گلیوں میں
جب دو وقت ملتے ہوں
اچانک تیز بارش کا برسنا اور تھم جانا
لب ساحل لہر کا اٹھ کے منہ کو چوم لینا
اور بکھر جانا۔۔۔۔۔۔۔۔
ہوا کا چلتے چلتے پیار سے منہ تھپتھپا دینا
کسی اک شاخ سے ننھی سی چڑیا کا
فلک کی سمت اڑ جانا۔۔۔۔۔۔
گلوں پہ اوس کے قطروں کا
تاروں کی طرح جلنا
کسی کی یاد میں روشن کہیں در میں کوی چہرہ
کہیں کھڑکی کے شیشے کے عقب میں
سائے کا چلنا۔۔۔۔۔۔۔
دیوں کا ٹمٹما اٹھنا کسی خاموش سے گھر پہ
کسی کو پیار کرنا
خواب دن میں دیکھتے رہنا۔۔۔۔۔۔
اکیلے شام کو ویران رستوں پر
کسی کو یاد کرنا اور دو آنسو بہا لینا
پرانی نظم دہرانے سے بہتر ہے
٭٭٭

کبھی کچھ بھی نہیں ہوتا

کبھی ایسا بھی ہوتا ہے
ہوا کا ایک جھونکا منتشر کرتا ہے پتوں کو
کبھی دیوار پہ جلتے چراغوں کو بجھاتا ہے
کبھی ویران رستوں پہ
بگولے کی طرح مٹی اڑاتا ہے
کبھی سنسان سے گھر میں
صدا بن کر کسی کا دل د کھاتا ہے
کسی چہرے پہ کھلتا ہے
تبسم پھول کا بن کر
کہیں آنسو رلاتا ہے۔۔۔۔۔۔
کبھی اک مقبرے میں
سرد جھونکے کی طرح چھو کر
کبھی کی گمشدہ یادیں جگا تا ہے
کبھی کچھ بھی نہیں ہوتا
محض لگتا ہے ۔۔۔۔۔
جیسے پیار سے چھو کر کوئی مجھ کو
مرے کانوں میں سرگوشی سی کر کے
خواب میں مجھ کو بلا تا ہے
٭٭٭

وجہ شاعری تم ہو

خوبصورت باتوں کا ذکر تم نے چھیڑا ہے
میں تو ایک شاعر ہوں
جانتا ہوں بس اتنا
دیکھتی ہیں جو آنکھیں
جو بھی دل میں آتا ہے
وہ بیان کرتا ہوں
حرف حرف بنتا ہوں
پہلے میں خیالوں میں
لفظ نظم بنتے ہیں
اور گواہ رہتے ہیں
شاعری مری تم کو گر پسند آتی ہے
تم ہو خوبصورت خود
شاعری میں میری تم اپنا عکس پاتی ہو
کیسے تم کو بتلاؤں
کس طرح یہ سمجھاؤں
وجہ شاعری تم ہو
گر یقیں نہیں آتا
آؤ پھر سے ملتے ہیں
٭٭٭

مآخذ:
http://www.alqamar.org/poetry/authors/76/%D8%A7%D9%86%D9%88%D8%B1---%D8%B2%D8%A7%DB%81%D8%AF%DB%8C
http://anwerzahidi.blogspot.com/
اور ’کتاب چہرہ‘ کے نوٹس سے
تدوین اور ای بک کی تشکیل: اعجاز عبید